迪基亞再次變身做聖基亞 -（賽後分析 - 狼隊對曼聯 ）
先講講雙方陣容
狼隊排出5-4-1陣式，門將係荷西沙亞，三個中堅左至右係沙爾斯、高迪、基爾文。左右翼衛係馬卡爾同施美度。莫天奴拍魯賓利維斯出任一對防中，特連卡奧同大隻佬查奧爾係左右翼支援占美利斯係前面攻堅。
曼聯繼續排出4-2-3-1。門將係迪基亞。防線由左至右係梳爾、麥佳亞、華拉尼、雲比沙加。一對防中係普巴拍費特。左右翼係占士同辛祖。般奴費南迪斯則支援格連活特係前線入波。
新領隊並不是省油的燈
甫開波已經見到狼隊既部署。當曼聯開龍門球後場組織時，狼隊採用高位遮線，但唔會施加太大壓迫俾對方。占美利斯係前面逼曼聯中堅選擇一面，兩名翼鋒內收中路少少協防兩名防中。而兩名防中則死追普巴同費特，尤其係普巴，唔容許佢有空間同時間去轉身再向前放過頭波，逼使曼聯中堅盡可能先俾邊路。當個波去到邊路，查奧爾同特連卡奧就會即刻埋波，一對翼衛死追一對翼鋒 ，務求令二閘回波再做。曼聯一成功轉邊破解左第一重遮線後，狼隊就會全軍退守中場，壓縮中路空間。曼聯只能係後場搓，中路普巴被凍結。後場多次嘗試扔過頭波俾前面去哨，但狼隊三名中堅有身高優勢，加上位置距離感極佳，輕鬆解決曼聯進攻就打反擊。中場孖寶莫天奴同魯賓拿維斯駁腳功夫一流，前點占美利斯停波能力同查奧爾爆破力毋庸置疑，加上外借新丁特連卡奧速度同盤扭能力不俗，狼隊就用反擊衝擊曼聯防線。
曼聯既控球比率高係因為係後場拎波時間多
由開波到上半場完，曼聯基本上只係空有控球比率，更多時候只係後場拎波。搓左兩腳都選擇放長傳俾前線去進攻狼隊中堅與閘位既身後空間，兩翼鮮有係邊路用個人技術去突破。占士技術所限，只能依靠推落底線出波，但都仲見到下佢；寄予厚望既辛祖直頭連影都見唔到，唯一既亮點則係番黎禁區防守頭鎚點番俾梳爾，俾占美利斯偷到再傳中，好在莫天奴心急一盪高出，差少少番黎幫手變幫倒忙。斷左兩翼既曼聯只能嘗試中路推進，但般奴係中路被三名中堅輪流招呼，往往要離開對方三閘線，移到去中場附近較炮，威力大減。格連活特都不停走位，但因應陣式所限，佢有拉扯但冇人後上都冇用。費特同普巴亦不敢擅自離開自己既位置，因早段已被對方既幾下突擊嚇親，更加唔敢貿然上前。曼聯計傳球數字多於對手，但再睇傳球位置就知道曼聯係甚少能夠係對方既危險區域用波。
上半場幾下反擊唔入都嚇到曼迷㩒爆平安鐘
狼隊疊埋心水打反擊，大隻佬查奧爾開波早段透過對方既角球，係自己禁區一拎到波就係費特同普巴中間硬爆，瞬間同占美利斯係前場形成2打2，可惜占美利斯拎波後射近柱被迪基亞擋出。查奧爾係左路無論對住雲比沙加還是費特，都係輕鬆玩弄對方，要截停佢就只有犯規既雞聲。一個已經好煩，加多個就仲煩。巴塞借將特連卡奧既左腳盤扭技術上乘，起動速度亦快，係右路對住梳爾一內切就過，踢法亦非常靈活，唔會死衝爛衝。有一下更憑反擊推過防守球員，入到禁區左腳盪射，幸好有雲比沙加護到空門先唔駛失波先。而狼隊陣地戰亦唔係亂咁黎，兩翼衛拉盡球場闊度，雙中場控制節奏轉方向帶動球隊進攻，翼鋒內切利用個人能力逼防守者協防，令兩邊翼衛有更多時間後上出波。進攻定防守都進退有度，亦有相當高既紀律性，所以整個上半場看似曼聯主導，但場上節奏係掌握左係狼隊手中。
迪基亞再次變身做聖基亞
