麥隊長終於展現隊長風範（賽後分析-列斯聯對曼聯）
列斯聯比爾沙排出4-1-4-1陣式。龍門美斯利亞。防線由左至右係達拉斯-史德克-羅倫迪-艾寧。高治出任逗後防中。中場線由左至右係積夏利遜-科梳-奇連治-丹尼占士。前線靠洛迪高一個攻堅。
為左應付幾日後作客馬體會既歐聯賽事，蘭sir決定輪換陣容。4-3-3陣式下，迪基亞出任門將。防線左至右係梳爾-麥佳亞-連迪路夫-雲比沙加，好耐冇見既蘇B防線再度登場。麥湯文尼踢逗後防中。普巴今場居左，般奴居右，踢麥湯文尼前面。左右翼係辛祖同少見既連加特。前鋒繼續係C朗拿度。
做下天文台先
先做天氣報告，今場由未開波到完場都冇停過雨，雨勢仲非常大，令到球員用波地面推進方面影響非常大，時常會見到個波唔去同人前波後。場地濕滑更令大家多左落腳飛剷，借勢成份去晒既鏡頭非常多，亦大大增加左球員受傷風險。
曼聯踢落有鬥心 防守積極
比爾沙用上高治、奇連治同科梳踢三中場，三個都係防守力較好，跑動頻率較高，洛迪高係前負責逼曼聯中堅選擇進攻方向，其他球員防守繼續man-mark對方。兩翼用上快馬占士同積夏利遜，都明顯想同曼聯打快打空間為主。要讚下曼聯今場既防守，防守時成4-4-2陣式，推前般奴拍C朗係前場高位進行遮線。中後場球員今日非常有鬥心，前場球員一埋波，中後場球員就即刻緊貼自己要防守既球員，逼到列斯球員未能透過地面傳送去組織，要回傳俾美斯利亞等佢踢長傳尋找兩翼球員係前線停波。曼聯一對二閘加埋中堅既身材優勢成功地壓制左呢類既組織，多次搶到控球權。不過礙於場地影響，加上開波早段列斯防守波到人到下，曼聯都佔唔到甜頭。
合約戰士普巴又交到功課
比爾沙起用科梳去防守普巴，普巴可以話係玩弄對方。開賽早段已經係右路一下cup過對方再係禁區k角位射門，可惜射得太正。踢到21分鐘，科梳還以顏色係禁區左路推大位右腳射遠柱，迪基亞相當集中咁打走左個波。踢到25分鐘，今次輪到普巴，佢係左路邊線幾下假腳，右腳一撥個波就過左科梳，壓入禁區地波傳中俾門前既C朗，創造左一下門前兩碼既射門機會。可惜C朗既撞射被龍門撲出。普巴係左路仲有一下接應界外球，虎尾腳一逗轉身避過對手，再橫傳般奴射門，又係世界級技術。肯踢波既普巴能力係毋庸置疑。
終於打破左死球不入波既魔咒
踢到31分鐘，比爾沙換出受傷既高治，換入左閘既菲普。呢個換人牽一髮動全身，將達拉斯改踢右閘，艾寧拍羅倫迪踢中堅，推史德克踢防中。呢個變動我認為有少少保守，因為場上列斯係進攻上既組織力明顯係弱、中場除左奇連治一個可以做串連同係中路推進外，就冇第二個球員可以分擔到進攻重任。占士同積夏利遜都被梳爾同雲比沙加守死左。係呢個時候可以大膽換入拉芬夏踢右路，推占士打最前，將技術流既洛迪高縮後一格幫手組織進攻。不過咁換既防守力就自然會下降，亦應該係比爾沙唔選擇咁換既原因。踢到34分鐘，入波終於出現。麥佳亞接應梳爾既內彎角球係小禁區頂入，終於打破曼聯今季入唔到罰球同角球既紀錄。
辛祖要讚，但更抵讚既係連迪路夫
曼聯入完波後，一路都壓住列斯黎踢。用左史德克打防中係中場既組織更乏力，只能靠今場踢到滿場飛既奇連治一個帶動進攻。曼聯就有辛祖開始活躍，係左路沉底一射高出。辛祖又試過係右路反擊，斜線傳俾後上既連加特，可惜力水稍大。踢到補時階段，辛祖係右路禁區後上一個靚傳中，俾到般奴係門前頂入成二比零。頂入果個就難度不大，傳果個確實考功夫。個波好柔咁放落你個頭度任你頂非常漂亮，但我想讚既係連迪路夫。列斯都係繼續man-mark對方，而洛迪高只係兩名中堅前遮線。冰人呢下夠膽推上黎就令到其他防守球員要補位。同辛祖打一腳one-two壓入禁區就令到對方防守跟人出現問題，從而令到般奴係無人看管下頂入。今場都見到曼聯球員進攻上多左無球跑動去拉扯製造空間，亦多次見到嘗試自己引球推進突破。因為只要一突破到，列斯就要搵其他球員補位就好容易被拉散，或者補唔切位就令曼聯有空間去進攻。上半場，完！
