輸左唔係問題，要好好吸收今次既經驗（歐霸盃決賽賽後報告 - 長文）
正選陣容一出，我就知呢十一個人好大機會要踢足全場。正選陣容只有一個球員同賽前預測既陣容不同，而呢個正正就係點解我話十一個人要踢足全場既原因（文中有解說），就係用格連活特代替費特打正選。迪基亞出任龍門，雲比沙加、拜利、連迪路夫、梳爾都係防線正選。普巴拍麥沙文尼出任防中，左右翼用福仔同綠木，攻中般奴費南迪斯拍住前鋒卡雲尼攻堅。
普巴居中有辣有唔辣
一開波，維拉利爾就主動放棄控球權，屯重兵係中後場縮窄空間，唔俾曼聯有任何空間用速度突破，守穩左保住不失波先。維拉利爾唔係冇試過壓上係前場做逼搶，不過曼聯中路有普巴幫手梳理後場情況下，往往佢一腳轉邊就成功解除逼搶。呢樣就係普巴代替費特係中路既好處，非常有力既停球點，有vision搵空左既隊友，控制進攻節奏。維拉利爾見狀都甚少再係前面迫，疊埋心水係後面守。曼聯則用麥湯拉後到右中堅位置幫手後場build-up，普巴係中路做轉邊專員。左翼靠福仔單打獨鬥，右路則用綠木。而呢樣就係普巴居中後既問題。自從季尾推左普巴打左中場，佢係邊路停波等梳爾後上支援打小組，又或者走入中路協助般奴組織，吸引防守球員協防佢而令般奴多左空間做波，已經係季尾見到既作用。但今場用福仔打左翼，即刻見到梳爾都唔敢瘋狂後上，一黎係決賽要保守少少，二黎係福仔偏向持球作個人突破，梳爾上埋黎佢又扭失既話，後場就唔夠人。對面屯重兵442平排中場防守下，要從邊路區域扭入去難度相當大，要從人堆中做小組配合亦唔容易。當個波由左路經中間再轉去右路時，右路既雲比沙加進攻力不足同綠木不擅突破既問題又出現，形成曼聯係外圍只能圍住黎猜，甚少打到個波入對方禁區心臟地帶。般奴則係中路被重重圍困，拎到波想轉身都難。而麥湯文尼則係最多起腳機會既球員，因普巴同般奴都被重點招呼，麥湯係禁區外都不乏空間施射，可惜一係唔中龍﹐一係省到人。卡雲尼受制於對方密集，兩翼亦提供唔到傳中球俾佢去攻門，踢得比較沉。
進攻老鼠拉龜但前場逼搶抵讚
雖然前場進攻老鼠拉龜，但值得一讚既係曼聯既前場逼搶有針對部署。卡雲尼會聯同綠木去逼一對中堅，對方閘位球員交俾兩閘去防守。一個防中緊纏對面既邊路中場，另一個就聯同般奴遮住中場球員俾波線路，多次成攻逼對手係後場放高波上前。依靠拜利既制空力同防守力成功搶回控球權，所以曼聯整個上半場係控制住戰局，只係難以有效組織具威脅埋門。曼聯成個半場最似樣就係梳爾係左路K角位禁個急勁地波傳中﹐個波係龍門口掠過﹐同埋綠木少有地係右路用速度硬爆對手沉底地波傳中﹐可惜都係無功而回。而維拉利爾係生波上亦甚少組織到攻勢埋門﹐反擊次數唔多亦無太大威脅。兩名邊路球員對住雲比沙加同梳爾亦都冇啖好食﹐中場亦冇一個特別有創造性既球員可以為前線輸送彈藥。踢到29分鐘﹐維拉利爾憑一次死球攻勢入波。冇錯﹐又係死球﹐今季唔知出現過幾多次。冰人走甩左摩蘭奴﹐抆都抆唔住﹐俾佢係門前篤入。入完波之後﹐維拉利爾守得更徹底﹐全軍退守三閘線﹐諗住可以一球守到尾。
咁樣追得番就更加唔會換人
上半場餘下既時間都係曼聯拎住個波猜猜猜，但冇一個突破點，對面成隊防守又極度集中下，曼聯完全係苦無對策完半場。下半場，曼聯仍然維持陣容同陣式繼續磨。咁樣踢比你踢多一個鐘都入唔到波。最正路就要先解放普巴，加強前場組織力，但出呢個正選陣容既敗筆係你唔敢換走綠木同福仔。個人認為兩個踢出黎既表現都係一般(綠木相對好少少)﹐但福仔係打反擊同速度上一定係隊中最有威脅，而綠木當fit同埋佢既把握力亦係隊中數一數二。係要變架啦，但蘇B根本唔敢用一個中場入替其中一個人。如果一開始係先用費特就唔同講法，但呢個會係另一個故事。冇左麥隊長，用普巴居中利用中場控制力保護防線。出費特既話就怕一開波俾人前場逼搶，係後場受壓俾人直接進攻不穩既防線。呢個就係蘇B既取捨。但好波不如好運，55分鐘一個角球攻勢，福仔係禁區外執到第二點就射埋去。個波係禁區波子機彈左兩下停左係卡叔前面，佢即刻就射個波入網，追番一比一。咁樣追和直接解決左蘇B既煩惱，十一個同我踢到尾。
