利記技高一籌﹐輸得心服口服 (曼聯對利物浦 - 賽後報告(長文))
雙方都對呢場勝利志在必得﹐一隊為左爭取歐聯資格；另一隊則想一腳踢死敵出爭四行列。兩隊都派出最強陣容應戰﹐利物浦用艾利臣把關﹐防線由右至左係阿諾、菲臘斯、威廉斯同羅伯臣。沿用番慣常433陣式﹐中場逗後係法賓奴﹐左右中場中係艾簡達拿同韋拿杜姆﹐前線三人組則收起左文尼﹐用上祖達、費明奴同沙拿。而曼聯方面﹐門將甸軒達臣復任正選。防線由右至左係雲比沙加、拜利、連迪路夫同梳爾。蘇B繼續用番4231陣式﹐兩個防中係麥湯文尼拍住費特﹐左中場用普巴﹐右路用福仔。攻擊核心般奴費南迪斯則聯同卡雲尼在前攻堅。
曼聯早早入波先拔頭籌
一開波﹐兩隊已經各有唔小驚險鏡頭。曼聯先有拜利回追沙拿飛剷﹐禁區內手部明顯掂到個波﹐不過隻手既擺放位置係正常﹐所以先冇吹十二碼。然後就到艾利臣橫傳失誤﹐俾卡雲尼係禁區外偷到個波。可惜佢個處理比較心急﹐見龍門未回得切位就嘗試即刻拗腰射尾柱﹐最後就射左出界﹐浪費左一次大好機會。曼聯早段非常進取﹐多次係前場做逼搶﹐拜利既制空力加上費特既大範圍攔截﹐成功係早段搶到主導權。踢到第10分鐘﹐曼聯再係中場搶番個波﹐皮球落到普巴腳下。佢係左路一個大轉向搵到右邊既福仔。後面既雲比沙加走underlap直入禁區接應福仔既直線。佢拎左波一dup﹐Cut back俾後上既般奴。般奴用哥利斯馬式腳面片個波去尾柱﹐菲臘斯情急之下就一腳射左個波入自己龍門。曼聯憑呢球先開紀錄。
入波早唔代表踢得好
落後既利物浦冇因此而被打亂陣腳﹐繼續慢慢踢番自己既節奏。中後場球員入局後﹐多次利用埋門將艾利臣一齊猜散曼聯既前場逼搶。二閘跟住壓上助攻﹐阿諾係右路多次傳出具威脅既既傳中波﹐而左閘既羅伯臣亦有幾下傳中球﹐只係力水過大。而曼聯雖然可以依靠MCFRED係中路作出搶斷後打反擊﹐但反擊既質量不高﹐只能依靠福仔去爆羅伯臣﹐而利物浦球員回防亦甚快﹐令到曼聯反擊往往只能猜失又或者被搶截﹐未能完成射門。
高普既前場逼搶非常有效
今場不得不讚賞利物浦既前場逼搶。亦從呢場睇到曼聯係未能應付對方高壓逼搶。當波係曼聯後場時﹐利物浦整隊已經係前場開始壓迫。而曼聯缺少左用波能力既較好既麥隊長後﹐加上中場中路用上兩個不擅組織既防守中場﹐個波基本上係冇任何方法可以從後場組織上黎。簡單講就係一逼就斷。一斷纜﹐利物浦就可以立即係前場人少打人少情況下﹐利用空間創造射門機會。而高波放上去俾卡雲尼停呢著﹐亦因對方逼得好快而放得唔準。成場波個主導權係晒利記度。
今季仲要輸幾多次死球
努力係有回報﹐憑住角球攻勢﹐曼聯球員解圍唔清脆下﹐俾菲臘斯係禁區執番個波再傳俾無人看管既祖達後腳射入。之前已經有幾下係禁區清唔走個波﹐險象環生﹐輸呢一下都非偶然。利物浦得勢不饒人﹐繼續係前場施壓。上半場補時階段﹐係右路搏到一個罰球。又係死球﹐又係區域防守﹐今次就到普巴孭鑊。阿諾罰球斬尾柱﹐費明奴冇人看管下望住黎頂﹐應聲破網﹐而普巴就正正係負責防守尾柱區域既球員。今季都唔係第一次輸死球﹐有冇諗過點解決呢？
有失誤唔緊要﹐唔好失左個信心
下半場雙方都冇作任何變動﹐繼續原陣作賽。利物浦既前場逼搶再次發揮作用。47分鐘﹐曼聯後場組織﹐費特接應連迪路夫既傳送﹐想直接撞個波俾左路既梳爾﹐但力水唔夠﹐俾衝上黎既阿諾偷左就大步壓入禁區傳地波入中路。冰人岩岩夠腳長踢前左個波﹐但梳爾未有大腳解圍﹐反而想連人帶波撤離禁區。利記立即反搶成功﹐個波又去到仲係禁區既阿諾。佢右腳撥前一推一抽硬射近柱。甸軒企岩位但抱唔實個波﹐彈左個波入中間﹐俾費明奴執死雞射入空門。呢個失誤令到曼聯輸到三比一﹐再睇番當時場上既形勢﹐連控球組織都有困難﹐仲要入兩球先追得番﹐真係陷入困境！
