人物專題 - 薩爾瓦多奇蹟 臨射12碼換守門員決定非常合理
【 人物專題 － Frans Hoek 第五章「薩爾瓦多奇蹟」 】
延續第四章「迪基亞的質疑」，上一集講到 Frans Hoek 嘅教學方式喺曼聯遇到唔少阻力，不過佢仍然堅持自己嘅方式，因為佢認為獨立訓練唔單止幫唔到守門員，仲會令佢地退步。只要令守門員盡早接觸比賽會遇到嘅情況，同場區球員盡快合作，就可以將佢地盡快達到生涯高峰。
最後一章就講到，Frans Hoek 教練生涯其中一個最大嘅成就，就係喺 2014 年世界盃八強建議雲高爾喺互射12碼之前換入告爾 (Tim Krul)。由 Frans Hoek 講解下成件事嘅心路歷程以及來龍去脈。
－－－－
第五章「薩爾瓦多奇蹟」
要證明 Frans Hoek 嘅獨特思維，不得不提 2014 年喺巴西城市薩爾瓦多舉行嘅 世界盃八強賽事，當時荷蘭嘅對手係哥斯達黎加。
雲高爾臨完加時之前決定用告爾 (Tim Krul) 換入正選門將施利臣 (Jasper Cillessen)，然後告爾成功撲出兩球 12 碼，令到荷蘭成功打入世界盃四強。有啲人覺得呢個換人決定好有創意，亦有人覺得咁樣會破壞施利臣嘅信心。對 Frans Hoek 嚟講，呢個舉動其實非常合理。
「我係一個助教，亦係一個顧問。主教練當然負責做所有嘅決定，但換守門員去守十二碼呢個決定，完全係基於施利臣生涯當中面對12碼嘅表現一直無進步而作出的。而其他守門員喺其他能力上無施利臣咁好，但守12碼就有進步。」
「當你知道呢個背景之後，你就會明成件事真係好合理。雖然係唔常見，但呢件事其實唔應該係咁罕見。因為咁樣只係為咗球隊可以晉級而揀一個當時最好嘅解決方法。我地需要為球隊做最好嘅決定，就係咁簡單。根本唔需要諗外界點睇，因為佢地嘅意見唔會令到你贏波。」
呢件事亦都總結咗 Frans Hoek 嘅教學理念，就係唔怕做創新嘅一員，對新嘅概念持開放態度。
Frans Hoek 笑住咁講：「你諗得出嘅嘢，我都肯定試過曬」
依家 Frans Hoek 只係專注喺美國加洲一間名為「Orange County Soccer Club」嘅球會以及日本足總嘅一個非常正嘅 Project。
「日本想喺 2050 年成為世界盃冠軍，雖然30年之後我多數已經唔會喺人世。而到時嘅日本國家隊守門員可能依家仲未出世。我要做嘅嘢就係提供一個平台，令佢地可以真真正正學習到點樣成為一個守門員。」
如果去到 2050 年足球球例又有大改變，佢希望呢班球員會有備而嚟，能夠適應足球比賽嘅任何改變。
「回傳唔畀用手嘅呢條球例係一個非常好嘅改變，而我地當時已經準備充足。如果 FIFA 之後突然決定守門員唔可以再用手，咁你都要為呢件事做好準備。點樣可以將呢件事變成我地嘅優勢？淨係諗下都覺得非常有趣。」
雖然 Frans Hoek 已經 63 歲，佢嘅生涯一定無可能永遠延續落去，但相信佢對足球或者守門員嘅影響將會流芳百世。
－－－－
睇曬五章嘅朋友，非常感謝你嘅支持。自從我睇咗呢篇專題報導之後，一直都好想搵個機會同大家分享，因為 Frans Hoek 嘅理念同我非常尊敬嘅 The Modern Day GK 非常相似之餘，亦都同自己一直對守門員訓練嘅認知不謀而合。
依家大家經常會見到一啲好有規律而獨立嘅守門員訓練，看似非常仔細地去執每個動作，不停重覆同一個動作從而達至「完美」，但其實咁樣係唔係真係幫助到守門員進步？我地喺比賽係唔係真係會遇到呢啲情況？獨立訓練得多，反而會退步，其實個人嚟講感受好深。因為我曾經都有段時間練波練得好密，但全部都係做獨立訓練，不停做一啲預先知道個波會去邊嘅練習，當時球球都撲到甚至接實，覺得自己好似都幾 Fit。點知一去到搵埋場區球員一齊練波，佢地嘅射門就算射正中間我都唔知點解反應唔切撲都撲唔到，然後到踢隊內賽又唔識走出嚟做清道夫係咁輸單刀波。
