十二碼博弈 法比安斯基有做功課擊敗佐真奴
【 唔係咁易㗎 佐師傅 】
剛剛一週嘅英超賽事有兩球12碼唔能夠入波，首先就係般奴對住藍斯度，而另一球就係佐真奴對住法比安斯基，兩位射手都嘗試用一個依賴守門員動作而決定最終射向邊一個方向嘅跳步射法，我地簡稱做「龍門先行」射法先。
般奴其實已經成功等到藍斯度先踏出第一步然後射向另一邊，只不過拎得太盡中柱彈出，而佐真奴嗰球使用同一個方法畀卻畀法比安斯基接實，究竟發生咩事呢？佐真奴呢個射 12 碼嘅方法係唔係大眾講到咁 6uo 定係其實係法比安斯基醒目呢？
佐真奴呢球 12碼嘅處理方法都係同以往一樣，助跑走到去個波前面就跳起，嘗試等守門員先踏出第一步，咁佢就可以喺落地一下先擺啱隻重心腳射向另一邊。其實呢一招對於射手嚟講難度非常之高，因為要喺咁短時間睇清楚守門員嘅動作再加上自己要踏啱步射另一邊。如果執行到嘅話其實本身咁樣射法命中率係唔低的，因為守門員通常都會預早少少踏出第一步令佢可以飛得更遠，而呢個射法就係把握呢一點從而得到優勢，而亦都有研究指出用呢個方法射波令龍門撲錯邊嘅機會率高達 86%。
只不過法比安斯基都不是省油的燈，唔知佢係咪睇過桑馬之前喺世界盃外圍賽對住佐真奴嘅 12 碼所以有樣學樣，當時桑馬就係襯佐真奴起跳一刻伸出左腳，然後突然跳返去右邊接實球12碼。而法比安斯基亦同樣喺佐真奴起跳一刻伸出右腳，令佐真奴誤以為自己會撲向自己嘅左邊，但點知法比安斯基最後將重心立即轉返去左腳然後再向右邊落地，輕鬆接實。
法比安斯基賽後仲講笑咁話：「我覺得自己係專門吸引到啲對手射啲無咁高質12 碼嘅守門員嚟。除咗佐真奴呢球之外，上季對住富咸接實洛文 (Ademola Lookman) 嘅 Panenka 12 碼又係撞正對方處理得差。不過我都唔知點解會咁，可能係我個勢嚇到人掛？」
又講返般奴，佢喺加盟曼聯之後用呢個「龍門先行」射法射過 13 球 12碼，其實全部都射入曬。今次呢球？相信可能係好純粹地太遲先望清楚藍斯度嘅動作，或者偏偏係呢球咁啱拎得太盡，所以先會射中柱。
而佐真奴呢，可能都有畀般奴射失影響到，所以唔敢拎咁盡，再加上撞正法比安斯基呢下確係技高一籌。個射法係唔係 6uo 呢？我自己覺得就唔係嘅，一來都唔係你話想做到就做到，相信都要經過無數次嘅練習，二來球員其實做每個動作都總有佢嘅原因，只不過每一個動作同技巧都總會有優點同弱點，射手有張良計，龍門有過牆梯，就係咁樣足球先會有所進步。
剛剛一週嘅英超賽事有兩球12碼唔能夠入波，首先就係般奴對住藍斯度，而另一球就係佐真奴對住法比安斯基，兩位射手都嘗試用一個依賴守門員動作而決定最終射向邊一個方向嘅跳步射法，我地簡稱做「龍門先行」射法先。
般奴其實已經成功等到藍斯度先踏出第一步然後射向另一邊，只不過拎得太盡中柱彈出，而佐真奴嗰球使用同一個方法畀卻畀法比安斯基接實，究竟發生咩事呢？佐真奴呢個射 12 碼嘅方法係唔係大眾講到咁 6uo 定係其實係法比安斯基醒目呢？
佐真奴呢球 12碼嘅處理方法都係同以往一樣，助跑走到去個波前面就跳起，嘗試等守門員先踏出第一步，咁佢就可以喺落地一下先擺啱隻重心腳射向另一邊。其實呢一招對於射手嚟講難度非常之高，因為要喺咁短時間睇清楚守門員嘅動作再加上自己要踏啱步射另一邊。如果執行到嘅話其實本身咁樣射法命中率係唔低的，因為守門員通常都會預早少少踏出第一步令佢可以飛得更遠，而呢個射法就係把握呢一點從而得到優勢，而亦都有研究指出用呢個方法射波令龍門撲錯邊嘅機會率高達 86%。
只不過法比安斯基都不是省油的燈，唔知佢係咪睇過桑馬之前喺世界盃外圍賽對住佐真奴嘅 12 碼所以有樣學樣，當時桑馬就係襯佐真奴起跳一刻伸出左腳，然後突然跳返去右邊接實球12碼。而法比安斯基亦同樣喺佐真奴起跳一刻伸出右腳，令佐真奴誤以為自己會撲向自己嘅左邊，但點知法比安斯基最後將重心立即轉返去左腳然後再向右邊落地，輕鬆接實。
法比安斯基賽後仲講笑咁話：「我覺得自己係專門吸引到啲對手射啲無咁高質12 碼嘅守門員嚟。除咗佐真奴呢球之外，上季對住富咸接實洛文 (Ademola Lookman) 嘅 Panenka 12 碼又係撞正對方處理得差。不過我都唔知點解會咁，可能係我個勢嚇到人掛？」
又講返般奴，佢喺加盟曼聯之後用呢個「龍門先行」射法射過 13 球 12碼，其實全部都射入曬。今次呢球？相信可能係好純粹地太遲先望清楚藍斯度嘅動作，或者偏偏係呢球咁啱拎得太盡，所以先會射中柱。
而佐真奴呢，可能都有畀般奴射失影響到，所以唔敢拎咁盡，再加上撞正法比安斯基呢下確係技高一籌。個射法係唔係 6uo 呢？我自己覺得就唔係嘅，一來都唔係你話想做到就做到，相信都要經過無數次嘅練習，二來球員其實做每個動作都總有佢嘅原因，只不過每一個動作同技巧都總會有優點同弱點，射手有張良計，龍門有過牆梯，就係咁樣足球先會有所進步。