洛迪高入波果下冇聲出，拉芬夏入波果下又係防守問題
下半場一開波就換人，比爾沙用基赫治同拉芬夏入替羅倫迪同積夏利遜，整隊人再大執位。陣式改用4-2-3-1。右閘繼續係達拉斯，中堅用番史德克拍艾寧，左閘菲普。防中係奇連治拍科梳。左右翼係占士同拉芬夏。洛迪高踢攻中支援基赫治。呢個變陣即刻有攻門。拉芬夏右路策動，踢過頭俾基赫治，佢頭鎚二傳俾奇連治不過射斜，整個反擊相當迅速。踢到52分鐘，菲普後場搶斷，直線傳俾走邊線既洛迪高打反擊。佢左路傳中，但就傳左一個美妙的孤線，直飛尾柱網仔收死迪基亞，追番一球。呢下靚到冇聲出。轉過頭，般奴係自己禁區拎波俾科梳從後連人帶波掃低。球證示意比賽繼續。占士係左路沉底左腳地波傳中，拉芬夏係尾柱後上快一步篤入，追成二比二平手。先講般奴，科梳個去勢係極差，連腳帶波掃落去都可以冇犯規。VAR都有通知球證要去睇電視，但球證冇去睇只係企係度等通知就唔太合理。起碼你都應該去睇下重播先，如再維持原判條氣都順D啊！鬧完球證就鬧梳爾，由占士拎番個波，佢都冇留意到佢後面有冇人，隻眼就淨係望住個波。到占士傳中都唔知有人到。麥隊長都有責任，左路傳中你應該係cover冰人，理應企係冰人既後面去補位，但佢橫移步慢左就令佢前過冰人，個波就轆過左佢去到尾柱，又係5+23既失誤。
蘭sir調動湊效 費特建奇功
蘭sir踢到67分鐘決定換人，用費特同伊蘭加入替普巴同連加特。連加特被調走就唔奇，今場亮點不多。有幾下佢反而唔敢去突破去用波，所以貢獻不大；但普巴今場係攻守都交到功課下，又唔見體能大跌watt而被調走就意想不到。費特則用行動話你知佢進攻一樣掂，入替後3分鐘就建功。C朗做支點回傳俾費特。費特傳俾左面既辛祖再黎個疊瓦。辛祖傳番俾費特，係左面窄位射近柱，帶領球隊再度領先。美斯利亞呢下有少少責任，封近柱位封唔晒。費特都唔算射網頂波，波正正係龍門手邊入左，龍門係應該要救到呢下。
麥湯唔駛俾人趕出場都算好彩
再被曼聯領先下既列斯聯冇放棄繼續施壓。天雨路滑，加上兩隊鬥心都好強，兩隊既埋身肉搏開始增加。兩隊既飛剷開始唔收腳。麥湯係77分鐘既攔截非常礙眼，主動申請黃牌。跟住仲有幾下係中場不必要既攔截，球證網開一面冇趕佢離場算係咁。球證合共向兩隊出示左9張黃牌，6張列斯3張曼聯，全場都係9張牌，可以見到下半場兩隊係踢到飛沙劈石。
伊蘭加錦上添花
踢到85分鐘，蘭sir用華拉尼入替C朗拿度，改踢三中堅，般奴踢個假九中鋒，用意都非常明顯，維持勝果就得。88分鐘，費特左路策動進攻，中腰波傳俾中路既般奴。般奴少少柏金式轉身過左史德克，再想黎過推右走左避開艾寧，但後上既伊蘭加衝前右腳一盪就射破美斯利亞十指關，再次拎到燕梳球。入波後最激動既係麥佳亞。麥隊長對住曼聯球迷咆哮，再振臂高呼，將近來既壓力靠一場勝仗抒發出黎，幾有隊長風範。曼聯終於以四比二贏波，暫時坐番上聯賽四哥之位。
總結
同賽前分析接近，開放式足球係比較岩曼聯去踢，最後都成功贏波而回。讚一讚蘭sir既排陣，用番普巴打左中場中去解放佢既進攻力，用般奴係右中場中就可以多左45度傳中既進攻模式輸送彈藥俾C朗拿度。麥湯文尼係好岩踢呢類碰碰撞撞既比賽，但用波能力、控場、大局觀係真係需要加強，否則都只能用買人去解決。見到蘭sir今場既排陣就知佢唔會放棄歐聯戰線，又睇下下場佢有咩部署去對付馬體會啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
