C朗絕殺救蘇B (賽後分析-曼聯對維拉利爾）
上場聯賽賠了三分又折兵，輸左俾維拉之外，更有梳爾及麥佳亞傷出；歐聯第一戰因雲比沙加領紅而被年青人反勝，今仗主場對維拉利爾可謂不容有失。
雙方正選陣容
曼聯今仗改用4-3-3陣式，後防線則改頭換面。龍門迪基亞，防線左至右係泰利斯、華拉尼、連迪路夫、達洛特。逗後防中為麥湯文尼，左中場係普巴，右中場則係般奴費南迪斯。左右翼係辛祖同格連活特支援前鋒C朗拿度爭取入球。
維拉利爾則用4-4-2陣式。龍門路爾尼，防線由左至右，摩蘭奴、保羅托利斯、艾比奧爾、科夫。中場左至右係丹祖馬、特基路斯、卡普爾、柏利祖。一對箭頭係賓奴同艾卡沙。
要不是迪基亞超水準演出，半場訓得
艾美利對曼聯真係特別有心得，防守時成平排4-4-2放棄前場逼搶，留丹祖馬同艾卡沙係前場遮線，賓奴後移變右中場，特基路斯打左中場，一對防中變成卡普爾同柏利祖，整隊係中場開始佈防，壓縮中路空間。拎到控球權時唔會太心急運波上前，將陣式變做4-3-3，卡普爾係中間逗住，賓奴同丹祖馬變成兩翼，最前則係艾卡沙，而特基路斯同柏利祖則變成左右中場中，先係後場嘆下慢板，等你曼聯進行前場逼搶，先搵空位經中場再搵兩翼進行側擊，搓唔到就等龍門大腳向前解除逼搶；而由守轉攻搶到波後再針對你二閘擅攻不擅守既特點去打反擊。尤以左路丹祖馬為甚，如入無人之境既佢，無論cup大位射波定係硬推落底線傳中都輕鬆玩弄達洛特。左閘既泰利斯亦唔見得好，都係有身份證就過得。若非迪基亞演出神勇，多次撲走對方兩翼內切射門，又救走近距離傳中頭鎚，早已比人456球，半場訓得。
蘇B求勝心切，嘗試改變陣式但乏略左球員特性
蘇B排出4-3-3。中間只留麥湯文尼係中間做駁腳破壞，左右二閘壓上，而兩翼則靠近邊路，等普巴同般奴插入half-space進攻。開波已經見到普巴同般奴互傳大對角插入禁區入楔。而綠木亦多次係邊路無球走位斜插入half-space，般奴見狀就會拉番邊提供闊度。辛祖則會主力係邊路拉闊，同泰利斯搓兩板再嘗試邊路突破。C朗則留守禁區附近等待機會。面對密集有紀律既防守，呢套進攻模式唔太有效，亦缺乏由慢轉快中路入滲既小組配合。只能左轉右，右轉左然後回後再嘗試踢對角進攻。見到蘇B既進攻思路，但佢乏略左泰利斯同達洛特既特點。曼聯二閘壓上助攻都係預料之中，進攻太進取，防守自然會失位要防中去補，但只安排一個麥湯文尼去補位，普巴同般奴進攻時都會壓前既情況下。根本就唔能夠彌補閘位同中堅既身後空間。當兩個閘位球員都係攻強於守，更似一個翼衛多於一隻閘既時候，只留一個麥湯文尼同兩名中堅去cover係完全唔足夠。被人多次快速轉向既反擊，亦令到泰利斯同達洛特唔敢向前壓太上。當佢地發揮唔到邊路進攻力，要佢地防守就真係得淡笑，結果攻不成，守放題，醜態百出。小弟認為要解放佢地就要改用三中堅，等佢地進攻時有一名邊中堅填補，再有中中堅執漏。再加麥湯後場掃蕩，普巴中間舖橋搭路再搵般奴較炮先係上策。
失波係自然不過既事，追和則係死球教練功勞
