爬／行／跑 - 英格蘭門將訓練流程及理念
【 英格蘭門將教練解釋門將訓練流程及理念 】
英格蘭一有國際比賽，經常都會拍唔少幕後嘅花絮，今次歐國盃佢地除咗拍門將訓練之外，仲特登搵咗英格蘭門將教練 Martyn Margetson 完整解釋一次門將訓練成個流程嘅三個階段「爬／行／跑」究竟係點，同埋佢設計訓練嘅理念。
「CRAWL - 爬」
首先就係全隊球員同教練們一齊做戰術討論，而 Margetson 提到碧福特經常會喺傾完之後即刻睇返啲相關嘅片段去令自己對戰術上有更深嘅了解。
之後幾位門將會起碼做返40分鐘為佢地度身定造嘅 Gym Session，例如莊士東會好集中做膊頭訓練，甸軒達臣就全面啲乜都做下，而碧福特就會做好多同實心球 (Medicine Ball）有關嘅訓練，做完曬呢啲 Activation 運動之後先會出去訓練場真係練波。
「WALK - 行」
多數佢地會比起其他球員早10至15分鐘出球場準備，同埋一開始會做多啲比較多重覆而且基本嘅訓練。Margetson 就解釋因為去到呢個水平嘅比賽，球員一定要將最基本嘅技巧都有頂級嘅表現。Margetson 認為幫頂級球員訓練唔一定要好複雜，最緊要因應佢地嘅需要而設計訓練。
而一開始佢只會喺大概離門6碼前射啲半窩利畀位球員做下手眼協調嘅熱身先，之後再慢慢提升難度。而每次練波每位球員都差唔多會撲700次，務求將訓練嘅過程令到佢地可以吸收到從而應用落比賽。
而 Margetson 指佢亦都好重視球員嘅步法，佢希望班球員可以做到好似網球球員咁每步都快得黎夠曬碎，做到一個 micro step 嘅效果，從而令球員嘅反應更加快。而佢亦都話由於佢無可能扮到簡尼或者華舒福咁高質嘅埋門，佢唯有盡力嘗試用手拋一啲接近嘅射門畀佢班球員做訓練。
另外 Margetson 都有解釋佢對 Cut Back 技巧嘅理念，就係唔好假設對手前鋒嘅位置，盡量一轉身唔好咁快就跑返去龍門中間，應該一轉身就 Set 好先，如果發覺對方前鋒唔喺前柱，先再跑返去中間或者後柱。
「RUN - 跑」
完成40分鐘嘅技術訓練之後，幾位門將就會同其他隊友一齊做訓練。呢個時候 Margetson 就會留意下班門將能唔能夠對住班當打嘅球員將之前學到或者練習完嘅野做返出黎，例如識唔識做正確嘅決定，企位同步法等等。
-----------------------
Margetson 嘅理念大致上都係好正路嘅諗法，絕對認同佢指出頂級球員嘅重要就係要 Master the basics。不過仍然覺得佢喺中間「WALK - 行」嘅階段可以做多少少個波係移動緊嘅射門，而唔係球球都係擺定係地下或者半窩利，感覺上像真度確係唔多足夠。
另外 Cut Back 方面，佢講嘅野某程度上都正確，不過比較偏向適合門將唔清楚個傳中會傳去邊，或者隊友遮擋曬門將嘅視線嘅情況，因為實在預計唔到個波會喺邊個位置射埋黎，所以一轉身就 Set 定都係一個好選擇。不過如果門將一早預判到個波會傳去12碼點或者遠柱，或者我一轉身已經見到對方前鋒嘅位置，其實我一轉身已經可以唔使停低就跑去適合嘅位置停低做 Set Position。
Day in the Life of an England Goalkeeper 🧤 Pickford, Johnstone & Henderson | Inside Access
英格蘭一有國際比賽，經常都會拍唔少幕後嘅花絮，今次歐國盃佢地除咗拍門將訓練之外，仲特登搵咗英格蘭門將教練 Martyn Margetson 完整解釋一次門將訓練成個流程嘅三個階段「爬／行／跑」究竟係點，同埋佢設計訓練嘅理念。
「CRAWL - 爬」
首先就係全隊球員同教練們一齊做戰術討論，而 Margetson 提到碧福特經常會喺傾完之後即刻睇返啲相關嘅片段去令自己對戰術上有更深嘅了解。
之後幾位門將會起碼做返40分鐘為佢地度身定造嘅 Gym Session，例如莊士東會好集中做膊頭訓練，甸軒達臣就全面啲乜都做下，而碧福特就會做好多同實心球 (Medicine Ball）有關嘅訓練，做完曬呢啲 Activation 運動之後先會出去訓練場真係練波。
「WALK - 行」
多數佢地會比起其他球員早10至15分鐘出球場準備，同埋一開始會做多啲比較多重覆而且基本嘅訓練。Margetson 就解釋因為去到呢個水平嘅比賽，球員一定要將最基本嘅技巧都有頂級嘅表現。Margetson 認為幫頂級球員訓練唔一定要好複雜，最緊要因應佢地嘅需要而設計訓練。
而一開始佢只會喺大概離門6碼前射啲半窩利畀位球員做下手眼協調嘅熱身先，之後再慢慢提升難度。而每次練波每位球員都差唔多會撲700次，務求將訓練嘅過程令到佢地可以吸收到從而應用落比賽。
而 Margetson 指佢亦都好重視球員嘅步法，佢希望班球員可以做到好似網球球員咁每步都快得黎夠曬碎，做到一個 micro step 嘅效果，從而令球員嘅反應更加快。而佢亦都話由於佢無可能扮到簡尼或者華舒福咁高質嘅埋門，佢唯有盡力嘗試用手拋一啲接近嘅射門畀佢班球員做訓練。
另外 Margetson 都有解釋佢對 Cut Back 技巧嘅理念，就係唔好假設對手前鋒嘅位置，盡量一轉身唔好咁快就跑返去龍門中間，應該一轉身就 Set 好先，如果發覺對方前鋒唔喺前柱，先再跑返去中間或者後柱。
「RUN - 跑」
完成40分鐘嘅技術訓練之後，幾位門將就會同其他隊友一齊做訓練。呢個時候 Margetson 就會留意下班門將能唔能夠對住班當打嘅球員將之前學到或者練習完嘅野做返出黎，例如識唔識做正確嘅決定，企位同步法等等。
-----------------------
Margetson 嘅理念大致上都係好正路嘅諗法，絕對認同佢指出頂級球員嘅重要就係要 Master the basics。不過仍然覺得佢喺中間「WALK - 行」嘅階段可以做多少少個波係移動緊嘅射門，而唔係球球都係擺定係地下或者半窩利，感覺上像真度確係唔多足夠。
另外 Cut Back 方面，佢講嘅野某程度上都正確，不過比較偏向適合門將唔清楚個傳中會傳去邊，或者隊友遮擋曬門將嘅視線嘅情況，因為實在預計唔到個波會喺邊個位置射埋黎，所以一轉身就 Set 定都係一個好選擇。不過如果門將一早預判到個波會傳去12碼點或者遠柱，或者我一轉身已經見到對方前鋒嘅位置，其實我一轉身已經可以唔使停低就跑去適合嘅位置停低做 Set Position。
Day in the Life of an England Goalkeeper 🧤 Pickford, Johnstone & Henderson | Inside Access