英格蘭歐國盃首破金身 碧福特真係手短反應慢？
【 日常賽後評 - 歐國盃 英格蘭 對 丹麥 - 碧福特 】
歐國盃四強賽事由英格蘭喺「主場」溫布萊球場對住丹麥，當中丹麥終於成功打破英格蘭嘅不失球金身，由丹士哥主射嘅罰球成功射破碧福特嘅十指關。有唔少人指呢球係碧福特嘅犯錯，個波又遠又唔算好有角度咁都畀人射入，然後繼續笑佢手短，而其實係唔係真係完全賴曬落佢到呢？
首先先睇人牆排位，本身英格蘭嘅人牆同丹麥嘅反人牆中間有非常大嘅空位，碧福特應該可以好清楚睇到個波，不過由個波拉條線經過人牆再去到底線，雖然唔多不過碧福特似乎稍微偏右咗一步。
然後當丹士哥準備助跑一刻，丹麥嘅反人牆即刻拍曬埋去英格蘭嘅人牆嗰邊，可以大約睇到碧福特嘅視線基本上畀基斯甸臣係完全遮擋曬。丹士哥嘅射門非常急勁加上有內彎向左，而碧福特視線受阻嘅情況相信要個波飛過埋哈利簡尼同麥佳亞頭頂之後先得以解決，但其實當時個波已經飛咗差唔多一半路程，大概離門17碼倒。
由龍門背後角度睇到碧福特其實已經盡量把握時間繼小跳步之後橫移向右一步，之後先再做 Power Step 起跳飛撲，相比起原地起跳其實已經算係收窄咗需要飛撲嘅距離。而飛撲一下，碧福特用右手 Bottom Hand 去救呢個決定亦都似乎唔係最好嘅選擇，始終貼楣底嘅波用 Top Hand 會比較容易同慳力慳時間令手掌移去適當嘅位置。今次佢用右手都已經可以用手指尖掂到下個波，如果佢用 Top Hand (今次即係左手）嘅話，唔敢話一定會救到但相信救到嘅可能性會更加高。
最後就係咁樣畀丹士哥主射嘅罰球令碧福特失手，你話碧福特呢球嘅處理（例如企位同 Top / Bottom Hand 選擇上）係唔係有進步空間呢？都幾肯定有，但係唔係可以完全怪曬佢話佢反應慢同手短呢？我又唔太認同，始終個波球速真係有返咁上下快，加上丹麥嘅反人牆戰術實在聰明，如果碧福特由頭到尾都睇個波睇得好清楚，我都幾肯定呢球佢可以唔使失。
唔好睇少咁短嘅距離，當個波飛得咁快嘅時候，由17碼開始同30碼開始就睇到個波，對於反應時間上嘅差距係非常之遠的。
歐國盃四強賽事由英格蘭喺「主場」溫布萊球場對住丹麥，當中丹麥終於成功打破英格蘭嘅不失球金身，由丹士哥主射嘅罰球成功射破碧福特嘅十指關。有唔少人指呢球係碧福特嘅犯錯，個波又遠又唔算好有角度咁都畀人射入，然後繼續笑佢手短，而其實係唔係真係完全賴曬落佢到呢？
首先先睇人牆排位，本身英格蘭嘅人牆同丹麥嘅反人牆中間有非常大嘅空位，碧福特應該可以好清楚睇到個波，不過由個波拉條線經過人牆再去到底線，雖然唔多不過碧福特似乎稍微偏右咗一步。
然後當丹士哥準備助跑一刻，丹麥嘅反人牆即刻拍曬埋去英格蘭嘅人牆嗰邊，可以大約睇到碧福特嘅視線基本上畀基斯甸臣係完全遮擋曬。丹士哥嘅射門非常急勁加上有內彎向左，而碧福特視線受阻嘅情況相信要個波飛過埋哈利簡尼同麥佳亞頭頂之後先得以解決，但其實當時個波已經飛咗差唔多一半路程，大概離門17碼倒。
由龍門背後角度睇到碧福特其實已經盡量把握時間繼小跳步之後橫移向右一步，之後先再做 Power Step 起跳飛撲，相比起原地起跳其實已經算係收窄咗需要飛撲嘅距離。而飛撲一下，碧福特用右手 Bottom Hand 去救呢個決定亦都似乎唔係最好嘅選擇，始終貼楣底嘅波用 Top Hand 會比較容易同慳力慳時間令手掌移去適當嘅位置。今次佢用右手都已經可以用手指尖掂到下個波，如果佢用 Top Hand (今次即係左手）嘅話，唔敢話一定會救到但相信救到嘅可能性會更加高。
最後就係咁樣畀丹士哥主射嘅罰球令碧福特失手，你話碧福特呢球嘅處理（例如企位同 Top / Bottom Hand 選擇上）係唔係有進步空間呢？都幾肯定有，但係唔係可以完全怪曬佢話佢反應慢同手短呢？我又唔太認同，始終個波球速真係有返咁上下快，加上丹麥嘅反人牆戰術實在聰明，如果碧福特由頭到尾都睇個波睇得好清楚，我都幾肯定呢球佢可以唔使失。
唔好睇少咁短嘅距離，當個波飛得咁快嘅時候，由17碼開始同30碼開始就睇到個波，對於反應時間上嘅差距係非常之遠的。