機器的另一種演繹——卻奧斯
先問大家一條問題：各位用咩黎瀏覽此文？手機？電腦？呢條問題可能你同我都冇諗過，同樣地，用whatsapp、打機、工作嘅時候都冇諗過類似問題，點解？「因為好廢囉！」因為大家好理所當然咁用呢啲機器，直至某啲情況出現時先察覺，「啫係咩情況呀？」，先賣個關子，留啲空間畀大家諗諗先。
機器喺足球界基本上得一個用法——入球機器，形容入球數字高嘅球員。不過我唔寫佢地，我寫卻奧斯。
成績表
2014世界盃後，皇馬將卻奧斯及占士收歸𣄃下，未成事之前我話過想要後者多啲，因為世界盃冇乜點留意卻奧斯，但係占士真係哇哇聲，球金球真係有今生冇來世。轉眼間5年，占士浮浮沉沉，已被租借去拜仁兩年，而卻奧斯則穩坐皇馬正選，並贏盡錦標。
點睇佢都係叨C朗、施丹嘅光啫，冇C朗嘅入球、施丹嘅部署，何來咁多榮耀？的確，卻奧斯入球/助攻數字都唔多：入球低唔洗多講；翻查過去5年歐冠嘅資料，佢助攻冇上過頭3；西甲都係2016/17賽季拎過第3，數據向左走向右走可能睇到呢到就close tab，且慢。
傳球數據
卻奧斯作為一名中場，不妨睇下佢傳球嘅數據，冇比較好難評價佢，等我用陣中大家較喜愛嘅中場——摩迪，同佢比，結果令人驚訝，卻奧斯喺西甲及歐冠幾乎所有傳球數字都勝過摩迪，當中包括key pass、through ball同cross，而唔係單純嘅回傳/搏腳等。雖則摩迪喺皇馬時間較長，但係數字以場均計算，相信影響不大。
再用上左神枱嘅中場大師——沙維、恩尼斯達同佢比下，由於網站冇filter功能，冇得齋睇西甲同歐冠，將就下啦，卻奧斯Total/Average嘅數字有過之而無不及。
代表啲咩？代表卻奧斯稱得上一個傳球機器。「講咁多都係想話機器可以套用喺傳球方面啫，就係咁？」
世事都給他看透了
拋完一堆冷冰冰嘅數字，為防大家凍親，再寫下我對佢嘅印像，不幸地，佢畀人嘅印像都係冷冰冰。
2016年的變化
2014/15賽季皇馬成績差，季尾安察洛堤被炒。原因有好多，包括用人不妥，卻奧斯為一例：沙比季前走，卻奧斯黎，安察洛堤基本上以佢取代沙比。此前冇乜留意卻奧斯，加上安察洛堤嘅指示，當季佢被掛上轉邊王（只識轉邊）之名，覺得佢有啲過譽，佩雷斯又入錯貨。
之後肥賓嗰半季都廢事提，要講就講佢喺施丹麾下嘅變化。施丹其中一項方針係為球員提供自由度：唔阻止拉莫斯上前，馬些路可以任意進攻，C朗唔洗回防等。卻奧斯亦因而受惠，佢嘅傳球板斧都得以解放，更多向前嘅傳送，攻擊力得以發揮，同上述嘅數字和應。施丹開頭嗰幾場我心諗：呢個真係卻奧斯？就係咁，加埋卡斯米路同摩迪，組成最強中場，有睇國家打吡、歐冠大戰、對曼嘅歐洲超霸盃等，就知我唔係吹水，皇馬傳送之快而準一時無兩，卻奧斯更連續兩年成為FIFPro）最佳中場之一。
球風
明明數據好過摩迪，咁點解佢咁唔起眼呢？呢點基於佢嘅球風——簡而精，佢真係一啲多餘嘅動作都冇，扭波超簡單：睇定定避過你（https://youtu.be/3tQQRGN9Nfk，冇架啦，係得咁多）；控球時間唔長；連犯規動作都係好輕微；亦唔會搏命衝刺，點到即止，猶如被program左一樣。當球迷想欣賞佢嘅時候，焦點已經轉移，球迷嘅記憶亦隨之改變。
用腦踢波
另外佢係一個極之用腦嘅球員，用得快而準，配合技術（淨係有腦，但手腳唔協調都冇用），精準地執行腦入面嘅指令：傳波要外旋定內旋？左腳定右腳？射波要placement定power？控球唔花巧，睇住對方個勢黎避。
