眾志成城頂住架車（賽後分析-車路士對曼聯）
雙方正選陣容
杜曹排出3-4-2-1陣式，龍門文迪，三名中堅左至右係魯迪加、泰亞高施華、查洛巴。左右翼衛係馬高斯阿朗素同列斯占士，一對防中起用佐真奴拍路夫斯捷克。奧度爾同薛耶治支援前鋒添姆華拿攻堅。
卡域克排出4-3-3假9陣式。龍門迪基亞。麥佳亞停賽，防線起用拜利拍連迪路夫。左右閘為泰利斯同雲比沙加。逗後防中為馬迪，左右中場係費特同麥湯文尼。左右翼係華舒福同辛祖。假九前鋒為般奴費南迪斯。
曼聯果種逼搶睇左兩分鐘就知係嘥氣嘥力一開波就見到曼聯前場球員好有鬥志咁衝去前面逼，以為蘭歷克已經到左訓練基地直接教授，點知睇左兩分鐘就知得淡笑。前場3人不遺餘力壓迫三名中堅，一對防中都有跟上黎嘗試追截佐仔同龍虎切，但一對翼衛連同馬迪同防線並冇一齊壓前，曼聯需要既二閘上黎壓迫人地兩隻翼衛並冇做到。中前場瘋狂壓上逼搶令到中場線空位大增，早段被車仔球員輕鬆用兩三下短傳再加一腳長波就已經解除逼搶，華拿同奧度爾3分鐘內兩次既射門經已暴露問題。般奴亦多次對住辛祖大鬧，提醒佢逼搶時既選擇同跑動線路有問題，不知道係卡域克指示有誤還是辛祖自己臨場判斷失誤，但咁樣既逼搶只係嘥氣嘥力既表現，連旁述邱仔都不禁概嘆「呢D唔係逼搶黎」。
縮番後係中後場企番穩黎守都有部署
早段唔輸真係可以還神，但漸漸企穩陣腳後都開始頂得住。當要係中場佈防時，前場三子會先收窄中路，讓對方既左右中堅持球，而費特企位亦會較前先防止中路既佐真奴輕鬆轉身。到邊中堅持球時，同邊翼鋒去迫，閘位守翼衛，中堅緊守攻擊中場，馬迪就逗深一格協防華拿，並係中間遮線。麥湯費特一齊縮後壓縮中路。連般奴同辛祖同福仔都會退到去自己三閘線防守，務求泊夠兩架巴士頂住。戰術係想搶到波之後，再搵般奴向前踢直線或長傳俾兩翼靠個人能力同速度去進攻車仔後場空間，但車仔一失控球既圍搶反搶執行力高而且快，你未搵到般奴已經係你後場反搶再攻，又或者逼到你不停回後，等你後防放長傳俾前面停波。般奴狀態一般，加上身型輸蝕，要佢停高波長傳好難，而佢亦不擅長突破對手帶生個波，再次懷念普巴，普巴既身型同護波盤球技術係強強大戰中能起到較大作用。中場4個都冇一人有呢種護波吸引防守再分波既能力，馬迪已經算較冷靜亦多次殺出重圍。整個上半場都係被車仔圍住黎踢，壓前作出無謂逼搶亦浪費左不少體力，缺少前場支點停波亦令到反擊乏力。雖然中場進攻係零，但防守不遺餘力，費特不停跑動，馬迪合適既企位，麥湯愈守愈勇悍，加上整條防線高度集中聯同迪基亞繼續精彩演出，半場守和零比零，大大加強左球隊信心。
一次失誤足以致命
下半場再開，戰況仍然一樣，但曼聯選擇唔再向前作無謂逼搶，直接縮係中場繼續泊巴士，車仔則繼續圍攻。踢到50分鐘，車路士開出角球，般奴大腳向前解圍。整隊曼聯立刻向前散，福仔同辛祖見車仔中場線僅得佐仔一人，兩個出盡奶力係咁追埋去。佐仔諗住輕鬆淡定痴個波落黎，卻稍有失誤地痴離腳，被辛祖一個唔該偷埋再怒奔半場，真係由東岸跑到西岸，單刀射入。福仔沿途傍住走，但佢一路都身處越位位置，辛祖望左幾下都發覺唔對路先自己射。師兄啊師兄，跑得快都要睇住黎跑架。入波後既曼聯成隊信心大增，更短時間拎到控球權搓番車仔轉頭，但始終質素不及對手，車仔逼兩逼又拎番個波再攻過。
