一次失誤足以致命 - 格蘭納達對曼聯 (賽後簡評)
場雞一響﹐曼聯作客憑福仔係上半場既單刀入波﹐加埋補時階段般奴費南迪斯既12碼﹐以2比0輕取格蘭納達﹐晉級機會高唱入雲。黎緊禮拜日作客熱刺﹐就可以全力出擊﹐務求報番首回合被炒一比六之仇。
先講講曼聯今場陣容
賽前分析都預測蘇B會強陣迎戰﹐迪基亞係呢場賽事再度正選上陣﹐我認為下場番到主場都會比番甸軒達臣打﹐而歐戰則會交比迪基亞﹐甸軒達臣既粉絲都唔駛太驚青。防線繼續一如以往﹐拜利中左武肺要隔離﹐中堅繼續連迪洛夫拍麥隊長﹐左右二閘都係雲比沙加同梳爾。福仔繼續紮住上陣﹐一對防中用普巴拍住麥湯文尼﹐右路交比勤力占士﹐攻擊核心般奴費南迪斯繼續在陣﹐聯同上場破入球荒既格連活特係前線攻堅。
簡短講下格蘭納達部署
格蘭納達主帥明顯有針對曼聯唔識打陣地戰既弱點而作出佈防﹐係未失波之前﹐用4141陣式﹐前鋒蘇達度都退後至中場線先開始遮線﹐連迪洛夫同麥佳亞有較多時間係後場控球。而4名中場則一字排開﹐剛好就一個對一個地捉住曼聯既4名中場﹐特別係普巴一上腳﹐蒙杜路立刻就會施加壓力﹐唔俾普巴可以慢慢組織。而逗後既干拿隆斯則會企係中場線同後防線中間塞位﹐一方面留意般奴費南迪斯位置﹐唔俾曼聯從中路俾波佢﹐另外就會隨波轉移防止曼聯從中路打小組滲入。後防線就一對中堅mark住般奴同綠木﹐盡量係中路保持緊密。係防守上亦會踢得較為勇悍﹐寧願犯規都會阻住曼聯球員既推進﹐但佢地選擇犯規既地點同動作都比較聰明﹐球證都好難可以俾牌警告﹐算係非常懂得利用球例。
一次失誤足以致命
頭三十分鐘都係一場攻防戰﹐格蘭納達完全放棄控球以防守為先﹐有機會先壓上﹐攻勢較多集中係右路﹐左路則依靠堅尼地單打獨鬥。曼聯都係強打左路﹐不過福仔明顯紮住踢﹐影響左表現﹐但都憑佢自己個人能力創造到一兩個射門機會。曼聯一圍攻對手﹐老鼠拉龜情況又出現﹐未入波前都甚少製造到具威脅既埋門。直到三十分鐘﹐格蘭納達打左個反擊﹐射左出界後並冇全軍退守中後場﹐整條防線更企到上半場線開始防守﹐但中前場既球員係完全冇向前施壓﹐呢下失誤就付出代價。福仔見到後場有極多空位﹐立刻放棄係邊路拉闊﹐斜走入中堅同右閘既身後空間﹐連迪路夫靈光一閃就放左個精準長傳到禁區頂﹐福仔右腳一控再向前細力推前﹐已經入到12碼點單刀赴會﹐最後冷靜地右腳掃把腳射近柱入網﹐為曼聯先開紀錄﹐更拎到寶貴既作客入球。
中場混戰﹐海軍鬥水兵
失左波之後﹐格蘭納達都唔係好見到係生波方面可以製造到威脅俾迪基亞﹐反而有幾下死球就射中個龍門﹐不過都唔係射得特別刁鑽﹐好輕易就比迪基亞接實。到下半場﹐兩隊既戰況都係非常膠著﹐與其話兩隊防守出色﹐不如話兩隊進攻乏力﹐海軍鬥水兵。格蘭納達既生波進攻都因為球員既質素﹐往往好容易就猜失。而曼聯既進攻又比人睇通睇透﹐陣地戰繼續破門乏力。雖然下半場調左位﹐占士踢左綠木踢右﹐但咁樣調完仲令到兩翼進攻都發揮唔到﹐不過防守上占士就可以幫輕下泰利斯。中場球來球往﹐縱使兩隊都換左人﹐但都未有太大改變。
曼聯晉級應該冇問題
最後到補時階段﹐格蘭納達球員禁區侵犯般奴令曼聯獲得12碼﹐B費一射入網﹐令曼聯嬴2比0。睇比數上曼聯晉級就應該冇問題﹐不過有暗湧既地方係下場梳爾、麥湯文尼、麥佳亞都要停賽。雖然格蘭納達呢場波進攻就唔係好銳利﹐但缺少左呢三位防守大將都會係曼聯輸波既一大危機。另外﹐福仔今場踢到65分鐘就被換出﹐見到佢今場被人踢到一仆一碌就鄧佢驚﹐始終未傷癒係咪真係要咁樣出佢落去搏殺？呢個真係要蘇B諗諗。下場作客熱刺﹐都係果句﹐希望球隊踢出拼勁﹐盡力爭取嬴波！
