輸12碼可以話係抵死（足總盃賽後分析-曼聯對米杜士堡）
蘭sir繼續排出4-3-3陣式。甸軒達臣正選上陣。防線由左至右係梳爾、麥佳亞、華拉尼、達洛治。逗後防中為麥湯文尼。普巴傷癒復出，拍住般奴費南迪斯一齊踢麥湯文尼前面，佢居右般奴居左。辛祖亦搶回正選踢左翼，右翼交俾華舒福。前鋒係C朗拿度爭取入球。
普巴復出最緊要睇點防守
近幾仗賽事都係以4-3-3陣式進攻，4-2-3-1陣式防守，利用費特覆蓋範圍大特點助攻助守，今場起用普巴但並冇更改到呢種攻守陣式轉換既模式。先講明對手實力直頭係弱，進攻上都係靠長傳打反擊，所以今場都唔太見到普巴有咩甩碌，反而見到佢有一兩下飛剷截波，亦有幾下企岩係禁區頂既防守位置執到第二點，再由佢立刻發動轉守為攻去俾般奴派牌打反擊。今場明顯少左近幾場經常輸後上俾人撞射或執番第二點再做波。兩翼福仔同辛祖都有回後協防，整場都見番蘭sir第一場對水晶宮既防守逼搶。對方一回波，般奴一向前跑，兩隻防中連同防線就會向前推就令到對手難以組織，再回到龍門再大腳解圍，從而拎到今場波既主導權。（再次講明對手係弱）
進攻有普巴既變化遠遠比用費特多
今場對手係用5-3-2陣式。蘭sir明顯搵到破局方法。後場build-up時如對方雙箭頭施壓，麥湯文尼就會拉後變成三中堅幫手轉邊，解除壓力後就上番中圈。般奴同普巴跟住會後移到閘位同中堅既空間接應，推二閘壓上。因對手三名中場防守時相互企位較闊，當邊中場再拉邊就可以overload到邊路，閘位壓上overlap加埋隻翼打對方翼衞，逼使對方邊中堅要走出黎協防，再去進攻中中堅與邊中堅既空間。福仔會更多時插入中路而非留係邊路，清空右路俾達洛治後上。福仔走中間，C朗就現身做支點去接應普巴既傳送，或者等普巴俾完波向前走打一腳1-2吸引防守再轉邊。呢d套路都係費特做唔到。左路則依靠辛祖加梳爾後上，聯同般奴打小組邊路配合沉底傳中，又或者般奴係45度斬對角進攻。整隊進攻上都係集中左路，般奴有較大自由度去前插，又可以走中路同左路拉邊踢，普巴則較企近麥湯，少後上入禁區，負責幫手串連右路同中後場，所以甚少見到般奴跑落中場線拎波發板，可以更多時間留係前場近禁區位置派牌。
上半場機會多的是但只入得一球
上半場踢左10分鐘已經見到兩隊球員質素上分野，加上米杜士堡既防守模式被看穿，三中場球員間距離較大，容易被拉開空間俾曼聯輕鬆打穿。先有辛祖趁對方失誤笠射中楣，跟住般奴補射飛機。再有C朗接應梳爾沉底傳中倒掛被接實。踢到19分鐘已經有黃金機會，普巴少有地後上插入左路禁區，接應梳爾傳送後被對方拉跌獲得12碼。可惜，C朗一射柱邊出界未能先開記錄。5分鐘後終於開記錄，般奴係中場中路截擊成功，辛祖趁對方右翼衞正向邊路拉闊，立刻跑入佢同右中堅既身後空間打反擊。般奴即刻踢過頭高波俾辛祖進攻。辛祖壓入左路禁區，右腳一撥前左腳射遠柱入網先開紀錄。及後又有C朗接應般奴直線，左路窄位射門射斜。跟住又有反擊，可惜C朗半單刀左路窄位射門被擋出。攻勢一浪接一浪，但都未能拉開記錄。對方僅有包龍根禁區外不中目標既遠射。甸軒達臣真係食住煙黎守都得。
領先一球往往係最危險
下半場一開波又有機會。辛祖左路靚走位接應梳爾直線扣大位傳中，福仔面對龍門撞射又唔知射左去邊。轉過頭C朗又接應福仔右路地波傳中撞射斜出，咁就埋下輸波伏線。踢到64分鐘，米堡一下反擊轉守為攻。米堡突破曼聯係前場既反搶，成功係左路轉方向到右路既鍾斯。佢高速壓到三閘線傳中去尾柱俾屈摩亞。屈摩亞左腳一控，個波意外地中左手彈落地下俾佢右腳再彈入中路，谷克斯接應射入空門追平。英超又改左手球例，意外地用手拍到個波再傳中被其他人射入係唔構成犯規，除非係自己射入。呢下真係呆晒，球證認為佢係冇心就冇問題。雖然呢個問題球相當有問題，但被追平都係抵死，未失波前咁多機會都入唔到兩三球拉開對手真係自己攞黎。
換人調動反而仲削弱左攻力
