艾利臣點解唔用腳救波？以小跳步解構門將當時想法

【 日常賽後評 - 歐聯 利物浦 對 AC米蘭 - 艾利臣 】


歐聯小組賽正式開始，今週嘅利物浦對AC米蘭相信都係唔少球迷非常注目嘅一場波。2005年同2007年嘅決賽實在為大家留下好深刻嘅印象。

今次利物浦又可以報返07年決賽嘅仇，成功以 3：2 反勝曾經以 1：2 領先嘅AC米蘭。但今場利物浦失嘅第一球，雖然一定談唔上係犯錯，但難免令到有球迷會覺得如果艾利臣反應再快啲又或用腳擋可能會救到，但其實當時艾利臣係諗緊咩呢？

先前我拍咗一條講解門將做小跳步嘅 YouTube 影片，而今次艾利臣嘅撲救預備動作又可以成為一個新例子說明其實睇門將小跳步後嘅落地動作就會知道佢當時諗緊/身體如何預判一個射門。