撲十二碼完勝！邦奴 - 仲未畀對手射入過嘅門將
【 仲未畀對手射入過嘅邦奴 】
守門員又又又又做主角！摩洛哥對住西班牙嘅世界盃十六強賽事，由於雙方喺 120 分鐘內仍然打成 0：0，所以又要用互射十二碼分勝負。當中摩洛哥嘅門將邦奴 Yassine Bounou 連續三球捉啱路，撲出兩球加上對手射中柱，成功協助球隊以 3：0 擊敗西班牙晉身八強。
當中可以睇到邦奴同西班牙門將施蒙 Unai Simon 撲十二碼嘅方法實在係大不同，咁究竟邦奴做咗啲乜令到佢撲 12 碼嘅機會率大大咁提高呢？
－－－－
邦奴本身效力緊西維爾，除咗對一班西班牙球員已經有一定程度嘅認識外，睇返兩位守門員嘅撲救過程，可以見到施蒙選擇企定定，喺對手踏重心腳前就揀定一邊飛撲。而邦奴就偏向不斷做假動作，嘗試用唔同嘅踏步去擾亂對手，逼使西班牙球員去到最後一刻都仲要推測究竟佢最後會撲邊一邊。
面對一啲嘗試觀察守門位動作先決定點射嘅球員自然更加有效，對住巴斯基斯 Sergio Busquets 佢更加先踏向左，再踏向右，等你以為佢會去返左，點知原來都係撲返右邊，最後當然成功撲出。
除咗邦奴做完假動作個重心仲轉得夠快之外，另一樣我認為可能係其中一樣最重要嘅因素，就見到佢會不停自言自語為自己打氣。
千祈唔好以為咁樣係好奇怪，有研究曾經指出，當一個人好緊張好需要一啲打氣說話令自己冷靜落嚟，其實講出聲係會比起收埋喺心入面諗有更大嘅正面影響。因為人腦會將用耳仔聽到嘅嘢比起腦入面諗嘅嘢更加容易形像化以及更加具體。
而近年另一個都幾出名嘅例子，就係歐國盃 2020 決賽互射 12 碼階段，碧福特 Jordan Pickford 一定要救出佐真奴 Jorginho 嘅 12 碼先可以繼續射落去。當時鏡頭就係影到碧福特點曬頭地講「Yup, no problem 」。
雖然有人認為只係球證叫佢留係白界線，碧福特只係回應返佢，但過咗幾秒之後佢其實有再做類似嘅動作，所以我個人偏向相信佢即使係回應緊球證，同時都係同自己講要冷靜，一定搞得掂。到最後佢真係成功冷靜落嚟，救出佐真奴嘅 12 碼。
－－－－
邦奴救出呢兩球 12 碼之後，今場已經係佢喺今屆賽事入面嘅第二張 Clean Sheet，之前除咗喺小組賽失過一球烏龍波之外，其實都無畀對手攻入過。似乎今屆世界盃嘅金手套獎佢都絕對係其中一個大熱門。
(順帶一提，世界盃嘅金手套獎並唔係由最多不失球場次數目門將奪得，而係由 FIFA 技術研究小組喺決賽後根據所有門將嘅表現揀選出嚟，而上屆嘅得主係比利時嘅古圖奧斯 Thibaut Courtois）
睇返對上五屆世界盃，中龍嘅十二碼平均有 21.8% 被撲出，而今屆就誇張了，足足有成 37.9%。即使係被人稱為近代嘅十二碼撲救王，巴西門將迪亞高艾維斯 Diego Alves 嘅法定時間內十二碼撲救率都係啱啱好有四成。
仲要諗下以前球證未必會嚴格執行門將踩唔踩線嘅問題，反而依家嘅成功率比起以往再提升咗，證明今屆世界盃嘅守門員以及背後嘅團隊做咗唔少嘅準備。
守門員又又又又做主角！摩洛哥對住西班牙嘅世界盃十六強賽事，由於雙方喺 120 分鐘內仍然打成 0：0，所以又要用互射十二碼分勝負。當中摩洛哥嘅門將邦奴 Yassine Bounou 連續三球捉啱路，撲出兩球加上對手射中柱，成功協助球隊以 3：0 擊敗西班牙晉身八強。
當中可以睇到邦奴同西班牙門將施蒙 Unai Simon 撲十二碼嘅方法實在係大不同，咁究竟邦奴做咗啲乜令到佢撲 12 碼嘅機會率大大咁提高呢？
－－－－
邦奴本身效力緊西維爾，除咗對一班西班牙球員已經有一定程度嘅認識外，睇返兩位守門員嘅撲救過程，可以見到施蒙選擇企定定，喺對手踏重心腳前就揀定一邊飛撲。而邦奴就偏向不斷做假動作，嘗試用唔同嘅踏步去擾亂對手，逼使西班牙球員去到最後一刻都仲要推測究竟佢最後會撲邊一邊。
面對一啲嘗試觀察守門位動作先決定點射嘅球員自然更加有效，對住巴斯基斯 Sergio Busquets 佢更加先踏向左，再踏向右，等你以為佢會去返左，點知原來都係撲返右邊，最後當然成功撲出。
除咗邦奴做完假動作個重心仲轉得夠快之外，另一樣我認為可能係其中一樣最重要嘅因素，就見到佢會不停自言自語為自己打氣。
千祈唔好以為咁樣係好奇怪，有研究曾經指出，當一個人好緊張好需要一啲打氣說話令自己冷靜落嚟，其實講出聲係會比起收埋喺心入面諗有更大嘅正面影響。因為人腦會將用耳仔聽到嘅嘢比起腦入面諗嘅嘢更加容易形像化以及更加具體。
而近年另一個都幾出名嘅例子，就係歐國盃 2020 決賽互射 12 碼階段，碧福特 Jordan Pickford 一定要救出佐真奴 Jorginho 嘅 12 碼先可以繼續射落去。當時鏡頭就係影到碧福特點曬頭地講「Yup, no problem 」。
雖然有人認為只係球證叫佢留係白界線，碧福特只係回應返佢，但過咗幾秒之後佢其實有再做類似嘅動作，所以我個人偏向相信佢即使係回應緊球證，同時都係同自己講要冷靜，一定搞得掂。到最後佢真係成功冷靜落嚟，救出佐真奴嘅 12 碼。
－－－－
邦奴救出呢兩球 12 碼之後，今場已經係佢喺今屆賽事入面嘅第二張 Clean Sheet，之前除咗喺小組賽失過一球烏龍波之外，其實都無畀對手攻入過。似乎今屆世界盃嘅金手套獎佢都絕對係其中一個大熱門。
(順帶一提，世界盃嘅金手套獎並唔係由最多不失球場次數目門將奪得，而係由 FIFA 技術研究小組喺決賽後根據所有門將嘅表現揀選出嚟，而上屆嘅得主係比利時嘅古圖奧斯 Thibaut Courtois）
睇返對上五屆世界盃，中龍嘅十二碼平均有 21.8% 被撲出，而今屆就誇張了，足足有成 37.9%。即使係被人稱為近代嘅十二碼撲救王，巴西門將迪亞高艾維斯 Diego Alves 嘅法定時間內十二碼撲救率都係啱啱好有四成。
仲要諗下以前球證未必會嚴格執行門將踩唔踩線嘅問題，反而依家嘅成功率比起以往再提升咗，證明今屆世界盃嘅守門員以及背後嘅團隊做咗唔少嘅準備。