以上都可以喺youtube片段所見，等我補充下較難搵到、而佢用腦嘅嘅位。卻奧斯可以聰明到連球證嘅尺度都拿捏到，有啲蓄意犯規（為停止對方），佢用最輕微嘅動作做，一來收效，二來避免黃牌（印像中佢好少黃牌），佢亦甚少同球證爭論，唔會被腎上腺素影響，冰冷地控制場面，達到目的。
另外有時佢控球避過左第一個球員後，眼見避唔過第二個，但佢知道第一個球員有犯規，所以唔勉強過第二個，攤晒手示意遭度侵犯，由球證幫拖；有時護球都係咁：眼見對方壓前，令自己半場冇位組織，mark佢嘅球員稍有動作，卻奧斯就順勢跌低，由球證暫停球賽，畀球隊抖氣。每次都work（好似係）。
仲有大家可能覺得佢回防時懶懶閒，其他人就搏命跑，其實呢個係掌握自己體能嘅表現，知道自己追唔到，仲追黎做咩？見到其他人跑左返去，仲返去做咩？只要球隊重奪控球後，自己出現喺應該出現嘅地方就夠，真係冇印像球隊要搵人嘅時候搵唔到佢，咁就解釋到佢傳球次數之多，而更強嘅證據係，如果佢真係懶懶閒，教練大可以換上work rate較高嘅球員啦，但事實上佢成日正選，並踢足全場。了解自己嘅spec、唔勉強亂黎，所以佢好少壞（唔好畀我講衰，要身體健康，恭喜發財）。
機器般運作
卻奧斯每一個決定都係正確，每一個選擇都係最好，並且簡單有效地執行，就好似program左一樣自動波，係一台徹徹底底德國製造嘅機器，無縫地融入球隊不可或缺嘅運作之中。至於幾時會察覺機器嘅存在？咪失靈嗰陣囉，咪你爆粗鬧垃圾iPhone/Andriod嗰陣囉。
寄語
對卻奧斯嘅印像唔係一時三刻形成，但發呢篇文則係因為皇馬對切爾達後馬卡報嘅球員評分（相信由球迷投票），卻奧斯竟然係最尾，真係冇天理，摩迪固然重要，但佢踢唔到純防中，卻奧斯踢到，如果冇佢，施丹點敢下半場將摩迪移前？
不過卻奧斯嘅風格都好難成球迷嘅寵兒，相信佢亦明白球壇嘅法則，唔會執着自己嘅去留，好彩施丹回歸，希望往後嘅成績好，佢就可以繼續發揮自己嘅作用。
機器喺足球界基本上得一個用法——入球機器，形容入球數字高嘅球員。不過我唔寫佢地，我寫卻奧斯。
成績表
2014世界盃後，皇馬將卻奧斯及占士收歸𣄃下，未成事之前我話過想要後者多啲，因為世界盃冇乜點留意卻奧斯，但係占士真係哇哇聲，球金球真係有今生冇來世。轉眼間5年，占士浮浮沉沉，已被租借去拜仁兩年，而卻奧斯則穩坐皇馬正選，並贏盡錦標。
點睇佢都係叨C朗、施丹嘅光啫，冇C朗嘅入球、施丹嘅部署，何來咁多榮耀？的確，卻奧斯入球/助攻數字都唔多：入球低唔洗多講；翻查過去5年歐冠嘅資料，佢助攻冇上過頭3；西甲都係2016/17賽季拎過第3，數據向左走向右走可能睇到呢到就close tab，且慢。
傳球數據
卻奧斯作為一名中場，不妨睇下佢傳球嘅數據，冇比較好難評價佢，等我用陣中大家較喜愛嘅中場——摩迪，同佢比，結果令人驚訝，卻奧斯喺西甲及歐冠幾乎所有傳球數字都勝過摩迪，當中包括key pass、through ball同cross，而唔係單純嘅回傳/搏腳等。雖則摩迪喺皇馬時間較長，但係數字以場均計算，相信影響不大。
再用上左神枱嘅中場大師——沙維、恩尼斯達同佢比下，由於網站冇filter功能，冇得齋睇西甲同歐冠，將就下啦，卻奧斯Total/Average嘅數字有過之而無不及。
代表啲咩？代表卻奧斯稱得上一個傳球機器。「講咁多都係想話機器可以套用喺傳球方面啫，就係咁？」
世事都給他看透了
拋完一堆冷冰冰嘅數字，為防大家凍親，再寫下我對佢嘅印像，不幸地，佢畀人嘅印像都係冷冰冰。
- 全盛時期嘅卻奧斯可以有幾冷靜？
- 卻奧斯：我從不慌張
