各踢半場好波，打和super（賽後分析-般尼對曼聯）
戴治排出4-4-2陣式。龍門樸比。防線由左至右係比達斯、美爾、達高夫斯基、羅拔斯。中場線由左至右係哥尼特、布朗希爾、韋斯活特、麥尼爾。前鋒係韋賀斯拍積洛迪古斯。
蘭歷克排出4-3-3陣式。龍門迪基亞。防線由左至右係梳爾、麥佳亞、華拉尼、達洛治。中場線麥湯逗後一格，前面兩個左般奴費南迪斯右普巴。左右翼係辛祖同華舒福支援前鋒卡雲尼攻堅。
曼聯上半場邊路進攻威脅大，但又係衰把握力不足
蘭sir繼續進攻時用4-3-3，以左路側擊為主。今場辛祖表現活躍，多次聯同梳爾係左路製造攻勢，效果不俗。早段華拉尼接應罰球頂入，可惜麥佳亞越位在先被判無效。踢到18分鐘就有成果，福仔左路持球交俾後上overlap沉底既梳爾地波傳中，普巴係12碼點撞射得手，領先一比零。轉過頭，梳爾左路45度傳中，尾柱福仔執到第二點再地波傳中，門前般尼球員自己擺烏龍。可惜，球證吹罰左係門前撞人既普巴。卡叔亦有黃金機會，又係左路側擊傳中，佢係門前兩碼頭鎚攻門，竟然被樸比大字型撲出。整個上半場曼聯憑兩邊側擊製造左多達12射5中既攻門，但都未能拉開比數，令般尼有機可乘。雖然曼聯製造到埋門，但上半場都唔算好壓倒性圍攻對手，般尼既高Q大棍令曼聯多係中場爭奪，肉搏一輪先可以再組織到。要讚一讚普巴，面對住體力型踢法既般尼，佢身體對抗性不落下風，護波又能吸引防守球員再分波，幫手梳理進攻。麥湯文尼雖然係拼搶補位防守方面做得唔錯，但佢控制節奏，傳送能力則極需要提升（我認為到左頂，買人會更好），從而令到普巴要墮得較深去協助組織中後場，削弱左佢後上既侵略性。般尼只靠死球同高波進襲，地波組織力接近零。最靚果腳已經要去到上半場尾段，麥尼爾係中路嘗試踢直線俾穿達洛治同華拉尼既身後空間，可惜哥尼特未能接應。上半場一次起腳射門都冇，迪基亞食風食完半場。
莫椰斯話齋領先一球往往係最危險
下半場雙方都未有換人，但般尼更衣室有大風筒服務，吹完出番黎成隊精神晒。一開波就已經不停係曼聯後場狂轟，成功搶贏中場，更用左兩分鐘已有斬獲。韋賀斯係中路接應傳送，成功一個轉身扭過麥佳亞同埋黎夾擊既麥湯文尼。華拉尼見狀即刻上前防守韋賀斯，就俾佢一個斜線交俾入楔既積洛迪古斯。積洛迪古斯醒目地斜推食左麥佳亞身位，再chip射近柱追成平手。得勢不饒人既般尼繼續施壓，跟住有韋賀斯靚窩利被迪基亞飛身撲出，又有比達斯唔中目標既遠射，短時間已經有幾腳中目標埋門。下半場6射3中亦反映到般尼既攻勢更為入肉；曼聯下半場僅有8射2中目標，反映到曼聯下半場攻力比上半場明顯疲憊。
蘭sir換人略嫌保守
呢段時間其實曼聯都不乏反擊機會，但最後一傳又或者球員間既配合都唔太好，就令到般尼拎番個波又攻過。般尼係下半場亦有少少改變防守策略，兩翼會盡早施壓夾擊曼聯既翼鋒，務求要佢地早早就放波回後，唔容許好似上半場咁有較多既空間去等隊友支援或者思考下一步，所以曼聯兩翼既發揮差過上半場，亦再難係邊線打到配合。踢到68分鐘，蘭sir作出換人，佢用C朗拿度換入卡雲尼。卡雲尼呢場踢得比較靜，換出都合理，但呢場波其實係非勝不可，咁樣換就略嫌保守。對住榜尾打和同輸既分別不大，可以嘗試早D換走麥湯文尼，改踢4-2-2-2雙箭頭，既能保留一對發揮得不俗既翼鋒，又可以擺雙箭頭等卡叔分擔一下C朗既防守壓力。如果覺得冇純防中危險，可以抽起踢得冇咁順既福仔，推辛祖同般奴踢兩個進攻中場亦得，等普巴串連中後場，般奴係前場發板。
