左飛右撲力保不失 迪基亞：有啲人覺得守龍好舒服唔會攰
【 仲講向後撲就係錯？Out 啦 】
近年每次一講西班牙同迪基亞，都總會見到大家非常熱烈嘅討論，各有各道理，無話對與錯嘅，歡迎大家繼續各抒己見理性地傾落去。而迪基亞今場喺對住韋斯咸嘅英超第十四輪賽事入面做出三個非常精彩嘅撲救，有唔少人認為佢借助今場嘅表現將入選唔到西班牙國家隊世界盃大軍名單嘅烏氣一口吐出。今次一於分析下，連迪基亞本人賽後都表示係今場最難撲嘅一球頭鎚攻門。
－－－－
當時比賽去到 83 分鐘，韋斯咸後衛基士維喺左路長傳入去禁區內，由蘇馬接應並成功頭鎚攻門，但過唔到迪基亞嘅右手，畀佢成功撲出底線。
呢球撲救嘅技術重點有兩樣，首先就係迪基亞見到基士維嘅長傳落點離門較遠，所以佢立即褪後幾步。一來可以同個波拉開距離，令自己有更多時間做反應，二來高空波傳中如果對方以頭鎚攻門，有機會頂出一球有拋物線嘅波，如果企得太前有機會被笠死。而最後蘇馬頂出嘅頭鎚有速度之餘又真係有少少拋物線，所以迪基亞褪呢幾步大大提升撲救成功率。
第二個重點就係迪基亞嘅 Power Step 落地位置。迪基亞喺蘇馬頂中波一刻做出小跳步，借助身體凌空嘅時間觀察射門方向以及速度。由於頭鎚飛向迪基亞右方，所以佢嘅左腳先踩落力加速轉移重心向右。
然後重點就係右腳落地嘅 Power Step，佢並無好似某啲教練咁講 Power Step 一定要踏向身體嘅斜前方，而係踏向斜後方。點解有啲教練好強調要踏向斜前方，如果打橫或者向後踏就係「錯」？佢地嘅理據係踏前自然可以封窄射門角度，就咁睇呢樣係無錯嘅，但佢地完全忽視咗反應時間呢個重點。
如果我一早知個波飛向邊，咁就梗係可以係咪都踏向前啦，因為都唔使我畀反應，所以如果撲 12 碼踏向斜前就多數都有著數。但如果我要睇清楚個波嘅來勢做反應再飛撲，並唔係次次都有足夠嘅時間向斜前撲。因為向斜前撲，變相隻手同個波接觸嘅時間會比起踏向橫或者踏向後更加早，變相要更加早做到撲救動作，如果夾硬向前而球速太快，反而有機會形成人前波後，最後連波皮都掂唔到。
而迪基亞呢下向身體斜後方做 Power Step 起跳就係因為攻門嘅速度同埋來勢，令佢只可以向後撲先掂到個波，而最後都係僅僅夠力撲出底線，如果夾硬向前撲真係會救到？依家迪基亞向後撲但都撲得走個波，咁仲「錯」唔「錯」呢？－－－－
迪基亞喺賽後除咗話呢球係今場最難嘅撲救之餘，記者問佢係咪都覺得好攰，臨尾係咁畀對手圍住攻，佢都講咗句幫大家出一口氣嘅說話：「Sometimes people think that goalies never get tired」。
相信有守過龍嘅朋友，特別係要踢一場防守為主嘅波，隨時對眼同個腦仲攰過對手同腳。因為守門員要不停集中望實個波之餘，仲要不停左右望睇清楚個球場發生緊嘅事，咁先做到適當嘅提場，都仲未計要左右移步、衝出嚟出迎同埋撲波嗰下爆發力。
所以如果仲係覺得守龍好舒服，淨係行行企企嘅朋友，放心，我又唔會建議你去守龍嘅，因為比你守你都真係只會行行企企，所以我會直接叫你去吔屎，你地識條鐵咩 😄
