為権田修一平反 日本隊失波邊個最大責任？
【 唔用 Top Hand？定其實唔知要用？ 】
風水輪流轉，世界盃小組賽第一輪日本反勝德國而哥斯達黎加就被西班牙大炒，去到第二輪就到返哥斯達黎加以一球小勝日本。
而哥斯達黎加嘅入球，有唔少評論指門將権田修一需要負最大嘅責任，話佢點解唔用單手要用雙手，不如一齊睇一睇當時嘅過程。
－－－－
賽事去到 81 分鐘，哥斯達黎加將個波吊去右路，伊藤洋輝以頭鎚傳返畀中堅吉田麻也，然後吉田麻也一下比較求其地將個波踢到高而不遠，中場球員守田英正嘗試車身解圍但失敗，個波落咗喺泰捷達 Yeltsin Tejeda 腳下。
泰捷達將皮球傳向前畀無越位嘅富拿 Keysher Fuller，富拿右腳一控向左，左腳嘗試向遠柱燙射。
富拿起腳掂波一刻，権田修一立即做出小跳步準備。點知途中個波省中咗吉田麻也，令到個波嘅拋物線稍為高咗，同時已經見到権田修一已經因應原本嘅皮球路線準備先以左腳落地，轉移重心向右。
不過似乎権田修一並未能夠觀察到個波有省中吉田麻也，由佢右腳嘅 Power Step 幅度睇得出佢以為個波仍然係沿住原本嘅路線飛緊埋嚟，所以睇落佢就好似早咗少少已經飛到盡。
正正因為拋物線嘅改變，而権田修一似乎未能察覺下，佢仍然以為用雙手可以接得實，最後發覺「媽，為何結果不是想像的那樣？」.jpg，變相只能用指尖僅僅掂到個波，未能完全撲出，照樣入網。
呢球失波外界我聽到有兩樣關於権田修一嘅批評，第一係話佢喺富拿起腳一刻跳起，第二就係話佢點解唔用 Top Hand。
－－－－
．小跳步是問題？
話権田修一跳起所以無準備，當時我仲要係聽到 Now TV 其中一個旁述員咁樣講，我聽完真係嚇一跳然後就得啖笑。有睇開我地分析嘅朋友都知道，守門員喺要做反應嘅撲救之前，為咗有更快嘅反應以及觀察皮球嘅路線就會好自然地做出小跳步呢個動作。
點解小跳步會令反應更快？最簡單嘅解釋就係，用兩架車做比喻，汽車 A 本身已經行緊 100km/h，另一架汽車 B 係完全靜止嘅狀態。如果要佢地由同一個起點開始計鬥快行100米，你覺得邊架車會快啲？答案一定係 A ，因為佢一路已經行緊 100km/h，相反 B 要由 0 km/h 加速到 100km/h，呢段距離 B 係一定會慢過 A。
而小跳步正正就係為咗令守門員喺撲救之前已經預先喺一個移動中嘅狀態，加上滕空嘅時間觀察皮球路線，用遠腳先落地轉移重心，借助埋本身跳起以及地心吸力嘅動能做出更快嘅反應同飛撲。
而権田修一呢下做小跳步嘅時機亦無大問題，所以問題我敢講一定不在於做咗小跳步所以失波。如果都係唔明，歡迎大家睇返我地「門將技巧 101」系列關於小跳步嘅一集，當中有更詳盡嘅解釋以及有唔少比賽片段嘅例子：
－－－－
．點解唔用 Top Hand?
