未係最佳狀態 袁皓俊仍助理文晉級亞協分組賽
【 完美的一課 】
我成日都覺得犯錯唔緊要，最緊要跌得低要識得起返身，不過都明白守門員一犯錯好大機會累到球隊輸波，咁如果犯完錯之後球隊都贏波晉級，又學到嘢之餘又唔使連累球隊，咁仲唔係一個最好嘅結果？
而剛剛由理文作客對住蒙古球隊220體育會當中，理文守門員袁皓俊「阿袁」雖然稍有犯錯間接令球隊先失一球，之後亦有一球面對面交咗畀對手，但其實當中都不缺精彩撲救，值得大家留意同支持。
先講開波無耐 6 分鐘嘅一個 220 體育會後場向前傳嘅攻勢，當時對方球員村山健成功突破越位，連埋隊友二打一面對住「阿袁」。其實見到佢地單刀，加上一早已經控制到個波，所以「阿袁」已經好醒地立即褪後增加自己反應時間。誰不知村山健一個半窩利射門雖然無乜角度，但都竟然經「阿袁」手底入。
相信呢下同技術同能力都無乜大關係，因為睇返無論「阿袁」嘅企位，小跳步時機同埋小跳步落地嘅動作都無乜出錯，唔係因為捉錯路而出事。純粹可能係因為個波喺佢面前彈地，預判稍有出錯所以先出事。
之後就到 42 分鐘 220 體育會一個左路罰球攻勢，當時斬到入去禁區內畀另一位球員接應，而「阿袁」本身想偷幾步出迎，但當發覺出唔切之後就立即褪返後幾步為自己爭取更多反應時間。最後 220體育會球員成功接應頂向遠柱，有角度有力度下，「阿袁」差唔多要飛曬向後先救到呢球。
首先呢球證明真係唔係球球都要「向前」撲先有用，如果呢球向前撲根本就唔夠時間落地，二來多得「阿袁」褪後幾步先容許佢可以利用呢幾步嘅時間睇清楚個波嘅來勢作出撲救。雖然最後對手補射射入，但被判越位所以入球無效，比數維持喺 1:1。
之後去到比賽70分鐘，當時余煒廉回傳返畀「阿袁」，「阿袁」見到對手逼埋嚟就想一腳傳畀另一邊嘅列斯奧。點知「阿袁」踢唔應個波，畀對手偷到回身射門。好彩「阿袁」呢下交失之後都無太過慌張，立即出迎封位，最後成功以 Spread Save 姿態擋出對手嘅單刀射門。
呢球就更加睇得出場地對球員有咩影響，人造草嘅膠粒令到個波更加彈以及難以估計彈道。當然最簡單實係一腳踢走佢，但既然明明有時間，後防又有人手，想猜又確實唔係一件錯事，錯就只係錯在踢嗰下踢唔應個波。同剛剛英格蘭足總盃四強史達芬嘅錯誤一樣，意識上係無錯，只係執行上做得唔夠好。如果呢下夾硬大力一腳兜低踢走，隨時會變當年保羅羅賓遜咁踢空門然後碌入變烏龍球。
最後就想快講下去到80分鐘 220 體育會嘅一個罰球攻勢，當時佢地斬入去禁區邊緣附近，「阿袁」好似上半場42分鐘嗰球咁先嘗試偷幾步睇下出唔出迎先，之後發覺出唔到就立即褪後。而「阿袁」亦成功喺對方迎頂一刻做出小跳步準備，最後憑住佢嘅步法以及企位，輕鬆接實，準備反擊。
https://streamable.com/7mp76q
首先利申一下，我絕對唔係想為「阿袁」搵犯錯嘅籍口，但兩下犯錯嘅動作比我感覺就係純粹唔夠 Match Fit 咁簡單，球員太耐無踢波，去咗泰國集訓幾個星期又突然轉去咁凍嘅蒙古踢比賽，仲要踢人造草場，咁多樣加埋你話對生理心理無影響就一定無可能。雖然「阿袁」呢球確係有可以做得更好嘅空間，但睇埋所有背景同港超球員今季嘅遭遇，我認為各位球迷可以比更多嘅體諒佢地。
無論點都好，始終最後理文都成功以 2:1 晉級打入亞協盃分組賽，大家記得六月底都要繼續支持佢地為香港球隊爭取佳績！
