換湯唔換藥都難以有咩變化 (賽前陣容預測 - 維拉利爾對曼聯)
剛過去既聯賽賽事，曼聯打少一人下，以四比一大敗俾主場出擊既屈福特。管理層諗都唔諗就怒炒蘇B，暫時安排卡域克頂住個雞頭。宏觀現時球壇要搵一個具級數，仲要對你呢套陣容有興趣想教既領隊可以話係冇。炒左蘇B除左可以平息左球迷既怒火外，對隊波既結構黎講係唔會有大改變，因為整隊教練團係冇任何改變。我睇唔到呢場歐聯對維拉利爾係出場陣容同戰術部署會有好大既改變，除非
1）蘇B係獨裁者唔聽意見
2）球員係場上渣流灘唔跟指示
3）卡域克老謀深算到唔協助蘇B，想自己坐正
基於小弟唔認同上述三點，曼聯換湯唔換藥既情況下，時間又只得幾日俾卡域克去研究，相信都唔會有太大改變，只能依靠隊員自己既質素在場執生啦。
先睇睇積分榜形勢，上場幸好摸和阿特蘭大，現時有7分排榜首。維拉利爾都有7分排第二。第三則係有5分既阿特蘭大，最尾就係有3分既年青人。今場波黎講邊隊贏波就能出線16強，所以我相信主場既維拉利爾都會主動進攻，加上見到曼聯之頹，一定係以贏波為目標。曼聯黎講，下場對住年青人，因同分會先計對賽成績，假設阿特蘭大今場贏年青人，只要曼聯呢場同下場都唔輸，就可以出到線。固此，卡域克呢場係有條件踢underdog足球，先守穩再偷雞，唔輸波已經半隻腳入16強。
分析完積分榜形勢，就預測一下曼聯正選陣容。梳爾上場再次受傷，今場上陣成疑，加上睇榜做人，卡域克可以改踢五人防線，利用人數優勢先站穩陣腳。龍門繼續係迪基亞。三名中堅會係拜利、連迪路夫、麥佳亞。左翼衛起用泰利斯，右翼衛則繼續用雲比沙加。中場方面，馬迪上場踢足，麥湯文尼又迷失球場，而維拉利爾既中場都唔係打體型打高波為主，起用費特加強中場速率攔截同用雲迪碧克加強中場串連應會較佳。般奴雖然疲態盡現，但應該都要頂硬上。前鋒線則起用一老一少組合，格連活特中左肺炎要休息，所以都要起用福仔拍住C朗拿度係前面突襲對手。
預測曼聯正選陣容（5-3-2）
迪基亞
雲比沙加 拜利 連迪路夫 麥佳亞 泰利斯
雲迪碧克 費特
般奴費南迪斯
拉舒福特 C朗拿度
1）蘇B係獨裁者唔聽意見
2）球員係場上渣流灘唔跟指示
3）卡域克老謀深算到唔協助蘇B，想自己坐正
基於小弟唔認同上述三點，曼聯換湯唔換藥既情況下，時間又只得幾日俾卡域克去研究，相信都唔會有太大改變，只能依靠隊員自己既質素在場執生啦。
先睇睇積分榜形勢，上場幸好摸和阿特蘭大，現時有7分排榜首。維拉利爾都有7分排第二。第三則係有5分既阿特蘭大，最尾就係有3分既年青人。今場波黎講邊隊贏波就能出線16強，所以我相信主場既維拉利爾都會主動進攻，加上見到曼聯之頹，一定係以贏波為目標。曼聯黎講，下場對住年青人，因同分會先計對賽成績，假設阿特蘭大今場贏年青人，只要曼聯呢場同下場都唔輸，就可以出到線。固此，卡域克呢場係有條件踢underdog足球，先守穩再偷雞，唔輸波已經半隻腳入16強。
分析完積分榜形勢，就預測一下曼聯正選陣容。梳爾上場再次受傷，今場上陣成疑，加上睇榜做人，卡域克可以改踢五人防線，利用人數優勢先站穩陣腳。龍門繼續係迪基亞。三名中堅會係拜利、連迪路夫、麥佳亞。左翼衛起用泰利斯，右翼衛則繼續用雲比沙加。中場方面，馬迪上場踢足，麥湯文尼又迷失球場，而維拉利爾既中場都唔係打體型打高波為主，起用費特加強中場速率攔截同用雲迪碧克加強中場串連應會較佳。般奴雖然疲態盡現，但應該都要頂硬上。前鋒線則起用一老一少組合，格連活特中左肺炎要休息，所以都要起用福仔拍住C朗拿度係前面突襲對手。
預測曼聯正選陣容（5-3-2）
迪基亞
雲比沙加 拜利 連迪路夫 麥佳亞 泰利斯
雲迪碧克 費特
般奴費南迪斯
拉舒福特 C朗拿度