開飯啦老細！

星期四例牌休息唔使返工。中午約咗我位差不多三個月冇見嘅老友出來吃個lunch, 吹下水，有助減壓架！嘻嘻哈哈又到齊齊去接我哋位小王子放學嘅時間喇！

之後各自閃，我就去咗超巿上糧和買水果，屋企乜都清晒，唔買餸今晚要吔白飯啦！買買下諗起上次睇肥媽套「食平D」入面佢教嘅菜飯，有d流口水添！

肥媽教嘅菜飯內裡有蝦米，我呢D宇宙人要將肉和飯分開食架嘛！No problem, 改良下就ok啦！我用芥蘭冇用菜心，因為芥蘭粒爽口D, 落d菜甫粒和雞蛋，見雪櫃仲有隻橙色燈籠椒，切埋粒加埋入去，又綠又黃又橙，色彩繽紛，唔吃得都睇得，哈~~~

另外炒一大碟皇子菇。咁就呃得下人啦！


咪住，放假係屋企，點都搞番個湯水飮下好喎！但已經就嚟五點，老火湯唔夠時間煲，咁點呢！突然醒起雀后個blog啱啱教煲蕃茄薯仔西施骨湯，屋企有蕃茄薯仔冇西施骨，但有肉片啫！

就係咁三扒兩撥，唔使兩粒鐘又有個充滿維他命C嘅靚湯飲。其實蕃茄薯仔煲鯇魚尾應該仲好味，等我下次又做下實驗先。橫掂屋企三隻扮食神嘅為食貓，煮乜上枱佢哋都清晒！

如果大家對蕃茄薯仔西施湯有興趣，可以過雀后個blog睇食譜。Click入以下條link:
http://kitva95.blogspot.com/2013/09/blog-post_26.html

呢排NY嘅天氣好玩嘢，一個唔覺意就中招冷親，係我身邊就有兩件，我老公和我大嗰位啊妹，千祈咪鬼傳染我呀！