為左應付幾日後作客馬體會既歐聯賽事，蘭sir決定輪換陣容。4-3-3陣式下，迪基亞出任門將。防線左至右係梳爾-麥佳亞-連迪路夫-雲比沙加，好耐冇見既蘇B防線再度登場。麥湯文尼踢逗後防中。普巴今場居左，般奴居右，踢麥湯文尼前面。左右翼係辛祖同少見既連加特。前鋒繼續係C朗拿度。
做下天文台先
先做天氣報告，今場由未開波到完場都冇停過雨，雨勢仲非常大，令到球員用波地面推進方面影響非常大，時常會見到個波唔去同人前波後。場地濕滑更令大家多左落腳飛剷，借勢成份去晒既鏡頭非常多，亦大大增加左球員受傷風險。
曼聯踢落有鬥心 防守積極
比爾沙用上高治、奇連治同科梳踢三中場，三個都係防守力較好，跑動頻率較高，洛迪高係前負責逼曼聯中堅選擇進攻方向，其他球員防守繼續man-mark對方。兩翼用上快馬占士同積夏利遜，都明顯想同曼聯打快打空間為主。要讚下曼聯今場既防守，防守時成4-4-2陣式，推前般奴拍C朗係前場高位進行遮線。中後場球員今日非常有鬥心，前場球員一埋波，中後場球員就即刻緊貼自己要防守既球員，逼到列斯球員未能透過地面傳送去組織，要回傳俾美斯利亞等佢踢長傳尋找兩翼球員係前線停波。曼聯一對二閘加埋中堅既身材優勢成功地壓制左呢類既組織，多次搶到控球權。不過礙於場地影響，加上開波早段列斯防守波到人到下，曼聯都佔唔到甜頭。
合約戰士普巴又交到功課
比爾沙起用科梳去防守普巴，普巴可以話係玩弄對方。開賽早段已經係右路一下cup過對方再係禁區k角位射門，可惜射得太正。踢到21分鐘，科梳還以顏色係禁區左路推大位右腳射遠柱，迪基亞相當集中咁打走左個波。踢到25分鐘，今次輪到普巴，佢係左路邊線幾下假腳，右腳一撥個波就過左科梳，壓入禁區地波傳中俾門前既C朗，創造左一下門前兩碼既射門機會。可惜C朗既撞射被龍門撲出。普巴係左路仲有一下接應界外球，虎尾腳一逗轉身避過對手，再橫傳般奴射門，又係世界級技術。肯踢波既普巴能力係毋庸置疑。
終於打破左死球不入波既魔咒
踢到31分鐘，比爾沙換出受傷既高治，換入左閘既菲普。呢個換人牽一髮動全身，將達拉斯改踢右閘，艾寧拍羅倫迪踢中堅，推史德克踢防中。呢個變動我認為有少少保守，因為場上列斯係進攻上既組織力明顯係弱、中場除左奇連治一個可以做串連同係中路推進外，就冇第二個球員可以分擔到進攻重任。占士同積夏利遜都被梳爾同雲比沙加守死左。係呢個時候可以大膽換入拉芬夏踢右路，推占士打最前，將技術流既洛迪高縮後一格幫手組織進攻。不過咁換既防守力就自然會下降，亦應該係比爾沙唔選擇咁換既原因。踢到34分鐘，入波終於出現。麥佳亞接應梳爾既內彎角球係小禁區頂入，終於打破曼聯今季入唔到罰球同角球既紀錄。
辛祖要讚，但更抵讚既係連迪路夫
曼聯入完波後，一路都壓住列斯黎踢。用左史德克打防中係中場既組織更乏力，只能靠今場踢到滿場飛既奇連治一個帶動進攻。曼聯就有辛祖開始活躍，係左路沉底一射高出。辛祖又試過係右路反擊，斜線傳俾後上既連加特，可惜力水稍大。踢到補時階段，辛祖係右路禁區後上一個靚傳中，俾到般奴係門前頂入成二比零。頂入果個就難度不大，傳果個確實考功夫。個波好柔咁放落你個頭度任你頂非常漂亮，但我想讚既係連迪路夫。列斯都係繼續man-mark對方，而洛迪高只係兩名中堅前遮線。冰人呢下夠膽推上黎就令到其他防守球員要補位。同辛祖打一腳one-two壓入禁區就令到對方防守跟人出現問題，從而令到般奴係無人看管下頂入。今場都見到曼聯球員進攻上多左無球跑動去拉扯製造空間，亦多次見到嘗試自己引球推進突破。因為只要一突破到，列斯就要搵其他球員補位就好容易被拉散，或者補唔切位就令曼聯有空間去進攻。上半場，完！
