「我睇足每週英超，但係英超挑戰盃唔關我事」
呢篇文，小編都係用翻口語打出嚟，因為好似傳神啲，同埋表達到我葡萄、或者灰嘅程度。
(戴定頭盔：不喜勿插，雖然預咗你哋會話我「點解咁自我中心」)
尤其是琴晚睇住韋斯咸去奧地利集訓，同奧地利甲組聯賽季軍......嘅二隊打都只係悶和0:0。
(Source: mogaz news en)
除咗煞科嗰場韋斯咸作客般尼之外，剩低37週我都跟足。英超球員，叫做睇熟晒隊隊正選、打法喇。雖然鍾意睇、成日都要睇，甚至為咗班青訓睇埋英冠英甲英乙，絕對係一隻稱職嘅「英奴」。但係呢個英超亞洲挑戰盃，sorry，我就真係無興趣喇，你哋自己爭飛爭飽佢喇。
年頭嗰陣，英超賽會話英超挑戰盃會嚟香港搞。我諗住坐定粒六，嚟嘅除咗有利物浦，一定會有韋斯咸。韋斯咸個陣容就算無咗派耶，都唔係差呀，蘭仙尼、盧保、卡路爾 (而家又傷緊)，最多咪後防冇咗兩個打洲際國家盃架嘅雲斯頓列特 (養傷無踢) 同埋荷西方迪。點都有翻啲叫座力呀！
好喇，去到五月尾，你先同我講增加到四隊，而且四隊都無韋斯咸份，玩呀家下？你仲要好整唔整，整三隊票房毒藥嚟，你哋去搶飛喇，我就唔睇喇。
(Source: Birmingham Mail)
講咗隊西布朗先，西布朗出晒名穩穩陣陣、防守行先，簡單啲一個字，就係「悶」。就算唔係普利斯 (Tony Pulis) 教，呢個印象都幾難改下架喇。11個常規正選，係得馬特菲臘斯 (Matt Phillips)、查特利 (Nacer Chadli，之前打熱刺嗰個) 兩翼有啲腳法、攻勢睇下。先唔講步大力雄嘅朗當 (Solomon Rondon) 季尾無態，後面7個全部都係偏重防守，戰術都係泊開大巴等你嚟攻。唔通睇下「西布朗拉莫斯」麥奧利 (Gareth McAuley) 點樣又角球助攻入頭鎚，定係睇穩陣咗好多嘅莊尼伊雲斯派膠呢？
(Source: The Sun)
普利斯如果夠膽話大巴第二，除咗摩連奴之外，相信就係艾拿戴斯 (Sam Allardyce) 認大巴最強。艾拿戴斯帶韋斯咸嗰陣悶到被鎚仔球迷串，仲要無得續約，我就覺得抵死嘅。好死唔死，佢今個夏天居然帶住隊本來中前場人腳好好，而家就啱啱好護級成功嘅水晶宮嚟香港。有卡巴耶 (Yohan Cabaye)、大賓 (Big Ben, Christian Benteke) 同埋沙夏 (Wilfred Zaha)......又點噃？咪又係比大Sam 搞到悶波一隊，而且係後防如果無咗馬馬度沙高 (Mamadou Sakho) 就唔得掂嘅英超第15位球隊囉。雖然而家由法蘭迪保亞領軍，但係佢離開咗阿積士之後，佢係國際米蘭嘅戰績，小編不敢恭維。雖然係咁，對我呢啲鎚仔球迷嚟講，水晶宮反而有少少睇嘅價值，因為有韋斯咸青訓湯堅斯 (James Tomkins)……
(Source: Twitter)
最後提提李斯特城，堂堂一隊人人都撐嘅英超冠軍，而家被大家插到地底泥都不如，而且就嚟見到地核添。英超賽會明明有正體中文比香港、台灣等地區嘅球迷睇，但係點解會「跟車唔貼」到呢隊前英超冠軍而家係香港咩人氣都唔知呢？更何況馬列斯 (Riyad Mahrez) 就走 (雖然有隨隊嚟香港)，李斯特城大家仲識啲咩？仲想睇啲咩？除咗幾個真係成為咗狐狸嘅，開埋李斯特城 fanpage 嘅球迷，相信大家都唔會再想支持一支普普通通嘅李斯特城。不過大家都應該知小編一早就對李斯特城印象麻麻，你哋唔同意呢句嘅話就是但喇。
鬧完嗰三隊，咁我都預咗你會問：咁除咗韋斯咸，請咩嚟好呀？咁一定有啲波更加值得睇嘅：修咸頓、愛華頓呢兩隊偏重青訓嘅都有睇頭，尤其是愛華頓有唔少大牌球員：如離隊在即但無下家接收嘅巴克利、史密斯高文等。仲可以係香港上演默西塞特郡打毗，個感覺幾正？
(Source: Manchester United News)
另外就可以一啲偏重進攻嘅球會，如艾迪賀維 (Eddie Howe) 領軍嘅般尼茅夫，帶領侯城贏掌聲輸席位嘅馬高施華 (Marco Silva) 而家帶嘅屈福特，都係娛樂性豐富嘅球隊。雖然人腳可能唔夠強，但都係更值得大家認識。
點解英超賽會要搵齊李城、西布朗、水晶宮？呢件事對我而言，同大文豪嘅玻璃一樣，都係望唔透嘅。
我認我葡萄，但唔係葡萄你有飛……我係想問點解韋斯咸無份呀 _
不過算喇，大球場都係會比利物浦 fans 坐爆架喇。
韋斯咸？Who F**king cares？
封面圖片來源：SCMP