- 入球慶祝亦冇激情可言
2016年的變化
2014/15賽季皇馬成績差，季尾安察洛堤被炒。原因有好多，包括用人不妥，卻奧斯為一例：沙比季前走，卻奧斯黎，安察洛堤基本上以佢取代沙比。此前冇乜留意卻奧斯，加上安察洛堤嘅指示，當季佢被掛上轉邊王（只識轉邊）之名，覺得佢有啲過譽，佩雷斯又入錯貨。
之後肥賓嗰半季都廢事提，要講就講佢喺施丹麾下嘅變化。施丹其中一項方針係為球員提供自由度：唔阻止拉莫斯上前，馬些路可以任意進攻，C朗唔洗回防等。卻奧斯亦因而受惠，佢嘅傳球板斧都得以解放，更多向前嘅傳送，攻擊力得以發揮，同上述嘅數字和應。施丹開頭嗰幾場我心諗：呢個真係卻奧斯？就係咁，加埋卡斯米路同摩迪，組成最強中場，有睇國家打吡、歐冠大戰、對曼嘅歐洲超霸盃等，就知我唔係吹水，皇馬傳送之快而準一時無兩，卻奧斯更連續兩年成為FIFPro）最佳中場之一。
球風
明明數據好過摩迪，咁點解佢咁唔起眼呢？呢點基於佢嘅球風——簡而精，佢真係一啲多餘嘅動作都冇，扭波超簡單：睇定定避過你（https://youtu.be/3tQQRGN9Nfk，冇架啦，係得咁多）；控球時間唔長；連犯規動作都係好輕微；亦唔會搏命衝刺，點到即止，猶如被program左一樣。當球迷想欣賞佢嘅時候，焦點已經轉移，球迷嘅記憶亦隨之改變。
用腦踢波
另外佢係一個極之用腦嘅球員，用得快而準，配合技術（淨係有腦，但手腳唔協調都冇用），精準地執行腦入面嘅指令：傳波要外旋定內旋？左腳定右腳？射波要placement定power？控球唔花巧，睇住對方個勢黎避。
以上都可以喺youtube片段所見，等我補充下較難搵到、而佢用腦嘅嘅位。卻奧斯可以聰明到連球證嘅尺度都拿捏到，有啲蓄意犯規（為停止對方），佢用最輕微嘅動作做，一來收效，二來避免黃牌（印像中佢好少黃牌），佢亦甚少同球證爭論，唔會被腎上腺素影響，冰冷地控制場面，達到目的。
另外有時佢控球避過左第一個球員後，眼見避唔過第二個，但佢知道第一個球員有犯規，所以唔勉強過第二個，攤晒手示意遭度侵犯，由球證幫拖；有時護球都係咁：眼見對方壓前，令自己半場冇位組織，mark佢嘅球員稍有動作，卻奧斯就順勢跌低，由球證暫停球賽，畀球隊抖氣。每次都work（好似係）。
仲有大家可能覺得佢回防時懶懶閒，其他人就搏命跑，其實呢個係掌握自己體能嘅表現，知道自己追唔到，仲追黎做咩？見到其他人跑左返去，仲返去做咩？只要球隊重奪控球後，自己出現喺應該出現嘅地方就夠，真係冇印像球隊要搵人嘅時候搵唔到佢，咁就解釋到佢傳球次數之多，而更強嘅證據係，如果佢真係懶懶閒，教練大可以換上work rate較高嘅球員啦，但事實上佢成日正選，並踢足全場。了解自己嘅spec、唔勉強亂黎，所以佢好少壞（唔好畀我講衰，要身體健康，恭喜發財）。
機器般運作
卻奧斯每一個決定都係正確，每一個選擇都係最好，並且簡單有效地執行，就好似program左一樣自動波，係一台徹徹底底德國製造嘅機器，無縫地融入球隊不可或缺嘅運作之中。至於幾時會察覺機器嘅存在？咪失靈嗰陣囉，咪你爆粗鬧垃圾iPhone/Andriod嗰陣囉。
寄語
對卻奧斯嘅印像唔係一時三刻形成，但發呢篇文則係因為皇馬對切爾達後馬卡報嘅球員評分（相信由球迷投票），卻奧斯竟然係最尾，真係冇天理，摩迪固然重要，但佢踢唔到純防中，卻奧斯踢到，如果冇佢，施丹點敢下半場將摩迪移前？
不過卻奧斯嘅風格都好難成球迷嘅寵兒，相信佢亦明白球壇嘅法則，唔會執着自己嘅去留，好彩施丹回歸，希望往後嘅成績好，佢就可以繼續發揮自己嘅作用。