修咸頓痛失兩分 - (修咸頓對曼聯 - 賽後長文分析)
廢話唔多講即刻睇雙方陣容
修咸頓排出一個4-4-2陣式，龍門係麥卡菲，防線由左至右係佩羅特、沙利素、史提芬斯、利夫拿文度。一對防中係羅美奧拍華特包斯，左右翼則係迪真尼普同禾確特支援前線既一對孖寶岩士唐同阿當斯。
曼聯陣式係4-2-3-1，但正選則同上場作出左兩個調動。龍門繼續係迪基亞，防線照舊四人，梳爾、麥佳亞、連迪路夫、雲比沙加。中場用馬迪換左麥湯文尼，拍費特係中路做防務。左右翼係普巴同格連活特。攻中般奴費南迪斯支援取代占士踢正選既馬仔馬斯亞。
講講蘇B今場既陣容踢法
蘇B知道對方會踢兩個前鋒 ，為確保能在後場保持控球，特意安排馬迪係後場控制節奏。馬迪拉後形成三中堅增加出球點。費特係中圈位連接中前場。普巴更多時候收中攻擊half-space位置。清空左路等梳爾後上。右翼既格連活特則時而在邊路活動，時而入禁區接應。馬斯亞則留在禁區內等待機會及作為反擊第一點，而般奴則自由係前場走動。
估你唔到反而死球有著數
華特包斯一黎就用罰球嚇一嚇迪基亞先，但開波初段曼聯其實稍佔上風。憑罰球創造埋門機會，先有連迪路夫差少少頂到個波，麥隊長加多腳又中楣，馬斯亞加多頭又俾沙利素護到個空門。接住又有綠木右路推大位，同費特打左1-2之後禁區頂射斜。跟住又黎左路罰球，梳爾curve尾柱，普巴大脾一控右腳一抽，又俾沙利素擋出。轉個頭又黎罰球，又係梳爾左路cuvre俾普巴，今次個波就內彎小禁區落，普巴頂左個波底高出。睇黎死球專家有d料到。不過修咸頓企番穩陣腳後，曼聯係生波推進就遇上極大阻撓。
絕對要讚修咸頓既部署
修咸頓今場踢得極有紀律，前鋒不作高壓逼搶，整隊先在中圈位置佈防。值得一提既係，兩翼並冇因為要防守對方二閘球員而被拉離中路。兩翼內收更靠入中路，先防止對方直接從邊中堅出球到half space位置，逼對方必須先經二閘球員再向前搵普巴同般奴。費特係中圈就會被6角形包圍，縱然你夠膽俾波費特，但再要佢係中圈位置做連接同玩鳩佢冇乜分別。當個波一傳比曼聯兩名閘位球員時，修仔既兩翼已經非常勤力地追埋去搶截。兩閘死都跟住普巴同綠木，整條中場線再向強邊縮，逼曼聯二閘只能回後由頭再做。到要搵費特轉方向，就會出現傳球失誤，拖慢又或者一逼就失控球權。當曼聯可以成功轉邊，但亦因右面係綠木同雲比沙加，兩者都不擅於作個人突破，從而令攻勢欠銳利。再讚讚修咸頓既兩翼迪真尼普同禾確特，兩個係防守方面非常積極。綠木上到腳往往已經面對迪真尼普同佩羅特夾擊，未能係右路創造到具威脅既傳中。
修仔：簡單就是美
修咸頓都自己知自己事，冇創造力咪高Q大棍囉，後場一受壓就扔個長波俾阿當斯去湧，岩士唐係附近執漏。有機會就比兩翼攪攪震。迪真尼普多次係左路發難，都夠雲比沙加頭痛。岩士唐更有一下係左路娥眉月頂接應迪真尼普傳送，右腳chok遠柱高出。踢到三十分鐘，般奴一下大意被史提芬斯連人帶波拎走，再傳俾中路既迪真尼普。佢右腳一彈俾岩士唐，岩士唐再後抽俾阿當斯。岩士唐好醒咁斜走拉開冰人，讓位俾阿當斯右腳一推左腳就射。個波省到費特改變方向仲靚，直飛龍門左下角。迪基亞束手就擒。缺乏兩翼拉開空間，前面馬仔亦做唔到支點作用。中路大塞車下，整隊曼聯既進攻又hang左機，而對方打一兩下反擊更嚇你一驚。上半場，完。
修仔可能唔換好過換
下半場出黎，修咸頓將碧拿歷克入替禾確特，改打5-3-2進一步囤重兵係後面，一心守到尾。蘇B以不變應萬變，原陣作戰。下半場開波冇幾耐，就有般奴係左路k角位curve尾柱，雲比沙加掃把腳彈橫俾禁區內普巴窩利勁射。可惜省到人出界。修咸頓跟住又有反擊機會，阿當斯橫傳俾後上既利夫拿文度，佢右腳一片高出。戰況踢落同上半場差不多。至53分鐘，曼聯一個反擊，般奴高速overlap接應雲比沙加落底，右腳第一時間禁地波入中間，但中間大漏冇人接應。普巴妹下妹下係左路拎番粒波。此時修咸頓個防守陣形係未企穩。梳爾再走overlap幫普巴拉開，佢插左兩下花擺大位，吱傳俾入楔既般奴打個1-2，再篤俾12碼點綠木左腳怒射，有d運下穿過兩個球員大細龍門而入，追成1:1。
