奧比勒接連犯錯 或與球隊改變打法有關
【 一落千丈的奧比勒？ 】
相信如果要大家數近年頭十最好波嘅門將，點都一定會有馬體會嘅奧比勒份。不過我都相信大家會同意今季奧比勒嘅同以往相比真係相差好遠，睇返 fbref.com 嘅數據，今季西甲嘅守門員射門後預期入球差排行榜 (即 PSxG +/-)，奧比勒係以 -10.2 排緊包尾。你無睇錯，係以 -10.2 包緊尾，即係奧比勒令到馬體會於西甲失多咗10球有多，相比起尾二利雲特門將卡迪拿斯嘅 -5.2 足足失多 5 球，實在令人大跌眼鏡。
睇返今季馬體會嘅失波，實在見到唔少奧比勒疑似或真係犯錯嘅片段。包括季初對基達菲高波出迎甩手後被對方輾轉以頭鎚得手、十一月作客對卡迪斯預判尾柱高波失誤拍咗個波入網、以及面對多球單刀選擇捉路或以較差嘅位置及時機出迎令對手更易處理等等。而剛剛喺對住曼聯嘅歐聯賽事，曼聯嘅入球再次引起奧比勒單刀處理能力以及企位錯誤嘅話題。
先講返呢個入球嘅過程，曼聯嘅般奴費蘭迪斯喺中圈前少少嘅位置傳出一球直線畀伊蘭加去追，當時奧比勒大概企喺十二碼點準備。然後當伊蘭加以假身呃過曼達華後，奧比勒決定追前兩步，但當發覺伊蘭加離球唔算太遠，可以追得到個波，就唯有繼續橫移準備。
當伊蘭加望一望完奧比勒嘅企位後就決定第一時間撞射，射門唔算有力而且角度亦唔算刁鑽。但因為伊蘭加起腳一刻奧比勒仍然移緊向近柱方向而且收制唔切，加上同個波距離只有大概十碼，奧比勒已經唔夠時間以及轉身用手。奧比勒只能伸盡右腳嘗試擋出，最後仍然同個波有一段距離下，只能望住個波慢溜尾袋，曼聯追和 1:1。
其實呢球正正能夠顯示今季奧比勒其中一個弱點嘅好例子，因為佢今季喺處理遠距離單刀時候嘅步法以及企位能力實在明顯不足。數數例子，今季奧比勒喺西甲對住馬略卡、華倫西亞、皇家蘇斯達以及維拉利爾等等都有失同今場類似嘅遠距離單刀。
呢啲失波同奧比勒明顯唔夠冷靜有關，喺面對遠距離單刀時明知自己唔夠能搶到先機但仍然過份心急出迎，令到自己長期處於一個同個波距離唔夠近變相唔能夠做出 Block 或 Spread Save 技巧封位，但又唔夠遠令到自己反應時間大大減少，變相經常見到一啲好貼身嘅單刀射門都仍然射得穿奧比勒嘅十指關。
而今場呢球，奧比勒見到伊蘭加一過咗曼達華竟然想出迎，個人認為呢下已經唔係一個好嘅決定，因為以球速以及伊蘭加嘅企位，奧比勒無可能有足夠時間出迎去到同個波大概三至四碼嘅距離封位。伊蘭加射門一刻其實奧比勒離門中心差不多足足有成十碼距離，完全無好好利用呢個距離去為自己爭取更多嘅反應時間以及為後衛爭取回防時間。
而且奧比勒亦無喺伊蘭加起腳前停低做好 Set Position，喺身體仍然向近柱方向移動下，奧比勒要反向撲向遠柱係一件非常難嘅事，令人覺得佢一早已經偏向相信伊蘭加只會射向近柱而捉路。再加上奧比勒同個波只有唔夠十碼嘅距離，反應時間之短令佢要畀反應只會難上加難，最後令奧比勒只能夠嘗試伸出右腳去擋，但明顯仍然同個波有一段距離下，唯有目送皮球入網。
奧比勒呢球可以做好啲嘅位有幾樣，首先可以嘗試於伊蘭加過咗曼達華一刻，嘗試快速回後爭取反應時間以及幫後衛拖一拖時間回防，相信伊蘭加如果見到奧比勒企喺離門只有五至六碼位置嘅話，未必會選擇第一時間起腳。第二就係要及早停低準備以及第三唔好捉路。即使伊蘭加好似今次呢球咁，決定立即起腳，如果奧比勒能夠於起腳前停低橫移動作做好 Set Position，加上同個波距離遠咗而爭取到額外嘅反應時間，其實我認為奧比勒好大機會可以落地以右手擋出或接實。
有人提及今季嘅奧比勒睇落特別差，好大機會同後衛企位以及戰術有關，例如當防線推得較前令到奧比勒嘅預備位置同樣需要推前，變相需要擔當清道夫嘅次數多咗，而以佢本身明顯唔擅長呢方面嘅門將嚟講，表現睇落比起以往差亦係正常不過嘅事。因為睇返其他正常嘅遠射或者超近距離嘅撲救，其實奧比勒嘅表現絕對唔差，同往年唔差得遠。究竟奧比勒嚟緊可唔可以克服呢個缺點，再次成為令人眼前一亮，世界頭十嘅頂級門將呢？