之後我就諗，究竟我花時間練波係為乜？點解好似完全唔能夠將練波嘅成果轉移去落比賽當中。之後睇多咗 The Modern Day GK 以及慕遜加柏守門員教練 Fabian Otte 博士嘅論文，再加埋今次 Frans Hoek 嘅專題報導，我就知道我以前所謂嘅練波根本唔係為比賽而練波，只係為練而練。
反應又練唔到（因為球球都一早知飛去邊），企位又練唔到（因為 Serve 波嘅人永遠企係同一個位），幾時出迎幾時褪後又練唔到（因為根本無呢個機會嘗試），莫講話斬波開龍門球，更加唔會有時間分配落去。自此之後，我就知道守門員訓練唔應該再係傳統地不停用 Drop Kick 接正面波就算，要盡量諗一啲像真，同比賽有關或者相類似嘅情況去不斷嘗試。
聽落好似好簡單，無乜特別，但其實練波都係為咗比賽踢好啲，而比賽嘅過程就係咁，你想進步就自然要面對多啲類似嘅問題。Repetition without repetition，重覆比賽入面嘅問題而唔應該重覆解決單一問題嘅解決方法。正如用 Top Hand 定 Bottom Hand 救波，其實根本唔重要，你救到就自然係好波，最緊要有效。There is no absolute right or wrong in football. Effectiveness matters.
所以希望大家睇完今次 Frans Hoek 嘅專題報導，會對守門員呢個位置以及相關嘅訓練有一個新嘅睇法。Sweeper Keeper 以及踢控傳，雖然可以話近代係由紐亞或者哥迪奧拿發揚光大，但其實早於70年代已經有相關踢法嘅守門員存在，雲達沙已經係一個好例子。而訓練方法如果可以做得更加貼近比賽，就自然可以令到更多年輕嘅守門員有更多出場機會，更早吸收到更多經驗，將自己嘅上限不斷推高。
上回提要：
第一、二章：人物專題 - 荷蘭第一位守門員教練 Frans Hoek
第三、四章：人物專題 - 前曼聯守門員教練：迪基亞抗拒離開舒適圈
延續第四章「迪基亞的質疑」，上一集講到 Frans Hoek 嘅教學方式喺曼聯遇到唔少阻力，不過佢仍然堅持自己嘅方式，因為佢認為獨立訓練唔單止幫唔到守門員，仲會令佢地退步。只要令守門員盡早接觸比賽會遇到嘅情況，同場區球員盡快合作，就可以將佢地盡快達到生涯高峰。
最後一章就講到，Frans Hoek 教練生涯其中一個最大嘅成就，就係喺 2014 年世界盃八強建議雲高爾喺互射12碼之前換入告爾 (Tim Krul)。由 Frans Hoek 講解下成件事嘅心路歷程以及來龍去脈。
－－－－
第五章「薩爾瓦多奇蹟」
要證明 Frans Hoek 嘅獨特思維，不得不提 2014 年喺巴西城市薩爾瓦多舉行嘅 世界盃八強賽事，當時荷蘭嘅對手係哥斯達黎加。
雲高爾臨完加時之前決定用告爾 (Tim Krul) 換入正選門將施利臣 (Jasper Cillessen)，然後告爾成功撲出兩球 12 碼，令到荷蘭成功打入世界盃四強。有啲人覺得呢個換人決定好有創意，亦有人覺得咁樣會破壞施利臣嘅信心。對 Frans Hoek 嚟講，呢個舉動其實非常合理。
「我係一個助教，亦係一個顧問。主教練當然負責做所有嘅決定，但換守門員去守十二碼呢個決定，完全係基於施利臣生涯當中面對12碼嘅表現一直無進步而作出的。而其他守門員喺其他能力上無施利臣咁好，但守12碼就有進步。」
「當你知道呢個背景之後，你就會明成件事真係好合理。雖然係唔常見，但呢件事其實唔應該係咁罕見。因為咁樣只係為咗球隊可以晉級而揀一個當時最好嘅解決方法。我地需要為球隊做最好嘅決定，就係咁簡單。根本唔需要諗外界點睇，因為佢地嘅意見唔會令到你贏波。」
呢件事亦都總結咗 Frans Hoek 嘅教學理念，就係唔怕做創新嘅一員，對新嘅概念持開放態度。
Frans Hoek 笑住咁講：「你諗得出嘅嘢，我都肯定試過曬」
