無做功課既蘇B - 李斯特城對曼聯 (賽後分析 - 長文)
賽前分析預測左正選陣容﹐開波前半小時見到個陣容就真係眼都突埋！李斯特城全中並不驚訝﹐但蘇B竟然係八強賽事再次試用4312菱形中場就心知不妙 (馬後炮都係咁講)﹐最後就真係出晒事。先有費特自爆﹐再有馬迪輕鬆被搓散﹐最後又係死球失波﹐結果被技術性擊倒。
先讚一下李城既部署
李斯特城果然如賽前所料﹐缺少左核心攻中麥迪臣同邊路突破力高速度快既班尼斯﹐就改以3412陣式﹐用雙箭頭加強攻力。一縮後防守時將一對翼衛拉後變成二閘﹐防守番曼聯既二閘﹐三中堅收窄﹐變成5後衛﹔防中尼迪迪居中﹐攻擊中場艾約斯則移後一格﹐同泰利文斯一左一右﹐加埋尼迪迪一齊堵塞中路空間﹐三人保持適當既距離，非常有紀律地防止曼聯係中路滲透﹔一對前鋒則退至中場遮線﹐準備利用速度打反擊。當曼聯開龍門球時﹐李城亦會大軍向前壓﹐一對前鋒防守一對中堅﹐兩隻翼衛防守曼聯二閘﹔泰利文斯推前同艾約斯一齊防守馬迪同費特﹐而尼迪迪則留在中場中路補位。前場逼搶更逼到費特自爆﹐因回傳力水唔夠俾伊恩拿祖偷到﹐再扭過甸軒後射入﹐取得領先。當李城控球在腳時﹐進攻非常有耐性。冇左可以比致命直線既麥迪臣﹐佢地選擇較保守既進攻模式﹐唔會輕易俾直線/冒險搏波﹐去唔到就回後保持控球權﹐引曼聯球員向前撲﹐等後場有空間時﹐先放長傳俾前鋒攻擊曼聯中堅既身後空間。後場控球時﹐三中堅拉開﹐推前兩隻翼衛﹐聯同兩名防守中場係後場組織﹐待泰利文斯可輕鬆轉身下，才開始慢慢向前推進﹐又或者伊雲斯係後場放長波﹐尋找一對前鋒﹐非常羅渣士式的踢法。
蘇B無做功課？
兩日前才艱辛地作客險勝AC米蘭﹐今場又要硬拼李城。經過連場大戰﹐球員的體力明顯吃不消。有見及此﹐蘇B選擇係呢場賽事作出輪換﹐排出4312陣容﹐讓一些主力休息﹐等剛剛傷癒既球員和後備球員出黎踢下﹐咁就出晒事。只要有留意一下李城既傷病名單﹐再睇睇上場佢對錫菲聯既出場陣容﹐其實已經可以預測到對方大約會用咩陣式﹐而李城仲有6-7日休息﹐一定會曬冷同你踢﹐唔存在要輪換既諗法﹐所以都可以肯定係踢3412/532﹐盡量塞滿中路。如果蘇B有做下功課﹐就唔應該排出4312既陣式﹐同李城係中路玩泥漿摔角。一個逗後既馬迪加三個中路球員嘗試overload人地3個中場﹐加埋對方3名中堅同我地兩個前鋒﹐變左中路大塞車﹐邊有空間俾你進攻。而邊路既泰勒斯同雲比沙加都唔係個人盤扭能力好強既閘﹐對方兩隻翼衛亦不是省油的燈﹐就廢埋你邊路進攻。再者﹐前鋒用馬斯亞和綠木,就算泰勒斯可以出到靚波﹐中間亦冇一個擅頂之人可以有把握用個頭入波。而綠木入波果下就正正展示曼聯應該點樣進攻﹐泰勒斯拉邊﹐普巴再走去邊路支援拉走中堅科芬拿﹐一個假身避開芬拿再出個地波﹐雲迪碧克巧妙地一漏﹐就讓後上既綠木撞射入網。所以﹐如果有做功課﹐用番4231拉番開闊度黎踢﹐理論上就唔會踢得咁狼狽。
