賠了三分又折兵（賽後長文分析-曼聯對維拉）
雙方陣容
維拉起用5-3-2陣式。馬天尼斯把守最後一關，三名中堅左至右係明斯、侯斯、干沙。左右翼衛則係卡珠同泰格。中場逗後少少係路易斯，前少少係麥堅同積及藍斯。前線孖寶係屈堅斯同丹尼恩斯。
曼聯起用4-2-3-1陣式。迪基亞保住後方。防線左至右係梳爾、麥佳亞、華拉尼、雲比沙加。普巴出任左翼，右翼則係格連活特。一對防中又係費特同麥湯文尼。攻中般奴費南迪斯繼續聯同C朗攻堅。
維拉並唔係縮係後面打反擊
開賽早段，曼聯後場控球時，維拉會係前場逼搶，並不如韋斯咸狼隊等係中後場佈防，嘗試針對Mcfred組合不擅組織既弱點係前場施壓。呢種踢法令曼聯前場有空間去進攻，開賓節奏明快。維拉缺少左格利殊後，進攻明顯缺乏重心，只能依靠兩邊翼衛既側擊，配合前線孖寳入楔埋門。三名中場都係攔截型，創造力一般，亦缺乏突破力，呢樣係維拉領隊要諗諗計。
雖然係Mcfred但中場運作順暢
維拉既踢法令我不禁擔憂曼聯係後場運波上前既能力，但今場呢個問題不算嚴重。雲比沙加多次大腳轉方向，加上綠木係邊路幫手回後停波再轉邊，順利成功破解維拉既逼搶，從而令個波向前推進。綠木今場亦踢得非常自由，除左防守時會係番右路協防外，進攻時會前場自由走，多次出現係中路，而般奴則會稍移去右路幫手出波組織，左路則靠讓俾普巴同間中去左邊幫下手既C朗去進攻。
節奏明快，互有攻守
維拉前場逼搶，一被轉向就暴露身後空間。開波兩分鐘，曼聯破左逼搶轉左去左邊，般奴已經有空間係禁區頂起腳，可惜first-touch做得唔好，控左去左腳位被逼用左腳窩利，變左個藍天射球。跟住又有綠木搶到波打反擊，怒推半場係中路硬射被擋出。 10分鐘，又有C朗離門接近30碼望空施射唔中目標。機會係有但就把握唔到。你埋唔到門就到維拉。維拉係左路大腳轉方向俾右邊既卡殊，梳爾判斷失誤衝前頂空氣，卡殊同麥堅一個1-2就沉底去到心臟地帶出波，可惜左翼衛泰格門前掃把腳飛機，錯失黃金機會。轉個頭曼聯又破解逼搶，中場左路普巴直線傳俾綠木，佢推落去係左路小禁區角窄位左腳一cup，避開明斯就右腳射，不過㩒死左個波，球速不快下被接實。般奴係佢隔離空晒，傳俾佢既話入既機會會較高。曼聯跟住又有般奴k角位傳中，可惜C朗黎遲一步。進攻未能入波，麥隊又黎激發大家士氣。維拉大腳解圍，麥隊長冇乜壓力下向住龍門口回傳俾迪基亞，呢個真係大忌黎，迪迪仔已經去左龍門既左面位置接應，除左俾個波彈下彈下之外，更不應對住龍門口黎傳。迪基亞情急用腳向前撞，俾屈堅斯截左。幸好迪迪仔封位快，成功阻擋屈堅斯既射門。之後曼聯又有連番射門被血肉長城擋出。
第一名折兵就係梳爾
踢到34分鐘，蘇B先作出一個換人調動，用上場踢得唔錯既大佬達洛特改踢左閘入替受傷既梳爾。其後佢既表現就未有上場踢右閘咁亮麗，但都上上落落好努力協助普巴係左路進攻。維拉係生波上未有造成太多威脅，只能靠角球製造驚險境頭，可惜未能命中目標。到上半場尾段，麥隊接應罰球頭鎚攻門，被馬天尼斯單手撲出。接著曼聯靠死球都製造左好多埋門機會，可惜都係柱邊出界。上半場，完
