收拾心情，重新出發（賽前陣容預測-般尼對曼聯）

曼聯幾日前既足總盃飲恨12碼出局，前鋒們忘帶射門鞋，完全係輸自己把握力不足。最有機會爭標既賽事都冇埋，只餘下連曼城車尾燈都見唔到既聯賽同惡戰連場既歐聯，今季九成四大皆空。現實睇追逐前四會係本季目標，歐聯早早輸埋未嘗唔係一件好事。畢竟下季冇歐聯踢既話必定會引發球員離隊潮，加上本身已經有多名球員完約，後果可謂不堪設想！今場聯賽面對住因比賽場次較少而暫列榜尾既般尼，必定要全力爭勝，力保頭四。

般尼近五仗都未嘗一勝，只得兩和三負。前鋒基斯活特更被紐卡素搶走。雖然前線從禾夫斯堡引入左韋治賀斯，但佢都要時間去適應英超賽事。隊中比較可靠既射手只剩番今季入左6球既哥尼特，而有三個助攻既韋斯活特已經係隊中既助攻王。數據上睇只要重點招呼佢兩人，要贏應該難度不大，而左腳仔麥尼爾亦係今季既進攻核心，都要好好看管。
曼聯上場輸左比英冠米堡，今場必定要搵般尼出氣。龍門迪基亞復任正選。左閘泰利斯確診武肺，梳爾繼續頂上。連迪路夫同拜利繼續倦勤，所以華拉尼同麥佳亞都會繼續踢。呢場要攻啊，所以達洛治會繼續出戰。費特亦確診，所以逗後防中都係麥湯文尼。普巴上場踢得不俗，但略嫌踢得較保守去連繫中後場，睇下今場會唔會踢得侵略性大少少。般奴費南迪斯繼續指揮球隊進攻。左右翼會係辛祖同華舒福。上場雖然踢足120分鐘，但C朗睇黎都會正選上陣。卡雲尼同連格特則會在後備名單準備。

預測曼聯正選陣容
迪基亞
達洛治 華拉尼 麥佳亞 梳爾
普巴 麥湯文尼 般奴費南迪斯
華舒福 C朗拿度 辛祖