輸左就可以專心聯賽 (歐聯次回合賽後分析-曼聯對馬體會)
蘭歷克排出4-3-3。龍門迪基亞。防線由左至右係泰利斯-麥佳亞-華拉尼-達洛治。逗後防中係麥湯文尼，費特同般奴費南迪斯踢左右中場中。左右翼係辛祖伊蘭加支援前鋒C朗拿度攻堅。
施蒙尼排出5-3-2。龍門奧比歷。防線左至加係洛迪-文達華-沙域-甘文尼斯-羅蘭迪。中場線左至右係迪保羅-靴里拉-高基。前鋒線係菲歷斯拍基士文。
蘭sir早段戰術奏效
施蒙尼今場放棄左係前場施壓逼搶，改為係後面守穩自己後防先。5-3-2陣式下邊路只得一名翼衛防守，蘭sir沿用上場對熱刺進攻模式，進攻推費特上前拍般奴攻擊中路，閘同翼鋒則拉邊，再安排C朗多走兩側overload邊路，再將個波不停轉邊，令馬體會中場三人要不停快速左右移。只要中場三人互相斷左聯系，曼聯就有空間去創造機會埋門。頭廿分鐘，曼聯完全控制戰局去圍攻對手，亦有伊蘭加門前快射被擋出。整隊踢落係幾有信心，行軍速度俾波都幾爽。馬體會則只有零星反擊，但都冇乜大威脅俾到曼聯，只有迪保羅一腳禁區遠射要迪基亞飛身撲出。
施蒙尼應變得快，仲領先埋
廿分鐘後施蒙尼快速應變，將基士文縮後踢右中場，前場僅留菲歷斯一人打反擊，靴里拉同迪保羅踢防中，高基改踢左中場，改踢5-4-1去守曼聯，將邊路人數增加，令中場三人唔駛左右狂跑，令到曼聯overload邊路既戰術失效。重點係多左人去夾擊辛祖，即刻令佢持球突破既威脅減低，多次逼甩佢腳下球再打反擊。守穩左就開始進攻啦。馬體會早段進攻時會將洛迪推一格，變成4-4-2去進攻，但一改做5-4-1防守後，連帶進攻都改變為3-5-2，推前兩隻翼衛。此消後彼長下，曼聯進攻多左斷纜，馬體會就即刻靠反擊製造攻勢，仲食左一球詐糊。踢到40分鐘就有斬獲，一個靚組織由右路基士文接應菲歷斯後抽傳中去尾柱，後上既洛迪頭鎚輕鬆建功，領先一比零。最可圈可點既地方係伊蘭加疑似被文達華拉跌，球證冇吹罰令到馬體會可以拎番控球權再進攻。慢鏡睇番個人則覺得唔吹係合理，文達華第一下埋去撞令到伊蘭加失左少少平衡，再跑兩步有少少踩唔實個地先跌低。落後既曼聯係餘下時間都未有創造到起腳機會。半場，完！
蘭sir嘗試變但變完效果一般
下半場開始，雙方都未有作出換人調動或戰術調整。曼聯控球較多，但唔太能夠創造到黃金機會去埋門。兩側有傳中，但質素非常一般，難以提供彈藥俾C朗去攻門。最似樣已經係辛祖既窩利同費特既遠射。馬體會靠一兩下反擊係邊路傳中更甚威脅。雙方既戰局處於膠著狀態。踢到67分鐘，蘭sir先換人，用福仔、普巴同馬迪入替伊蘭加、麥湯同般奴。伊蘭加個人能力一般，未能係右路提供侵略性，所以換福仔試試。馬迪比麥湯係控制節奏上同傳球既穿透力上更佳，踢20分鐘對佢黎講係可以既。般奴今場狀態不足，俾波過於急進，導致進攻斷纜下，被抽起亦合理。普巴、馬迪、費特亦係上場贏熱刺既三人中場，馬體會陣式同熱刺一樣情況下，蘭sir都想試下呢個組合能否扭轉敗局。福仔出到黎既表現完全係低迷，點樣boot番起佢都係一大難題。普巴出到黎個作用都不太大，畢竟馬體會既防守夠嚴密，球員又好少失位，要撕破係有一定既難度。
蘭sir一換再換，秘密武器都要出
除左76分鐘，華拉尼有一下頭鎚算有威脅之外，生波組織都係難以打破馬體會既嚴密防守。踢到75分鐘，蘭sir見效果一般就再換，用卡雲尼入替費特改打4-4-2。再係84分鐘，用秘密武器馬達入替麥佳亞，改打4-1-3-2。馬迪稍為移後半格，係華拉尼前面，擺晒進攻球員出黎搏鎚。施蒙尼則係80分鐘換入干度比亞加強防守，再係90分鐘換入中堅菲臘比同前鋒哥利亞，加強番前場活力同係後面擺多個高佬，應付曼聯既兩邊傳中。蘭sir連達叔都出埋，但都未能平反敗局，一球飲恨落敗，16強出局。
總結
蘭sir都盡晒力架啦，馬後炮講可以先抽起剛病好既般奴改用普巴，或者會有唔同結局。個人覺得當般奴在場時，進攻既節奏係比較急比較快，要搏既波會較多。上場對熱刺個進攻節奏會慢番少少，感覺反而會較適合呢隊曼聯（當然熱刺冇馬體會咁強）而般奴亦經常係前面帶動逼搶施壓，但時機、隊友企位又未必係一個最理想既環境，就會導致防守球員失位。呢樣真係要睇下蘭sir點去調整。輸左呢場波，亦意味今季再一次四大皆空，可以全力爭前四。爭到既機會就好微啦，除左要自己贏晒之外，仲要寄望人地失分。曼聯就唯有做好自己先啦，睇下有冇奇蹟出現了！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