艾馬利狂換﹐蘇B可能想換但唔敢換
場波繼續膠著狀態﹐艾馬利嘗試換入高基連加強中場截擊力﹐想拎番場波主導權﹐但效果一般。跟住又嘗試換入艾卡沙、高美斯加強攻力﹐但都冇特別作用﹐成場波只得入波果腳中龍就見到隊波攻力其實麻麻。但可以見到既係換入黎既球員同換出既球員﹐能力上特點上唔會有好明顯分別。但曼聯既後備就好唔同﹐個個特點明顯﹐占士適合防反﹐馬達擅於創造﹐馬迪擅於控制節奏﹐但二人速率都係偏慢﹐雲迪碧克則未知擺邊最好﹐迪亞路都係新﹐費特就搶波強俾波弱﹐後衛就唔會換。蘇B除左換費特推前普巴呢著﹐都冇乜邊招敢用。加上場波和緊﹐更加想以不變應萬變。
加時唔駛輸﹐咁樣換人就真係要屌
哨子一響就完埋下半場。一到加時﹐體力上就有明顯分別。曼聯只能係中後場防守﹐守到就大腳向前等福仔綠木哨﹐而維拉利爾因體能優勢拎回主導權﹐多次利用地面推進進攻曼聯防線。蘇B見狀即換入費特﹐加強中路防守﹐推普巴上前幫手停波組織。但即刻見到既係費特加麥湯被人高壓逼搶下屢次失控球權﹐令對方係自己禁區有幾下危險攻勢﹐好彩對方把握唔到。去到116分鐘既換人調動真係要屌。場波擺明就等射十二碼﹐完全諗唔明點解用占士換入普巴(好彩占士射入十二碼)。拜利就應該係踢到乾糖要換。到最後2分鐘先換入馬達同泰利斯去射碼。換唔係問題﹐但點解唔可以早啲換呢？波都未掂過﹐第一腳波就要射十二碼﹐絕對唔係一個好既換人時間！
冇冠軍係失望既﹐但要好好吸收決賽經驗
十二碼大戰﹐最後到迪基亞射失先冇左個冠軍。龍門射失都冇咩好怪﹐而撲十二碼並唔容易﹐每個龍門都不是完美﹐所以我對迪基亞並冇太多責備既想法。而蘇B就真係要好好記住呢種感覺同吸收呢場波既經驗。一場過既波係需要有PLAN B。呢場亦見到隊波有增兵既必要﹐特別係防中同中堅位置。前場球員亦需要開竅才會進步﹐睇下教練團點樣幫佢地。蘇B都應該唔會俾人炒既﹐下季真係要有盃落袋﹐咪你都好難同球迷同老闆交代啦！
普巴居中有辣有唔辣
一開波，維拉利爾就主動放棄控球權，屯重兵係中後場縮窄空間，唔俾曼聯有任何空間用速度突破，守穩左保住不失波先。維拉利爾唔係冇試過壓上係前場做逼搶，不過曼聯中路有普巴幫手梳理後場情況下，往往佢一腳轉邊就成功解除逼搶。呢樣就係普巴代替費特係中路既好處，非常有力既停球點，有vision搵空左既隊友，控制進攻節奏。維拉利爾見狀都甚少再係前面迫，疊埋心水係後面守。曼聯則用麥湯拉後到右中堅位置幫手後場build-up，普巴係中路做轉邊專員。左翼靠福仔單打獨鬥，右路則用綠木。而呢樣就係普巴居中後既問題。自從季尾推左普巴打左中場，佢係邊路停波等梳爾後上支援打小組，又或者走入中路協助般奴組織，吸引防守球員協防佢而令般奴多左空間做波，已經係季尾見到既作用。但今場用福仔打左翼，即刻見到梳爾都唔敢瘋狂後上，一黎係決賽要保守少少，二黎係福仔偏向持球作個人突破，梳爾上埋黎佢又扭失既話，後場就唔夠人。對面屯重兵442平排中場防守下，要從邊路區域扭入去難度相當大，要從人堆中做小組配合亦唔容易。當個波由左路經中間再轉去右路時，右路既雲比沙加進攻力不足同綠木不擅突破既問題又出現，形成曼聯係外圍只能圍住黎猜，甚少打到個波入對方禁區心臟地帶。般奴則係中路被重重圍困，拎到波想轉身都難。而麥湯文尼則係最多起腳機會既球員，因普巴同般奴都被重點招呼，麥湯係禁區外都不乏空間施射，可惜一係唔中龍﹐一係省到人。卡雲尼受制於對方密集，兩翼亦提供唔到傳中球俾佢去攻門，踢得比較沉。
進攻老鼠拉龜但前場逼搶抵讚