洛迪高入波果下冇聲出，拉芬夏入波果下又係防守問題
下半場一開波就換人，比爾沙用基赫治同拉芬夏入替羅倫迪同積夏利遜，整隊人再大執位。陣式改用4-2-3-1。右閘繼續係達拉斯，中堅用番史德克拍艾寧，左閘菲普。防中係奇連治拍科梳。左右翼係占士同拉芬夏。洛迪高踢攻中支援基赫治。呢個變陣即刻有攻門。拉芬夏右路策動，踢過頭俾基赫治，佢頭鎚二傳俾奇連治不過射斜，整個反擊相當迅速。踢到52分鐘，菲普後場搶斷，直線傳俾走邊線既洛迪高打反擊。佢左路傳中，但就傳左一個美妙的孤線，直飛尾柱網仔收死迪基亞，追番一球。呢下靚到冇聲出。轉過頭，般奴係自己禁區拎波俾科梳從後連人帶波掃低。球證示意比賽繼續。占士係左路沉底左腳地波傳中，拉芬夏係尾柱後上快一步篤入，追成二比二平手。先講般奴，科梳個去勢係極差，連腳帶波掃落去都可以冇犯規。VAR都有通知球證要去睇電視，但球證冇去睇只係企係度等通知就唔太合理。起碼你都應該去睇下重播先，如再維持原判條氣都順D啊！鬧完球證就鬧梳爾，由占士拎番個波，佢都冇留意到佢後面有冇人，隻眼就淨係望住個波。到占士傳中都唔知有人到。麥隊長都有責任，左路傳中你應該係cover冰人，理應企係冰人既後面去補位，但佢橫移步慢左就令佢前過冰人，個波就轆過左佢去到尾柱，又係5+23既失誤。
蘭sir調動湊效 費特建奇功
蘭sir踢到67分鐘決定換人，用費特同伊蘭加入替普巴同連加特。連加特被調走就唔奇，今場亮點不多。有幾下佢反而唔敢去突破去用波，所以貢獻不大；但普巴今場係攻守都交到功課下，又唔見體能大跌watt而被調走就意想不到。費特則用行動話你知佢進攻一樣掂，入替後3分鐘就建功。C朗做支點回傳俾費特。費特傳俾左面既辛祖再黎個疊瓦。辛祖傳番俾費特，係左面窄位射近柱，帶領球隊再度領先。美斯利亞呢下有少少責任，封近柱位封唔晒。費特都唔算射網頂波，波正正係龍門手邊入左，龍門係應該要救到呢下。
麥湯唔駛俾人趕出場都算好彩
再被曼聯領先下既列斯聯冇放棄繼續施壓。天雨路滑，加上兩隊鬥心都好強，兩隊既埋身肉搏開始增加。兩隊既飛剷開始唔收腳。麥湯係77分鐘既攔截非常礙眼，主動申請黃牌。跟住仲有幾下係中場不必要既攔截，球證網開一面冇趕佢離場算係咁。球證合共向兩隊出示左9張黃牌，6張列斯3張曼聯，全場都係9張牌，可以見到下半場兩隊係踢到飛沙劈石。
伊蘭加錦上添花
踢到85分鐘，蘭sir用華拉尼入替C朗拿度，改踢三中堅，般奴踢個假九中鋒，用意都非常明顯，維持勝果就得。88分鐘，費特左路策動進攻，中腰波傳俾中路既般奴。般奴少少柏金式轉身過左史德克，再想黎過推右走左避開艾寧，但後上既伊蘭加衝前右腳一盪就射破美斯利亞十指關，再次拎到燕梳球。入波後最激動既係麥佳亞。麥隊長對住曼聯球迷咆哮，再振臂高呼，將近來既壓力靠一場勝仗抒發出黎，幾有隊長風範。曼聯終於以四比二贏波，暫時坐番上聯賽四哥之位。
總結
同賽前分析接近，開放式足球係比較岩曼聯去踢，最後都成功贏波而回。讚一讚蘭sir既排陣，用番普巴打左中場中去解放佢既進攻力，用般奴係右中場中就可以多左45度傳中既進攻模式輸送彈藥俾C朗拿度。麥湯文尼係好岩踢呢類碰碰撞撞既比賽，但用波能力、控場、大局觀係真係需要加強，否則都只能用買人去解決。見到蘭sir今場既排陣就知佢唔會放棄歐聯戰線，又睇下下場佢有咩部署去對付馬體會啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/