施丹回巢的觀望
之前總結過施丹喺皇馬嘅影響（https://s.fanpiece.com/OEsG0iH），而家寫下佢黎緊有咩睇頭。
後C朗的戰術
施丹其中一項戰術就係以C朗為進攻終結者，所以兩邊出波畀C朗tap-in、頭槌好常見，而家冇左佢，施丹會有咩戰術上嘅改變呢？
冇C朗嘅皇馬係燙手山芋，已經有兩位主帥燒傷手，施丹唔會蠢到咩計劃都冇就接，佢走嗰陣話自己再冇咩可以畀到球會，相信係由衷嘅說話，因為佢多次變陣、調動，加上傷兵，C朗停賽，佢真係出盡法寶，奈何國內成績差，希望今次返黎，會有新嘅部署啦。
輪換制
施丹起用輪換制，效果不俗：皇馬着眼歐冠，令重要球員習中該賽事，奪得歐冠三連霸；國內賽事則一次西甲及西超盃冠軍；另外，較多人忽略嘅係，佢接替肥賓後嘅西甲成績亦係第一。
咁點解佢走嗰季國內成績咁差呢？因為有唔啱用嘅牌，手執咩牌就打咩牌，當輪換制換到差牌，自然會輸，例子包括：C朗季初停賽（雖然停賽唔係輪換嘅結果，但道理一樣），場場都冇煙，得䃈磚3，有幾場要用巴利打中鋒，結果收好多分；另外仲有丹尼路，佩雷斯3000萬買返黎局住用，出親佢都失分，好彩有鏝條水魚。
如果施丹第二任喺球員買賣上冇話語權，相信魔術師畀人除晒衫之後，都好難變隻兔仔出黎；相反，如果佢有哥狗喺鏝買4個閘嗰種自由度，輪換制必會加強，多線作賽都冇問題。
一隊的人事變更
第一任期間，施丹每次被問及轉會傳言，佢都強調好滿意自己隊伍，相信係唔想破壞更衣室嘅和諧，而佩雷斯亦尊重佢嘅意願，最大嘅證據係：連續兩個暑假皇馬喺轉會市場上都賺錢。話雖如此，施丹心目中當然有自己唔啱用嘅球員：巴利，占士，施巴路斯。
巴利
個人好鍾意巴利，不過好多例子顯示佢唔係施丹嘅首選，佢咁多年亦未能融入球隊，加上1億嘅身價，皇馬好可能賣佢返英超套現。
占士
唔經唔覺占士兩年嘅租約就滿，暑假就返黎，好唔好彩，佢又遇返施丹，後者明顯較重視伊斯高，個人覺得二人加埋就最perfect，但我估占士都走架啦，好彩嘅係，有傳拜仁想買斷，總比去細球會好。
施巴路斯
施巴路斯係前U21 MVP，係佩雷斯所買、施丹所受嘅球員，佢今季季初話如果施丹仲喺度，佢好可能離隊，個人覺得佢未夠料做主力。而高華錫會喺季尾返黎，二人位置大部分重疊，施丹取誰、捨誰好難講，施丹都幾重用高華錫，但後者喺車仔好多波踢，唔知肯唔肯返黎，唔返就可能留住施巴路斯。
講完邊啲會走，再講邊啲會黎，有傳施丹可以動用3億。要有效執行輪換制，主力同板櫈同樣重要，後者已經喺度：一眾小將（佢地都係啲明日之星，如Vinicius，Brahim）作為後備都夠做，唔通要學哥狗咁買4個閘咩？重點當係新王牌，後選名單包括：尼馬，世三，麥巴比。
尼馬
佢去疤之前就係差啲黎左皇馬，之後又同疤不歡而散，亦傳過好多次會黎，但睇完佢世盃嘅表現，加上佢嘅作風，個人唔太想佢黎；佢正值當打之年，但係成日受傷，歐冠對曼都出唔到，球隊可唔可依賴佢呢？加上佢嘅年齡真係唔知仲有幾多貨，掉咁大舊錢畀佢踢3、4然後眨值，唔係咁化算。不過佢踢左翼，對到C朗個位，同馬些路應該好夾，而球員們都對佢表示過歡迎。
世三
世三親口講過好多次想黎，而且佢係三者中唯一一個施丹表示過鍾意嘅球員，如果車仔季尾成績差，來季踢唔到歐冠，佢黎嘅呼聲都幾高，而佢表現穩定，技術好，踢英超都少傷（不少數據話佢係英超受到最多侵犯嘅球員），個人覺得OK，唯一問題係年齡，同尼年一樣，唔知佢仲有幾多貨。
麥巴比
賣非忽，入波造波，左中右，快，後生，真係美源髮彩，好想佢黎，不過佢黎嘅阻力應該係三者中最大：加盟PSG先一年，而且表示過希望喺自己國內有啲成就先（大概係歐冠啦），所以上年暑假唔㨂皇馬，PSG主席亦同佩雷斯話過放佢嘅條件係佢幫PSG拎到歐冠，而且PSG窮得只有錢，未必咁易放，同埋佢真係好後生，皇馬可能畀佢踢多幾年之後先買，到時佢都係好後生，而家可能捨難取易，以尼馬、世三為主。
施丹大肆買賣咪同佢之前嘅取態互相矛盾？未必。C朗走左、皇馬成績倒退，雖然兩者冇必然嘅因果關係，但成為了契機，即使人事上有大變動，都合情合理，球員們都會接受，所以施丹可以大展拳腳，重點係佢有話語權，同埋眼光。