施蒙尼排出5-3-2。龍門奧比歷。防線左至加係洛迪-文達華-沙域-甘文尼斯-羅蘭迪。中場線左至右係迪保羅-靴里拉-高基。前鋒線係菲歷斯拍基士文。
蘭sir早段戰術奏效
施蒙尼今場放棄左係前場施壓逼搶，改為係後面守穩自己後防先。5-3-2陣式下邊路只得一名翼衛防守，蘭sir沿用上場對熱刺進攻模式，進攻推費特上前拍般奴攻擊中路，閘同翼鋒則拉邊，再安排C朗多走兩側overload邊路，再將個波不停轉邊，令馬體會中場三人要不停快速左右移。只要中場三人互相斷左聯系，曼聯就有空間去創造機會埋門。頭廿分鐘，曼聯完全控制戰局去圍攻對手，亦有伊蘭加門前快射被擋出。整隊踢落係幾有信心，行軍速度俾波都幾爽。馬體會則只有零星反擊，但都冇乜大威脅俾到曼聯，只有迪保羅一腳禁區遠射要迪基亞飛身撲出。
施蒙尼應變得快，仲領先埋
廿分鐘後施蒙尼快速應變，將基士文縮後踢右中場，前場僅留菲歷斯一人打反擊，靴里拉同迪保羅踢防中，高基改踢左中場，改踢5-4-1去守曼聯，將邊路人數增加，令中場三人唔駛左右狂跑，令到曼聯overload邊路既戰術失效。重點係多左人去夾擊辛祖，即刻令佢持球突破既威脅減低，多次逼甩佢腳下球再打反擊。守穩左就開始進攻啦。馬體會早段進攻時會將洛迪推一格，變成4-4-2去進攻，但一改做5-4-1防守後，連帶進攻都改變為3-5-2，推前兩隻翼衛。此消後彼長下，曼聯進攻多左斷纜，馬體會就即刻靠反擊製造攻勢，仲食左一球詐糊。踢到40分鐘就有斬獲，一個靚組織由右路基士文接應菲歷斯後抽傳中去尾柱，後上既洛迪頭鎚輕鬆建功，領先一比零。最可圈可點既地方係伊蘭加疑似被文達華拉跌，球證冇吹罰令到馬體會可以拎番控球權再進攻。慢鏡睇番個人則覺得唔吹係合理，文達華第一下埋去撞令到伊蘭加失左少少平衡，再跑兩步有少少踩唔實個地先跌低。落後既曼聯係餘下時間都未有創造到起腳機會。半場，完！
蘭sir嘗試變但變完效果一般
下半場開始，雙方都未有作出換人調動或戰術調整。曼聯控球較多，但唔太能夠創造到黃金機會去埋門。兩側有傳中，但質素非常一般，難以提供彈藥俾C朗去攻門。最似樣已經係辛祖既窩利同費特既遠射。馬體會靠一兩下反擊係邊路傳中更甚威脅。雙方既戰局處於膠著狀態。踢到67分鐘，蘭sir先換人，用福仔、普巴同馬迪入替伊蘭加、麥湯同般奴。伊蘭加個人能力一般，未能係右路提供侵略性，所以換福仔試試。馬迪比麥湯係控制節奏上同傳球既穿透力上更佳，踢20分鐘對佢黎講係可以既。般奴今場狀態不足，俾波過於急進，導致進攻斷纜下，被抽起亦合理。普巴、馬迪、費特亦係上場贏熱刺既三人中場，馬體會陣式同熱刺一樣情況下，蘭sir都想試下呢個組合能否扭轉敗局。福仔出到黎既表現完全係低迷，點樣boot番起佢都係一大難題。普巴出到黎個作用都不太大，畢竟馬體會既防守夠嚴密，球員又好少失位，要撕破係有一定既難度。
蘭sir一換再換，秘密武器都要出
除左76分鐘，華拉尼有一下頭鎚算有威脅之外，生波組織都係難以打破馬體會既嚴密防守。踢到75分鐘，蘭sir見效果一般就再換，用卡雲尼入替費特改打4-4-2。再係84分鐘，用秘密武器馬達入替麥佳亞，改打4-1-3-2。馬迪稍為移後半格，係華拉尼前面，擺晒進攻球員出黎搏鎚。施蒙尼則係80分鐘換入干度比亞加強防守，再係90分鐘換入中堅菲臘比同前鋒哥利亞，加強番前場活力同係後面擺多個高佬，應付曼聯既兩邊傳中。蘭sir連達叔都出埋，但都未能平反敗局，一球飲恨落敗，16強出局。
總結
蘭sir都盡晒力架啦，馬後炮講可以先抽起剛病好既般奴改用普巴，或者會有唔同結局。個人覺得當般奴在場時，進攻既節奏係比較急比較快，要搏既波會較多。上場對熱刺個進攻節奏會慢番少少，感覺反而會較適合呢隊曼聯（當然熱刺冇馬體會咁強）而般奴亦經常係前面帶動逼搶施壓，但時機、隊友企位又未必係一個最理想既環境，就會導致防守球員失位。呢樣真係要睇下蘭sir點去調整。輸左呢場波，亦意味今季再一次四大皆空，可以全力爭前四。爭到既機會就好微啦，除左要自己贏晒之外，仲要寄望人地失分。曼聯就唯有做好自己先啦，睇下有冇奇蹟出現了！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/