小將勵志故事：因身高被雷丁放棄 兩年後加盟愛華頓

【 身高不是一切 由被雷丁放棄變成加盟愛華頓 】


今日想同大家講一個勵志故事。

大家有無試過係一啲自己鐘意做嘅野，因為一啲自己控制唔到嘅理由而被其他人睇死自己，變相慢慢變得好憎呢件本身熱愛嘅事呢？Pat Nash 呢位嚟自英國嘅年青門將就係其中一個活生生嘅例子。

兩年之前，仲係15歲嘅 Pat 因約滿而需要離開效力咗七年嘅球會雷丁，而球會唔同佢續約嘅原因並唔係因為佢踢得唔夠好，而係因為覺得 Pat 唔夠高，唔睇好佢第日可以應付到頂級比賽而被放棄。