皇馬大清洗—高華錫
高華錫以4500萬歐元轉投車路士，成皇馬大清洗嘅第2位球員。喺傳聞嘅清洗名單中，佢嘅離開幾可惜。2015年以2900萬加盟，有傳係肥賓嘅意思，若屬實，可謂佢任內唯一嘅功績。且看高華錫喺皇馬嘅表現。
黎皇馬前嘅印象
當年打FIFA見到呢張卡（https://www.futwiz.com/en/fifa15/player/mateo-kovacic/13586#）哇左出聲，咁鬼勁先得77 rating，廿歲仔，咩料？！
2015年夏天皇馬熱身賽對國米（https://youtu.be/63CuIv737OY，3:46輕鬆剷走C朗，#369），高華錫完完全全主宰國米中場，對住皇馬發揮得八面玲瓏，再次引起我注意，之後冇耐就過左黎
致命傳送...畀對方
施丹執教嗰半季屬摸索階段，高華錫有多多少少嘅出場機會，表現得有板有眼，睇得出佢嘅質素同潛力。不過季尾有一場（sor，搵唔返邊場）致命傳送畀對方，差啲令球隊失分，至此之後施丹好似都冇再出過佢，幾擔心佢夏天會唔會被賣走。
技術全面嘅中場
我夠膽講高華錫嘅腳下功夫喺隊中數一數二，同馬些路不相伯仲，傳、扭、帶都有，係射波差啲，跑得又快，落腳剷波載波都幾準，踢中場中真係好全面。雖然搵唔到片，但我記得有次馬些路地波傳中，路線遠離目標，高華錫喺佢幾碼附近，以右腳將嗰球傳中力水嘅波，控去左腳射波個位，啱啱好，然後順勢射門，真係一個字—精彩。
最重要嘅係，佢視野廣闊及反應快，前者令佢傳好多靚波，劏開對方防線，後者令佢即時做出最好嘅選擇，例如片段中（https://youtu.be/nVASu2OhPRU?t=307），佢可以一載完波，第二個動作就分個靚波出黎，其實真係幾高章，一般防守時都係：1. 搶返個波，2. 望下傳去邊，3. 再撳傳掣，高華錫反應快，可以省卻第2步，加快轉守為攻嘅效率，印像中摩迪、卻奧斯、卡斯米路都好少何做到。
反應快又點？反應快撳錯掣有鬼用？佢冇撳錯不突止，仲要撳個最好嘅，恰到好處，如果一個喺皇馬非必然正選嘅球員有咩甩漏，都幾難立足，我認為佢喺皇馬期間算係好接近必然正選。
弱點
有讚當然有彈，技術層面上，高華錫傳長傳較差，射術真係評價唔到，因為佢好少射門。
正選時好少踢足全場，可以好多原因，如體力不足、未能適應比賽變化或改變賽果，點都好，啫係某程度上代表教練出佢就預左要換佢走。
較難描述嘅係，佢好少「參與進攻」，的確，佢有好靚直線、個人突破，但佢好多時傳完就算，冇再參與餘下嘅攻勢，好少繼續上前同隊友配合，咁就解釋到佢偏低嘅入球、助攻數字，不過呢方面未必算弱點，歸類為球風較合適。
偶有佳作
2017年12月23日，皇馬主場輸巴塞0:3，賽後啲人鬧施丹出高華錫，點解出佢呢？因為佢有「前科」，佢喺2016年12月3日作客魯營mark死美斯，成一時佳話。
該場仲有一個highlight，就係佢、摩迪同巴塞中場踢得勢均力敵，當時恩尼斯達剛傷癒，施丹賭佢唔能夠正選（我估），所以留卡斯米路做後備，務求控制中場。因為中場鬥餐死，皇馬入肉嘅機會唔多，其中一個係高華錫塞個靚波畀賓斯馬（https://youtu.be/YwTfhqxjzr4?t=270），惟後者輪盡嘥晒。
冇乜野心嘅天才
有啲youtube comment話佢係新卡卡，皆因佢成日高速帶波，其實進攻一定差過卡卡，防守則好過佢；又有人話佢係摩迪接班人，無他，因為位罝及國籍相同，但我覺得佢嘅天份同資質比摩迪高。
平時賽前賽後好少喺媒體前發聲，又冇乜喊走喊留等等，毎次出場交足功課，高質卻低調，就係咁，喺皇馬換血風暴下靜靜離開。本身沙利好似好賞識佢，但係車仔又易帥，現年25歲，佢嘅前途真係唔算光明。
