葉鴻輝接班人？分析謝家榮地標戰幾個精彩撲救！精彩！
【 正宗？Who cares！比賽就係要識執生 】
港隊最後被一球備受爭議嘅十二碼而以 1:0 作客落敗於越南腳下，不過當中首先為大國腳擔任正選嘅門將謝家榮作出唔少精彩撲救。
其中一球少不了 85 分鐘嘅 Top Hand Save，不過今次想講嘅反而係謝家榮喺 51 分鐘撲出越南一球左路傳中折射球，因為當中佢又示範「錯」腳起跳其實根本唔重要，最緊要有效撲得走唔失波。
－－－－
51 分鐘，越南球員 Nguyen Quang Hai 左路傳中，「細佬」梁諾恆未能成功解圍，個波省中身後嘅 10 號球員 Ngoc Quang Chau 改變方向，令到個波正飛向網窩內。
好彩謝家榮都準備十足，喺個波就到梁諾恆嘅時候，知道自己未能出迎阻截傳中，立即褪後一步增加反應時間。然後預計對手會掂到個波就做出小跳步令自己反應以及動作可以更加快。
當個波省中越南球員改變方向之後，謝家榮立即以左腳向左邊落地，令身體重心傾向右邊加快轉向速度。然後佢將右腳放喺重心左方落地，利用地心吸力加快落地速度。最後佢見仲有時間剩，左腳再向前踏多一步，類似一下前交叉步 Cross Over Step 做最後嘅 Power Step 起跳飛撲，成功將個波撲出底線。
－－－－
各位有上過守門員訓練嘅朋友都知道，絕大部分時間教練都會教飛撲嘅時候所謂嘅「正宗」做法應該要用近腳（即係相對較近皮球方向嗰隻腳）去做最後嘅 Power Step 起跳。當然咁做絕對有道理，以人體工學角度出發，用近腳做 Power Step 喺大部分時間都係一個比較有效嘅撲救動作嚟。
不過踢波就係要執生，唔能夠一本天書睇到老，係唔係教練教落就「一定」要跟呢？落到場邊有可能遇到次次一樣嘅情況？
今次謝家榮就係見做完小跳步之後左腳 (遠腳) 落地，右腳 (近腳) 落埋地都仲有時間，不如就加多步飛遠少少，所以就將左腳 (遠腳) 跨向前再加多步收窄同個波嘅距離，先再用右手撲出。
如果呢球謝家榮唔加最後遠腳嘅一步，動作上對佢第二步右腳 (近腳) 嗰一步嘅爆發力需求就更加大，而且踏多一步嘅時間比起第二步踏完等身體飛向右邊嘅時間應該會較為短，所以加多一步會係一個比較有利嘅做法。
圖片來源：東網，香港足總
港隊最後被一球備受爭議嘅十二碼而以 1:0 作客落敗於越南腳下，不過當中首先為大國腳擔任正選嘅門將謝家榮作出唔少精彩撲救。
其中一球少不了 85 分鐘嘅 Top Hand Save，不過今次想講嘅反而係謝家榮喺 51 分鐘撲出越南一球左路傳中折射球，因為當中佢又示範「錯」腳起跳其實根本唔重要，最緊要有效撲得走唔失波。
－－－－
51 分鐘，越南球員 Nguyen Quang Hai 左路傳中，「細佬」梁諾恆未能成功解圍，個波省中身後嘅 10 號球員 Ngoc Quang Chau 改變方向，令到個波正飛向網窩內。
好彩謝家榮都準備十足，喺個波就到梁諾恆嘅時候，知道自己未能出迎阻截傳中，立即褪後一步增加反應時間。然後預計對手會掂到個波就做出小跳步令自己反應以及動作可以更加快。
當個波省中越南球員改變方向之後，謝家榮立即以左腳向左邊落地，令身體重心傾向右邊加快轉向速度。然後佢將右腳放喺重心左方落地，利用地心吸力加快落地速度。最後佢見仲有時間剩，左腳再向前踏多一步，類似一下前交叉步 Cross Over Step 做最後嘅 Power Step 起跳飛撲，成功將個波撲出底線。
－－－－
各位有上過守門員訓練嘅朋友都知道，絕大部分時間教練都會教飛撲嘅時候所謂嘅「正宗」做法應該要用近腳（即係相對較近皮球方向嗰隻腳）去做最後嘅 Power Step 起跳。當然咁做絕對有道理，以人體工學角度出發，用近腳做 Power Step 喺大部分時間都係一個比較有效嘅撲救動作嚟。
不過踢波就係要執生，唔能夠一本天書睇到老，係唔係教練教落就「一定」要跟呢？落到場邊有可能遇到次次一樣嘅情況？
今次謝家榮就係見做完小跳步之後左腳 (遠腳) 落地，右腳 (近腳) 落埋地都仲有時間，不如就加多步飛遠少少，所以就將左腳 (遠腳) 跨向前再加多步收窄同個波嘅距離，先再用右手撲出。
如果呢球謝家榮唔加最後遠腳嘅一步，動作上對佢第二步右腳 (近腳) 嗰一步嘅爆發力需求就更加大，而且踏多一步嘅時間比起第二步踏完等身體飛向右邊嘅時間應該會較為短，所以加多一步會係一個比較有利嘅做法。
圖片來源：東網，香港足總