繼續追趕曼城 - 曼聯對般尼 (賽前預測)
歐霸盃算係輕鬆晉身四強﹐今晚番到聯賽對住般尼。睇一睇曼聯既賽期﹐見到下場比賽係七日後對列斯聯﹐好耐冇試過踢完一場波有七日既休息時間。不過跟住既賽期就嚇親你﹐兩對羅馬﹐中間再夾多一場對利物浦﹐再跟住對維拉﹐賽期又密﹐對手又唔易踢。真係要趁呢七日回足氣。
講講般尼近況
般尼近況認真麻麻﹐近五仗僅得一勝二和二負﹐聯賽榜已經趺到去第十七位﹐打少一場下距離降班區仍有七分優勢﹐睇落佢都穩陣既。餘下既賽事既對手包括有今晚既曼聯、無慾無求既狼隊、爭緊歐聯席位既韋斯咸同利物浦、要護級既富咸、護級成功既列斯聯同埋已經宣佈降班既錫菲聯。睇落佢既護級之路都唔算太艱難。但今場對住近況大勇既曼聯﹐睇黎都係兇多吉少。
又講遘曼聯近況
講番愛隊曼聯先﹐前一場踢出代表作﹐半場落後下﹐下半場變陣出擊﹐熱血反CUP熱刺﹐好似搵到入波方程式。上場對格蘭納達﹐踢左五分鐘就入波﹐最後輕鬆以二比零取勝。近幾仗攻力都有一定既保證﹐今場對住近況一般既般尼﹐應該都可以贏波縮窄積分榜同榜首既距離。
預測曼聯正選陣容
上場對格蘭納達有三位球員停賽﹐包括麥佳亞、梳爾同麥湯文尼﹐相信呢場波都會重回正選陣容。龍門位置對蘇B黎講真係幸福既煩惱﹐估計都係甸軒達臣把守最後一關。對住般尼既高Q大棍同主打兩翼側擊既打法﹐用敢於出迎同接傳中波相當穩健既甸軒都非常合理。拜利繼續休息﹐相信都會用麥隊長拍冰人連迪路夫。杜安沙比係上場驗霸盃其實踢得幾好﹐用佢拍麥隊長去應付基斯活特同維特拉﹐我覺得會更好﹐不過蘇B應該都係以不變應萬變。左閘梳爾回歸正選﹐右閘繼續用雲比沙加﹐都係正路選擇。
近兩場試過踢4231將普巴推左上去左中場又或者轉踢4222踢攻擊中場﹐效果都非常好。上場更因為太積極防守﹐要半場就調走佢(有黃牌在身)﹐都見到佢依家鬥心非常強﹐所以應該都唔會再將佢擺去踢防中﹐今場估計會先踢左中場先。一對防中會由馬迪、麥湯文尼同費特輪流踢﹐今場會繼續用MCFRED組合。因為上場馬迪踢足要抖抖﹐而費特實在太FIT。福仔上場休息﹐今場會出番打右中場﹐加強右路既進攻力﹐但唔知佢既傷情如何﹐仍然有傷的話就改用格連活特啦。
而近幾仗雖然少左D鎂光燈﹐但其實踢得唔係差既般奴費南迪斯都會繼續上陣搏殺。多左普巴既支援﹐佢既壓力細左之餘﹐亦多左空間去做波﹐今場我估佢會有所斬獲。前鋒線上﹐卡雲尼同格連活特都狀態大勇﹐卡叔始終級數高D﹐而且踢完呢場有七日休息﹐估計都會先用卡叔去搏殺。綠木則隨時候命。迪亞路、馬達(達叔)、占士同雲迪碧克都已經可以上陣﹐後備力量都十分充足。見到依家個陣容﹐只要成隊保持健康﹐絕對可以以最佳狀態去應付之後既比賽！
預計曼聯正選陣容
甸軒達臣
雲比沙加 連迪路夫 麥佳亞 梳爾
拉舒福特 費特 麥湯文尼 普巴般奴費南迪斯
卡雲尼
講講般尼近況
般尼近況認真麻麻﹐近五仗僅得一勝二和二負﹐聯賽榜已經趺到去第十七位﹐打少一場下距離降班區仍有七分優勢﹐睇落佢都穩陣既。餘下既賽事既對手包括有今晚既曼聯、無慾無求既狼隊、爭緊歐聯席位既韋斯咸同利物浦、要護級既富咸、護級成功既列斯聯同埋已經宣佈降班既錫菲聯。睇落佢既護級之路都唔算太艱難。但今場對住近況大勇既曼聯﹐睇黎都係兇多吉少。
又講遘曼聯近況
講番愛隊曼聯先﹐前一場踢出代表作﹐半場落後下﹐下半場變陣出擊﹐熱血反CUP熱刺﹐好似搵到入波方程式。上場對格蘭納達﹐踢左五分鐘就入波﹐最後輕鬆以二比零取勝。近幾仗攻力都有一定既保證﹐今場對住近況一般既般尼﹐應該都可以贏波縮窄積分榜同榜首既距離。
預測曼聯正選陣容
上場對格蘭納達有三位球員停賽﹐包括麥佳亞、梳爾同麥湯文尼﹐相信呢場波都會重回正選陣容。龍門位置對蘇B黎講真係幸福既煩惱﹐估計都係甸軒達臣把守最後一關。對住般尼既高Q大棍同主打兩翼側擊既打法﹐用敢於出迎同接傳中波相當穩健既甸軒都非常合理。拜利繼續休息﹐相信都會用麥隊長拍冰人連迪路夫。杜安沙比係上場驗霸盃其實踢得幾好﹐用佢拍麥隊長去應付基斯活特同維特拉﹐我覺得會更好﹐不過蘇B應該都係以不變應萬變。左閘梳爾回歸正選﹐右閘繼續用雲比沙加﹐都係正路選擇。
近兩場試過踢4231將普巴推左上去左中場又或者轉踢4222踢攻擊中場﹐效果都非常好。上場更因為太積極防守﹐要半場就調走佢(有黃牌在身)﹐都見到佢依家鬥心非常強﹐所以應該都唔會再將佢擺去踢防中﹐今場估計會先踢左中場先。一對防中會由馬迪、麥湯文尼同費特輪流踢﹐今場會繼續用MCFRED組合。因為上場馬迪踢足要抖抖﹐而費特實在太FIT。福仔上場休息﹐今場會出番打右中場﹐加強右路既進攻力﹐但唔知佢既傷情如何﹐仍然有傷的話就改用格連活特啦。
而近幾仗雖然少左D鎂光燈﹐但其實踢得唔係差既般奴費南迪斯都會繼續上陣搏殺。多左普巴既支援﹐佢既壓力細左之餘﹐亦多左空間去做波﹐今場我估佢會有所斬獲。前鋒線上﹐卡雲尼同格連活特都狀態大勇﹐卡叔始終級數高D﹐而且踢完呢場有七日休息﹐估計都會先用卡叔去搏殺。綠木則隨時候命。迪亞路、馬達(達叔)、占士同雲迪碧克都已經可以上陣﹐後備力量都十分充足。見到依家個陣容﹐只要成隊保持健康﹐絕對可以以最佳狀態去應付之後既比賽！
預計曼聯正選陣容
甸軒達臣
雲比沙加 連迪路夫 麥佳亞 梳爾
拉舒福特 費特 麥湯文尼 普巴般奴費南迪斯
卡雲尼