咁既然唔關小跳步事，咁究竟出咗咩事？我個人見解係，一個守門員唔會明知自己雙手唔到都仲夾硬用雙手，所以我覺得権田修一唔係唔用 Top Hand 去單手擋出呢球折射，而係佢根本留意唔到個波省中咗吉田麻也改變咗個波嘅飛行路線，直頭唔知自己需要用 Top Hand 去救。
既然根本睇唔出個波改變咗方向，繼續用返原本應該救到球波嘅動作，成件事就即刻合理曬。所以我相信如果個波維持本身嘅飛行路線，権田修一應該係真係可以雙手接實。
不過都好坦白講，我自己同幾位一齊睇波嘅朋友都要睇慢鏡先睇得清楚原來真係省中咗人，臨場要做決定嘅時間咁短，可能真係未必咁容易可以判斷到而且調整身體嘅姿勢。
咁係咪一定無可能救到呢？始終権田修一畀人感覺佢喺集中力方面確係唔算特別好，如果佢可以再集中多少少望實個波嘅旋動方式，早少少睇得出飛行路線嘅改變，臨時轉用 Top Hand 去撲得唔得呢？無人會知，但似乎都唔係 100% 無可能嘅事。
風水輪流轉，世界盃小組賽第一輪日本反勝德國而哥斯達黎加就被西班牙大炒，去到第二輪就到返哥斯達黎加以一球小勝日本。
而哥斯達黎加嘅入球，有唔少評論指門將権田修一需要負最大嘅責任，話佢點解唔用單手要用雙手，不如一齊睇一睇當時嘅過程。
－－－－
賽事去到 81 分鐘，哥斯達黎加將個波吊去右路，伊藤洋輝以頭鎚傳返畀中堅吉田麻也，然後吉田麻也一下比較求其地將個波踢到高而不遠，中場球員守田英正嘗試車身解圍但失敗，個波落咗喺泰捷達 Yeltsin Tejeda 腳下。
泰捷達將皮球傳向前畀無越位嘅富拿 Keysher Fuller，富拿右腳一控向左，左腳嘗試向遠柱燙射。
富拿起腳掂波一刻，権田修一立即做出小跳步準備。點知途中個波省中咗吉田麻也，令到個波嘅拋物線稍為高咗，同時已經見到権田修一已經因應原本嘅皮球路線準備先以左腳落地，轉移重心向右。
不過似乎権田修一並未能夠觀察到個波有省中吉田麻也，由佢右腳嘅 Power Step 幅度睇得出佢以為個波仍然係沿住原本嘅路線飛緊埋嚟，所以睇落佢就好似早咗少少已經飛到盡。
正正因為拋物線嘅改變，而権田修一似乎未能察覺下，佢仍然以為用雙手可以接得實，最後發覺「媽，為何結果不是想像的那樣？」.jpg，變相只能用指尖僅僅掂到個波，未能完全撲出，照樣入網。
呢球失波外界我聽到有兩樣關於権田修一嘅批評，第一係話佢喺富拿起腳一刻跳起，第二就係話佢點解唔用 Top Hand。
－－－－
．小跳步是問題？
話権田修一跳起所以無準備，當時我仲要係聽到 Now TV 其中一個旁述員咁樣講，我聽完真係嚇一跳然後就得啖笑。有睇開我地分析嘅朋友都知道，守門員喺要做反應嘅撲救之前，為咗有更快嘅反應以及觀察皮球嘅路線就會好自然地做出小跳步呢個動作。
點解小跳步會令反應更快？最簡單嘅解釋就係，用兩架車做比喻，汽車 A 本身已經行緊 100km/h，另一架汽車 B 係完全靜止嘅狀態。如果要佢地由同一個起點開始計鬥快行100米，你覺得邊架車會快啲？答案一定係 A ，因為佢一路已經行緊 100km/h，相反 B 要由 0 km/h 加速到 100km/h，呢段距離 B 係一定會慢過 A。
而小跳步正正就係為咗令守門員喺撲救之前已經預先喺一個移動中嘅狀態，加上滕空嘅時間觀察皮球路線，用遠腳先落地轉移重心，借助埋本身跳起以及地心吸力嘅動能做出更快嘅反應同飛撲。
而権田修一呢下做小跳步嘅時機亦無大問題，所以問題我敢講一定不在於做咗小跳步所以失波。如果都係唔明，歡迎大家睇返我地「門將技巧 101」系列關於小跳步嘅一集，當中有更詳盡嘅解釋以及有唔少比賽片段嘅例子：
－－－－
．點解唔用 Top Hand?
咁既然唔關小跳步事，咁究竟出咗咩事？我個人見解係，一個守門員唔會明知自己雙手唔到都仲夾硬用雙手，所以我覺得権田修一唔係唔用 Top Hand 去單手擋出呢球折射，而係佢根本留意唔到個波省中咗吉田麻也改變咗個波嘅飛行路線，直頭唔知自己需要用 Top Hand 去救。
既然根本睇唔出個波改變咗方向，繼續用返原本應該救到球波嘅動作，成件事就即刻合理曬。所以我相信如果個波維持本身嘅飛行路線，権田修一應該係真係可以雙手接實。
不過都好坦白講，我自己同幾位一齊睇波嘅朋友都要睇慢鏡先睇得清楚原來真係省中咗人，臨場要做決定嘅時間咁短，可能真係未必咁容易可以判斷到而且調整身體嘅姿勢。
咁係咪一定無可能救到呢？始終権田修一畀人感覺佢喺集中力方面確係唔算特別好，如果佢可以再集中多少少望實個波嘅旋動方式，早少少睇得出飛行路線嘅改變，臨時轉用 Top Hand 去撲得唔得呢？無人會知，但似乎都唔係 100% 無可能嘅事。