對拖肥糖換入C朗又失波，今次又係一樣
踢到64分鐘，卡域克首先作出調動，由C朗入替入波既辛祖。呢個調動值得相確，換入C朗想係前線制對手都無可厚非，但佢入黎後既跑動積極性、防守性都明顯不及辛祖，再者福仔既體能已經到左極限，反而見到辛祖仲有貨賣。其實可以先換走福仔，不過福仔既衝刺同速度都較辛祖好，突破力較強亦係原因要留低佢。踢到69分鐘，再次係車仔角球攻勢，雲比沙加係禁區想解圍時，踢中左施華隻腳被吹12碼。佐仔飽受失波壓力下射入，將功補過追成平手。上次聯賽對愛華頓又係先領先，一換入C朗就被扳平，今場如出一轍，雖然失波既過程唔關佢事，但邪呢樣野不能不信。
C朗入替後即有可乘之機被杜曹換人強打
車仔繼續主導球賽。卡域克係77分鐘用連加特入替乾塘既福仔。馬後炮講，要不是上半場多次胡亂向前無謂逼搶，佢同辛祖起碼有多10分鐘活力去維持反擊既速率同威脅。卡仔既調動絕對正確，對手後場有空間俾連皇作單人推進必定好過妹下妹下既馬斯亞，而福仔既體能亦都已經消耗得八八九九。杜曹都決定加強前場創造力，用蒙特同佩利錫換入奧度爾同馬高斯阿朗素。陣式維持不變，將占士調去左路作單人爆破雲比沙加，佩利錫改打不用防守既右翼衞，聯同蒙特同薛耶治強打左路既泰利斯同費特。因為C朗入替後甚少像福仔同辛祖回後到較深位置協防，而係長期留守中場線，令杜曹見到呢個缺口可以強打。
車仔久攻不下差少少一分不保
換完人後已經見到車仔集中進攻曼聯左路，過左4分鐘再用盧卡古入替作用不大既華拿。係左路多次既傳中球幸有拜利同連迪路夫精準解圍，先令到車仔未能作出射門。前場縱然有C朗但佢都鮮有能停波等到隊友支援，只能靠零星反擊去進攻。去到比賽尾段，車仔獲得角球繼續大軍壓上，後場僅留一個列斯占士防守。角球開出，連加特係自己禁區頂執到解圍第二點就即刻向前狂奔，C朗同費特亦順勢一齊向前支援連皇。不過列斯占士係中場線就搶左連皇個波再回後俾龍門文迪。文迪同施華互傳左一下就猜空左魯迪加，就順勢交俾佢，但俾波既線路完全錯誤，俾費特係中間偏左既位置攔截，前場形成三打二既局面。施華即刻埋去防守費特，連加特係禁區中間既危險地帶引左查洛巴衝去防守，左面既C朗完全空晒並舉手示意費特俾波，但佢竟然嘗試chok射尾柱，射出黎既質素真係不敢恭維，被文迪輕鬆接實。機會真係唔多，把握唔到就係質素問題。車仔既最後一擊亦相當具威脅，右路既薛耶治妙傳佩利錫沉底傳中，尾柱既魯迪加空晒右腳怒射飛機，錯失黃金機會，最後一比一握手言和。
總結
能夠一比一打和如日方中既車路士，對陷入低潮既曼聯絕對係理想既戰果。缺少普巴令曼聯少左一個進攻既核心，其他中場級數實在難以代替佢，而你亦不能否認般奴對親強隊既表現都有落差。卡域克放C朗打後備既選擇係明智。從佢只踢30分鐘既表現同跑動黎睇，確實係甚少會做防守，而係散步居多。由C朗回歸曼聯，我一早已經講佢會破壞左原有既攻守模式，如何重新建立一套有效而所有人都合適既防守策略會係蘭歷克既首要任務。呢場波能守和車路士，除左有運氣外，亦不能不讚眾志成城既鬥志。卡域克帶領曼聯兩場波拎到一勝一和既成績，絕對係交吋足功課。蘭歷克都已經官宣左，又睇下呢個領隊有咩板斧令曼聯起死回生，又睇下呢個廚師同呢堆材料做到乜野既菜式俾球迷睇。