自爆既費特要鬧﹐蘇B更加要鬧
費特未自爆前﹐已經有幾腳波係完全無壓力下控失同交失。近幾場好少見到有呢類咁蝦碌既表現﹐亦都反映到球員既體能已經去到臨界點。般奴、占士同梳爾要休息是可以理解的。改踢4312﹐出馬迪﹐雲迪碧克代替都無可厚非。只可惜﹐輪換既球員實在太耐冇出場﹐坐到變左雪人。馬迪跟唔上節奏﹔雲迪碧克未能適應攻中位置﹔泰勒斯不在最佳狀態﹔佢地同其他正選亦缺乏默契﹐下下要望到先俾或者俾波人前波後﹐整場進攻防守都十分唔流暢。排陣錯左蘇B責無旁貸﹐費特自爆就要鬧費特﹐但半場都可以唔換走費特﹐仲可以踢到83分鐘先換走就必定係鬧蘇B。見到費特咁既狀態﹐加埋中路大塞車﹐半場你都唔轉陣/換人解決場上既問題﹐究竟你係睇唔到定真係咁信佢？結果52分鐘再失一球。在64分鐘才換入般奴、梳爾、卡叔同麥湯文尼﹐但竟然換走普巴(可能體能問題)﹐而夢遊球場既馬仔竟然踢足全場﹐蘇B既調動真係黑人問號！迪亞路唔可以早少少入場搏殺咩？占士又真係要抖足全場？
輸波都仲可以見到曙光
末段蘇B既最後一個調動就係曙光！佢用迪亞路入替費特﹐將調左去打右翼既綠木移入中間拍住卡叔打雙箭頭﹐迪亞路馬斯亞打兩隻翼﹐重點將般奴費南迪斯移去踢8號位。蘇B終於醒起佢係可以踢中場中﹐係前面加多一個前鋒﹐踢回傳統442陣式。呢個都算係呢場波值得開心既一件事。黎緊國際賽期﹐希望蘇B認真諗諗點樣可以適時輪換下球員﹐又可以保持贏波。
先讚一下李城既部署
李斯特城果然如賽前所料﹐缺少左核心攻中麥迪臣同邊路突破力高速度快既班尼斯﹐就改以3412陣式﹐用雙箭頭加強攻力。一縮後防守時將一對翼衛拉後變成二閘﹐防守番曼聯既二閘﹐三中堅收窄﹐變成5後衛﹔防中尼迪迪居中﹐攻擊中場艾約斯則移後一格﹐同泰利文斯一左一右﹐加埋尼迪迪一齊堵塞中路空間﹐三人保持適當既距離，非常有紀律地防止曼聯係中路滲透﹔一對前鋒則退至中場遮線﹐準備利用速度打反擊。當曼聯開龍門球時﹐李城亦會大軍向前壓﹐一對前鋒防守一對中堅﹐兩隻翼衛防守曼聯二閘﹔泰利文斯推前同艾約斯一齊防守馬迪同費特﹐而尼迪迪則留在中場中路補位。前場逼搶更逼到費特自爆﹐因回傳力水唔夠俾伊恩拿祖偷到﹐再扭過甸軒後射入﹐取得領先。當李城控球在腳時﹐進攻非常有耐性。冇左可以比致命直線既麥迪臣﹐佢地選擇較保守既進攻模式﹐唔會輕易俾直線/冒險搏波﹐去唔到就回後保持控球權﹐引曼聯球員向前撲﹐等後場有空間時﹐先放長傳俾前鋒攻擊曼聯中堅既身後空間。後場控球時﹐三中堅拉開﹐推前兩隻翼衛﹐聯同兩名防守中場係後場組織﹐待泰利文斯可輕鬆轉身下，才開始慢慢向前推進﹐又或者伊雲斯係後場放長波﹐尋找一對前鋒﹐非常羅渣士式的踢法。