片段及圖片來源：理文足球隊
我成日都覺得犯錯唔緊要，最緊要跌得低要識得起返身，不過都明白守門員一犯錯好大機會累到球隊輸波，咁如果犯完錯之後球隊都贏波晉級，又學到嘢之餘又唔使連累球隊，咁仲唔係一個最好嘅結果？
而剛剛由理文作客對住蒙古球隊220體育會當中，理文守門員袁皓俊「阿袁」雖然稍有犯錯間接令球隊先失一球，之後亦有一球面對面交咗畀對手，但其實當中都不缺精彩撲救，值得大家留意同支持。
先講開波無耐 6 分鐘嘅一個 220 體育會後場向前傳嘅攻勢，當時對方球員村山健成功突破越位，連埋隊友二打一面對住「阿袁」。其實見到佢地單刀，加上一早已經控制到個波，所以「阿袁」已經好醒地立即褪後增加自己反應時間。誰不知村山健一個半窩利射門雖然無乜角度，但都竟然經「阿袁」手底入。
相信呢下同技術同能力都無乜大關係，因為睇返無論「阿袁」嘅企位，小跳步時機同埋小跳步落地嘅動作都無乜出錯，唔係因為捉錯路而出事。純粹可能係因為個波喺佢面前彈地，預判稍有出錯所以先出事。
之後就到 42 分鐘 220 體育會一個左路罰球攻勢，當時斬到入去禁區內畀另一位球員接應，而「阿袁」本身想偷幾步出迎，但當發覺出唔切之後就立即褪返後幾步為自己爭取更多反應時間。最後 220體育會球員成功接應頂向遠柱，有角度有力度下，「阿袁」差唔多要飛曬向後先救到呢球。
首先呢球證明真係唔係球球都要「向前」撲先有用，如果呢球向前撲根本就唔夠時間落地，二來多得「阿袁」褪後幾步先容許佢可以利用呢幾步嘅時間睇清楚個波嘅來勢作出撲救。雖然最後對手補射射入，但被判越位所以入球無效，比數維持喺 1:1。
之後去到比賽70分鐘，當時余煒廉回傳返畀「阿袁」，「阿袁」見到對手逼埋嚟就想一腳傳畀另一邊嘅列斯奧。點知「阿袁」踢唔應個波，畀對手偷到回身射門。好彩「阿袁」呢下交失之後都無太過慌張，立即出迎封位，最後成功以 Spread Save 姿態擋出對手嘅單刀射門。
呢球就更加睇得出場地對球員有咩影響，人造草嘅膠粒令到個波更加彈以及難以估計彈道。當然最簡單實係一腳踢走佢，但既然明明有時間，後防又有人手，想猜又確實唔係一件錯事，錯就只係錯在踢嗰下踢唔應個波。同剛剛英格蘭足總盃四強史達芬嘅錯誤一樣，意識上係無錯，只係執行上做得唔夠好。如果呢下夾硬大力一腳兜低踢走，隨時會變當年保羅羅賓遜咁踢空門然後碌入變烏龍球。
最後就想快講下去到80分鐘 220 體育會嘅一個罰球攻勢，當時佢地斬入去禁區邊緣附近，「阿袁」好似上半場42分鐘嗰球咁先嘗試偷幾步睇下出唔出迎先，之後發覺出唔到就立即褪後。而「阿袁」亦成功喺對方迎頂一刻做出小跳步準備，最後憑住佢嘅步法以及企位，輕鬆接實，準備反擊。
https://streamable.com/7mp76q
首先利申一下，我絕對唔係想為「阿袁」搵犯錯嘅籍口，但兩下犯錯嘅動作比我感覺就係純粹唔夠 Match Fit 咁簡單，球員太耐無踢波，去咗泰國集訓幾個星期又突然轉去咁凍嘅蒙古踢比賽，仲要踢人造草場，咁多樣加埋你話對生理心理無影響就一定無可能。雖然「阿袁」呢球確係有可以做得更好嘅空間，但睇埋所有背景同港超球員今季嘅遭遇，我認為各位球迷可以比更多嘅體諒佢地。
無論點都好，始終最後理文都成功以 2:1 晉級打入亞協盃分組賽，大家記得六月底都要繼續支持佢地為香港球隊爭取佳績！
片段及圖片來源：理文足球隊