－－－－
又順便講埋迪基亞同西班牙國家隊，其實我相信無論佢入唔入選都好，有一樣嘢無容置疑嘅，就係迪基亞喺做撲救方面能力真係非常高，睇得出佢每次都非常集中望實個波嘅來勢，從而形成反應非常快嘅表現。
都見到唔少人認為西班牙國家隊領隊安歷基揀人有偏見，佢有無偏見呢我就唔評論喇，交畀大家自行判斷。我先假設佢之前講嘅原因係真，因為迪基亞踢法唔夠主動以及支援位置唔夠好做唔到理想嘅控傳效果，所以唔揀佢入隊，等我引用返之前講過嘅比喻：「當你作為一個員工，由細到大學校同公司都淨係用 Windows 機，轉咗老細之後佢話 MacOS 做嘢有效率啲，所以全公司要一齊轉用 MacOS。但當你開工嗰陣你成日想 Close Window 以為仲喺右上角，其實要去左上角，工作效率比其他由細到大都已經用慣 MacOS 嘅同事一定慢啲。咁你一係就等轉老細用返 Windows 機，一係就自學 MacOS，但現實地要你一時三刻即刻習慣又點會咁容易？」
所以我覺得真係未必關迪基亞勁唔勁或者想唔想嘅事，話曬踢咗咁多年曼聯根本都唔使佢踢呢家波，相反其他西班牙守門員就不嬲都係咁踢贏在起跑線。等於哥迪奧拿當年完全唔畀機會祖赫特，唔係因為佢差，可能就係只係「唔夠好」，以佢嘅踢法唔足以適應哥迪奧拿嘅戰術。
哥迪奧拿根本連假希望都唔想畀祖赫特，因為佢深知祖赫特從來都唔需要亦無機會踢呢家波，要佢一時三刻改變太過困難，只能夠講時移世易，現實就係咁殘酷。對迪基亞都一樣，相信大家都見到佢有努力嘗試改變自己，但多年嘅習慣，要改變談何容易。
近年每次一講西班牙同迪基亞，都總會見到大家非常熱烈嘅討論，各有各道理，無話對與錯嘅，歡迎大家繼續各抒己見理性地傾落去。而迪基亞今場喺對住韋斯咸嘅英超第十四輪賽事入面做出三個非常精彩嘅撲救，有唔少人認為佢借助今場嘅表現將入選唔到西班牙國家隊世界盃大軍名單嘅烏氣一口吐出。今次一於分析下，連迪基亞本人賽後都表示係今場最難撲嘅一球頭鎚攻門。
－－－－
當時比賽去到 83 分鐘，韋斯咸後衛基士維喺左路長傳入去禁區內，由蘇馬接應並成功頭鎚攻門，但過唔到迪基亞嘅右手，畀佢成功撲出底線。
呢球撲救嘅技術重點有兩樣，首先就係迪基亞見到基士維嘅長傳落點離門較遠，所以佢立即褪後幾步。一來可以同個波拉開距離，令自己有更多時間做反應，二來高空波傳中如果對方以頭鎚攻門，有機會頂出一球有拋物線嘅波，如果企得太前有機會被笠死。而最後蘇馬頂出嘅頭鎚有速度之餘又真係有少少拋物線，所以迪基亞褪呢幾步大大提升撲救成功率。
第二個重點就係迪基亞嘅 Power Step 落地位置。迪基亞喺蘇馬頂中波一刻做出小跳步，借助身體凌空嘅時間觀察射門方向以及速度。由於頭鎚飛向迪基亞右方，所以佢嘅左腳先踩落力加速轉移重心向右。
然後重點就係右腳落地嘅 Power Step，佢並無好似某啲教練咁講 Power Step 一定要踏向身體嘅斜前方，而係踏向斜後方。點解有啲教練好強調要踏向斜前方，如果打橫或者向後踏就係「錯」？佢地嘅理據係踏前自然可以封窄射門角度，就咁睇呢樣係無錯嘅，但佢地完全忽視咗反應時間呢個重點。