修夫基認真黑腳，一睇就傷兩件國腳
下半場一出黎，維拉反客為主，加大逼搶既力度令到曼聯連半場都過唔到。兩邊側擊同死球都令到曼聯既解圍有少少吃力。踢到53分鐘，麥隊長突然倒下，要軍醫入場治理，更令蘇B心感不妙。換人名額只得三名，已經有梳爾傷出，如再要換走後防球員更令要加強攻力既曼聯失去籌碼。經軍醫治理下，麥隊長仍嘗試頂硬上，維拉立刻針對麥隊長，不停交波去左路搵佢黎攻擊。曼聯呢15分鐘完全捱打，只能靠幾腳直線嘗試俾前面去哨，防線推唔到出黎。
不換不換還需換，變相埋下輸波伏線
捱過左呢15分鐘，維拉都要回一回氣。曼聯亦開始企番穩陣腳，先有普巴接應麥湯橫傳，禁區頂盪射高出，後有綠木千里走單騎，左腳窄位射尾柱被接實，再有麥隊長禁區被拉跌，球證又係冇表示。踢至67分鐘，未知蘇B驚麥隊長傷勢加劇還是麥隊長真的不行了，佢用連迪路夫入替麥佳亞先穩住後防。
80分鐘先換卡雲尼就遲左少少啦
維拉既一次反擊，屈堅斯係左路扣大位推過兩名曼聯球員起右腳怒bam近柱又被救出。轉頭又到綠木，佢係右路推大位，C朗走overlap，佢借C朗過橋再推中路，然後勉強左腳射尾柱斜出。跟住到般奴直線傳俾走窄位既普巴一射又網側。轉頭又到綠木係右邊窄位一吸，又係選擇自己射被擋出。跟住又黎綠木自己壓入禁區射又省中人。今場既綠木非常獨食，有幾下肯交波就變成黃金機會，但心雄既佢都係決定自己黎，卻又未能建功。到82分鐘先將卡雲尼換入麥湯文尼，已經為時已晚了。
般奴射失12碼，痛失3分
去到88分鐘，維拉左路獲得一個角球。路易斯斬近柱，侯斯擺脫追債咁追佢既卡雲尼一批入網。呢球難度極大，人走前向後批得咁應，抵輸。補時階段，般奴係右路傳中，卡雲尼頂唔到但個波打中侯斯隻手被判12碼。般奴最後主射卻一飛沖天，差少少成也侯斯，敗也侯斯。最後維拉一球小勝曼聯，拎到3分。
總結
我少有地用文字長篇幅寫出唔中目標既攻門。今場特登寫既原因係整隊波係進攻上係流暢，亦有用不同既進攻方式，去創造機會埋門。只係去到final third既最後一傳最後一射，欠缺把握力又或者最尾既傳射決定做得唔好。當然，我對蘇B呢場都起用Mcfred組合甚難理解，呢場波絕對可以起用雲迪碧克去加強中場創造力，但今場波既問題並不在於中場既運轉，而Mcfred今場整體表現亦尚可。傷左兩名後防亦令到蘇B想換人進攻既籌碼減少。唯一可以批評既係點解咁遲先換入卡雲尼去搏鎚。如果可以係換麥隊長時同時換埋卡雲尼入去，呢個時機調動先較為合適。最後都想講講般奴，雖然佢呢場表現唔係好失禮，但佢呢幾場踢落都比較急，感覺上佢既壓力比C朗未加盟時更大，場上少左同普巴既互動，轉為望住C朗黎踢。射失12碼或者就係寫照，處理一下佢既心態最為緊要。希望梳爾同麥隊長都係小傷，下場歐聯對維拉利爾可以復出，咪成條防線天殘地缺下，就算前面入到波都唔夠後面輸！