被追平後既曼聯都唔係冇機會再入波。普巴妙傳福仔入楔，可惜佢右路窄位射被擋出。跟住對方龍門派膠，地波向中路傳，般奴偷到一射又中柱。蘭sir係82分鐘作出調動，用費特同伊蘭加入替福仔同普巴。費特一出黎就係左路成功傳中，不過伊蘭加一頂又太正。雖然費特一出黎有一下機會，但換左普巴後，整隊既進攻就極集中係般奴身上。費特係右路亦欠缺穿透性既傳送去打穿米堡防線。如果要換入普巴，點解唔用馬迪入替佢再將麥湯文尼推前一格呢？麥湯文尼今季都有不少後上入球，進攻力比費特好應該係毋庸置疑，而嘗試換入伊蘭加利用佢既走位跑動拉扯係一個好嘗試。缺少左卡雲尼同格連活下，想改踢雙箭頭呢一著就冇左，只能依靠球員特性踢法唔同去尋求破門方法。餘下時間雙方都未有入波，就唯有加時繼續。
加時好彩有甸軒咪12碼都唔駛射
蘭sir係加時上半場一開始再換，用菲爾鍾斯入替華拉尼，未知華拉尼係咪有傷還是體力不繼。加時上半場頭10分鐘，曼聯都係壓住黎踢。控球有接近75%，但都未能創造到黃金機會去埋門。踢到100分鐘，辛祖拉傷大腿肌肉而要用馬達叔叔入替。曼聯踢到加時下半場仲差少少輸埋。米堡中場罰球斬入禁區，尾柱有人set個波入小禁區，干諾尼係門前加一腳。好彩甸軒出黎封得快，個波係手臂附近俾佢一托再接實，咪已經俾對手絕殺左。雙方都冇係加時下半場入波，要互射12碼定勝負。最後射至第八輪，因曼聯小將伊蘭加射失，米堡爆冷成功晉級。
總結
仍記得對賓福特場波就係贏把握力，而今場正正就係輸係把握力上。面對英冠中上游既米杜士堡，曼聯踢落明顯係高質素過對手，但90分鐘內多次未能擺個波入網就令到對手有機可乘。雖然問題手球導致被追和，但自己多次係門前入唔到，直至輸12碼可以話係抵死。呢場見到普巴認認真真踢波都可以感到欣慰，佢在場絕對可以分擔一下般奴既壓力，令球隊多左一個進攻策動點。辛祖既受傷則有點兒可惜，今場見到佢進攻上幾投入，又能夠同梳爾做配合，希望佢無咩大問題。華拉尼既穩健係曼聯極需要，希望佢下場能夠繼續踢。呢個盃都出埋局，就只餘下歐聯同聯賽。個人反而想歐聯早早出局，專心爭聯賽頭四比爭歐聯冠軍更實際。2月9號對般尼，睇下蘭sir點輪換隊波啦！
普巴復出最緊要睇點防守
近幾仗賽事都係以4-3-3陣式進攻，4-2-3-1陣式防守，利用費特覆蓋範圍大特點助攻助守，今場起用普巴但並冇更改到呢種攻守陣式轉換既模式。先講明對手實力直頭係弱，進攻上都係靠長傳打反擊，所以今場都唔太見到普巴有咩甩碌，反而見到佢有一兩下飛剷截波，亦有幾下企岩係禁區頂既防守位置執到第二點，再由佢立刻發動轉守為攻去俾般奴派牌打反擊。今場明顯少左近幾場經常輸後上俾人撞射或執番第二點再做波。兩翼福仔同辛祖都有回後協防，整場都見番蘭sir第一場對水晶宮既防守逼搶。對方一回波，般奴一向前跑，兩隻防中連同防線就會向前推就令到對手難以組織，再回到龍門再大腳解圍，從而拎到今場波既主導權。（再次講明對手係弱）
進攻有普巴既變化遠遠比用費特多
今場對手係用5-3-2陣式。蘭sir明顯搵到破局方法。後場build-up時如對方雙箭頭施壓，麥湯文尼就會拉後變成三中堅幫手轉邊，解除壓力後就上番中圈。般奴同普巴跟住會後移到閘位同中堅既空間接應，推二閘壓上。因對手三名中場防守時相互企位較闊，當邊中場再拉邊就可以overload到邊路，閘位壓上overlap加埋隻翼打對方翼衞，逼使對方邊中堅要走出黎協防，再去進攻中中堅與邊中堅既空間。福仔會更多時插入中路而非留係邊路，清空右路俾達洛治後上。福仔走中間，C朗就現身做支點去接應普巴既傳送，或者等普巴俾完波向前走打一腳1-2吸引防守再轉邊。呢d套路都係費特做唔到。左路則依靠辛祖加梳爾後上，聯同般奴打小組邊路配合沉底傳中，又或者般奴係45度斬對角進攻。整隊進攻上都係集中左路，般奴有較大自由度去前插，又可以走中路同左路拉邊踢，普巴則較企近麥湯，少後上入禁區，負責幫手串連右路同中後場，所以甚少見到般奴跑落中場線拎波發板，可以更多時間留係前場近禁區位置派牌。