如果我一早知個波飛向邊，咁就梗係可以係咪都踏向前啦，因為都唔使我畀反應，所以如果撲 12 碼踏向斜前就多數都有著數。但如果我要睇清楚個波嘅來勢做反應再飛撲，並唔係次次都有足夠嘅時間向斜前撲。因為向斜前撲，變相隻手同個波接觸嘅時間會比起踏向橫或者踏向後更加早，變相要更加早做到撲救動作，如果夾硬向前而球速太快，反而有機會形成人前波後，最後連波皮都掂唔到。
而迪基亞呢下向身體斜後方做 Power Step 起跳就係因為攻門嘅速度同埋來勢，令佢只可以向後撲先掂到個波，而最後都係僅僅夠力撲出底線，如果夾硬向前撲真係會救到？依家迪基亞向後撲但都撲得走個波，咁仲「錯」唔「錯」呢？－－－－
迪基亞喺賽後除咗話呢球係今場最難嘅撲救之餘，記者問佢係咪都覺得好攰，臨尾係咁畀對手圍住攻，佢都講咗句幫大家出一口氣嘅說話：「Sometimes people think that goalies never get tired」。
相信有守過龍嘅朋友，特別係要踢一場防守為主嘅波，隨時對眼同個腦仲攰過對手同腳。因為守門員要不停集中望實個波之餘，仲要不停左右望睇清楚個球場發生緊嘅事，咁先做到適當嘅提場，都仲未計要左右移步、衝出嚟出迎同埋撲波嗰下爆發力。
所以如果仲係覺得守龍好舒服，淨係行行企企嘅朋友，放心，我又唔會建議你去守龍嘅，因為比你守你都真係只會行行企企，所以我會直接叫你去吔屎，你地識條鐵咩 😄
－－－－
又順便講埋迪基亞同西班牙國家隊，其實我相信無論佢入唔入選都好，有一樣嘢無容置疑嘅，就係迪基亞喺做撲救方面能力真係非常高，睇得出佢每次都非常集中望實個波嘅來勢，從而形成反應非常快嘅表現。
都見到唔少人認為西班牙國家隊領隊安歷基揀人有偏見，佢有無偏見呢我就唔評論喇，交畀大家自行判斷。我先假設佢之前講嘅原因係真，因為迪基亞踢法唔夠主動以及支援位置唔夠好做唔到理想嘅控傳效果，所以唔揀佢入隊，等我引用返之前講過嘅比喻：「當你作為一個員工，由細到大學校同公司都淨係用 Windows 機，轉咗老細之後佢話 MacOS 做嘢有效率啲，所以全公司要一齊轉用 MacOS。但當你開工嗰陣你成日想 Close Window 以為仲喺右上角，其實要去左上角，工作效率比其他由細到大都已經用慣 MacOS 嘅同事一定慢啲。咁你一係就等轉老細用返 Windows 機，一係就自學 MacOS，但現實地要你一時三刻即刻習慣又點會咁容易？」
所以我覺得真係未必關迪基亞勁唔勁或者想唔想嘅事，話曬踢咗咁多年曼聯根本都唔使佢踢呢家波，相反其他西班牙守門員就不嬲都係咁踢贏在起跑線。等於哥迪奧拿當年完全唔畀機會祖赫特，唔係因為佢差，可能就係只係「唔夠好」，以佢嘅踢法唔足以適應哥迪奧拿嘅戰術。
哥迪奧拿根本連假希望都唔想畀祖赫特，因為佢深知祖赫特從來都唔需要亦無機會踢呢家波，要佢一時三刻改變太過困難，只能夠講時移世易，現實就係咁殘酷。對迪基亞都一樣，相信大家都見到佢有努力嘗試改變自己，但多年嘅習慣，要改變談何容易。