一腳將你同歐聯講拜拜 - 曼聯對利物浦 (賽前預測陣容)

今晚3點15分﹐曼聯主場迎戰利物浦。截至寫犒時﹐利物浦踢左三十四場得五十七分﹐距離第四位既車路士有七分差距但少踢兩場﹐爭取歐聯席位仍未絕望；而曼聯則已早早鎖定歐聯席位﹐聯賽只係名次之爭。賽程之密攪到蘇B上場對李斯特城要出動到19歲既伊蘭加同新仔迪亞路打正選再配合埋其他既後備球員﹐包括杜安沙比、威廉斯、雲迪碧克等人﹐目的就係要等正選球員有足夠既體力去迎戰利物浦。只要曼聯呢場贏波﹐利物浦就好大機會會失去下屆歐聯資格﹐所以利物浦呢場波係不容有失﹐必定要贏。而曼聯呢場波表面上只係風流波﹐實際上除左係一場牙較戰之外﹐更加係一個大好機會踢走利物浦既歐聯參賽資格﹐所以蘇B絕對唔會留力。
蘇B上場俾甸軒達臣抖抖﹐今場應該會復任正選。麥隊長既受傷﹐令到拜利可以正選上陣﹐拍住連迪路夫鎮守防線﹐左右二閘則係鐵人雲比沙加同梳爾繼續擔正。MCFRED組合繼續為曼聯中堅前面起一個屏障﹐左路會起用季尾被解放既普巴﹐右路則交俾福仔。兩人或會周不時互換位置﹐等福仔利用速度去追擊阿諾壓前助攻既身後空間。核心般奴費南迪斯繼續係前場派牌﹐而前鋒則會用近況甚勇既卡雲尼。

預測曼聯正選陣容
甸軒達臣
雲比沙加 拜利 連迪路夫 梳爾
拉舒福特 麥湯文尼 費特 普巴
般奴費南迪斯
卡雲尼