維拉起用5-3-2陣式。馬天尼斯把守最後一關，三名中堅左至右係明斯、侯斯、干沙。左右翼衛則係卡珠同泰格。中場逗後少少係路易斯，前少少係麥堅同積及藍斯。前線孖寶係屈堅斯同丹尼恩斯。
曼聯起用4-2-3-1陣式。迪基亞保住後方。防線左至右係梳爾、麥佳亞、華拉尼、雲比沙加。普巴出任左翼，右翼則係格連活特。一對防中又係費特同麥湯文尼。攻中般奴費南迪斯繼續聯同C朗攻堅。
維拉並唔係縮係後面打反擊
開賽早段，曼聯後場控球時，維拉會係前場逼搶，並不如韋斯咸狼隊等係中後場佈防，嘗試針對Mcfred組合不擅組織既弱點係前場施壓。呢種踢法令曼聯前場有空間去進攻，開賓節奏明快。維拉缺少左格利殊後，進攻明顯缺乏重心，只能依靠兩邊翼衛既側擊，配合前線孖寳入楔埋門。三名中場都係攔截型，創造力一般，亦缺乏突破力，呢樣係維拉領隊要諗諗計。
雖然係Mcfred但中場運作順暢
維拉既踢法令我不禁擔憂曼聯係後場運波上前既能力，但今場呢個問題不算嚴重。雲比沙加多次大腳轉方向，加上綠木係邊路幫手回後停波再轉邊，順利成功破解維拉既逼搶，從而令個波向前推進。綠木今場亦踢得非常自由，除左防守時會係番右路協防外，進攻時會前場自由走，多次出現係中路，而般奴則會稍移去右路幫手出波組織，左路則靠讓俾普巴同間中去左邊幫下手既C朗去進攻。
節奏明快，互有攻守
維拉前場逼搶，一被轉向就暴露身後空間。開波兩分鐘，曼聯破左逼搶轉左去左邊，般奴已經有空間係禁區頂起腳，可惜first-touch做得唔好，控左去左腳位被逼用左腳窩利，變左個藍天射球。跟住又有綠木搶到波打反擊，怒推半場係中路硬射被擋出。 10分鐘，又有C朗離門接近30碼望空施射唔中目標。機會係有但就把握唔到。你埋唔到門就到維拉。維拉係左路大腳轉方向俾右邊既卡殊，梳爾判斷失誤衝前頂空氣，卡殊同麥堅一個1-2就沉底去到心臟地帶出波，可惜左翼衛泰格門前掃把腳飛機，錯失黃金機會。轉個頭曼聯又破解逼搶，中場左路普巴直線傳俾綠木，佢推落去係左路小禁區角窄位左腳一cup，避開明斯就右腳射，不過㩒死左個波，球速不快下被接實。般奴係佢隔離空晒，傳俾佢既話入既機會會較高。曼聯跟住又有般奴k角位傳中，可惜C朗黎遲一步。進攻未能入波，麥隊又黎激發大家士氣。維拉大腳解圍，麥隊長冇乜壓力下向住龍門口回傳俾迪基亞，呢個真係大忌黎，迪迪仔已經去左龍門既左面位置接應，除左俾個波彈下彈下之外，更不應對住龍門口黎傳。迪基亞情急用腳向前撞，俾屈堅斯截左。幸好迪迪仔封位快，成功阻擋屈堅斯既射門。之後曼聯又有連番射門被血肉長城擋出。
第一名折兵就係梳爾
踢到34分鐘，蘇B先作出一個換人調動，用上場踢得唔錯既大佬達洛特改踢左閘入替受傷既梳爾。其後佢既表現就未有上場踢右閘咁亮麗，但都上上落落好努力協助普巴係左路進攻。維拉係生波上未有造成太多威脅，只能靠角球製造驚險境頭，可惜未能命中目標。到上半場尾段，麥隊接應罰球頭鎚攻門，被馬天尼斯單手撲出。接著曼聯靠死球都製造左好多埋門機會，可惜都係柱邊出界。上半場，完