本專欄Facebook專頁：https://www.facebook.com/hammershome
(戴定頭盔：不喜勿插，雖然預咗你哋會話我「點解咁自我中心」)
尤其是琴晚睇住韋斯咸去奧地利集訓，同奧地利甲組聯賽季軍......嘅二隊打都只係悶和0:0。
(Source: mogaz news en)
除咗煞科嗰場韋斯咸作客般尼之外，剩低37週我都跟足。英超球員，叫做睇熟晒隊隊正選、打法喇。雖然鍾意睇、成日都要睇，甚至為咗班青訓睇埋英冠英甲英乙，絕對係一隻稱職嘅「英奴」。但係呢個英超亞洲挑戰盃，sorry，我就真係無興趣喇，你哋自己爭飛爭飽佢喇。
年頭嗰陣，英超賽會話英超挑戰盃會嚟香港搞。我諗住坐定粒六，嚟嘅除咗有利物浦，一定會有韋斯咸。韋斯咸個陣容就算無咗派耶，都唔係差呀，蘭仙尼、盧保、卡路爾 (而家又傷緊)，最多咪後防冇咗兩個打洲際國家盃架嘅雲斯頓列特 (養傷無踢) 同埋荷西方迪。點都有翻啲叫座力呀！
好喇，去到五月尾，你先同我講增加到四隊，而且四隊都無韋斯咸份，玩呀家下？你仲要好整唔整，整三隊票房毒藥嚟，你哋去搶飛喇，我就唔睇喇。
(Source: Birmingham Mail)
講咗隊西布朗先，西布朗出晒名穩穩陣陣、防守行先，簡單啲一個字，就係「悶」。就算唔係普利斯 (Tony Pulis) 教，呢個印象都幾難改下架喇。11個常規正選，係得馬特菲臘斯 (Matt Phillips)、查特利 (Nacer Chadli，之前打熱刺嗰個) 兩翼有啲腳法、攻勢睇下。先唔講步大力雄嘅朗當 (Solomon Rondon) 季尾無態，後面7個全部都係偏重防守，戰術都係泊開大巴等你嚟攻。唔通睇下「西布朗拉莫斯」麥奧利 (Gareth McAuley) 點樣又角球助攻入頭鎚，定係睇穩陣咗好多嘅莊尼伊雲斯派膠呢？
(Source: The Sun)
普利斯如果夠膽話大巴第二，除咗摩連奴之外，相信就係艾拿戴斯 (Sam Allardyce) 認大巴最強。艾拿戴斯帶韋斯咸嗰陣悶到被鎚仔球迷串，仲要無得續約，我就覺得抵死嘅。好死唔死，佢今個夏天居然帶住隊本來中前場人腳好好，而家就啱啱好護級成功嘅水晶宮嚟香港。有卡巴耶 (Yohan Cabaye)、大賓 (Big Ben, Christian Benteke) 同埋沙夏 (Wilfred Zaha)......又點噃？咪又係比大Sam 搞到悶波一隊，而且係後防如果無咗馬馬度沙高 (Mamadou Sakho) 就唔得掂嘅英超第15位球隊囉。雖然而家由法蘭迪保亞領軍，但係佢離開咗阿積士之後，佢係國際米蘭嘅戰績，小編不敢恭維。雖然係咁，對我呢啲鎚仔球迷嚟講，水晶宮反而有少少睇嘅價值，因為有韋斯咸青訓湯堅斯 (James Tomkins)……
(Source: Twitter)
最後提提李斯特城，堂堂一隊人人都撐嘅英超冠軍，而家被大家插到地底泥都不如，而且就嚟見到地核添。英超賽會明明有正體中文比香港、台灣等地區嘅球迷睇，但係點解會「跟車唔貼」到呢隊前英超冠軍而家係香港咩人氣都唔知呢？更何況馬列斯 (Riyad Mahrez) 就走 (雖然有隨隊嚟香港)，李斯特城大家仲識啲咩？仲想睇啲咩？除咗幾個真係成為咗狐狸嘅，開埋李斯特城 fanpage 嘅球迷，相信大家都唔會再想支持一支普普通通嘅李斯特城。不過大家都應該知小編一早就對李斯特城印象麻麻，你哋唔同意呢句嘅話就是但喇。
鬧完嗰三隊，咁我都預咗你會問：咁除咗韋斯咸，請咩嚟好呀？咁一定有啲波更加值得睇嘅：修咸頓、愛華頓呢兩隊偏重青訓嘅都有睇頭，尤其是愛華頓有唔少大牌球員：如離隊在即但無下家接收嘅巴克利、史密斯高文等。仲可以係香港上演默西塞特郡打毗，個感覺幾正？
(Source: Manchester United News)
另外就可以一啲偏重進攻嘅球會，如艾迪賀維 (Eddie Howe) 領軍嘅般尼茅夫，帶領侯城贏掌聲輸席位嘅馬高施華 (Marco Silva) 而家帶嘅屈福特，都係娛樂性豐富嘅球隊。雖然人腳可能唔夠強，但都係更值得大家認識。
點解英超賽會要搵齊李城、西布朗、水晶宮？呢件事對我而言，同大文豪嘅玻璃一樣，都係望唔透嘅。
我認我葡萄，但唔係葡萄你有飛……我係想問點解韋斯咸無份呀 _
不過算喇，大球場都係會比利物浦 fans 坐爆架喇。
韋斯咸？Who F**king cares？
封面圖片來源：SCMP
本專欄Facebook專頁：https://www.facebook.com/hammershome