下半場出黎戰況同上半場完全一樣，繼續都係狼隊踢得較有威脅。蘇B首先㩒制，換入卡雲尼踢最前，希望加強前線既牽引力。格連活特移番去踢右路，嘗試激活一條邊線。效果未見突出，卻先有費特一次禁區外既遠射第一次命中目標，可見今場曼聯攻力係幾咁疲憊。踢到62分鐘，對面一個反擊又嚇親，特連卡奧無人看管下係12碼點附近施射，可惜撻Q未能射中龍門。狼隊係68分鐘係右路獲得一個角球，莫天奴右腳一斬，沙爾斯係小禁區力壓華拉尼一頂，被迪基亞救出。個波彈係佢前面再衝力一射，聖基亞極快反應向左再撲一下，成功擋出沙爾斯既攻門，非常誇張既反應。跟住都仲係狼隊攻門，魯賓利維斯禁區外遠射，又俾迪基亞輕鬆沒收。
綠木再次拯救球隊
狼隊跟住收起踢得不錯既特連卡奧，換入普丹斯。進攻上即時見到分野，明顯係冇咁銳利。蘇B再換，將馬斯亞換入冇表現既辛祖，嘗試加強攻力，但佢都係無甚建樹。踢到80分鐘，普巴同魯賓拿維斯係狼隊禁區外一次爭波，普巴疑似犯規，但球證冇吹罰，個波去左華拉尼腳下。佢向前交俾綠木。綠木係右路壓入禁區，兩下插花右腳推番窄位避開馬卡爾就射尾柱，龍門荷西沙亞落地稍慢就拍左個波入網，曼聯領先一比零。
下場又對五後防既紐卡素
去到80分鐘失守，狼隊到87分鐘先換人嘗試一搏，但時間實在不多，最後呢場飲恨而回。實在要俾掌聲狼隊，整場賽事既部署發揮都較好，只係因聖基亞上身先至入唔到波，痛失三分實在唔抵；而曼聯先唔講入果球有冇犯規，整場波既表現，踢出黎既隊型，都係水準以下，如能拎一分已經執到笑。上季一對五後防球隊，蘇B既曼聯已顯出無能為力去破局，今季買左人既情況下都展現出同樣既戰況，實在令我不敢樂觀。費特係咪合適人選拍普巴，占士既有心無力係咪值得留隊，迷失既馬仔仲可以出場等等既問題都需要蘇B去解決。兩星期後會對五後衛既紐卡素，又睇下蘇B係呢兩個禮拜有冇帶到新進攻模式俾隊波啦！
狼隊排出5-4-1陣式，門將係荷西沙亞，三個中堅左至右係沙爾斯、高迪、基爾文。左右翼衛係馬卡爾同施美度。莫天奴拍魯賓利維斯出任一對防中，特連卡奧同大隻佬查奧爾係左右翼支援占美利斯係前面攻堅。
曼聯繼續排出4-2-3-1。門將係迪基亞。防線由左至右係梳爾、麥佳亞、華拉尼、雲比沙加。一對防中係普巴拍費特。左右翼係占士同辛祖。般奴費南迪斯則支援格連活特係前線入波。
新領隊並不是省油的燈
甫開波已經見到狼隊既部署。當曼聯開龍門球後場組織時，狼隊採用高位遮線，但唔會施加太大壓迫俾對方。占美利斯係前面逼曼聯中堅選擇一面，兩名翼鋒內收中路少少協防兩名防中。而兩名防中則死追普巴同費特，尤其係普巴，唔容許佢有空間同時間去轉身再向前放過頭波，逼使曼聯中堅盡可能先俾邊路。當個波去到邊路，查奧爾同特連卡奧就會即刻埋波，一對翼衛死追一對翼鋒 ，務求令二閘回波再做。曼聯一成功轉邊破解左第一重遮線後，狼隊就會全軍退守中場，壓縮中路空間。曼聯只能係後場搓，中路普巴被凍結。後場多次嘗試扔過頭波俾前面去哨，但狼隊三名中堅有身高優勢，加上位置距離感極佳，輕鬆解決曼聯進攻就打反擊。中場孖寶莫天奴同魯賓拿維斯駁腳功夫一流，前點占美利斯停波能力同查奧爾爆破力毋庸置疑，加上外借新丁特連卡奧速度同盤扭能力不俗，狼隊就用反擊衝擊曼聯防線。
曼聯既控球比率高係因為係後場拎波時間多