蘇B：辛祖，靠你啦
追成平手後，普巴仲有一下solo。係禁區頂先用身形護波頂開利夫拿文度。右腳跟住輕力一cup厄過左羅美奧，再右腳扮chok隨即推番落左面窄位避開兩名中堅，然後左腳盪射尾柱。整個動作極流暢可惜僅僅斜出。蘇B係59分鐘將辛祖換入冇乜表現既馬仔。調綠木打最前，辛祖打右路。左路完全依靠梳爾一個，普巴繼續移入黎中路。辛祖入到黎都同雲比沙加有d配合，亦明顯見到佢持球會有突破既動作，而唔係即刻傳走個波再走位，右路真係要靠你啦。換入辛祖後，確有幾下攻勢甚具威脅。但只得單翼作戰，進攻始終不是十分流暢。反而後防一次失誤，差d足以致命。麥隊長突然失暈，俾人一搶一交就形成半單刀狀態。岩士唐禁區內一盪，俾反應極快既迪基亞撲出。要不是迪基亞………下刪一萬字
一場波睇到踢逆境波既不足
戰況又去番膠著狀態。蘇B係76分鐘先將費特抽走，換入麥湯文尼。去到86分鐘再將連加特入替攰到不行既馬迪。但最後都對戰局冇咩大改變，1:1和波收場。我可以理解排呢個正選陣容既原因，但不能理解半場既調動。成個上半場都見到費特係中場串連不足既問題，又見到兩翼未能提供闊度。點解唔可以半場就調辛祖入黎打右，馬仔先回歸左路踢翼，中鋒位讓番俾綠木。普巴係中間做串連派牌。攻唔入或冇起色就再換連加特入替馬仔。後備仲有馬達可用。到76分鐘都仲係位換位，唔見得麥湯文尼進攻上會踢得比費特好，只會係防守上唔蝕，但場波係要贏架。到尾段先換連美斯入黎踢番兩隻翼。得果幾分鐘真美斯都救唔到國啦。上篇文講贏列斯聯毋需太興奮，而今場和波亦毋需太失望，希望教練團同蘇B盡快改善換人調動既情況，爭標仍然有機會既！
修咸頓排出一個4-4-2陣式，龍門係麥卡菲，防線由左至右係佩羅特、沙利素、史提芬斯、利夫拿文度。一對防中係羅美奧拍華特包斯，左右翼則係迪真尼普同禾確特支援前線既一對孖寶岩士唐同阿當斯。
曼聯陣式係4-2-3-1，但正選則同上場作出左兩個調動。龍門繼續係迪基亞，防線照舊四人，梳爾、麥佳亞、連迪路夫、雲比沙加。中場用馬迪換左麥湯文尼，拍費特係中路做防務。左右翼係普巴同格連活特。攻中般奴費南迪斯支援取代占士踢正選既馬仔馬斯亞。
講講蘇B今場既陣容踢法
蘇B知道對方會踢兩個前鋒 ，為確保能在後場保持控球，特意安排馬迪係後場控制節奏。馬迪拉後形成三中堅增加出球點。費特係中圈位連接中前場。普巴更多時候收中攻擊half-space位置。清空左路等梳爾後上。右翼既格連活特則時而在邊路活動，時而入禁區接應。馬斯亞則留在禁區內等待機會及作為反擊第一點，而般奴則自由係前場走動。
估你唔到反而死球有著數
華特包斯一黎就用罰球嚇一嚇迪基亞先，但開波初段曼聯其實稍佔上風。憑罰球創造埋門機會，先有連迪路夫差少少頂到個波，麥隊長加多腳又中楣，馬斯亞加多頭又俾沙利素護到個空門。接住又有綠木右路推大位，同費特打左1-2之後禁區頂射斜。跟住又黎左路罰球，梳爾curve尾柱，普巴大脾一控右腳一抽，又俾沙利素擋出。轉個頭又黎罰球，又係梳爾左路cuvre俾普巴，今次個波就內彎小禁區落，普巴頂左個波底高出。睇黎死球專家有d料到。不過修咸頓企番穩陣腳後，曼聯係生波推進就遇上極大阻撓。
絕對要讚修咸頓既部署
