梁仔上身顏面救波 碧福特守住愛華頓寶貴3分
【 真人版梁仔？ 】
愛華頓護級關鍵一戰成功喺主場擊敗車路士，當中嘅功臣一定唔少得做出幾次神救嘅門將碧福特。
第一球源自孟治喺禁區頂嘅射門，中柱彈出之後個波由左路飛去右路，睇住艾斯比列古達對住個空門補中之際，碧福特起身由兜向門線後再向外撲出呢球射門。
呢球除咗起身快同埋無放棄之餘，走入門線後跑返出嚟令佢多少少嘅反應時間之餘，仲可以令佢嘅身體「放」喺個波嘅後面，產生足夠嘅力量撲出射門，精彩！
不過當你以為呢球已經夠勁，之後一球近門撲救仲神。車路士角球攻勢，由洛夫斯哲克頭鎚二傳去到遠柱畀魯迪加近射。碧福特喺開出角球後已經因為唔能夠出迎而褪後至門線前準備，當個波頂至遠柱後佢立即使用 Cross Over Step 前交叉步衝向近柱，並喺魯迪加射門前停低，保持重心稍為傾前，而且盡量擴張身體，最後魯迪加嘅超近距離半窩利射門射中碧福特塊面擋出底線。
首先碧福特使用 Cross Over Step 而唔係併步令佢夠快可以喺魯迪加射門前企喺一個更有利嘅位置，二來碧福特見到魯迪加咁近射埋嚟都完全無縮地去擴張身體，確係有無比大嘅爭勝心同勇氣先做到得。
只係魯迪加省中碧福特，所以佢只係好彩救到？守門員如果位置感不足唔能夠出現喺一個適當嘅位置，其實係連被省中嘅資格同機會都無！
愛華頓護級關鍵一戰成功喺主場擊敗車路士，當中嘅功臣一定唔少得做出幾次神救嘅門將碧福特。
第一球源自孟治喺禁區頂嘅射門，中柱彈出之後個波由左路飛去右路，睇住艾斯比列古達對住個空門補中之際，碧福特起身由兜向門線後再向外撲出呢球射門。
呢球除咗起身快同埋無放棄之餘，走入門線後跑返出嚟令佢多少少嘅反應時間之餘，仲可以令佢嘅身體「放」喺個波嘅後面，產生足夠嘅力量撲出射門，精彩！
不過當你以為呢球已經夠勁，之後一球近門撲救仲神。車路士角球攻勢，由洛夫斯哲克頭鎚二傳去到遠柱畀魯迪加近射。碧福特喺開出角球後已經因為唔能夠出迎而褪後至門線前準備，當個波頂至遠柱後佢立即使用 Cross Over Step 前交叉步衝向近柱，並喺魯迪加射門前停低，保持重心稍為傾前，而且盡量擴張身體，最後魯迪加嘅超近距離半窩利射門射中碧福特塊面擋出底線。
首先碧福特使用 Cross Over Step 而唔係併步令佢夠快可以喺魯迪加射門前企喺一個更有利嘅位置，二來碧福特見到魯迪加咁近射埋嚟都完全無縮地去擴張身體，確係有無比大嘅爭勝心同勇氣先做到得。
只係魯迪加省中碧福特，所以佢只係好彩救到？守門員如果位置感不足唔能夠出現喺一個適當嘅位置，其實係連被省中嘅資格同機會都無！