上半場能夠打成平手番更衣室已經可以還神；下半場出黎既戰術同上半場一模一樣，人地唔入你都真係對唔住自己。53分鐘，維拉利爾從左邊閘位開始做波，傳俾中間現身既特基路斯。佢一避開埋黎搶波既麥湯文尼，已經可以轉身望空前面，推兩步直線放落達洛特同連迪路夫既身後空間。踢到曉飛既丹祖馬追落去就右腳腳面片個波出黎傳中，個波彎過黎遲一步既連迪路夫，就俾艾卡沙門前撞射入網，領先一比零。踢到呢個階段都未有一腳似樣既埋門，亦唔係太製造到具威脅既攻勢，唔好話贏要追和都有難度，蘇B都係要換人求變。但7分鐘後就有腳神來之筆，般奴走去開右路既角球。正當全世界都集中係禁區既高佬爭頂，伏兵左面禁區俄楣月頂既泰利斯冇人防守。般奴一斬就係正泰利斯前面落，佢左腳窩利一抽，個波直飛龍門左下方，彈左一下地就係網仔入左，追成平手。印象中今季係第一次咁樣開角球，碧咸斬比史高斯既味道出晒黎，亦要居功於死球教練。自佢加盟後，曼聯係死球無論攻守都有顯住進步。
臨場調動都係死症 成個領隊團究竟諗乜
一追番球波，成隊氣勢如虹。維拉利爾明顯窒一窒，不論攻守都打左折扣，成隊都亂亂地，但蘇B手執億萬後備竟然唔係呢個時候加強攻力。艾美利則繼續換，係73分鐘換晒5個人去保持球隊既活力，又或者作出戰術調動；而我地既蘇B係場上見到左右二閘咁明顯既問題都冇立刻作出處理，要去到75分鐘先換第一次人。將馬迪同卡雲尼入替辛祖同普巴，將陣式變番4-2-3-1。求變將陣式改做4-2-3-1去解放般奴係合理做法，換入卡雲尼踢中鋒，將C朗轉踢翼鋒，走入禁區做第二點攻擊亦能理解，但點解換走傳中能力較好既辛祖，而非射術較好但傳中較差既綠木呢？有兩個頂上功夫咁好，入楔搶點能力咁強既前鋒，我左面泰利斯，右面辛祖加埋傳中不俗既達洛特，就咁9981斬，個波係頭頂兩面橫過都足以嚇親對面啦，仲要綠木內切打地面進攻又係不明所以。唯一原因係佢腳風順狀態好，搏佢一腳射瓜對手。
換費特以為係「神級」調動，點知真係「神級」調動
經調動後，綠木突然有一下用右腳傳中搵到卡雲尼，落點非常靚，可惜佢一頂唔中目標。亦有一次個人突破壓入禁區右腳射尾柱，可惜被救出。但其餘時間埋門不多，亦甚少燒味斬斬斬戰術。去到89分鐘，鏡頭見到連皇同另一個球員準備入替，鏡頭望背面仲以為係出伊蘭加加強左路攻擊力，點知原來係費特。用費特同連皇入替綠木同泰利斯。又係得幾分鐘俾連皇去爭取入球都算，竟然用防守比進攻好太多既費特入替可以傳中既泰利斯，真係一個「神級」調動。殊不知去到95分鐘，費特係左路掃把腳傳中，C朗係尾柱頭鎚點俾入楔既連皇，連皇腳面回傳俾C朗係窄位怒射破網，反超前二比一，絕殺維拉利爾，拎到非常重要既三分。「神級」換入費特間接助攻C朗，即刻「唔再反蘇B啦」。
就算贏波都聞到魷魚香
賽前冇左梳爾、雲比沙加同麥佳亞，都知道靠泰利斯同達洛特係防守方面會錯漏百出，但蘇B竟然就咁擺佢地出去，而冇考慮佢兩個既特點去諗方法補救，上半場唔輸實屬有運。下半場既換人時機又係一大敗筆，人地成隊騰騰震果陣唔換，到人地企穩陣腳先換，又往往只得幾分鐘俾後備球員落場搏殺，搏到你就係神，搏唔到就係自己攞黎。最後換入費特想守和拎一分都唔想搏三分，係上場作客輸波情況下，呢個思維模式又係咪岩？最後既絕殺除左講好運之外，都係好運，但運氣唔係成日都有。兵就擺晒係度俾你用，再搵唔到一套進攻模式，或者臨場調動都仲係咁「神級」既話，呢個帥位都係遲早不保。小弟撐到你盡都開始難撐下去，蘇B同其團隊真係要諗諗辦法啦！