換人有效果﹐個波運到上前
蘇B係63分鐘作出換人﹐由格連活特入替頻頻交失波既費特﹐將普巴移入中路﹐加強中場既停波能力﹐左右翼交番俾福仔同綠木。普巴移左入中間﹐明顯係破逼搶既解決良方。對方往往要動用兩個人先可以阻止到普巴去用波﹐令到其他球員多左空間同時間去做波﹐曼聯個波終於可以順暢咁運到去前場﹐場上既形勢即刻有轉變。67分鐘﹐梳爾後場睇定定﹐質個斜線俾中圈既般奴。佢輕輕踩後俾跟進緊既福仔。福仔再橫傳俾卡雲尼﹐然後就加速走入兩個中堅既身後空間。卡叔直線助攻福仔﹐福仔冷靜地左腳掃把腳射波﹐個波慢流尾袋入網﹐追番一球。
壓晒上去攻﹐輸多球都冇辦法
曼聯承勢向前壓﹐可惜最後都係無功而還。踢到90分鐘﹐曼聯全軍壓上﹐十個人都係利記半場組織搵機會。此時﹐兩個中堅冰人同麥湯都過左自己半場。入替拜利既馬迪盤球上前被搶斷﹐居迪斯鐘斯求其向前踢俾沙拿﹐就已經形成單刀。面對面對住甸軒達臣﹐沙拿輕鬆射入。呢球就唔關甸軒事了﹐全隊上晒去攻﹐但冇留LAST MAN亦係一個問題。最後四比二完場。
輸波但見到要點改進﹐未嘗唔係好事
先讚讚利記先﹐先落後但冇亂﹐逼搶有系統有力度﹐前線把握力突然回勇。成場波既表現都在曼聯之上﹐贏波合理﹐輸得心服口服；而曼聯雖然先入波﹐但面對高壓逼搶﹐MCFRED係中路未能串連中後場﹐係一個極大問題。你要解放普巴就要中路出兩個掃蕩形中場。但兩個都缺少用波能力﹐就非常大問題﹐睇黎呢個位置有必要買入一名球員﹐既能搶波又能有效地串連中後場。後防缺少左麥隊長﹐亦係一大隱憂。拜利同連迪路夫夾既時間始終少﹐互相包位既默契都未足夠﹐希望麥隊可以係歐霸盃決賽復出會比較好。甸軒達臣雖然今場孭左隻鑊﹐但整體表現唔算好差﹐係用波方面同對面既艾利臣比就真係高下立見。希望佢唔好失信心﹐一次半次失誤冇問題既。黎緊仲有幾場聯賽賽事﹐既可以練下兵﹐又可以培養下拜利同冰人既默契﹐歐霸盃決賽﹐我們進來了！
曼聯早早入波先拔頭籌
一開波﹐兩隊已經各有唔小驚險鏡頭。曼聯先有拜利回追沙拿飛剷﹐禁區內手部明顯掂到個波﹐不過隻手既擺放位置係正常﹐所以先冇吹十二碼。然後就到艾利臣橫傳失誤﹐俾卡雲尼係禁區外偷到個波。可惜佢個處理比較心急﹐見龍門未回得切位就嘗試即刻拗腰射尾柱﹐最後就射左出界﹐浪費左一次大好機會。曼聯早段非常進取﹐多次係前場做逼搶﹐拜利既制空力加上費特既大範圍攔截﹐成功係早段搶到主導權。踢到第10分鐘﹐曼聯再係中場搶番個波﹐皮球落到普巴腳下。佢係左路一個大轉向搵到右邊既福仔。後面既雲比沙加走underlap直入禁區接應福仔既直線。佢拎左波一dup﹐Cut back俾後上既般奴。般奴用哥利斯馬式腳面片個波去尾柱﹐菲臘斯情急之下就一腳射左個波入自己龍門。曼聯憑呢球先開紀錄。
入波早唔代表踢得好
落後既利物浦冇因此而被打亂陣腳﹐繼續慢慢踢番自己既節奏。中後場球員入局後﹐多次利用埋門將艾利臣一齊猜散曼聯既前場逼搶。二閘跟住壓上助攻﹐阿諾係右路多次傳出具威脅既既傳中波﹐而左閘既羅伯臣亦有幾下傳中球﹐只係力水過大。而曼聯雖然可以依靠MCFRED係中路作出搶斷後打反擊﹐但反擊既質量不高﹐只能依靠福仔去爆羅伯臣﹐而利物浦球員回防亦甚快﹐令到曼聯反擊往往只能猜失又或者被搶截﹐未能完成射門。
高普既前場逼搶非常有效
