虎父無犬子 鋼門星二代卡斯柏舒米高冷靜勇敢兼備
【 日常賽後評 - 歐國盃 英格蘭 對 丹麥 - 卡斯柏舒米高 】
丹麥可以喺今屆歐國盃去到四強階段，實在不得不提卡斯柏舒米高嘅表現。雖然今場以 2：1 輸咗畀英格蘭，但其實卡斯柏舒米高足足做咗九次撲救，當中包括救出哈利簡尼嘅12碼同埋兩次史達寧嘅近射。
呢位今年黎緊就35歲嘅門將，佢嘅實力真係絕對唔可以被低估。九個撲救入面，今次希望同大家分析下其中五個值得睇睇。
首先係上半場哈利簡尼喺右路傳中比史達寧，舒米高雖然知道自己出迎都唔會快過史達寧掂波，但史達寧基本上真係任射咁濟，所以舒米高都盡量企出一兩步再加上使出大字型嘅 Spread Save 封窄射門角度。最後史達寧射中舒米高腹部，成功擋出呢球射門，你可以話史達寧呢下埋門唔夠好，但係唔係真係個個門將去到四強呢個階段，準備迎接一個咁近嘅射門都仲可以好似舒米高咁企得咁直，成個身打開曬仲要唔捉路呢？
去到下半場英格蘭右路攻勢，孟治一個罰球斬去遠柱，麥佳亞準備迎頂。舒米高首先已經轉身而且退後到門線爭取反應時間，當麥佳亞成功頂中之後，舒米高嘅步法非常精彩，小跳步後左腳先落地令身體重心偏右，然後右腳落地踩，襯仲有時間左腳再步前多一步做一個前交差步，令佢有足夠嘅力量飛到盡撲出呢球。眼利嘅朋友可能會覺得呢球好熟面口，其實同舒米高喺上屆足總盃決賽撲出捷維爾球頭鎚非常相似，一樣最後係用外腳加力起跳，睇落好似好怪咁，但最緊要係用嘅人用落係 work。
去到加時上半場，哈利簡尼右路一路推進，入到去差唔多離門得返14碼倒。舒米高見到有隊友回防幫手畀壓力哈利簡尼，所以佢都無輕出，留喺前柱附近準備，最後哈利簡尼射一個遠柱地波，舒米高使用小跳步後左腳落地令上半身同手臂加速落地，然後收起右腳滕出空間等右腳唔會擋住右手，成功撲出。
之後就到哈利簡尼嘅12碼，其實舒米高都盡曬力，哈利簡尼波都未掂舒米高都已經做曬 Power Step 捉啱曬路。可惜球速太快卸唔切力，撲到都彈返出黎，舒米高已經極速回身成份飛埋去，可惜始終太近門都係畀哈利簡尼成功補中。
加時下半場史達寧喺右路再有一次半單刀機會，舒米高睇時機睇得非常之準，見到史達寧真係成功擺脫丹麥後防先再因應史達寧帶波嘅節奏逐步出迎封位。最後攤開個人使用 Block Save K 腳成功擋出呢個近射。去到比賽呢個階段仲可以咁集中，真係細膽啲或唔夠冷靜都搞唔掂。
今場舒米高嘅表現真係值得大家嘅掌聲，雖然未能夠打入決賽，但相信今屆丹麥嘅表現應該都可以令大家留下一個好深嘅印象。特別經歷完艾歷臣嘅事之後佢地可以反彈得咁快，相信除咗球員自身心理質素之外，幕後嘅球隊職員特別係運動心理學家功勞都唔細。
丹麥可以喺今屆歐國盃去到四強階段，實在不得不提卡斯柏舒米高嘅表現。雖然今場以 2：1 輸咗畀英格蘭，但其實卡斯柏舒米高足足做咗九次撲救，當中包括救出哈利簡尼嘅12碼同埋兩次史達寧嘅近射。
呢位今年黎緊就35歲嘅門將，佢嘅實力真係絕對唔可以被低估。九個撲救入面，今次希望同大家分析下其中五個值得睇睇。
首先係上半場哈利簡尼喺右路傳中比史達寧，舒米高雖然知道自己出迎都唔會快過史達寧掂波，但史達寧基本上真係任射咁濟，所以舒米高都盡量企出一兩步再加上使出大字型嘅 Spread Save 封窄射門角度。最後史達寧射中舒米高腹部，成功擋出呢球射門，你可以話史達寧呢下埋門唔夠好，但係唔係真係個個門將去到四強呢個階段，準備迎接一個咁近嘅射門都仲可以好似舒米高咁企得咁直，成個身打開曬仲要唔捉路呢？
去到下半場英格蘭右路攻勢，孟治一個罰球斬去遠柱，麥佳亞準備迎頂。舒米高首先已經轉身而且退後到門線爭取反應時間，當麥佳亞成功頂中之後，舒米高嘅步法非常精彩，小跳步後左腳先落地令身體重心偏右，然後右腳落地踩，襯仲有時間左腳再步前多一步做一個前交差步，令佢有足夠嘅力量飛到盡撲出呢球。眼利嘅朋友可能會覺得呢球好熟面口，其實同舒米高喺上屆足總盃決賽撲出捷維爾球頭鎚非常相似，一樣最後係用外腳加力起跳，睇落好似好怪咁，但最緊要係用嘅人用落係 work。
去到加時上半場，哈利簡尼右路一路推進，入到去差唔多離門得返14碼倒。舒米高見到有隊友回防幫手畀壓力哈利簡尼，所以佢都無輕出，留喺前柱附近準備，最後哈利簡尼射一個遠柱地波，舒米高使用小跳步後左腳落地令上半身同手臂加速落地，然後收起右腳滕出空間等右腳唔會擋住右手，成功撲出。
之後就到哈利簡尼嘅12碼，其實舒米高都盡曬力，哈利簡尼波都未掂舒米高都已經做曬 Power Step 捉啱曬路。可惜球速太快卸唔切力，撲到都彈返出黎，舒米高已經極速回身成份飛埋去，可惜始終太近門都係畀哈利簡尼成功補中。
加時下半場史達寧喺右路再有一次半單刀機會，舒米高睇時機睇得非常之準，見到史達寧真係成功擺脫丹麥後防先再因應史達寧帶波嘅節奏逐步出迎封位。最後攤開個人使用 Block Save K 腳成功擋出呢個近射。去到比賽呢個階段仲可以咁集中，真係細膽啲或唔夠冷靜都搞唔掂。
今場舒米高嘅表現真係值得大家嘅掌聲，雖然未能夠打入決賽，但相信今屆丹麥嘅表現應該都可以令大家留下一個好深嘅印象。特別經歷完艾歷臣嘅事之後佢地可以反彈得咁快，相信除咗球員自身心理質素之外，幕後嘅球隊職員特別係運動心理學家功勞都唔細。