門將最緊要有耐性 唔係下下要衝出嚟封位
上一篇讚賞古圖奧斯嘅冷靜，面對遠射時褪後去爭加成功撲救嘅機會；今次用兩個反面教材講講太早衝出嚟壞處。
【 要抵擋誘惑唔係咁易㗎 葉師傅 】
早兩日講完古圖奧斯忍得住唔踏前反而褪後幫自己成功做出一個非常精彩嘅撲救之後，德甲又有另一球類似嘅例子可以講下，主角就係史特加對多蒙特賽事入面多蒙特門將高保 (Gregor Kobel) 嘅一個撲救。
比賽去到80分鐘，史特加嘅波拿蘇沙 (Borna Sosa) 接應傳送後轉身喺禁區頂準備以左腳起腳，而高保就做出小跳步準備。不過唔知係咪波拿蘇沙個勢有啲令高保忍唔住，喺小跳步落地嘅時候竟然喺向前。可能會有朋友覺得既然波拿蘇沙想硬射，企前多一步封位唔好咩？
首先高保同個波距離仲有咁遠，其實呢一步喺封位方面唔會有好明顯嘅影響，相反會減少自己寶貴嘅反應時間之餘，仲有機會令自己重心傾後，就算撲到個波都未必夠力撲出門線以外。所以既然準備好射門，比較理想嘅做法應該係小跳步起跳同落地唔會向前向後，令重心維持喺微為傾前嘅狀態。
不過好彩波拿蘇沙最後決定呃過多蒙特球員 cup 返去右腳大位再起腳，而高保今次就醒喇，見到波拿蘇沙一推橫個波，立即褪返後兩步爭取反應時間以及防止被外彎射門彎過。最後波拿蘇沙真係以右腳腳內檔射向遠柱死角，高保把握球速唔算太快以及自己爭取到嘅額外時間，使用前交叉步 (Cross Over Step) 收窄距離，再以左腳 Power Step 起跳，最後以 Top Hand 右手 Full Palm 救出射門，成功保住今場張 Clean Sheet，協助球隊以 2:0 勝出。
都係嗰句，龍門畀對手引咗出去其實有時都好正常。不過呢方面嘅耐性絕對有得練之餘，而且即使落到場比賽當刻就算做咗一個未必係最好嘅決定，最緊要嘗試冷靜諗清楚點樣補救，總好過企定定放棄。怯，就輸一世㗎喇。
史特加 對 多蒙特 精華（高保撲救 0:46)
https://youtu.be/tWvKZhmmfvs
【 Patience is key 】
修咸頓以 0：6 大敗於車路士腳下，雖然可以話大部分失球都係球隊整體防守問題為主，不過都想特別想講下失嘅第 5 球，因為當中再次證明龍門唔係任何時候企得愈出封位就愈有著數。
簡迪接應馬高斯阿朗素嘅傳球，盤球至禁區頂嘅位置。費沙科士打喺仲有隊友包抄加上仲有一段距離下突然出迎，簡迪嘗試以挑射笠過科士打。
雖然科士打嘅左手都救到個波，不過就係因為呢個出迎行為，令佢嘅反應時間大大縮短下，只能夠僅僅將個波輕輕撥橫，益咗企喺左邊空曬嘅添姆雲拿，射入空門，令修咸頓當時輸到 0：5。
如果科士打呢球可以留返喺原本小禁區頂大概離門中心 4 至 5 碼倒，相信簡迪唔會作出挑射，加上有修咸頓後衛左右包抄，令射門處理難度提升。如果簡迪都係想用同一個射門笠過科士打，科士打企後咗隨時有時間接實或者撥向更遠或底線。
當時球隊已經輸緊 4 球，可能科士打救波心切，耐性不足下好想憑個人能力擋得一球得一球，搞到畀簡迪個勢引咗出嚟，偏偏可惜就弄巧反拙，耐性以及清晰嘅頭腦對守門員實在非常非常非常重要。
【 要抵擋誘惑唔係咁易㗎 葉師傅 】
早兩日講完古圖奧斯忍得住唔踏前反而褪後幫自己成功做出一個非常精彩嘅撲救之後，德甲又有另一球類似嘅例子可以講下，主角就係史特加對多蒙特賽事入面多蒙特門將高保 (Gregor Kobel) 嘅一個撲救。
比賽去到80分鐘，史特加嘅波拿蘇沙 (Borna Sosa) 接應傳送後轉身喺禁區頂準備以左腳起腳，而高保就做出小跳步準備。不過唔知係咪波拿蘇沙個勢有啲令高保忍唔住，喺小跳步落地嘅時候竟然喺向前。可能會有朋友覺得既然波拿蘇沙想硬射，企前多一步封位唔好咩？
首先高保同個波距離仲有咁遠，其實呢一步喺封位方面唔會有好明顯嘅影響，相反會減少自己寶貴嘅反應時間之餘，仲有機會令自己重心傾後，就算撲到個波都未必夠力撲出門線以外。所以既然準備好射門，比較理想嘅做法應該係小跳步起跳同落地唔會向前向後，令重心維持喺微為傾前嘅狀態。
不過好彩波拿蘇沙最後決定呃過多蒙特球員 cup 返去右腳大位再起腳，而高保今次就醒喇，見到波拿蘇沙一推橫個波，立即褪返後兩步爭取反應時間以及防止被外彎射門彎過。最後波拿蘇沙真係以右腳腳內檔射向遠柱死角，高保把握球速唔算太快以及自己爭取到嘅額外時間，使用前交叉步 (Cross Over Step) 收窄距離，再以左腳 Power Step 起跳，最後以 Top Hand 右手 Full Palm 救出射門，成功保住今場張 Clean Sheet，協助球隊以 2:0 勝出。
都係嗰句，龍門畀對手引咗出去其實有時都好正常。不過呢方面嘅耐性絕對有得練之餘，而且即使落到場比賽當刻就算做咗一個未必係最好嘅決定，最緊要嘗試冷靜諗清楚點樣補救，總好過企定定放棄。怯，就輸一世㗎喇。
史特加 對 多蒙特 精華（高保撲救 0:46)
https://youtu.be/tWvKZhmmfvs
【 Patience is key 】
修咸頓以 0：6 大敗於車路士腳下，雖然可以話大部分失球都係球隊整體防守問題為主，不過都想特別想講下失嘅第 5 球，因為當中再次證明龍門唔係任何時候企得愈出封位就愈有著數。
簡迪接應馬高斯阿朗素嘅傳球，盤球至禁區頂嘅位置。費沙科士打喺仲有隊友包抄加上仲有一段距離下突然出迎，簡迪嘗試以挑射笠過科士打。
雖然科士打嘅左手都救到個波，不過就係因為呢個出迎行為，令佢嘅反應時間大大縮短下，只能夠僅僅將個波輕輕撥橫，益咗企喺左邊空曬嘅添姆雲拿，射入空門，令修咸頓當時輸到 0：5。
如果科士打呢球可以留返喺原本小禁區頂大概離門中心 4 至 5 碼倒，相信簡迪唔會作出挑射，加上有修咸頓後衛左右包抄，令射門處理難度提升。如果簡迪都係想用同一個射門笠過科士打，科士打企後咗隨時有時間接實或者撥向更遠或底線。
當時球隊已經輸緊 4 球，可能科士打救波心切，耐性不足下好想憑個人能力擋得一球得一球，搞到畀簡迪個勢引咗出嚟，偏偏可惜就弄巧反拙，耐性以及清晰嘅頭腦對守門員實在非常非常非常重要。