蘭sir盡地一煲再換
戴治亦係69分鐘換入艾朗連儂，加強番前場既反擊速度。曼聯純位換位既情況下，般尼既防線已習慣左點防守單箭頭，加上般尼成功搶贏左中場，C朗拿度換入後既埋門機會都不太多。般尼進攻模式單調，亦只能憑早段衝散對方，曼聯一企穩左，雙方就形成膠著狀態。蘭sir係80分鐘盡地一煲，用連加特入指麥湯文尼，改踢4-1-4-1，將普巴拉後踢單防中，連加特同般奴踢兩個攻擊中場。然後再係85分鐘用伊蘭加換入福仔。曼聯嘗試最後反撲，但都未能製造黃金機會去埋門。最大威脅已經係福仔係左路一扭三入禁區地波傳中，可惜門前有般尼球員解圍，阻止左華拉尼既埋門機會。兩隊都冇入波下，一比一打和，SUPER！
總結
近幾仗蘭sir既調動開始見番蘇B既影子，贏緊都還好，輸緊或者和緊就唔知諗緊咩，一係就太遲換人，一係就唔敢抽走防守球員換一個進攻球員入黎搏。今場我真係覺得保守左，我估係因為般尼果段氣勢係比較強，所以佢換人想攻之餘又驚中後場頂唔住，就唯有位換位C朗換卡叔，但我認為你係高級數過人就要搏，到最後10分鐘先抽走麥湯就太遲，要知道般尼既防守並唔弱，排榜尾既主因係攻力不足。隔離場既西咸亦以一比零險勝屈福特，暫時以四十分排係第四位，而我地曼聯就以三十九分排係第五（不過少踢一場），但第六至第八名距離第四位都係差6分仲要打少幾場。今屆頭四爭奪戰絕對比往年刺激。曼聯係餘下對中下游球隊真係不能再失分，咪冇歐聯資格就真係頭都大埋！
蘭歷克排出4-3-3陣式。龍門迪基亞。防線由左至右係梳爾、麥佳亞、華拉尼、達洛治。中場線麥湯逗後一格，前面兩個左般奴費南迪斯右普巴。左右翼係辛祖同華舒福支援前鋒卡雲尼攻堅。
曼聯上半場邊路進攻威脅大，但又係衰把握力不足
蘭sir繼續進攻時用4-3-3，以左路側擊為主。今場辛祖表現活躍，多次聯同梳爾係左路製造攻勢，效果不俗。早段華拉尼接應罰球頂入，可惜麥佳亞越位在先被判無效。踢到18分鐘就有成果，福仔左路持球交俾後上overlap沉底既梳爾地波傳中，普巴係12碼點撞射得手，領先一比零。轉過頭，梳爾左路45度傳中，尾柱福仔執到第二點再地波傳中，門前般尼球員自己擺烏龍。可惜，球證吹罰左係門前撞人既普巴。卡叔亦有黃金機會，又係左路側擊傳中，佢係門前兩碼頭鎚攻門，竟然被樸比大字型撲出。整個上半場曼聯憑兩邊側擊製造左多達12射5中既攻門，但都未能拉開比數，令般尼有機可乘。雖然曼聯製造到埋門，但上半場都唔算好壓倒性圍攻對手，般尼既高Q大棍令曼聯多係中場爭奪，肉搏一輪先可以再組織到。要讚一讚普巴，面對住體力型踢法既般尼，佢身體對抗性不落下風，護波又能吸引防守球員再分波，幫手梳理進攻。麥湯文尼雖然係拼搶補位防守方面做得唔錯，但佢控制節奏，傳送能力則極需要提升（我認為到左頂，買人會更好），從而令到普巴要墮得較深去協助組織中後場，削弱左佢後上既侵略性。般尼只靠死球同高波進襲，地波組織力接近零。最靚果腳已經要去到上半場尾段，麥尼爾係中路嘗試踢直線俾穿達洛治同華拉尼既身後空間，可惜哥尼特未能接應。上半場一次起腳射門都冇，迪基亞食風食完半場。