杜曹排出3-4-2-1陣式，龍門文迪，三名中堅左至右係魯迪加、泰亞高施華、查洛巴。左右翼衛係馬高斯阿朗素同列斯占士，一對防中起用佐真奴拍路夫斯捷克。奧度爾同薛耶治支援前鋒添姆華拿攻堅。
卡域克排出4-3-3假9陣式。龍門迪基亞。麥佳亞停賽，防線起用拜利拍連迪路夫。左右閘為泰利斯同雲比沙加。逗後防中為馬迪，左右中場係費特同麥湯文尼。左右翼係華舒福同辛祖。假九前鋒為般奴費南迪斯。
曼聯果種逼搶睇左兩分鐘就知係嘥氣嘥力一開波就見到曼聯前場球員好有鬥志咁衝去前面逼，以為蘭歷克已經到左訓練基地直接教授，點知睇左兩分鐘就知得淡笑。前場3人不遺餘力壓迫三名中堅，一對防中都有跟上黎嘗試追截佐仔同龍虎切，但一對翼衛連同馬迪同防線並冇一齊壓前，曼聯需要既二閘上黎壓迫人地兩隻翼衛並冇做到。中前場瘋狂壓上逼搶令到中場線空位大增，早段被車仔球員輕鬆用兩三下短傳再加一腳長波就已經解除逼搶，華拿同奧度爾3分鐘內兩次既射門經已暴露問題。般奴亦多次對住辛祖大鬧，提醒佢逼搶時既選擇同跑動線路有問題，不知道係卡域克指示有誤還是辛祖自己臨場判斷失誤，但咁樣既逼搶只係嘥氣嘥力既表現，連旁述邱仔都不禁概嘆「呢D唔係逼搶黎」。
縮番後係中後場企番穩黎守都有部署
早段唔輸真係可以還神，但漸漸企穩陣腳後都開始頂得住。當要係中場佈防時，前場三子會先收窄中路，讓對方既左右中堅持球，而費特企位亦會較前先防止中路既佐真奴輕鬆轉身。到邊中堅持球時，同邊翼鋒去迫，閘位守翼衛，中堅緊守攻擊中場，馬迪就逗深一格協防華拿，並係中間遮線。麥湯費特一齊縮後壓縮中路。連般奴同辛祖同福仔都會退到去自己三閘線防守，務求泊夠兩架巴士頂住。戰術係想搶到波之後，再搵般奴向前踢直線或長傳俾兩翼靠個人能力同速度去進攻車仔後場空間，但車仔一失控球既圍搶反搶執行力高而且快，你未搵到般奴已經係你後場反搶再攻，又或者逼到你不停回後，等你後防放長傳俾前面停波。般奴狀態一般，加上身型輸蝕，要佢停高波長傳好難，而佢亦不擅長突破對手帶生個波，再次懷念普巴，普巴既身型同護波盤球技術係強強大戰中能起到較大作用。中場4個都冇一人有呢種護波吸引防守再分波既能力，馬迪已經算較冷靜亦多次殺出重圍。整個上半場都係被車仔圍住黎踢，壓前作出無謂逼搶亦浪費左不少體力，缺少前場支點停波亦令到反擊乏力。雖然中場進攻係零，但防守不遺餘力，費特不停跑動，馬迪合適既企位，麥湯愈守愈勇悍，加上整條防線高度集中聯同迪基亞繼續精彩演出，半場守和零比零，大大加強左球隊信心。
一次失誤足以致命
下半場再開，戰況仍然一樣，但曼聯選擇唔再向前作無謂逼搶，直接縮係中場繼續泊巴士，車仔則繼續圍攻。踢到50分鐘，車路士開出角球，般奴大腳向前解圍。整隊曼聯立刻向前散，福仔同辛祖見車仔中場線僅得佐仔一人，兩個出盡奶力係咁追埋去。佐仔諗住輕鬆淡定痴個波落黎，卻稍有失誤地痴離腳，被辛祖一個唔該偷埋再怒奔半場，真係由東岸跑到西岸，單刀射入。福仔沿途傍住走，但佢一路都身處越位位置，辛祖望左幾下都發覺唔對路先自己射。師兄啊師兄，跑得快都要睇住黎跑架。入波後既曼聯成隊信心大增，更短時間拎到控球權搓番車仔轉頭，但始終質素不及對手，車仔逼兩逼又拎番個波再攻過。