上半場機會多的是但只入得一球
上半場踢左10分鐘已經見到兩隊球員質素上分野，加上米杜士堡既防守模式被看穿，三中場球員間距離較大，容易被拉開空間俾曼聯輕鬆打穿。先有辛祖趁對方失誤笠射中楣，跟住般奴補射飛機。再有C朗接應梳爾沉底傳中倒掛被接實。踢到19分鐘已經有黃金機會，普巴少有地後上插入左路禁區，接應梳爾傳送後被對方拉跌獲得12碼。可惜，C朗一射柱邊出界未能先開記錄。5分鐘後終於開記錄，般奴係中場中路截擊成功，辛祖趁對方右翼衞正向邊路拉闊，立刻跑入佢同右中堅既身後空間打反擊。般奴即刻踢過頭高波俾辛祖進攻。辛祖壓入左路禁區，右腳一撥前左腳射遠柱入網先開紀錄。及後又有C朗接應般奴直線，左路窄位射門射斜。跟住又有反擊，可惜C朗半單刀左路窄位射門被擋出。攻勢一浪接一浪，但都未能拉開記錄。對方僅有包龍根禁區外不中目標既遠射。甸軒達臣真係食住煙黎守都得。
領先一球往往係最危險
下半場一開波又有機會。辛祖左路靚走位接應梳爾直線扣大位傳中，福仔面對龍門撞射又唔知射左去邊。轉過頭C朗又接應福仔右路地波傳中撞射斜出，咁就埋下輸波伏線。踢到64分鐘，米堡一下反擊轉守為攻。米堡突破曼聯係前場既反搶，成功係左路轉方向到右路既鍾斯。佢高速壓到三閘線傳中去尾柱俾屈摩亞。屈摩亞左腳一控，個波意外地中左手彈落地下俾佢右腳再彈入中路，谷克斯接應射入空門追平。英超又改左手球例，意外地用手拍到個波再傳中被其他人射入係唔構成犯規，除非係自己射入。呢下真係呆晒，球證認為佢係冇心就冇問題。雖然呢個問題球相當有問題，但被追平都係抵死，未失波前咁多機會都入唔到兩三球拉開對手真係自己攞黎。
換人調動反而仲削弱左攻力
被追平後既曼聯都唔係冇機會再入波。普巴妙傳福仔入楔，可惜佢右路窄位射被擋出。跟住對方龍門派膠，地波向中路傳，般奴偷到一射又中柱。蘭sir係82分鐘作出調動，用費特同伊蘭加入替福仔同普巴。費特一出黎就係左路成功傳中，不過伊蘭加一頂又太正。雖然費特一出黎有一下機會，但換左普巴後，整隊既進攻就極集中係般奴身上。費特係右路亦欠缺穿透性既傳送去打穿米堡防線。如果要換入普巴，點解唔用馬迪入替佢再將麥湯文尼推前一格呢？麥湯文尼今季都有不少後上入球，進攻力比費特好應該係毋庸置疑，而嘗試換入伊蘭加利用佢既走位跑動拉扯係一個好嘗試。缺少左卡雲尼同格連活下，想改踢雙箭頭呢一著就冇左，只能依靠球員特性踢法唔同去尋求破門方法。餘下時間雙方都未有入波，就唯有加時繼續。
加時好彩有甸軒咪12碼都唔駛射
蘭sir係加時上半場一開始再換，用菲爾鍾斯入替華拉尼，未知華拉尼係咪有傷還是體力不繼。加時上半場頭10分鐘，曼聯都係壓住黎踢。控球有接近75%，但都未能創造到黃金機會去埋門。踢到100分鐘，辛祖拉傷大腿肌肉而要用馬達叔叔入替。曼聯踢到加時下半場仲差少少輸埋。米堡中場罰球斬入禁區，尾柱有人set個波入小禁區，干諾尼係門前加一腳。好彩甸軒出黎封得快，個波係手臂附近俾佢一托再接實，咪已經俾對手絕殺左。雙方都冇係加時下半場入波，要互射12碼定勝負。最後射至第八輪，因曼聯小將伊蘭加射失，米堡爆冷成功晉級。
總結
仍記得對賓福特場波就係贏把握力，而今場正正就係輸係把握力上。面對英冠中上游既米杜士堡，曼聯踢落明顯係高質素過對手，但90分鐘內多次未能擺個波入網就令到對手有機可乘。雖然問題手球導致被追和，但自己多次係門前入唔到，直至輸12碼可以話係抵死。呢場見到普巴認認真真踢波都可以感到欣慰，佢在場絕對可以分擔一下般奴既壓力，令球隊多左一個進攻策動點。辛祖既受傷則有點兒可惜，今場見到佢進攻上幾投入，又能夠同梳爾做配合，希望佢無咩大問題。華拉尼既穩健係曼聯極需要，希望佢下場能夠繼續踢。呢個盃都出埋局，就只餘下歐聯同聯賽。個人反而想歐聯早早出局，專心爭聯賽頭四比爭歐聯冠軍更實際。2月9號對般尼，睇下蘭sir點輪換隊波啦！