雖然前場進攻老鼠拉龜，但值得一讚既係曼聯既前場逼搶有針對部署。卡雲尼會聯同綠木去逼一對中堅，對方閘位球員交俾兩閘去防守。一個防中緊纏對面既邊路中場，另一個就聯同般奴遮住中場球員俾波線路，多次成攻逼對手係後場放高波上前。依靠拜利既制空力同防守力成功搶回控球權，所以曼聯整個上半場係控制住戰局，只係難以有效組織具威脅埋門。曼聯成個半場最似樣就係梳爾係左路K角位禁個急勁地波傳中﹐個波係龍門口掠過﹐同埋綠木少有地係右路用速度硬爆對手沉底地波傳中﹐可惜都係無功而回。而維拉利爾係生波上亦甚少組織到攻勢埋門﹐反擊次數唔多亦無太大威脅。兩名邊路球員對住雲比沙加同梳爾亦都冇啖好食﹐中場亦冇一個特別有創造性既球員可以為前線輸送彈藥。踢到29分鐘﹐維拉利爾憑一次死球攻勢入波。冇錯﹐又係死球﹐今季唔知出現過幾多次。冰人走甩左摩蘭奴﹐抆都抆唔住﹐俾佢係門前篤入。入完波之後﹐維拉利爾守得更徹底﹐全軍退守三閘線﹐諗住可以一球守到尾。
咁樣追得番就更加唔會換人
上半場餘下既時間都係曼聯拎住個波猜猜猜，但冇一個突破點，對面成隊防守又極度集中下，曼聯完全係苦無對策完半場。下半場，曼聯仍然維持陣容同陣式繼續磨。咁樣踢比你踢多一個鐘都入唔到波。最正路就要先解放普巴，加強前場組織力，但出呢個正選陣容既敗筆係你唔敢換走綠木同福仔。個人認為兩個踢出黎既表現都係一般(綠木相對好少少)﹐但福仔係打反擊同速度上一定係隊中最有威脅，而綠木當fit同埋佢既把握力亦係隊中數一數二。係要變架啦，但蘇B根本唔敢用一個中場入替其中一個人。如果一開始係先用費特就唔同講法，但呢個會係另一個故事。冇左麥隊長，用普巴居中利用中場控制力保護防線。出費特既話就怕一開波俾人前場逼搶，係後場受壓俾人直接進攻不穩既防線。呢個就係蘇B既取捨。但好波不如好運，55分鐘一個角球攻勢，福仔係禁區外執到第二點就射埋去。個波係禁區波子機彈左兩下停左係卡叔前面，佢即刻就射個波入網，追番一比一。咁樣追和直接解決左蘇B既煩惱，十一個同我踢到尾。
艾馬利狂換﹐蘇B可能想換但唔敢換
場波繼續膠著狀態﹐艾馬利嘗試換入高基連加強中場截擊力﹐想拎番場波主導權﹐但效果一般。跟住又嘗試換入艾卡沙、高美斯加強攻力﹐但都冇特別作用﹐成場波只得入波果腳中龍就見到隊波攻力其實麻麻。但可以見到既係換入黎既球員同換出既球員﹐能力上特點上唔會有好明顯分別。但曼聯既後備就好唔同﹐個個特點明顯﹐占士適合防反﹐馬達擅於創造﹐馬迪擅於控制節奏﹐但二人速率都係偏慢﹐雲迪碧克則未知擺邊最好﹐迪亞路都係新﹐費特就搶波強俾波弱﹐後衛就唔會換。蘇B除左換費特推前普巴呢著﹐都冇乜邊招敢用。加上場波和緊﹐更加想以不變應萬變。
加時唔駛輸﹐咁樣換人就真係要屌
哨子一響就完埋下半場。一到加時﹐體力上就有明顯分別。曼聯只能係中後場防守﹐守到就大腳向前等福仔綠木哨﹐而維拉利爾因體能優勢拎回主導權﹐多次利用地面推進進攻曼聯防線。蘇B見狀即換入費特﹐加強中路防守﹐推普巴上前幫手停波組織。但即刻見到既係費特加麥湯被人高壓逼搶下屢次失控球權﹐令對方係自己禁區有幾下危險攻勢﹐好彩對方把握唔到。去到116分鐘既換人調動真係要屌。場波擺明就等射十二碼﹐完全諗唔明點解用占士換入普巴(好彩占士射入十二碼)。拜利就應該係踢到乾糖要換。到最後2分鐘先換入馬達同泰利斯去射碼。換唔係問題﹐但點解唔可以早啲換呢？波都未掂過﹐第一腳波就要射十二碼﹐絕對唔係一個好既換人時間！
冇冠軍係失望既﹐但要好好吸收決賽經驗
十二碼大戰﹐最後到迪基亞射失先冇左個冠軍。龍門射失都冇咩好怪﹐而撲十二碼並唔容易﹐每個龍門都不是完美﹐所以我對迪基亞並冇太多責備既想法。而蘇B就真係要好好記住呢種感覺同吸收呢場波既經驗。一場過既波係需要有PLAN B。呢場亦見到隊波有增兵既必要﹐特別係防中同中堅位置。前場球員亦需要開竅才會進步﹐睇下教練團點樣幫佢地。蘇B都應該唔會俾人炒既﹐下季真係要有盃落袋﹐咪你都好難同球迷同老闆交代啦！