後C朗的戰術
施丹其中一項戰術就係以C朗為進攻終結者，所以兩邊出波畀C朗tap-in、頭槌好常見，而家冇左佢，施丹會有咩戰術上嘅改變呢？
冇C朗嘅皇馬係燙手山芋，已經有兩位主帥燒傷手，施丹唔會蠢到咩計劃都冇就接，佢走嗰陣話自己再冇咩可以畀到球會，相信係由衷嘅說話，因為佢多次變陣、調動，加上傷兵，C朗停賽，佢真係出盡法寶，奈何國內成績差，希望今次返黎，會有新嘅部署啦。
輪換制
施丹起用輪換制，效果不俗：皇馬着眼歐冠，令重要球員習中該賽事，奪得歐冠三連霸；國內賽事則一次西甲及西超盃冠軍；另外，較多人忽略嘅係，佢接替肥賓後嘅西甲成績亦係第一。
咁點解佢走嗰季國內成績咁差呢？因為有唔啱用嘅牌，手執咩牌就打咩牌，當輪換制換到差牌，自然會輸，例子包括：C朗季初停賽（雖然停賽唔係輪換嘅結果，但道理一樣），場場都冇煙，得䃈磚3，有幾場要用巴利打中鋒，結果收好多分；另外仲有丹尼路，佩雷斯3000萬買返黎局住用，出親佢都失分，好彩有鏝條水魚。
如果施丹第二任喺球員買賣上冇話語權，相信魔術師畀人除晒衫之後，都好難變隻兔仔出黎；相反，如果佢有哥狗喺鏝買4個閘嗰種自由度，輪換制必會加強，多線作賽都冇問題。
一隊的人事變更
第一任期間，施丹每次被問及轉會傳言，佢都強調好滿意自己隊伍，相信係唔想破壞更衣室嘅和諧，而佩雷斯亦尊重佢嘅意願，最大嘅證據係：連續兩個暑假皇馬喺轉會市場上都賺錢。話雖如此，施丹心目中當然有自己唔啱用嘅球員：巴利，占士，施巴路斯。
巴利
個人好鍾意巴利，不過好多例子顯示佢唔係施丹嘅首選，佢咁多年亦未能融入球隊，加上1億嘅身價，皇馬好可能賣佢返英超套現。
占士
唔經唔覺占士兩年嘅租約就滿，暑假就返黎，好唔好彩，佢又遇返施丹，後者明顯較重視伊斯高，個人覺得二人加埋就最perfect，但我估占士都走架啦，好彩嘅係，有傳拜仁想買斷，總比去細球會好。
施巴路斯
施巴路斯係前U21 MVP，係佩雷斯所買、施丹所受嘅球員，佢今季季初話如果施丹仲喺度，佢好可能離隊，個人覺得佢未夠料做主力。而高華錫會喺季尾返黎，二人位置大部分重疊，施丹取誰、捨誰好難講，施丹都幾重用高華錫，但後者喺車仔好多波踢，唔知肯唔肯返黎，唔返就可能留住施巴路斯。
講完邊啲會走，再講邊啲會黎，有傳施丹可以動用3億。要有效執行輪換制，主力同板櫈同樣重要，後者已經喺度：一眾小將（佢地都係啲明日之星，如Vinicius，Brahim）作為後備都夠做，唔通要學哥狗咁買4個閘咩？重點當係新王牌，後選名單包括：尼馬，世三，麥巴比。
尼馬
佢去疤之前就係差啲黎左皇馬，之後又同疤不歡而散，亦傳過好多次會黎，但睇完佢世盃嘅表現，加上佢嘅作風，個人唔太想佢黎；佢正值當打之年，但係成日受傷，歐冠對曼都出唔到，球隊可唔可依賴佢呢？加上佢嘅年齡真係唔知仲有幾多貨，掉咁大舊錢畀佢踢3、4然後眨值，唔係咁化算。不過佢踢左翼，對到C朗個位，同馬些路應該好夾，而球員們都對佢表示過歡迎。
世三
世三親口講過好多次想黎，而且佢係三者中唯一一個施丹表示過鍾意嘅球員，如果車仔季尾成績差，來季踢唔到歐冠，佢黎嘅呼聲都幾高，而佢表現穩定，技術好，踢英超都少傷（不少數據話佢係英超受到最多侵犯嘅球員），個人覺得OK，唯一問題係年齡，同尼年一樣，唔知佢仲有幾多貨。
麥巴比
賣非忽，入波造波，左中右，快，後生，真係美源髮彩，好想佢黎，不過佢黎嘅阻力應該係三者中最大：加盟PSG先一年，而且表示過希望喺自己國內有啲成就先（大概係歐冠啦），所以上年暑假唔㨂皇馬，PSG主席亦同佩雷斯話過放佢嘅條件係佢幫PSG拎到歐冠，而且PSG窮得只有錢，未必咁易放，同埋佢真係好後生，皇馬可能畀佢踢多幾年之後先買，到時佢都係好後生，而家可能捨難取易，以尼馬、世三為主。
施丹大肆買賣咪同佢之前嘅取態互相矛盾？未必。C朗走左、皇馬成績倒退，雖然兩者冇必然嘅因果關係，但成為了契機，即使人事上有大變動，都合情合理，球員們都會接受，所以施丹可以大展拳腳，重點係佢有話語權，同埋眼光。