莫椰斯話齋領先一球往往係最危險
下半場雙方都未有換人，但般尼更衣室有大風筒服務，吹完出番黎成隊精神晒。一開波就已經不停係曼聯後場狂轟，成功搶贏中場，更用左兩分鐘已有斬獲。韋賀斯係中路接應傳送，成功一個轉身扭過麥佳亞同埋黎夾擊既麥湯文尼。華拉尼見狀即刻上前防守韋賀斯，就俾佢一個斜線交俾入楔既積洛迪古斯。積洛迪古斯醒目地斜推食左麥佳亞身位，再chip射近柱追成平手。得勢不饒人既般尼繼續施壓，跟住有韋賀斯靚窩利被迪基亞飛身撲出，又有比達斯唔中目標既遠射，短時間已經有幾腳中目標埋門。下半場6射3中亦反映到般尼既攻勢更為入肉；曼聯下半場僅有8射2中目標，反映到曼聯下半場攻力比上半場明顯疲憊。
蘭sir換人略嫌保守
呢段時間其實曼聯都不乏反擊機會，但最後一傳又或者球員間既配合都唔太好，就令到般尼拎番個波又攻過。般尼係下半場亦有少少改變防守策略，兩翼會盡早施壓夾擊曼聯既翼鋒，務求要佢地早早就放波回後，唔容許好似上半場咁有較多既空間去等隊友支援或者思考下一步，所以曼聯兩翼既發揮差過上半場，亦再難係邊線打到配合。踢到68分鐘，蘭sir作出換人，佢用C朗拿度換入卡雲尼。卡雲尼呢場踢得比較靜，換出都合理，但呢場波其實係非勝不可，咁樣換就略嫌保守。對住榜尾打和同輸既分別不大，可以嘗試早D換走麥湯文尼，改踢4-2-2-2雙箭頭，既能保留一對發揮得不俗既翼鋒，又可以擺雙箭頭等卡叔分擔一下C朗既防守壓力。如果覺得冇純防中危險，可以抽起踢得冇咁順既福仔，推辛祖同般奴踢兩個進攻中場亦得，等普巴串連中後場，般奴係前場發板。
蘭sir盡地一煲再換
戴治亦係69分鐘換入艾朗連儂，加強番前場既反擊速度。曼聯純位換位既情況下，般尼既防線已習慣左點防守單箭頭，加上般尼成功搶贏左中場，C朗拿度換入後既埋門機會都不太多。般尼進攻模式單調，亦只能憑早段衝散對方，曼聯一企穩左，雙方就形成膠著狀態。蘭sir係80分鐘盡地一煲，用連加特入指麥湯文尼，改踢4-1-4-1，將普巴拉後踢單防中，連加特同般奴踢兩個攻擊中場。然後再係85分鐘用伊蘭加換入福仔。曼聯嘗試最後反撲，但都未能製造黃金機會去埋門。最大威脅已經係福仔係左路一扭三入禁區地波傳中，可惜門前有般尼球員解圍，阻止左華拉尼既埋門機會。兩隊都冇入波下，一比一打和，SUPER！
總結
近幾仗蘭sir既調動開始見番蘇B既影子，贏緊都還好，輸緊或者和緊就唔知諗緊咩，一係就太遲換人，一係就唔敢抽走防守球員換一個進攻球員入黎搏。今場我真係覺得保守左，我估係因為般尼果段氣勢係比較強，所以佢換人想攻之餘又驚中後場頂唔住，就唯有位換位C朗換卡叔，但我認為你係高級數過人就要搏，到最後10分鐘先抽走麥湯就太遲，要知道般尼既防守並唔弱，排榜尾既主因係攻力不足。隔離場既西咸亦以一比零險勝屈福特，暫時以四十分排係第四位，而我地曼聯就以三十九分排係第五（不過少踢一場），但第六至第八名距離第四位都係差6分仲要打少幾場。今屆頭四爭奪戰絕對比往年刺激。曼聯係餘下對中下游球隊真係不能再失分，咪冇歐聯資格就真係頭都大埋！