曼聯開空頭支票 甸軒達臣炮轟浪費佢一年時間
【 軒達臣 : 對上十二個月完全係浪費人生 】
由曼聯外借至諾定咸森林嘅守門員甸軒達臣早前同 talkSPORT 做咗一段訪問，當中提及曼聯向佢開空頭支票，完全無理過佢嘅感受，亦都唔想同新帥坦哈格有任何交流。
--------
「對上十二個月可以話係我職業生涯當中暫時最難捱嘅一段日子，依家我可以暫時離隊，可以踢返多啲比賽，真係好開心。當時我因傷退出歐洲國家盃之後， 返到球會 (曼聯) 後佢地本身同我講嚟緊呢季我會係球隊嘅正選。之後點知我中咗 COVID，康復之後都仲係同我講我會係正選，但一路都再無人跟進呢件事。」
「其實真係令到我好迷茫，因為上年暑假其實我因為呢個原因 (曼聯指會用軒達臣為正選) 而拒絕咗唔少幾好嘅外借機會，球會根本唔肯放我走。其實真係好頹，坐喺到浪費咗成年嘅時間，以我呢個年紀嚟講真係有如犯法一樣咁大鑊。但我係比賽以外仍然每日都好努力繼續練波，希望仍然會有進步，所以我依家嚟到森林終於可以踢返比賽真係令我好興奮。」
「我亦都無同坦哈格溝通過，直頭唔想比佢見到我練波，因為佢一定係想我留低。所以係新球季開操之前我已經同一班相關嘅職員講，我唔想留低因為我好想可以踢比賽，我唔想再留低做後備喇。基本上所有嘢喺新帥嚟到之前已經差唔多決定好曬，所以我一直都無同坦哈格傾過任何嘢。」
--------
其實我都認同唔少網友其中一個睇法，就係軒達臣其實仍然係一個借將嘅身份，咁快就講咁多自己有幾不滿原屬球會，感覺上唔係一個好成熟嘅做法。不過都好明白佢當中有幾咁慘，如果球會死都唔畀你走，講到明你有得踢但最後又唔畀你踢，個感覺一定好差。
守門員同場區球員唔同，唔係咁容易可以輪換之餘，唔好講成年，唔踢幾個月嘅狀態已經可以差好遠。更何況軒達臣只係25歲，更加需要踢多啲比賽賺取經驗，坐係後備以現時嘅練波模式齋練波係無可能突然間表現突飛猛進，所以我係唔認同一啲意見話軒達臣太自大，應該要用表現證明自己呢啲說法。無比賽或者唔足夠嘅上陣機會又何來證明自己？如果唔覺得自己有能力贏到本身嘅正選，咁又點說服領隊自己有能力擔任呢個位置？特別守門員係一個非常需要有自信心嘅一個位置，覺得自己有能力上陣幫助到球隊點都唔會係壞事。
無錯，迪基亞上年喺撲救表現方面可以話真係非常出色，呢點係無庸置疑。但確實如果要改變成為逼搶踢法，對門將要求更加高嘅時候，軒達臣喺呢方面可能係更加有能力做得到。有人話軒達臣一樣會輕出派膠，咁你寧願一位守門員勇於承擔責任出迎嘗試幫輕後防，定係永遠縮去白界線將責任交畀後衛，變成「呢啲嘢唔係我跟開」？輕出，可以透過經驗同練習去掌握出迎嘅時機。但肯唔肯同敢唔敢出，同性格或者夠唔夠自信有關，亦唔係咁容易話改就改。
點都好，都樂見軒達臣終於有返多啲出場時間，唔多唔少都對佢踢森林有啲期望。不過同曼聯都仲有幾年合約剩，同球會關係似乎已經有啲破裂，加上唔少球迷已經對佢有點不滿，今季之後佢嘅前途會係點呢？
talkSPORT 甸軒達臣訪問片段
https://fb.watch/eFDAUHSaGm/
由曼聯外借至諾定咸森林嘅守門員甸軒達臣早前同 talkSPORT 做咗一段訪問，當中提及曼聯向佢開空頭支票，完全無理過佢嘅感受，亦都唔想同新帥坦哈格有任何交流。
--------
「對上十二個月可以話係我職業生涯當中暫時最難捱嘅一段日子，依家我可以暫時離隊，可以踢返多啲比賽，真係好開心。當時我因傷退出歐洲國家盃之後， 返到球會 (曼聯) 後佢地本身同我講嚟緊呢季我會係球隊嘅正選。之後點知我中咗 COVID，康復之後都仲係同我講我會係正選，但一路都再無人跟進呢件事。」
「其實真係令到我好迷茫，因為上年暑假其實我因為呢個原因 (曼聯指會用軒達臣為正選) 而拒絕咗唔少幾好嘅外借機會，球會根本唔肯放我走。其實真係好頹，坐喺到浪費咗成年嘅時間，以我呢個年紀嚟講真係有如犯法一樣咁大鑊。但我係比賽以外仍然每日都好努力繼續練波，希望仍然會有進步，所以我依家嚟到森林終於可以踢返比賽真係令我好興奮。」
「我亦都無同坦哈格溝通過，直頭唔想比佢見到我練波，因為佢一定係想我留低。所以係新球季開操之前我已經同一班相關嘅職員講，我唔想留低因為我好想可以踢比賽，我唔想再留低做後備喇。基本上所有嘢喺新帥嚟到之前已經差唔多決定好曬，所以我一直都無同坦哈格傾過任何嘢。」
--------
其實我都認同唔少網友其中一個睇法，就係軒達臣其實仍然係一個借將嘅身份，咁快就講咁多自己有幾不滿原屬球會，感覺上唔係一個好成熟嘅做法。不過都好明白佢當中有幾咁慘，如果球會死都唔畀你走，講到明你有得踢但最後又唔畀你踢，個感覺一定好差。
守門員同場區球員唔同，唔係咁容易可以輪換之餘，唔好講成年，唔踢幾個月嘅狀態已經可以差好遠。更何況軒達臣只係25歲，更加需要踢多啲比賽賺取經驗，坐係後備以現時嘅練波模式齋練波係無可能突然間表現突飛猛進，所以我係唔認同一啲意見話軒達臣太自大，應該要用表現證明自己呢啲說法。無比賽或者唔足夠嘅上陣機會又何來證明自己？如果唔覺得自己有能力贏到本身嘅正選，咁又點說服領隊自己有能力擔任呢個位置？特別守門員係一個非常需要有自信心嘅一個位置，覺得自己有能力上陣幫助到球隊點都唔會係壞事。
無錯，迪基亞上年喺撲救表現方面可以話真係非常出色，呢點係無庸置疑。但確實如果要改變成為逼搶踢法，對門將要求更加高嘅時候，軒達臣喺呢方面可能係更加有能力做得到。有人話軒達臣一樣會輕出派膠，咁你寧願一位守門員勇於承擔責任出迎嘗試幫輕後防，定係永遠縮去白界線將責任交畀後衛，變成「呢啲嘢唔係我跟開」？輕出，可以透過經驗同練習去掌握出迎嘅時機。但肯唔肯同敢唔敢出，同性格或者夠唔夠自信有關，亦唔係咁容易話改就改。
點都好，都樂見軒達臣終於有返多啲出場時間，唔多唔少都對佢踢森林有啲期望。不過同曼聯都仲有幾年合約剩，同球會關係似乎已經有啲破裂，加上唔少球迷已經對佢有點不滿，今季之後佢嘅前途會係點呢？
talkSPORT 甸軒達臣訪問片段
https://fb.watch/eFDAUHSaGm/