奧拿拿用例子話你知：現代守門員係進攻起點
【 現代守門員淨係可以短傳？真咩？ 】
話說早排曾經提過，法國名宿巴夫斯出聲批評現代足球對守門員要求太高，應該由得佢地想點就點，教練唔應該因為守門員開長傳就不滿。其實如果真係有教練見到守門員明明開長傳係有著數過短傳都係要畀佢鬧嘅話，咁我覺得佢應該要早抖。
現代足球對守門員嘅要求唔應該係「一定要短傳」，而係嘗試用埋守門員以人數優勢並借助控傳去保持控球權，再尋找空間突破逼搶並向前進攻。所以守門員其實係唔應該將「一定要短傳」刻入個腦到，而係不斷走去一個適當嘅位置支援隊友並且觀察隊友、對手位置以及空位，搵適當嘅隊友支援返自己，而唔係限制於短或者長傳。
每隊波就係得十一個人，如果對手真係逼得好緊壓曬上前場，即係變相代表對方後場嘅空間一定會較多。因為一套好嘅逼搶少不免需要球員之間嘅空位減少，令球隊陣式需要收窄去令對手控傳空間減少，提升逼搶成功率。呢個時候現代守門員就要發揮自己嘅觀察力同長傳嘅能力，搵一個適當嘅時機同方法，將個波吊上前場令前鋒有更多空間發揮以及反擊。
而剛剛嘅巴塞隆拿對國際米蘭嘅歐聯賽事當中，國際米蘭門將奧拿拿就成功把握到一次機會，觀察到巴塞十個球員除咗達史特根之外全部喺曬國際米蘭嘅半場，而拿奧達路馬天尼斯已經喺中圈等緊機會，所以奧拿拿立即以 Side Volley 踢向右路畀馬天尼斯反擊。
馬天尼斯成功接應後同時拉開中路守衛，遠邊嘅隊友高辛斯立即高速跑入禁區接應，馬天尼斯一個直線放落去，高辛斯撞射遠柱入網，當時為國際米蘭領先 3 : 2。
雖然當中奧拿拿只係參與咗一腳波，但就係佢觀察到比賽嘅形勢，夠決斷之餘再加上佢上乘嘅長傳能力先能夠創造到今次嘅機會以及入球。如果用返巴夫斯嘅講法，咁教練恩沙基係咪應該又要鬧下奧拿拿做乜唔開短要踢長呢？
話說早排曾經提過，法國名宿巴夫斯出聲批評現代足球對守門員要求太高，應該由得佢地想點就點，教練唔應該因為守門員開長傳就不滿。其實如果真係有教練見到守門員明明開長傳係有著數過短傳都係要畀佢鬧嘅話，咁我覺得佢應該要早抖。
現代足球對守門員嘅要求唔應該係「一定要短傳」，而係嘗試用埋守門員以人數優勢並借助控傳去保持控球權，再尋找空間突破逼搶並向前進攻。所以守門員其實係唔應該將「一定要短傳」刻入個腦到，而係不斷走去一個適當嘅位置支援隊友並且觀察隊友、對手位置以及空位，搵適當嘅隊友支援返自己，而唔係限制於短或者長傳。
每隊波就係得十一個人，如果對手真係逼得好緊壓曬上前場，即係變相代表對方後場嘅空間一定會較多。因為一套好嘅逼搶少不免需要球員之間嘅空位減少，令球隊陣式需要收窄去令對手控傳空間減少，提升逼搶成功率。呢個時候現代守門員就要發揮自己嘅觀察力同長傳嘅能力，搵一個適當嘅時機同方法，將個波吊上前場令前鋒有更多空間發揮以及反擊。
而剛剛嘅巴塞隆拿對國際米蘭嘅歐聯賽事當中，國際米蘭門將奧拿拿就成功把握到一次機會，觀察到巴塞十個球員除咗達史特根之外全部喺曬國際米蘭嘅半場，而拿奧達路馬天尼斯已經喺中圈等緊機會，所以奧拿拿立即以 Side Volley 踢向右路畀馬天尼斯反擊。
馬天尼斯成功接應後同時拉開中路守衛，遠邊嘅隊友高辛斯立即高速跑入禁區接應，馬天尼斯一個直線放落去，高辛斯撞射遠柱入網，當時為國際米蘭領先 3 : 2。
雖然當中奧拿拿只係參與咗一腳波，但就係佢觀察到比賽嘅形勢，夠決斷之餘再加上佢上乘嘅長傳能力先能夠創造到今次嘅機會以及入球。如果用返巴夫斯嘅講法，咁教練恩沙基係咪應該又要鬧下奧拿拿做乜唔開短要踢長呢？