今場不得不讚賞利物浦既前場逼搶。亦從呢場睇到曼聯係未能應付對方高壓逼搶。當波係曼聯後場時﹐利物浦整隊已經係前場開始壓迫。而曼聯缺少左用波能力既較好既麥隊長後﹐加上中場中路用上兩個不擅組織既防守中場﹐個波基本上係冇任何方法可以從後場組織上黎。簡單講就係一逼就斷。一斷纜﹐利物浦就可以立即係前場人少打人少情況下﹐利用空間創造射門機會。而高波放上去俾卡雲尼停呢著﹐亦因對方逼得好快而放得唔準。成場波個主導權係晒利記度。
今季仲要輸幾多次死球
努力係有回報﹐憑住角球攻勢﹐曼聯球員解圍唔清脆下﹐俾菲臘斯係禁區執番個波再傳俾無人看管既祖達後腳射入。之前已經有幾下係禁區清唔走個波﹐險象環生﹐輸呢一下都非偶然。利物浦得勢不饒人﹐繼續係前場施壓。上半場補時階段﹐係右路搏到一個罰球。又係死球﹐又係區域防守﹐今次就到普巴孭鑊。阿諾罰球斬尾柱﹐費明奴冇人看管下望住黎頂﹐應聲破網﹐而普巴就正正係負責防守尾柱區域既球員。今季都唔係第一次輸死球﹐有冇諗過點解決呢？
有失誤唔緊要﹐唔好失左個信心
下半場雙方都冇作任何變動﹐繼續原陣作賽。利物浦既前場逼搶再次發揮作用。47分鐘﹐曼聯後場組織﹐費特接應連迪路夫既傳送﹐想直接撞個波俾左路既梳爾﹐但力水唔夠﹐俾衝上黎既阿諾偷左就大步壓入禁區傳地波入中路。冰人岩岩夠腳長踢前左個波﹐但梳爾未有大腳解圍﹐反而想連人帶波撤離禁區。利記立即反搶成功﹐個波又去到仲係禁區既阿諾。佢右腳撥前一推一抽硬射近柱。甸軒企岩位但抱唔實個波﹐彈左個波入中間﹐俾費明奴執死雞射入空門。呢個失誤令到曼聯輸到三比一﹐再睇番當時場上既形勢﹐連控球組織都有困難﹐仲要入兩球先追得番﹐真係陷入困境！
換人有效果﹐個波運到上前
蘇B係63分鐘作出換人﹐由格連活特入替頻頻交失波既費特﹐將普巴移入中路﹐加強中場既停波能力﹐左右翼交番俾福仔同綠木。普巴移左入中間﹐明顯係破逼搶既解決良方。對方往往要動用兩個人先可以阻止到普巴去用波﹐令到其他球員多左空間同時間去做波﹐曼聯個波終於可以順暢咁運到去前場﹐場上既形勢即刻有轉變。67分鐘﹐梳爾後場睇定定﹐質個斜線俾中圈既般奴。佢輕輕踩後俾跟進緊既福仔。福仔再橫傳俾卡雲尼﹐然後就加速走入兩個中堅既身後空間。卡叔直線助攻福仔﹐福仔冷靜地左腳掃把腳射波﹐個波慢流尾袋入網﹐追番一球。
壓晒上去攻﹐輸多球都冇辦法
曼聯承勢向前壓﹐可惜最後都係無功而還。踢到90分鐘﹐曼聯全軍壓上﹐十個人都係利記半場組織搵機會。此時﹐兩個中堅冰人同麥湯都過左自己半場。入替拜利既馬迪盤球上前被搶斷﹐居迪斯鐘斯求其向前踢俾沙拿﹐就已經形成單刀。面對面對住甸軒達臣﹐沙拿輕鬆射入。呢球就唔關甸軒事了﹐全隊上晒去攻﹐但冇留LAST MAN亦係一個問題。最後四比二完場。
輸波但見到要點改進﹐未嘗唔係好事
先讚讚利記先﹐先落後但冇亂﹐逼搶有系統有力度﹐前線把握力突然回勇。成場波既表現都在曼聯之上﹐贏波合理﹐輸得心服口服；而曼聯雖然先入波﹐但面對高壓逼搶﹐MCFRED係中路未能串連中後場﹐係一個極大問題。你要解放普巴就要中路出兩個掃蕩形中場。但兩個都缺少用波能力﹐就非常大問題﹐睇黎呢個位置有必要買入一名球員﹐既能搶波又能有效地串連中後場。後防缺少左麥隊長﹐亦係一大隱憂。拜利同連迪路夫夾既時間始終少﹐互相包位既默契都未足夠﹐希望麥隊可以係歐霸盃決賽復出會比較好。甸軒達臣雖然今場孭左隻鑊﹐但整體表現唔算好差﹐係用波方面同對面既艾利臣比就真係高下立見。希望佢唔好失信心﹐一次半次失誤冇問題既。黎緊仲有幾場聯賽賽事﹐既可以練下兵﹐又可以培養下拜利同冰人既默契﹐歐霸盃決賽﹐我們進來了！