利申
搵左咁多片，你可能話youtube個個都係球王，不過擺得出黎，自然係佢畀我嘅印像同精華相符啦。
黎皇馬前嘅印象
當年打FIFA見到呢張卡（https://www.futwiz.com/en/fifa15/player/mateo-kovacic/13586#）哇左出聲，咁鬼勁先得77 rating，廿歲仔，咩料？！
2015年夏天皇馬熱身賽對國米（https://youtu.be/63CuIv737OY，3:46輕鬆剷走C朗，#369），高華錫完完全全主宰國米中場，對住皇馬發揮得八面玲瓏，再次引起我注意，之後冇耐就過左黎
致命傳送...畀對方
施丹執教嗰半季屬摸索階段，高華錫有多多少少嘅出場機會，表現得有板有眼，睇得出佢嘅質素同潛力。不過季尾有一場（sor，搵唔返邊場）致命傳送畀對方，差啲令球隊失分，至此之後施丹好似都冇再出過佢，幾擔心佢夏天會唔會被賣走。
技術全面嘅中場
我夠膽講高華錫嘅腳下功夫喺隊中數一數二，同馬些路不相伯仲，傳、扭、帶都有，係射波差啲，跑得又快，落腳剷波載波都幾準，踢中場中真係好全面。雖然搵唔到片，但我記得有次馬些路地波傳中，路線遠離目標，高華錫喺佢幾碼附近，以右腳將嗰球傳中力水嘅波，控去左腳射波個位，啱啱好，然後順勢射門，真係一個字—精彩。
最重要嘅係，佢視野廣闊及反應快，前者令佢傳好多靚波，劏開對方防線，後者令佢即時做出最好嘅選擇，例如片段中（https://youtu.be/nVASu2OhPRU?t=307），佢可以一載完波，第二個動作就分個靚波出黎，其實真係幾高章，一般防守時都係：1. 搶返個波，2. 望下傳去邊，3. 再撳傳掣，高華錫反應快，可以省卻第2步，加快轉守為攻嘅效率，印像中摩迪、卻奧斯、卡斯米路都好少何做到。
反應快又點？反應快撳錯掣有鬼用？佢冇撳錯不突止，仲要撳個最好嘅，恰到好處，如果一個喺皇馬非必然正選嘅球員有咩甩漏，都幾難立足，我認為佢喺皇馬期間算係好接近必然正選。
弱點
有讚當然有彈，技術層面上，高華錫傳長傳較差，射術真係評價唔到，因為佢好少射門。
正選時好少踢足全場，可以好多原因，如體力不足、未能適應比賽變化或改變賽果，點都好，啫係某程度上代表教練出佢就預左要換佢走。
較難描述嘅係，佢好少「參與進攻」，的確，佢有好靚直線、個人突破，但佢好多時傳完就算，冇再參與餘下嘅攻勢，好少繼續上前同隊友配合，咁就解釋到佢偏低嘅入球、助攻數字，不過呢方面未必算弱點，歸類為球風較合適。
偶有佳作
2017年12月23日，皇馬主場輸巴塞0:3，賽後啲人鬧施丹出高華錫，點解出佢呢？因為佢有「前科」，佢喺2016年12月3日作客魯營mark死美斯，成一時佳話。
該場仲有一個highlight，就係佢、摩迪同巴塞中場踢得勢均力敵，當時恩尼斯達剛傷癒，施丹賭佢唔能夠正選（我估），所以留卡斯米路做後備，務求控制中場。因為中場鬥餐死，皇馬入肉嘅機會唔多，其中一個係高華錫塞個靚波畀賓斯馬（https://youtu.be/YwTfhqxjzr4?t=270），惟後者輪盡嘥晒。
冇乜野心嘅天才
有啲youtube comment話佢係新卡卡，皆因佢成日高速帶波，其實進攻一定差過卡卡，防守則好過佢；又有人話佢係摩迪接班人，無他，因為位罝及國籍相同，但我覺得佢嘅天份同資質比摩迪高。
平時賽前賽後好少喺媒體前發聲，又冇乜喊走喊留等等，毎次出場交足功課，高質卻低調，就係咁，喺皇馬換血風暴下靜靜離開。本身沙利好似好賞識佢，但係車仔又易帥，現年25歲，佢嘅前途真係唔算光明。
利申
搵左咁多片，你可能話youtube個個都係球王，不過擺得出黎，自然係佢畀我嘅印像同精華相符啦。