修夫基認真黑腳，一睇就傷兩件國腳
下半場一出黎，維拉反客為主，加大逼搶既力度令到曼聯連半場都過唔到。兩邊側擊同死球都令到曼聯既解圍有少少吃力。踢到53分鐘，麥隊長突然倒下，要軍醫入場治理，更令蘇B心感不妙。換人名額只得三名，已經有梳爾傷出，如再要換走後防球員更令要加強攻力既曼聯失去籌碼。經軍醫治理下，麥隊長仍嘗試頂硬上，維拉立刻針對麥隊長，不停交波去左路搵佢黎攻擊。曼聯呢15分鐘完全捱打，只能靠幾腳直線嘗試俾前面去哨，防線推唔到出黎。
不換不換還需換，變相埋下輸波伏線
捱過左呢15分鐘，維拉都要回一回氣。曼聯亦開始企番穩陣腳，先有普巴接應麥湯橫傳，禁區頂盪射高出，後有綠木千里走單騎，左腳窄位射尾柱被接實，再有麥隊長禁區被拉跌，球證又係冇表示。踢至67分鐘，未知蘇B驚麥隊長傷勢加劇還是麥隊長真的不行了，佢用連迪路夫入替麥佳亞先穩住後防。
80分鐘先換卡雲尼就遲左少少啦
維拉既一次反擊，屈堅斯係左路扣大位推過兩名曼聯球員起右腳怒bam近柱又被救出。轉頭又到綠木，佢係右路推大位，C朗走overlap，佢借C朗過橋再推中路，然後勉強左腳射尾柱斜出。跟住到般奴直線傳俾走窄位既普巴一射又網側。轉頭又到綠木係右邊窄位一吸，又係選擇自己射被擋出。跟住又黎綠木自己壓入禁區射又省中人。今場既綠木非常獨食，有幾下肯交波就變成黃金機會，但心雄既佢都係決定自己黎，卻又未能建功。到82分鐘先將卡雲尼換入麥湯文尼，已經為時已晚了。
般奴射失12碼，痛失3分
去到88分鐘，維拉左路獲得一個角球。路易斯斬近柱，侯斯擺脫追債咁追佢既卡雲尼一批入網。呢球難度極大，人走前向後批得咁應，抵輸。補時階段，般奴係右路傳中，卡雲尼頂唔到但個波打中侯斯隻手被判12碼。般奴最後主射卻一飛沖天，差少少成也侯斯，敗也侯斯。最後維拉一球小勝曼聯，拎到3分。
總結
我少有地用文字長篇幅寫出唔中目標既攻門。今場特登寫既原因係整隊波係進攻上係流暢，亦有用不同既進攻方式，去創造機會埋門。只係去到final third既最後一傳最後一射，欠缺把握力又或者最尾既傳射決定做得唔好。當然，我對蘇B呢場都起用Mcfred組合甚難理解，呢場波絕對可以起用雲迪碧克去加強中場創造力，但今場波既問題並不在於中場既運轉，而Mcfred今場整體表現亦尚可。傷左兩名後防亦令到蘇B想換人進攻既籌碼減少。唯一可以批評既係點解咁遲先換入卡雲尼去搏鎚。如果可以係換麥隊長時同時換埋卡雲尼入去，呢個時機調動先較為合適。最後都想講講般奴，雖然佢呢場表現唔係好失禮，但佢呢幾場踢落都比較急，感覺上佢既壓力比C朗未加盟時更大，場上少左同普巴既互動，轉為望住C朗黎踢。射失12碼或者就係寫照，處理一下佢既心態最為緊要。希望梳爾同麥隊長都係小傷，下場歐聯對維拉利爾可以復出，咪成條防線天殘地缺下，就算前面入到波都唔夠後面輸！