依家 Frans Hoek 只係專注喺美國加洲一間名為「Orange County Soccer Club」嘅球會以及日本足總嘅一個非常正嘅 Project。
「日本想喺 2050 年成為世界盃冠軍，雖然30年之後我多數已經唔會喺人世。而到時嘅日本國家隊守門員可能依家仲未出世。我要做嘅嘢就係提供一個平台，令佢地可以真真正正學習到點樣成為一個守門員。」
如果去到 2050 年足球球例又有大改變，佢希望呢班球員會有備而嚟，能夠適應足球比賽嘅任何改變。
「回傳唔畀用手嘅呢條球例係一個非常好嘅改變，而我地當時已經準備充足。如果 FIFA 之後突然決定守門員唔可以再用手，咁你都要為呢件事做好準備。點樣可以將呢件事變成我地嘅優勢？淨係諗下都覺得非常有趣。」
雖然 Frans Hoek 已經 63 歲，佢嘅生涯一定無可能永遠延續落去，但相信佢對足球或者守門員嘅影響將會流芳百世。
－－－－
睇曬五章嘅朋友，非常感謝你嘅支持。自從我睇咗呢篇專題報導之後，一直都好想搵個機會同大家分享，因為 Frans Hoek 嘅理念同我非常尊敬嘅 The Modern Day GK 非常相似之餘，亦都同自己一直對守門員訓練嘅認知不謀而合。
依家大家經常會見到一啲好有規律而獨立嘅守門員訓練，看似非常仔細地去執每個動作，不停重覆同一個動作從而達至「完美」，但其實咁樣係唔係真係幫助到守門員進步？我地喺比賽係唔係真係會遇到呢啲情況？獨立訓練得多，反而會退步，其實個人嚟講感受好深。因為我曾經都有段時間練波練得好密，但全部都係做獨立訓練，不停做一啲預先知道個波會去邊嘅練習，當時球球都撲到甚至接實，覺得自己好似都幾 Fit。點知一去到搵埋場區球員一齊練波，佢地嘅射門就算射正中間我都唔知點解反應唔切撲都撲唔到，然後到踢隊內賽又唔識走出嚟做清道夫係咁輸單刀波。
之後我就諗，究竟我花時間練波係為乜？點解好似完全唔能夠將練波嘅成果轉移去落比賽當中。之後睇多咗 The Modern Day GK 以及慕遜加柏守門員教練 Fabian Otte 博士嘅論文，再加埋今次 Frans Hoek 嘅專題報導，我就知道我以前所謂嘅練波根本唔係為比賽而練波，只係為練而練。
反應又練唔到（因為球球都一早知飛去邊），企位又練唔到（因為 Serve 波嘅人永遠企係同一個位），幾時出迎幾時褪後又練唔到（因為根本無呢個機會嘗試），莫講話斬波開龍門球，更加唔會有時間分配落去。自此之後，我就知道守門員訓練唔應該再係傳統地不停用 Drop Kick 接正面波就算，要盡量諗一啲像真，同比賽有關或者相類似嘅情況去不斷嘗試。
聽落好似好簡單，無乜特別，但其實練波都係為咗比賽踢好啲，而比賽嘅過程就係咁，你想進步就自然要面對多啲類似嘅問題。Repetition without repetition，重覆比賽入面嘅問題而唔應該重覆解決單一問題嘅解決方法。正如用 Top Hand 定 Bottom Hand 救波，其實根本唔重要，你救到就自然係好波，最緊要有效。There is no absolute right or wrong in football. Effectiveness matters.
所以希望大家睇完今次 Frans Hoek 嘅專題報導，會對守門員呢個位置以及相關嘅訓練有一個新嘅睇法。Sweeper Keeper 以及踢控傳，雖然可以話近代係由紐亞或者哥迪奧拿發揚光大，但其實早於70年代已經有相關踢法嘅守門員存在，雲達沙已經係一個好例子。而訓練方法如果可以做得更加貼近比賽，就自然可以令到更多年輕嘅守門員有更多出場機會，更早吸收到更多經驗，將自己嘅上限不斷推高。
上回提要：
第一、二章：人物專題 - 荷蘭第一位守門員教練 Frans Hoek
第三、四章：人物專題 - 前曼聯守門員教練：迪基亞抗拒離開舒適圈