由開波到上半場完，曼聯基本上只係空有控球比率，更多時候只係後場拎波。搓左兩腳都選擇放長傳俾前線去進攻狼隊中堅與閘位既身後空間，兩翼鮮有係邊路用個人技術去突破。占士技術所限，只能依靠推落底線出波，但都仲見到下佢；寄予厚望既辛祖直頭連影都見唔到，唯一既亮點則係番黎禁區防守頭鎚點番俾梳爾，俾占美利斯偷到再傳中，好在莫天奴心急一盪高出，差少少番黎幫手變幫倒忙。斷左兩翼既曼聯只能嘗試中路推進，但般奴係中路被三名中堅輪流招呼，往往要離開對方三閘線，移到去中場附近較炮，威力大減。格連活特都不停走位，但因應陣式所限，佢有拉扯但冇人後上都冇用。費特同普巴亦不敢擅自離開自己既位置，因早段已被對方既幾下突擊嚇親，更加唔敢貿然上前。曼聯計傳球數字多於對手，但再睇傳球位置就知道曼聯係甚少能夠係對方既危險區域用波。
上半場幾下反擊唔入都嚇到曼迷㩒爆平安鐘
狼隊疊埋心水打反擊，大隻佬查奧爾開波早段透過對方既角球，係自己禁區一拎到波就係費特同普巴中間硬爆，瞬間同占美利斯係前場形成2打2，可惜占美利斯拎波後射近柱被迪基亞擋出。查奧爾係左路無論對住雲比沙加還是費特，都係輕鬆玩弄對方，要截停佢就只有犯規既雞聲。一個已經好煩，加多個就仲煩。巴塞借將特連卡奧既左腳盤扭技術上乘，起動速度亦快，係右路對住梳爾一內切就過，踢法亦非常靈活，唔會死衝爛衝。有一下更憑反擊推過防守球員，入到禁區左腳盪射，幸好有雲比沙加護到空門先唔駛失波先。而狼隊陣地戰亦唔係亂咁黎，兩翼衛拉盡球場闊度，雙中場控制節奏轉方向帶動球隊進攻，翼鋒內切利用個人能力逼防守者協防，令兩邊翼衛有更多時間後上出波。進攻定防守都進退有度，亦有相當高既紀律性，所以整個上半場看似曼聯主導，但場上節奏係掌握左係狼隊手中。
迪基亞再次變身做聖基亞
下半場出黎戰況同上半場完全一樣，繼續都係狼隊踢得較有威脅。蘇B首先㩒制，換入卡雲尼踢最前，希望加強前線既牽引力。格連活特移番去踢右路，嘗試激活一條邊線。效果未見突出，卻先有費特一次禁區外既遠射第一次命中目標，可見今場曼聯攻力係幾咁疲憊。踢到62分鐘，對面一個反擊又嚇親，特連卡奧無人看管下係12碼點附近施射，可惜撻Q未能射中龍門。狼隊係68分鐘係右路獲得一個角球，莫天奴右腳一斬，沙爾斯係小禁區力壓華拉尼一頂，被迪基亞救出。個波彈係佢前面再衝力一射，聖基亞極快反應向左再撲一下，成功擋出沙爾斯既攻門，非常誇張既反應。跟住都仲係狼隊攻門，魯賓利維斯禁區外遠射，又俾迪基亞輕鬆沒收。
綠木再次拯救球隊
狼隊跟住收起踢得不錯既特連卡奧，換入普丹斯。進攻上即時見到分野，明顯係冇咁銳利。蘇B再換，將馬斯亞換入冇表現既辛祖，嘗試加強攻力，但佢都係無甚建樹。踢到80分鐘，普巴同魯賓拿維斯係狼隊禁區外一次爭波，普巴疑似犯規，但球證冇吹罰，個波去左華拉尼腳下。佢向前交俾綠木。綠木係右路壓入禁區，兩下插花右腳推番窄位避開馬卡爾就射尾柱，龍門荷西沙亞落地稍慢就拍左個波入網，曼聯領先一比零。
下場又對五後防既紐卡素
去到80分鐘失守，狼隊到87分鐘先換人嘗試一搏，但時間實在不多，最後呢場飲恨而回。實在要俾掌聲狼隊，整場賽事既部署發揮都較好，只係因聖基亞上身先至入唔到波，痛失三分實在唔抵；而曼聯先唔講入果球有冇犯規，整場波既表現，踢出黎既隊型，都係水準以下，如能拎一分已經執到笑。上季一對五後防球隊，蘇B既曼聯已顯出無能為力去破局，今季買左人既情況下都展現出同樣既戰況，實在令我不敢樂觀。費特係咪合適人選拍普巴，占士既有心無力係咪值得留隊，迷失既馬仔仲可以出場等等既問題都需要蘇B去解決。兩星期後會對五後衛既紐卡素，又睇下蘇B係呢兩個禮拜有冇帶到新進攻模式俾隊波啦！