先講講曼聯今場陣容
賽前分析都預測蘇B會強陣迎戰﹐迪基亞係呢場賽事再度正選上陣﹐我認為下場番到主場都會比番甸軒達臣打﹐而歐戰則會交比迪基亞﹐甸軒達臣既粉絲都唔駛太驚青。防線繼續一如以往﹐拜利中左武肺要隔離﹐中堅繼續連迪洛夫拍麥隊長﹐左右二閘都係雲比沙加同梳爾。福仔繼續紮住上陣﹐一對防中用普巴拍住麥湯文尼﹐右路交比勤力占士﹐攻擊核心般奴費南迪斯繼續在陣﹐聯同上場破入球荒既格連活特係前線攻堅。
簡短講下格蘭納達部署
格蘭納達主帥明顯有針對曼聯唔識打陣地戰既弱點而作出佈防﹐係未失波之前﹐用4141陣式﹐前鋒蘇達度都退後至中場線先開始遮線﹐連迪洛夫同麥佳亞有較多時間係後場控球。而4名中場則一字排開﹐剛好就一個對一個地捉住曼聯既4名中場﹐特別係普巴一上腳﹐蒙杜路立刻就會施加壓力﹐唔俾普巴可以慢慢組織。而逗後既干拿隆斯則會企係中場線同後防線中間塞位﹐一方面留意般奴費南迪斯位置﹐唔俾曼聯從中路俾波佢﹐另外就會隨波轉移防止曼聯從中路打小組滲入。後防線就一對中堅mark住般奴同綠木﹐盡量係中路保持緊密。係防守上亦會踢得較為勇悍﹐寧願犯規都會阻住曼聯球員既推進﹐但佢地選擇犯規既地點同動作都比較聰明﹐球證都好難可以俾牌警告﹐算係非常懂得利用球例。
一次失誤足以致命
頭三十分鐘都係一場攻防戰﹐格蘭納達完全放棄控球以防守為先﹐有機會先壓上﹐攻勢較多集中係右路﹐左路則依靠堅尼地單打獨鬥。曼聯都係強打左路﹐不過福仔明顯紮住踢﹐影響左表現﹐但都憑佢自己個人能力創造到一兩個射門機會。曼聯一圍攻對手﹐老鼠拉龜情況又出現﹐未入波前都甚少製造到具威脅既埋門。直到三十分鐘﹐格蘭納達打左個反擊﹐射左出界後並冇全軍退守中後場﹐整條防線更企到上半場線開始防守﹐但中前場既球員係完全冇向前施壓﹐呢下失誤就付出代價。福仔見到後場有極多空位﹐立刻放棄係邊路拉闊﹐斜走入中堅同右閘既身後空間﹐連迪路夫靈光一閃就放左個精準長傳到禁區頂﹐福仔右腳一控再向前細力推前﹐已經入到12碼點單刀赴會﹐最後冷靜地右腳掃把腳射近柱入網﹐為曼聯先開紀錄﹐更拎到寶貴既作客入球。
中場混戰﹐海軍鬥水兵
失左波之後﹐格蘭納達都唔係好見到係生波方面可以製造到威脅俾迪基亞﹐反而有幾下死球就射中個龍門﹐不過都唔係射得特別刁鑽﹐好輕易就比迪基亞接實。到下半場﹐兩隊既戰況都係非常膠著﹐與其話兩隊防守出色﹐不如話兩隊進攻乏力﹐海軍鬥水兵。格蘭納達既生波進攻都因為球員既質素﹐往往好容易就猜失。而曼聯既進攻又比人睇通睇透﹐陣地戰繼續破門乏力。雖然下半場調左位﹐占士踢左綠木踢右﹐但咁樣調完仲令到兩翼進攻都發揮唔到﹐不過防守上占士就可以幫輕下泰利斯。中場球來球往﹐縱使兩隊都換左人﹐但都未有太大改變。
曼聯晉級應該冇問題
最後到補時階段﹐格蘭納達球員禁區侵犯般奴令曼聯獲得12碼﹐B費一射入網﹐令曼聯嬴2比0。睇比數上曼聯晉級就應該冇問題﹐不過有暗湧既地方係下場梳爾、麥湯文尼、麥佳亞都要停賽。雖然格蘭納達呢場波進攻就唔係好銳利﹐但缺少左呢三位防守大將都會係曼聯輸波既一大危機。另外﹐福仔今場踢到65分鐘就被換出﹐見到佢今場被人踢到一仆一碌就鄧佢驚﹐始終未傷癒係咪真係要咁樣出佢落去搏殺？呢個真係要蘇B諗諗。下場作客熱刺﹐都係果句﹐希望球隊踢出拼勁﹐盡力爭取嬴波！