結果論歐聯賽後評：點解出迎出得快 最後一樣會失波？
【 出迎夠快係好 但係唔係最好？ 】
又係單刀嘅話題，不過既然 no two shots are the same，就自然各自有唔同嘅過程同解決方法。今次想講下巴塞同埋阿積士分別對住拜仁以及利物浦各自失嘅第一球，雖然達史特根 (Marc-Andre ter Stegen) 以及柏斯韋亞 (Remko Pasveer) 都能夠喺單刀嘅情況下出迎夠快收窄距離，但似乎喺當刻嚟講未必係最好嘅選擇。
－－－－－
先講達史特根，當時文尼接應直線，比爾連盡力跟上嘅情況下形成半單刀攻勢。起初達史特根嘗試由禁區頂褪後至到12碼點附近，避免畀文尼笠死、扭過以及爭取時間畀比爾連回防，呢個行動非常合理以及明智。
不過當文尼喺娥眉月頂再一次控波，並大步推向右邊，達史特根見到個波稍有離腳下立即打橫衝出去嘗試封位。文尼再下一腳已經係射門，嘗試用吱射挑過達史特根，達史特根其實已經算出迎得好快，收窄到同個波得返三至四碼距離，仲出埋 Spread Save，可惜都係畀文尼將個波挑過自己嘅右腳，遠柱入網。
唔好誤會，我絕對唔係想話達史特根犯錯，因為其實達史特根出迎得快之餘，射門一刻嘅 Spread Save 動作亦都有盡量擴張身體，算係盡曬力。只不過，呢個情況下出迎係唔係最好嘅選擇呢？
我認為既然文尼唔係向中間推而係向側邊推，加上比爾連其實已經緊隨其後，似乎達史特根繼續褪後會比較著數。繼續褪後，一來增加時間比自己做反應而唔一定要用比較被動嘅 Spread Save，二來比爾連有機會繼續壓住文尼令射門角度愈推愈窄，三來逼文尼如果要射門一定要大大力踿埋嚟，準繩度可能會有所下降。
當然以文尼嘅級數，叫佢硬 Ban 埋嚟可能都係會入，不過難度上計落就應該比起今次呢下嘅吱射高少少。所以呢球個人認為比較理想嘅做法，係一見到文尼大步推向側邊，把握時間繼續褪後，除非佢追到個波之後再大步推，咁就係一個出迎嘅好時機。
但今次都理解達史特根嘅做法，始終頂級賽事見到對手單刀仲要有少少控甩，確係一個幾吸引守門員出迎嘅情況，不過今次明顯文尼就係比較冷靜嘅一方。
踢波特別係單刀其實就係一場博奕，無人會知一定會入或者唔入，只係可以盡量提高自己成功嘅機會率或者對手成功嘅難度，似乎今次呢個情況，出迎唔係最壞嘅選擇，但同時未必係最好嘅選擇。
－－－－－
然後就講柏斯韋亞，軒達臣喺左路用腳面拉西扯個彈地波直線比沙拿。柏斯韋亞本身已經企喺離門線大概十碼嘅位置嘗試做清道夫，佢見到呢球直線亦都有嘗試衝前搶點，不過軒達臣嘅傳送恰到好處，再加上沙拿接應嘅速度夠高，令到柏斯韋亞唔夠能搶先掂到個波，變相只能夠盡量封窄射門角度。
其實柏斯韋亞已經同達史特根一樣算係成功收窄到同個波嘅距離，可惜因為係一個彈地波，加上柏斯韋亞身後有大量空間，令沙拿有較多嘅處理方法。最後沙拿決定第一時間笠射，又真係剛剛好笠過柏斯韋亞個頭，令利物浦當時領先 1:0。
呢球就比較明顯地係柏斯韋亞嘅預判失誤，如果佢以為自自己可以早過沙拿掂到個波，咁係一個對自己出迎速度嘅誤判。如果佢明知自己唔夠快但想出嚟封位嘅話，咁就係一個對空間感同實際情況嘅誤判。因為沙拿明顯控球路線會係愈推愈窄，再加上係彈地波，門將對住彈地波往往會變得更加被動，因為上路嘅空間會更加容易被對手輕鬆一挑而被攻破。
所以呢球個人認為比較理想嘅做法係同達史特根一樣，先把握沙拿未追到個波嘅時間嘗試褪後去到小禁區頂，如果沙拿再控向前，先再根據控嘅幅度決定出迎嘅速度，如果沙拿決定射門就停低做好 Set Position ，隨時準備做撲救。
－－－－－
係難㗎，易嘅使乜你做？但絕對唔係無可能嘅事，最緊要練波有足夠嘅機會嘗試應對唔同嘅情況，根據自己嘅能力搵出每個情況最適合最高效嘅解決方法。果斷出迎當然比起猶豫不決係更加好嘅選擇，但係唔係一定係當刻最好嘅方法呢？會唔會有更加好嘅選擇呢？
Always question everything you think you know.