蘇B無做功課？
兩日前才艱辛地作客險勝AC米蘭﹐今場又要硬拼李城。經過連場大戰﹐球員的體力明顯吃不消。有見及此﹐蘇B選擇係呢場賽事作出輪換﹐排出4312陣容﹐讓一些主力休息﹐等剛剛傷癒既球員和後備球員出黎踢下﹐咁就出晒事。只要有留意一下李城既傷病名單﹐再睇睇上場佢對錫菲聯既出場陣容﹐其實已經可以預測到對方大約會用咩陣式﹐而李城仲有6-7日休息﹐一定會曬冷同你踢﹐唔存在要輪換既諗法﹐所以都可以肯定係踢3412/532﹐盡量塞滿中路。如果蘇B有做下功課﹐就唔應該排出4312既陣式﹐同李城係中路玩泥漿摔角。一個逗後既馬迪加三個中路球員嘗試overload人地3個中場﹐加埋對方3名中堅同我地兩個前鋒﹐變左中路大塞車﹐邊有空間俾你進攻。而邊路既泰勒斯同雲比沙加都唔係個人盤扭能力好強既閘﹐對方兩隻翼衛亦不是省油的燈﹐就廢埋你邊路進攻。再者﹐前鋒用馬斯亞和綠木,就算泰勒斯可以出到靚波﹐中間亦冇一個擅頂之人可以有把握用個頭入波。而綠木入波果下就正正展示曼聯應該點樣進攻﹐泰勒斯拉邊﹐普巴再走去邊路支援拉走中堅科芬拿﹐一個假身避開芬拿再出個地波﹐雲迪碧克巧妙地一漏﹐就讓後上既綠木撞射入網。所以﹐如果有做功課﹐用番4231拉番開闊度黎踢﹐理論上就唔會踢得咁狼狽。
自爆既費特要鬧﹐蘇B更加要鬧
費特未自爆前﹐已經有幾腳波係完全無壓力下控失同交失。近幾場好少見到有呢類咁蝦碌既表現﹐亦都反映到球員既體能已經去到臨界點。般奴、占士同梳爾要休息是可以理解的。改踢4312﹐出馬迪﹐雲迪碧克代替都無可厚非。只可惜﹐輪換既球員實在太耐冇出場﹐坐到變左雪人。馬迪跟唔上節奏﹔雲迪碧克未能適應攻中位置﹔泰勒斯不在最佳狀態﹔佢地同其他正選亦缺乏默契﹐下下要望到先俾或者俾波人前波後﹐整場進攻防守都十分唔流暢。排陣錯左蘇B責無旁貸﹐費特自爆就要鬧費特﹐但半場都可以唔換走費特﹐仲可以踢到83分鐘先換走就必定係鬧蘇B。見到費特咁既狀態﹐加埋中路大塞車﹐半場你都唔轉陣/換人解決場上既問題﹐究竟你係睇唔到定真係咁信佢？結果52分鐘再失一球。在64分鐘才換入般奴、梳爾、卡叔同麥湯文尼﹐但竟然換走普巴(可能體能問題)﹐而夢遊球場既馬仔竟然踢足全場﹐蘇B既調動真係黑人問號！迪亞路唔可以早少少入場搏殺咩？占士又真係要抖足全場？
輸波都仲可以見到曙光
末段蘇B既最後一個調動就係曙光！佢用迪亞路入替費特﹐將調左去打右翼既綠木移入中間拍住卡叔打雙箭頭﹐迪亞路馬斯亞打兩隻翼﹐重點將般奴費南迪斯移去踢8號位。蘇B終於醒起佢係可以踢中場中﹐係前面加多一個前鋒﹐踢回傳統442陣式。呢個都算係呢場波值得開心既一件事。黎緊國際賽期﹐希望蘇B認真諗諗點樣可以適時輪換下球員﹐又可以保持贏波。