雙方正選陣容
曼聯今仗改用4-3-3陣式，後防線則改頭換面。龍門迪基亞，防線左至右係泰利斯、華拉尼、連迪路夫、達洛特。逗後防中為麥湯文尼，左中場係普巴，右中場則係般奴費南迪斯。左右翼係辛祖同格連活特支援前鋒C朗拿度爭取入球。
維拉利爾則用4-4-2陣式。龍門路爾尼，防線由左至右，摩蘭奴、保羅托利斯、艾比奧爾、科夫。中場左至右係丹祖馬、特基路斯、卡普爾、柏利祖。一對箭頭係賓奴同艾卡沙。
要不是迪基亞超水準演出，半場訓得
艾美利對曼聯真係特別有心得，防守時成平排4-4-2放棄前場逼搶，留丹祖馬同艾卡沙係前場遮線，賓奴後移變右中場，特基路斯打左中場，一對防中變成卡普爾同柏利祖，整隊係中場開始佈防，壓縮中路空間。拎到控球權時唔會太心急運波上前，將陣式變做4-3-3，卡普爾係中間逗住，賓奴同丹祖馬變成兩翼，最前則係艾卡沙，而特基路斯同柏利祖則變成左右中場中，先係後場嘆下慢板，等你曼聯進行前場逼搶，先搵空位經中場再搵兩翼進行側擊，搓唔到就等龍門大腳向前解除逼搶；而由守轉攻搶到波後再針對你二閘擅攻不擅守既特點去打反擊。尤以左路丹祖馬為甚，如入無人之境既佢，無論cup大位射波定係硬推落底線傳中都輕鬆玩弄達洛特。左閘既泰利斯亦唔見得好，都係有身份證就過得。若非迪基亞演出神勇，多次撲走對方兩翼內切射門，又救走近距離傳中頭鎚，早已比人456球，半場訓得。
蘇B求勝心切，嘗試改變陣式但乏略左球員特性
蘇B排出4-3-3。中間只留麥湯文尼係中間做駁腳破壞，左右二閘壓上，而兩翼則靠近邊路，等普巴同般奴插入half-space進攻。開波已經見到普巴同般奴互傳大對角插入禁區入楔。而綠木亦多次係邊路無球走位斜插入half-space，般奴見狀就會拉番邊提供闊度。辛祖則會主力係邊路拉闊，同泰利斯搓兩板再嘗試邊路突破。C朗則留守禁區附近等待機會。面對密集有紀律既防守，呢套進攻模式唔太有效，亦缺乏由慢轉快中路入滲既小組配合。只能左轉右，右轉左然後回後再嘗試踢對角進攻。見到蘇B既進攻思路，但佢乏略左泰利斯同達洛特既特點。曼聯二閘壓上助攻都係預料之中，進攻太進取，防守自然會失位要防中去補，但只安排一個麥湯文尼去補位，普巴同般奴進攻時都會壓前既情況下。根本就唔能夠彌補閘位同中堅既身後空間。當兩個閘位球員都係攻強於守，更似一個翼衛多於一隻閘既時候，只留一個麥湯文尼同兩名中堅去cover係完全唔足夠。被人多次快速轉向既反擊，亦令到泰利斯同達洛特唔敢向前壓太上。當佢地發揮唔到邊路進攻力，要佢地防守就真係得淡笑，結果攻不成，守放題，醜態百出。小弟認為要解放佢地就要改用三中堅，等佢地進攻時有一名邊中堅填補，再有中中堅執漏。再加麥湯後場掃蕩，普巴中間舖橋搭路再搵般奴較炮先係上策。
失波係自然不過既事，追和則係死球教練功勞
