為面子而戰既打吡戰 (預測賽事陣容- 曼城對曼聯)
曼城暫時以66分排係榜首，比踢少一場既利物浦多6分，而第三名既車路士則只有50分。聯賽出現兩頭馬車既局面。曼城仲有一場主場迎戰利物浦，所以曼城同利物浦兩隊都係一分都不能少。曼城近五場賽事4勝1負，只係僅僅被熱刺係最後階段絕殺。整隊球員狀態都係良好既。周中既足總盃賽事，曼城收起部分主力下，都以二比零輕取對手晉級。今場主場絕對可以full team上陣迎擊曼聯。首循環以二比零擊敗曼聯，又睇下今場能唔能夠再贏波而回！
講開足總盃，馬後炮地講，曼聯好彩上場比米堡淘汰左出局，如果周中仲要踢多場對熱刺既賽事，呢場打吡肯定攪唔掂。點解咁講？上周末對屈福特再次摸和失分，除左中前場球員把握力出現問題外，前鋒C朗拿度疲態盡現。只踢左半場，都見到佢速率下降得好快。踢到70分鐘已經乾左，腳仔軟既鏡頭不少。失去左格連活，卡雲尼既傷加上外借左既馬斯亞，箭頭人物只得番C朗拿度。周中唔駛踢盃賽，就有接近一星期既休息俾整隊波差差電，足夠休息對呢場曼市打吡係非常重要。
個人相信蘭sir唔會唔出C朗拿度，預測蘭sir會選擇用中低位式防守，以保留大師兄體力攻門。陣式以4-2-3-1防守。龍門迪基亞把守最後一關。達洛治近排入左雪櫃，雲比沙加會係正選。梳爾表現不錯，防守力亦較泰利斯好，所以會先踢正選。中堅華拉尼應會拍住麥佳亞鎮守中路。普巴復出之後表現不錯，非常需要佢既身型同護波能力去破曼城逼搶。佢隔離既拍檔會係費特，如果麥湯文尼傷癒則會取代費特。辛祖同伊蘭加近況不俗，都會係左右二翼既首選。小弟則覺得用福仔既戰術效果會比伊蘭加好。攻擊中場般奴費南迪斯會支援前鋒C朗拿度爭取入球。
預測曼聯正選陣容 (4-2-3-1)
迪基亞
雲比沙加 華拉尼 麥佳亞 梳爾
伊蘭加 普巴 費特 辛祖
般奴費南迪斯
C朗拿度
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
講開足總盃，馬後炮地講，曼聯好彩上場比米堡淘汰左出局，如果周中仲要踢多場對熱刺既賽事，呢場打吡肯定攪唔掂。點解咁講？上周末對屈福特再次摸和失分，除左中前場球員把握力出現問題外，前鋒C朗拿度疲態盡現。只踢左半場，都見到佢速率下降得好快。踢到70分鐘已經乾左，腳仔軟既鏡頭不少。失去左格連活，卡雲尼既傷加上外借左既馬斯亞，箭頭人物只得番C朗拿度。周中唔駛踢盃賽，就有接近一星期既休息俾整隊波差差電，足夠休息對呢場曼市打吡係非常重要。
個人相信蘭sir唔會唔出C朗拿度，預測蘭sir會選擇用中低位式防守，以保留大師兄體力攻門。陣式以4-2-3-1防守。龍門迪基亞把守最後一關。達洛治近排入左雪櫃，雲比沙加會係正選。梳爾表現不錯，防守力亦較泰利斯好，所以會先踢正選。中堅華拉尼應會拍住麥佳亞鎮守中路。普巴復出之後表現不錯，非常需要佢既身型同護波能力去破曼城逼搶。佢隔離既拍檔會係費特，如果麥湯文尼傷癒則會取代費特。辛祖同伊蘭加近況不俗，都會係左右二翼既首選。小弟則覺得用福仔既戰術效果會比伊蘭加好。攻擊中場般奴費南迪斯會支援前鋒C朗拿度爭取入球。
預測曼聯正選陣容 (4-2-3-1)
迪基亞
雲比沙加 華拉尼 麥佳亞 梳爾
伊蘭加 普巴 費特 辛祖
般奴費南迪斯
C朗拿度
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/