曼聯對阿士東維拉 - 賽前預測陣容

曼聯係聯賽盃輪換左十一個正選球員下，以一球不敵韋斯咸。除冇左一個聯賽盃可以爭之外，亦令到一眾後備球員少左一個平台去表現自己，從而爭取正選機會。今場番番黎聯賽，蘇B又會唔會排番勝利十一人呢？

維拉除左聯賽盃起用4名後衛，近兩場聯賽賽事都起用5-3-2陣式，呢場好大機會都會繼續用。前線起用屈堅斯同丹尼恩斯搵食，配合左右翼衛既卡殊同泰格上上落落。中場三個都係硬淨型球員，雷斯，積及藍斯同麥堅。可惜上場麥堅因傷退下火線，或會改用拿甘巴出戰。三名中堅則係干沙、明斯同杜安沙比。因外借關係，或會起用侯斯取替杜安沙比。龍門則繼續用馬天尼斯把守最後一關。
曼聯則一如以往，繼續沿用4-2-3-1。最前必定係聯賽盃休息既C朗。左右翼則會係普巴同fit到震既格連活特。攻擊中場般奴費南迪斯繼續揸旗。上場聯賽盃踢得唔錯既雲迪碧克有機會代替慌失失費特。麥湯文尼則會頂替馬迪既位置，係中後場掃蕩。一條防線會照舊，梳爾、麥佳亞、華拉尼、雲比沙加。雖然上場達洛特踢得非常出色，但都難以在聯賽搶走契仔雲比沙加個位，要多少少時間。神勇迪基亞繼則續保住後方。

預測曼聯正選陣容
迪基亞
雲比沙加 華拉尼 麥佳亞 梳爾
格連活特 麥湯文尼 雲迪碧克 普巴
般奴費南迪斯
C朗拿度