英超終於番黎啦（曼聯對列斯聯 - 賽前陣容預測）
今個星期，英超終於開咧啦。上一篇文章就講左對今個轉會𥦬既評價，買人係對症下藥，對整隊實力同板凳深度都有所提升。開季會唔會脫腳，就要睇下新兵既融入速度同蘇B能否吸取上季既經驗，如何善用球員、適時輪換、同更改不同既戰術或陣式去應付不同的對手。今季目標必定要有盃落袋，否則佢搵定工都得啦！
基於今屆有歐國盃賽事，加上有日本主辦既奧運會，一隊成員都比較遲歸隊操練。狀態上亦未必能立刻去到top fit。第一場賽事仲要對住由比爾沙帶領以全民皆跑既列斯聯，相信都會係一場苦戰。熱身賽既參考價值不高，主要都係催谷球員狀態同試下不同既戰術，但都略略講下兩隊既近況。睇睇列斯聯近況先，由7月28到8月8號期間，總共踢左7場比賽，一勝四和兩負，呢個賽程都幾chur，又睇下咁樣谷一谷會谷爆左定谷到好fit先。再睇睇曼聯熱身賽既表現，由7月18至8月7期間，只係踢左4場比賽，兩勝一和一負。贏既兩場波，一場係對英超球隊愛華頓，另一場則對打比郡。
預測一下今場正選陣容先
上季中已經改用甸軒達踢聯賽，迪基亞踢盃賽，估計今季兩個都會繼續如常。但甸軒達臣抱恙在身，未能在今場上陣，所以迪基亞會先打正選。中堅華拉尼剛完成體檢，應會先坐後備。由冰人連迪路夫繼續拍住麥隊長鎮守中路。右閘雲比沙加冇踢歐國盃賽事，所以熱身賽一路都有踢，今場繼續鐵腳。羅拔圖梳爾應會繼續上陣，泰利斯又傷左，威仔又要隨時候命。中場方面，對住機動性咁強既列斯聯，睇黎mcfred組合又要出動。個人認為可以大膽起用馬迪拍費特，等馬迪可以控制中場節奏。左路既福仔剛做完手術，預計要缺陣兩個月。辛祖同卡雲尼都係剛剛先歸隊，狀態成疑。最後既熱身賽係用左占士打左翼，馬斯亞踢最前，熱身賽有波入既伊蘭加連後備都冇。雖然小弟非常希望伊蘭加上陣，但蘇B睇黎左翼位置都會先用占士。右翼繼續交由替工既格連活特。攻擊中場般奴費南迪斯指揮球隊進攻。前鋒應會起用身陷轉會傳聞既馬仔馬斯亞，又睇下佢復出之後有冇咩改變啦。
預測正選陣容
迪基亞
雲比沙加 連迪路夫 麥佳亞 梳爾
格連活特 麥湯文尼 費特 占士
般奴費南迪斯
馬斯亞
P.S. :小弟心水陣容則會係
迪基亞
雲比沙加 連迪路夫 麥佳亞 梳爾
伊蘭加 馬迪 費特 馬斯亞
般奴費南迪斯
格連活特
基於今屆有歐國盃賽事，加上有日本主辦既奧運會，一隊成員都比較遲歸隊操練。狀態上亦未必能立刻去到top fit。第一場賽事仲要對住由比爾沙帶領以全民皆跑既列斯聯，相信都會係一場苦戰。熱身賽既參考價值不高，主要都係催谷球員狀態同試下不同既戰術，但都略略講下兩隊既近況。睇睇列斯聯近況先，由7月28到8月8號期間，總共踢左7場比賽，一勝四和兩負，呢個賽程都幾chur，又睇下咁樣谷一谷會谷爆左定谷到好fit先。再睇睇曼聯熱身賽既表現，由7月18至8月7期間，只係踢左4場比賽，兩勝一和一負。贏既兩場波，一場係對英超球隊愛華頓，另一場則對打比郡。
預測一下今場正選陣容先
上季中已經改用甸軒達踢聯賽，迪基亞踢盃賽，估計今季兩個都會繼續如常。但甸軒達臣抱恙在身，未能在今場上陣，所以迪基亞會先打正選。中堅華拉尼剛完成體檢，應會先坐後備。由冰人連迪路夫繼續拍住麥隊長鎮守中路。右閘雲比沙加冇踢歐國盃賽事，所以熱身賽一路都有踢，今場繼續鐵腳。羅拔圖梳爾應會繼續上陣，泰利斯又傷左，威仔又要隨時候命。中場方面，對住機動性咁強既列斯聯，睇黎mcfred組合又要出動。個人認為可以大膽起用馬迪拍費特，等馬迪可以控制中場節奏。左路既福仔剛做完手術，預計要缺陣兩個月。辛祖同卡雲尼都係剛剛先歸隊，狀態成疑。最後既熱身賽係用左占士打左翼，馬斯亞踢最前，熱身賽有波入既伊蘭加連後備都冇。雖然小弟非常希望伊蘭加上陣，但蘇B睇黎左翼位置都會先用占士。右翼繼續交由替工既格連活特。攻擊中場般奴費南迪斯指揮球隊進攻。前鋒應會起用身陷轉會傳聞既馬仔馬斯亞，又睇下佢復出之後有冇咩改變啦。
預測正選陣容
迪基亞
雲比沙加 連迪路夫 麥佳亞 梳爾
格連活特 麥湯文尼 費特 占士
般奴費南迪斯
馬斯亞
P.S. :小弟心水陣容則會係
迪基亞
雲比沙加 連迪路夫 麥佳亞 梳爾
伊蘭加 馬迪 費特 馬斯亞
般奴費南迪斯
格連活特