上半場能夠打成平手番更衣室已經可以還神；下半場出黎既戰術同上半場一模一樣，人地唔入你都真係對唔住自己。53分鐘，維拉利爾從左邊閘位開始做波，傳俾中間現身既特基路斯。佢一避開埋黎搶波既麥湯文尼，已經可以轉身望空前面，推兩步直線放落達洛特同連迪路夫既身後空間。踢到曉飛既丹祖馬追落去就右腳腳面片個波出黎傳中，個波彎過黎遲一步既連迪路夫，就俾艾卡沙門前撞射入網，領先一比零。踢到呢個階段都未有一腳似樣既埋門，亦唔係太製造到具威脅既攻勢，唔好話贏要追和都有難度，蘇B都係要換人求變。但7分鐘後就有腳神來之筆，般奴走去開右路既角球。正當全世界都集中係禁區既高佬爭頂，伏兵左面禁區俄楣月頂既泰利斯冇人防守。般奴一斬就係正泰利斯前面落，佢左腳窩利一抽，個波直飛龍門左下方，彈左一下地就係網仔入左，追成平手。印象中今季係第一次咁樣開角球，碧咸斬比史高斯既味道出晒黎，亦要居功於死球教練。自佢加盟後，曼聯係死球無論攻守都有顯住進步。
臨場調動都係死症 成個領隊團究竟諗乜
一追番球波，成隊氣勢如虹。維拉利爾明顯窒一窒，不論攻守都打左折扣，成隊都亂亂地，但蘇B手執億萬後備竟然唔係呢個時候加強攻力。艾美利則繼續換，係73分鐘換晒5個人去保持球隊既活力，又或者作出戰術調動；而我地既蘇B係場上見到左右二閘咁明顯既問題都冇立刻作出處理，要去到75分鐘先換第一次人。將馬迪同卡雲尼入替辛祖同普巴，將陣式變番4-2-3-1。求變將陣式改做4-2-3-1去解放般奴係合理做法，換入卡雲尼踢中鋒，將C朗轉踢翼鋒，走入禁區做第二點攻擊亦能理解，但點解換走傳中能力較好既辛祖，而非射術較好但傳中較差既綠木呢？有兩個頂上功夫咁好，入楔搶點能力咁強既前鋒，我左面泰利斯，右面辛祖加埋傳中不俗既達洛特，就咁9981斬，個波係頭頂兩面橫過都足以嚇親對面啦，仲要綠木內切打地面進攻又係不明所以。唯一原因係佢腳風順狀態好，搏佢一腳射瓜對手。
換費特以為係「神級」調動，點知真係「神級」調動
經調動後，綠木突然有一下用右腳傳中搵到卡雲尼，落點非常靚，可惜佢一頂唔中目標。亦有一次個人突破壓入禁區右腳射尾柱，可惜被救出。但其餘時間埋門不多，亦甚少燒味斬斬斬戰術。去到89分鐘，鏡頭見到連皇同另一個球員準備入替，鏡頭望背面仲以為係出伊蘭加加強左路攻擊力，點知原來係費特。用費特同連皇入替綠木同泰利斯。又係得幾分鐘俾連皇去爭取入球都算，竟然用防守比進攻好太多既費特入替可以傳中既泰利斯，真係一個「神級」調動。殊不知去到95分鐘，費特係左路掃把腳傳中，C朗係尾柱頭鎚點俾入楔既連皇，連皇腳面回傳俾C朗係窄位怒射破網，反超前二比一，絕殺維拉利爾，拎到非常重要既三分。「神級」換入費特間接助攻C朗，即刻「唔再反蘇B啦」。
就算贏波都聞到魷魚香
賽前冇左梳爾、雲比沙加同麥佳亞，都知道靠泰利斯同達洛特係防守方面會錯漏百出，但蘇B竟然就咁擺佢地出去，而冇考慮佢兩個既特點去諗方法補救，上半場唔輸實屬有運。下半場既換人時機又係一大敗筆，人地成隊騰騰震果陣唔換，到人地企穩陣腳先換，又往往只得幾分鐘俾後備球員落場搏殺，搏到你就係神，搏唔到就係自己攞黎。最後換入費特想守和拎一分都唔想搏三分，係上場作客輸波情況下，呢個思維模式又係咪岩？最後既絕殺除左講好運之外，都係好運，但運氣唔係成日都有。兵就擺晒係度俾你用，再搵唔到一套進攻模式，或者臨場調動都仲係咁「神級」既話，呢個帥位都係遲早不保。小弟撐到你盡都開始難撐下去，蘇B同其團隊真係要諗諗辦法啦！