Effectiveness matters.
又係單刀嘅話題，不過既然 no two shots are the same，就自然各自有唔同嘅過程同解決方法。今次想講下巴塞同埋阿積士分別對住拜仁以及利物浦各自失嘅第一球，雖然達史特根 (Marc-Andre ter Stegen) 以及柏斯韋亞 (Remko Pasveer) 都能夠喺單刀嘅情況下出迎夠快收窄距離，但似乎喺當刻嚟講未必係最好嘅選擇。
－－－－－
先講達史特根，當時文尼接應直線，比爾連盡力跟上嘅情況下形成半單刀攻勢。起初達史特根嘗試由禁區頂褪後至到12碼點附近，避免畀文尼笠死、扭過以及爭取時間畀比爾連回防，呢個行動非常合理以及明智。
不過當文尼喺娥眉月頂再一次控波，並大步推向右邊，達史特根見到個波稍有離腳下立即打橫衝出去嘗試封位。文尼再下一腳已經係射門，嘗試用吱射挑過達史特根，達史特根其實已經算出迎得好快，收窄到同個波得返三至四碼距離，仲出埋 Spread Save，可惜都係畀文尼將個波挑過自己嘅右腳，遠柱入網。
唔好誤會，我絕對唔係想話達史特根犯錯，因為其實達史特根出迎得快之餘，射門一刻嘅 Spread Save 動作亦都有盡量擴張身體，算係盡曬力。只不過，呢個情況下出迎係唔係最好嘅選擇呢？
我認為既然文尼唔係向中間推而係向側邊推，加上比爾連其實已經緊隨其後，似乎達史特根繼續褪後會比較著數。繼續褪後，一來增加時間比自己做反應而唔一定要用比較被動嘅 Spread Save，二來比爾連有機會繼續壓住文尼令射門角度愈推愈窄，三來逼文尼如果要射門一定要大大力踿埋嚟，準繩度可能會有所下降。
當然以文尼嘅級數，叫佢硬 Ban 埋嚟可能都係會入，不過難度上計落就應該比起今次呢下嘅吱射高少少。所以呢球個人認為比較理想嘅做法，係一見到文尼大步推向側邊，把握時間繼續褪後，除非佢追到個波之後再大步推，咁就係一個出迎嘅好時機。
但今次都理解達史特根嘅做法，始終頂級賽事見到對手單刀仲要有少少控甩，確係一個幾吸引守門員出迎嘅情況，不過今次明顯文尼就係比較冷靜嘅一方。
踢波特別係單刀其實就係一場博奕，無人會知一定會入或者唔入，只係可以盡量提高自己成功嘅機會率或者對手成功嘅難度，似乎今次呢個情況，出迎唔係最壞嘅選擇，但同時未必係最好嘅選擇。
－－－－－
然後就講柏斯韋亞，軒達臣喺左路用腳面拉西扯個彈地波直線比沙拿。柏斯韋亞本身已經企喺離門線大概十碼嘅位置嘗試做清道夫，佢見到呢球直線亦都有嘗試衝前搶點，不過軒達臣嘅傳送恰到好處，再加上沙拿接應嘅速度夠高，令到柏斯韋亞唔夠能搶先掂到個波，變相只能夠盡量封窄射門角度。
其實柏斯韋亞已經同達史特根一樣算係成功收窄到同個波嘅距離，可惜因為係一個彈地波，加上柏斯韋亞身後有大量空間，令沙拿有較多嘅處理方法。最後沙拿決定第一時間笠射，又真係剛剛好笠過柏斯韋亞個頭，令利物浦當時領先 1:0。
呢球就比較明顯地係柏斯韋亞嘅預判失誤，如果佢以為自自己可以早過沙拿掂到個波，咁係一個對自己出迎速度嘅誤判。如果佢明知自己唔夠快但想出嚟封位嘅話，咁就係一個對空間感同實際情況嘅誤判。因為沙拿明顯控球路線會係愈推愈窄，再加上係彈地波，門將對住彈地波往往會變得更加被動，因為上路嘅空間會更加容易被對手輕鬆一挑而被攻破。
所以呢球個人認為比較理想嘅做法係同達史特根一樣，先把握沙拿未追到個波嘅時間嘗試褪後去到小禁區頂，如果沙拿再控向前，先再根據控嘅幅度決定出迎嘅速度，如果沙拿決定射門就停低做好 Set Position ，隨時準備做撲救。
－－－－－
係難㗎，易嘅使乜你做？但絕對唔係無可能嘅事，最緊要練波有足夠嘅機會嘗試應對唔同嘅情況，根據自己嘅能力搵出每個情況最適合最高效嘅解決方法。果斷出迎當然比起猶豫不決係更加好嘅選擇，但係唔係一定係當刻最好嘅方法呢？會唔會有更加好嘅選擇呢？
Always question everything you think you know.
Effectiveness matters.