對拖肥糖換入C朗又失波，今次又係一樣
踢到64分鐘，卡域克首先作出調動，由C朗入替入波既辛祖。呢個調動值得相確，換入C朗想係前線制對手都無可厚非，但佢入黎後既跑動積極性、防守性都明顯不及辛祖，再者福仔既體能已經到左極限，反而見到辛祖仲有貨賣。其實可以先換走福仔，不過福仔既衝刺同速度都較辛祖好，突破力較強亦係原因要留低佢。踢到69分鐘，再次係車仔角球攻勢，雲比沙加係禁區想解圍時，踢中左施華隻腳被吹12碼。佐仔飽受失波壓力下射入，將功補過追成平手。上次聯賽對愛華頓又係先領先，一換入C朗就被扳平，今場如出一轍，雖然失波既過程唔關佢事，但邪呢樣野不能不信。
C朗入替後即有可乘之機被杜曹換人強打
車仔繼續主導球賽。卡域克係77分鐘用連加特入替乾塘既福仔。馬後炮講，要不是上半場多次胡亂向前無謂逼搶，佢同辛祖起碼有多10分鐘活力去維持反擊既速率同威脅。卡仔既調動絕對正確，對手後場有空間俾連皇作單人推進必定好過妹下妹下既馬斯亞，而福仔既體能亦都已經消耗得八八九九。杜曹都決定加強前場創造力，用蒙特同佩利錫換入奧度爾同馬高斯阿朗素。陣式維持不變，將占士調去左路作單人爆破雲比沙加，佩利錫改打不用防守既右翼衞，聯同蒙特同薛耶治強打左路既泰利斯同費特。因為C朗入替後甚少像福仔同辛祖回後到較深位置協防，而係長期留守中場線，令杜曹見到呢個缺口可以強打。
車仔久攻不下差少少一分不保
換完人後已經見到車仔集中進攻曼聯左路，過左4分鐘再用盧卡古入替作用不大既華拿。係左路多次既傳中球幸有拜利同連迪路夫精準解圍，先令到車仔未能作出射門。前場縱然有C朗但佢都鮮有能停波等到隊友支援，只能靠零星反擊去進攻。去到比賽尾段，車仔獲得角球繼續大軍壓上，後場僅留一個列斯占士防守。角球開出，連加特係自己禁區頂執到解圍第二點就即刻向前狂奔，C朗同費特亦順勢一齊向前支援連皇。不過列斯占士係中場線就搶左連皇個波再回後俾龍門文迪。文迪同施華互傳左一下就猜空左魯迪加，就順勢交俾佢，但俾波既線路完全錯誤，俾費特係中間偏左既位置攔截，前場形成三打二既局面。施華即刻埋去防守費特，連加特係禁區中間既危險地帶引左查洛巴衝去防守，左面既C朗完全空晒並舉手示意費特俾波，但佢竟然嘗試chok射尾柱，射出黎既質素真係不敢恭維，被文迪輕鬆接實。機會真係唔多，把握唔到就係質素問題。車仔既最後一擊亦相當具威脅，右路既薛耶治妙傳佩利錫沉底傳中，尾柱既魯迪加空晒右腳怒射飛機，錯失黃金機會，最後一比一握手言和。
總結
能夠一比一打和如日方中既車路士，對陷入低潮既曼聯絕對係理想既戰果。缺少普巴令曼聯少左一個進攻既核心，其他中場級數實在難以代替佢，而你亦不能否認般奴對親強隊既表現都有落差。卡域克放C朗打後備既選擇係明智。從佢只踢30分鐘既表現同跑動黎睇，確實係甚少會做防守，而係散步居多。由C朗回歸曼聯，我一早已經講佢會破壞左原有既攻守模式，如何重新建立一套有效而所有人都合適既防守策略會係蘭歷克既首要任務。呢場波能守和車路士，除左有運氣外，亦不能不讚眾志成城既鬥志。卡域克帶領曼聯兩場波拎到一勝一和既成績，絕對係交吋足功課。蘭歷克都已經官宣左，又睇下呢個領隊有咩板斧令曼聯起死回生，又睇下呢個廚師同呢堆材料做到乜野既菜式俾球迷睇。