連美斯領軍誓破阿仙奴 追擊車路士
椰子真是無辜的
莫耶斯今季帶領韋斯咸異軍突起﹐踢左28場波拎左48分﹐打少車路士一場下﹐落後三分﹐暫居第五位。韋斯咸近五仗只係輸過俾曼市雙雄﹐但表現算係不俗，兩場波都係僅負一球﹐另外三場則嬴左有摩佬帶領既熱刺、頹軍錫菲聯同埋大打進攻足球既列斯聯。近五場波入左8球失左3球﹐只有一場賽事係冇入波﹐就係作客對曼聯﹐最主要既原因就係連加特因外借身份無法披甲上陣。
連美斯的加盟完美融入韋斯咸
季中從曼聯借用左攻擊中場連加特﹐就係有此佳績既重要因素。連加特係曼聯不受重用下﹐外借出去對雙方都係好事﹐佢更因為近況大勇而再度入選英格蘭國家隊。自加盟韋斯咸後﹐一共踢左6場波﹐合共出場529分鐘﹐已經有4個入球同1個助攻。場均有1.2次KEY PASS﹐係隊中僅次於左閘基士維；場均射門更有3.2次﹐隊中之冠；場均被侵佔次數亦有1.7次﹐都係隊中之冠；而場均盤扭亦有1.3次。從數據中不難睇得出﹐連加特係韋斯咸既進攻核心﹐會經常作出個人盤扭同射門﹐亦會由佢係中前場派牌。從韋斯咸整隊既進攻模式上，前鋒安東尼奧係前場屬於一個支點角色﹐負責停波同開路﹐回波後就入禁區等接應；而連加特則往空位處跑﹐持球就就嘗試作個人突破殺入禁區﹐又或者回波俾中場﹐再係前場用跑不完既體力到處開發進攻空間﹐同隊友作出拉扯配合。控場方面則交俾一對防中賴斯同蘇錫﹐令到連加特係前場可以踢得極度自由下﹐就可以發揮佢既能力。加上椰子既球隊無論進攻定防守都十分有紀律﹐先在中後場佈防﹐令到前場有較多空間等安東尼奧同連加特兩人發揮速度﹐再加上保雲純熟左腳﹐賴斯準繩既長傳﹐快速進攻對方既後場空位﹐成功搵到一個進攻方程式。
為了前四﹐場場都不容有失
聯賽已經開始進入大直路，今場主場對住第十位既阿仙奴係絕對需要取得勝利﹐繼續壓迫車路士。阿仙奴係數字上當然仍有機會爭取到歐洲賽資格，但成功機會相信都比較細﹐反而歐霸盃已經殺入八強﹐達SIR應該都會集中火力專注歐洲賽事﹐加上韋斯咸有6日休息備戰呢場賽事﹐而阿仙奴係兩日前先輸左俾奧林比亞高斯﹐所以韋斯咸體力上已經佔優﹐加上爭頭四既鬥志﹐呢場波必須要贏。計埋對阿仙奴呢場波﹐韋斯咸仲有十場波﹐只有李城同車路士排名高於自己﹐餘下既都係屬於中下游球隊。睇賽程上﹐韋斯咸都真係有機會
奪得歐洲賽資格。椰子加油吧﹐再次帶領中型班重溫拖肥既神奇之旅！
莫耶斯今季帶領韋斯咸異軍突起﹐踢左28場波拎左48分﹐打少車路士一場下﹐落後三分﹐暫居第五位。韋斯咸近五仗只係輸過俾曼市雙雄﹐但表現算係不俗，兩場波都係僅負一球﹐另外三場則嬴左有摩佬帶領既熱刺、頹軍錫菲聯同埋大打進攻足球既列斯聯。近五場波入左8球失左3球﹐只有一場賽事係冇入波﹐就係作客對曼聯﹐最主要既原因就係連加特因外借身份無法披甲上陣。
連美斯的加盟完美融入韋斯咸
季中從曼聯借用左攻擊中場連加特﹐就係有此佳績既重要因素。連加特係曼聯不受重用下﹐外借出去對雙方都係好事﹐佢更因為近況大勇而再度入選英格蘭國家隊。自加盟韋斯咸後﹐一共踢左6場波﹐合共出場529分鐘﹐已經有4個入球同1個助攻。場均有1.2次KEY PASS﹐係隊中僅次於左閘基士維；場均射門更有3.2次﹐隊中之冠；場均被侵佔次數亦有1.7次﹐都係隊中之冠；而場均盤扭亦有1.3次。從數據中不難睇得出﹐連加特係韋斯咸既進攻核心﹐會經常作出個人盤扭同射門﹐亦會由佢係中前場派牌。從韋斯咸整隊既進攻模式上，前鋒安東尼奧係前場屬於一個支點角色﹐負責停波同開路﹐回波後就入禁區等接應；而連加特則往空位處跑﹐持球就就嘗試作個人突破殺入禁區﹐又或者回波俾中場﹐再係前場用跑不完既體力到處開發進攻空間﹐同隊友作出拉扯配合。控場方面則交俾一對防中賴斯同蘇錫﹐令到連加特係前場可以踢得極度自由下﹐就可以發揮佢既能力。加上椰子既球隊無論進攻定防守都十分有紀律﹐先在中後場佈防﹐令到前場有較多空間等安東尼奧同連加特兩人發揮速度﹐再加上保雲純熟左腳﹐賴斯準繩既長傳﹐快速進攻對方既後場空位﹐成功搵到一個進攻方程式。
為了前四﹐場場都不容有失
聯賽已經開始進入大直路，今場主場對住第十位既阿仙奴係絕對需要取得勝利﹐繼續壓迫車路士。阿仙奴係數字上當然仍有機會爭取到歐洲賽資格，但成功機會相信都比較細﹐反而歐霸盃已經殺入八強﹐達SIR應該都會集中火力專注歐洲賽事﹐加上韋斯咸有6日休息備戰呢場賽事﹐而阿仙奴係兩日前先輸左俾奧林比亞高斯﹐所以韋斯咸體力上已經佔優﹐加上爭頭四既鬥志﹐呢場波必須要贏。計埋對阿仙奴呢場波﹐韋斯咸仲有十場波﹐只有李城同車路士排名高於自己﹐餘下既都係屬於中下游球隊。睇賽程上﹐韋斯咸都真係有機會
奪得歐洲賽資格。椰子加油吧﹐再次帶領中型班重溫拖肥既神奇之旅！