修咸頓今場踢得極有紀律，前鋒不作高壓逼搶，整隊先在中圈位置佈防。值得一提既係，兩翼並冇因為要防守對方二閘球員而被拉離中路。兩翼內收更靠入中路，先防止對方直接從邊中堅出球到half space位置，逼對方必須先經二閘球員再向前搵普巴同般奴。費特係中圈就會被6角形包圍，縱然你夠膽俾波費特，但再要佢係中圈位置做連接同玩鳩佢冇乜分別。當個波一傳比曼聯兩名閘位球員時，修仔既兩翼已經非常勤力地追埋去搶截。兩閘死都跟住普巴同綠木，整條中場線再向強邊縮，逼曼聯二閘只能回後由頭再做。到要搵費特轉方向，就會出現傳球失誤，拖慢又或者一逼就失控球權。當曼聯可以成功轉邊，但亦因右面係綠木同雲比沙加，兩者都不擅於作個人突破，從而令攻勢欠銳利。再讚讚修咸頓既兩翼迪真尼普同禾確特，兩個係防守方面非常積極。綠木上到腳往往已經面對迪真尼普同佩羅特夾擊，未能係右路創造到具威脅既傳中。
修仔：簡單就是美
修咸頓都自己知自己事，冇創造力咪高Q大棍囉，後場一受壓就扔個長波俾阿當斯去湧，岩士唐係附近執漏。有機會就比兩翼攪攪震。迪真尼普多次係左路發難，都夠雲比沙加頭痛。岩士唐更有一下係左路娥眉月頂接應迪真尼普傳送，右腳chok遠柱高出。踢到三十分鐘，般奴一下大意被史提芬斯連人帶波拎走，再傳俾中路既迪真尼普。佢右腳一彈俾岩士唐，岩士唐再後抽俾阿當斯。岩士唐好醒咁斜走拉開冰人，讓位俾阿當斯右腳一推左腳就射。個波省到費特改變方向仲靚，直飛龍門左下角。迪基亞束手就擒。缺乏兩翼拉開空間，前面馬仔亦做唔到支點作用。中路大塞車下，整隊曼聯既進攻又hang左機，而對方打一兩下反擊更嚇你一驚。上半場，完。
修仔可能唔換好過換
下半場出黎，修咸頓將碧拿歷克入替禾確特，改打5-3-2進一步囤重兵係後面，一心守到尾。蘇B以不變應萬變，原陣作戰。下半場開波冇幾耐，就有般奴係左路k角位curve尾柱，雲比沙加掃把腳彈橫俾禁區內普巴窩利勁射。可惜省到人出界。修咸頓跟住又有反擊機會，阿當斯橫傳俾後上既利夫拿文度，佢右腳一片高出。戰況踢落同上半場差不多。至53分鐘，曼聯一個反擊，般奴高速overlap接應雲比沙加落底，右腳第一時間禁地波入中間，但中間大漏冇人接應。普巴妹下妹下係左路拎番粒波。此時修咸頓個防守陣形係未企穩。梳爾再走overlap幫普巴拉開，佢插左兩下花擺大位，吱傳俾入楔既般奴打個1-2，再篤俾12碼點綠木左腳怒射，有d運下穿過兩個球員大細龍門而入，追成1:1。
蘇B：辛祖，靠你啦
追成平手後，普巴仲有一下solo。係禁區頂先用身形護波頂開利夫拿文度。右腳跟住輕力一cup厄過左羅美奧，再右腳扮chok隨即推番落左面窄位避開兩名中堅，然後左腳盪射尾柱。整個動作極流暢可惜僅僅斜出。蘇B係59分鐘將辛祖換入冇乜表現既馬仔。調綠木打最前，辛祖打右路。左路完全依靠梳爾一個，普巴繼續移入黎中路。辛祖入到黎都同雲比沙加有d配合，亦明顯見到佢持球會有突破既動作，而唔係即刻傳走個波再走位，右路真係要靠你啦。換入辛祖後，確有幾下攻勢甚具威脅。但只得單翼作戰，進攻始終不是十分流暢。反而後防一次失誤，差d足以致命。麥隊長突然失暈，俾人一搶一交就形成半單刀狀態。岩士唐禁區內一盪，俾反應極快既迪基亞撲出。要不是迪基亞………下刪一萬字
一場波睇到踢逆境波既不足
戰況又去番膠著狀態。蘇B係76分鐘先將費特抽走，換入麥湯文尼。去到86分鐘再將連加特入替攰到不行既馬迪。但最後都對戰局冇咩大改變，1:1和波收場。我可以理解排呢個正選陣容既原因，但不能理解半場既調動。成個上半場都見到費特係中場串連不足既問題，又見到兩翼未能提供闊度。點解唔可以半場就調辛祖入黎打右，馬仔先回歸左路踢翼，中鋒位讓番俾綠木。普巴係中間做串連派牌。攻唔入或冇起色就再換連加特入替馬仔。後備仲有馬達可用。到76分鐘都仲係位換位，唔見得麥湯文尼進攻上會踢得比費特好，只會係防守上唔蝕，但場波係要贏架。到尾段先換連美斯入黎踢番兩隻翼。得果幾分鐘真美斯都救唔到國啦。上篇文講贏列斯聯毋需太興奮，而今場和波亦毋需太失望，希望教練團同蘇B盡快改善換人調動既情況，爭標仍然有機會既！