相信如果要大家數近年頭十最好波嘅門將，點都一定會有馬體會嘅奧比勒份。不過我都相信大家會同意今季奧比勒嘅同以往相比真係相差好遠，睇返 fbref.com 嘅數據，今季西甲嘅守門員射門後預期入球差排行榜 (即 PSxG +/-)，奧比勒係以 -10.2 排緊包尾。你無睇錯，係以 -10.2 包緊尾，即係奧比勒令到馬體會於西甲失多咗10球有多，相比起尾二利雲特門將卡迪拿斯嘅 -5.2 足足失多 5 球，實在令人大跌眼鏡。
睇返今季馬體會嘅失波，實在見到唔少奧比勒疑似或真係犯錯嘅片段。包括季初對基達菲高波出迎甩手後被對方輾轉以頭鎚得手、十一月作客對卡迪斯預判尾柱高波失誤拍咗個波入網、以及面對多球單刀選擇捉路或以較差嘅位置及時機出迎令對手更易處理等等。而剛剛喺對住曼聯嘅歐聯賽事，曼聯嘅入球再次引起奧比勒單刀處理能力以及企位錯誤嘅話題。
先講返呢個入球嘅過程，曼聯嘅般奴費蘭迪斯喺中圈前少少嘅位置傳出一球直線畀伊蘭加去追，當時奧比勒大概企喺十二碼點準備。然後當伊蘭加以假身呃過曼達華後，奧比勒決定追前兩步，但當發覺伊蘭加離球唔算太遠，可以追得到個波，就唯有繼續橫移準備。
當伊蘭加望一望完奧比勒嘅企位後就決定第一時間撞射，射門唔算有力而且角度亦唔算刁鑽。但因為伊蘭加起腳一刻奧比勒仍然移緊向近柱方向而且收制唔切，加上同個波距離只有大概十碼，奧比勒已經唔夠時間以及轉身用手。奧比勒只能伸盡右腳嘗試擋出，最後仍然同個波有一段距離下，只能望住個波慢溜尾袋，曼聯追和 1:1。
其實呢球正正能夠顯示今季奧比勒其中一個弱點嘅好例子，因為佢今季喺處理遠距離單刀時候嘅步法以及企位能力實在明顯不足。數數例子，今季奧比勒喺西甲對住馬略卡、華倫西亞、皇家蘇斯達以及維拉利爾等等都有失同今場類似嘅遠距離單刀。
呢啲失波同奧比勒明顯唔夠冷靜有關，喺面對遠距離單刀時明知自己唔夠能搶到先機但仍然過份心急出迎，令到自己長期處於一個同個波距離唔夠近變相唔能夠做出 Block 或 Spread Save 技巧封位，但又唔夠遠令到自己反應時間大大減少，變相經常見到一啲好貼身嘅單刀射門都仍然射得穿奧比勒嘅十指關。
而今場呢球，奧比勒見到伊蘭加一過咗曼達華竟然想出迎，個人認為呢下已經唔係一個好嘅決定，因為以球速以及伊蘭加嘅企位，奧比勒無可能有足夠時間出迎去到同個波大概三至四碼嘅距離封位。伊蘭加射門一刻其實奧比勒離門中心差不多足足有成十碼距離，完全無好好利用呢個距離去為自己爭取更多嘅反應時間以及為後衛爭取回防時間。
而且奧比勒亦無喺伊蘭加起腳前停低做好 Set Position，喺身體仍然向近柱方向移動下，奧比勒要反向撲向遠柱係一件非常難嘅事，令人覺得佢一早已經偏向相信伊蘭加只會射向近柱而捉路。再加上奧比勒同個波只有唔夠十碼嘅距離，反應時間之短令佢要畀反應只會難上加難，最後令奧比勒只能夠嘗試伸出右腳去擋，但明顯仍然同個波有一段距離下，唯有目送皮球入網。
奧比勒呢球可以做好啲嘅位有幾樣，首先可以嘗試於伊蘭加過咗曼達華一刻，嘗試快速回後爭取反應時間以及幫後衛拖一拖時間回防，相信伊蘭加如果見到奧比勒企喺離門只有五至六碼位置嘅話，未必會選擇第一時間起腳。第二就係要及早停低準備以及第三唔好捉路。即使伊蘭加好似今次呢球咁，決定立即起腳，如果奧比勒能夠於起腳前停低橫移動作做好 Set Position，加上同個波距離遠咗而爭取到額外嘅反應時間，其實我認為奧比勒好大機會可以落地以右手擋出或接實。
有人提及今季嘅奧比勒睇落特別差，好大機會同後衛企位以及戰術有關，例如當防線推得較前令到奧比勒嘅預備位置同樣需要推前，變相需要擔當清道夫嘅次數多咗，而以佢本身明顯唔擅長呢方面嘅門將嚟講，表現睇落比起以往差亦係正常不過嘅事。因為睇返其他正常嘅遠射或者超近距離嘅撲救，其實奧比勒嘅表現絕對唔差，同往年唔差得遠。究竟奧比勒嚟緊可唔可以克服呢個缺點，再次成為令人眼前一亮，世界頭十嘅頂級門將呢？