見到車尾燈就唔可以放棄 - 列斯聯對曼聯 (賽前陣容預測)
歐超聯大戰歐聯既賽事踢左兩日就勝負已分﹐歐超聯因六支英超聯球隊相繼退出而宣佈暫緩﹐歐聯取得階段性勝利﹐令到英超『讓四』大戰再度展開。望一望個積分榜﹐數到暫時排第八位既愛華頓都仍有機會爭取到歐聯既參賽資格﹐競爭相當激烈。今場排第二既曼聯對住排第十名既列斯聯﹐一隊數字上仍有機會後上奪冠但有歐霸賽事既後顧之憂﹐而另一隊則護級成功﹐既可以做下欄路虎﹐又可以踢番自己既風格﹐呢場波應該都會幾好睇。
講番曼聯先﹐經過七日既休息後﹐又要開始密集既賽程。踢完呢場波之後﹐四月三十號起計就要十日內踢四場波(包括兩對羅馬﹐中間加多場對利物浦﹐最後五月九號對維拉)﹐跟住再隔三日就大戰李斯特城。除左球員體能備受考驗﹐我地球迷都要準備好足夠既精神去支持球隊。目前曼聯踢少一場﹐同榜首既曼城差11分。只要仲望到車尾燈﹐都唔可以放棄。嬴波係唯一既辦法﹐所以呢場都應該會full team去踢。
列斯聯相信都係會一如既往同你不停跑、跑、跑﹐一對一既防守戰術﹐全軍進攻﹐大量既無球跑動﹐都係會係預期之內。曼聯面對呢種踢法﹐係防守時就好講求每個球員既workrate﹐而進攻就要靠更多既拉扯走位﹐先可以撕破對方既防守。甸軒達臣雖然上場有幾下蝦碌﹐但最後贏波就應該唔會棄用佢﹐繼續係聯賽把守最後一關。後防線會繼續維持不變﹐梳爾、麥佳亞、連迪路夫同雲比沙加繼續上陣。蘇B都會繼續用4231陣式﹐普巴同般奴費南迪斯同時上陣。B費會續任進攻中場既位置﹐反而如何安排普巴既位置就頭痕。擺佢係防中就驚佢防守時workrate唔夠；擺佢係邊路就要抽走福仔或者綠木一個。最後我預測普巴都會先出任左中場位置﹐一對防中會用MCFRED組合﹐費特拍麥湯文尼。卡雲尼同格連活特都狀態大用。對住列斯聯更需要前者既拉扯同走位﹐所以卡雲尼會正選上陣﹐而綠木則會力壓福仔出任右翼。原因係福仔仍受傷患困擾﹐可以抖就抖下啦。
預測曼聯正選陣容
甸軒達臣
雲比沙加 連迪路夫 麥佳亞 梳爾
格連活特 麥湯文尼 費特 普巴
般奴費南迪斯
卡雲尼
P.S.占士呢場波應該有發揮既機會﹐睇下蘇B會唔會起用佢打右翼
講番曼聯先﹐經過七日既休息後﹐又要開始密集既賽程。踢完呢場波之後﹐四月三十號起計就要十日內踢四場波(包括兩對羅馬﹐中間加多場對利物浦﹐最後五月九號對維拉)﹐跟住再隔三日就大戰李斯特城。除左球員體能備受考驗﹐我地球迷都要準備好足夠既精神去支持球隊。目前曼聯踢少一場﹐同榜首既曼城差11分。只要仲望到車尾燈﹐都唔可以放棄。嬴波係唯一既辦法﹐所以呢場都應該會full team去踢。
列斯聯相信都係會一如既往同你不停跑、跑、跑﹐一對一既防守戰術﹐全軍進攻﹐大量既無球跑動﹐都係會係預期之內。曼聯面對呢種踢法﹐係防守時就好講求每個球員既workrate﹐而進攻就要靠更多既拉扯走位﹐先可以撕破對方既防守。甸軒達臣雖然上場有幾下蝦碌﹐但最後贏波就應該唔會棄用佢﹐繼續係聯賽把守最後一關。後防線會繼續維持不變﹐梳爾、麥佳亞、連迪路夫同雲比沙加繼續上陣。蘇B都會繼續用4231陣式﹐普巴同般奴費南迪斯同時上陣。B費會續任進攻中場既位置﹐反而如何安排普巴既位置就頭痕。擺佢係防中就驚佢防守時workrate唔夠；擺佢係邊路就要抽走福仔或者綠木一個。最後我預測普巴都會先出任左中場位置﹐一對防中會用MCFRED組合﹐費特拍麥湯文尼。卡雲尼同格連活特都狀態大用。對住列斯聯更需要前者既拉扯同走位﹐所以卡雲尼會正選上陣﹐而綠木則會力壓福仔出任右翼。原因係福仔仍受傷患困擾﹐可以抖就抖下啦。
預測曼聯正選陣容
甸軒達臣
雲比沙加 連迪路夫 麥佳亞 梳爾
格連活特 麥湯文尼 費特 普巴
般奴費南迪斯
卡雲尼
P.S.占士呢場波應該有發揮既機會﹐睇下蘇B會唔會起用佢打右翼