原來巴黎人好憎巴黎鐵塔
十個去巴黎的人，十個都會去一去艾菲爾鐵塔打個卡。因為你唔上過上面睇過巴黎全景，唔post番張同鐵塔合照上ig曬命，其實就同無黎過巴黎無分別。但其實曾幾何時（宜家都可能係）巴黎人係好憎艾菲爾鐵塔的。
本身係1889年的時候，法國政府為了係世界博覽會展示下國力同埋慶祝下法國大革命100週年，所以就搞左個比賽，徵求下d好的建築設計，要威威豬咁話。
點知，本身係橋樑設計師的艾菲爾，用左個好新穎以鋼條為主的艾菲爾鐵塔，得到左評審的青睞。結果，一座300米高的鐵塔就係戰神廣場出現了。
但係巴黎市民對於呢個新地標不但沒有好心心眼，而且仲不停Hi佢Auntie，認為呢一座咁有工業風格的建築物，大大破壞左巴黎本身的優雅美感。作家雷納爾仲好串嘴咁話:「我極之討厭巴黎鐵塔，但我日日都會行上去食午餐，因為咁我先見佢唔到。」
面對住反對聲音，巴黎政府本身打算係1909年拆除左佢。但由於艾菲爾鐵塔實在太吸金，一年已經回到本，加上佢的高度對於做作軍方無線電通訊好有幫助。所以就一直到宜家成為了我地的打卡地點啦。
P.S. 因為打法網的關係，所以巴黎鐵塔掛左個波係上面
P.P.S. 原來呀艾菲爾個陣有係巴黎鐵塔頂住過（唔會畏高咩？）
如果大家鐘意我地的文章，就like一like我地個page啦﹕http://www.facebook.com/godiorey2015/
