樂觀咁睇 : 養住私家雞姐，下季要分問林伯（賽後分析-愛華頓對曼聯）
林伯特排出4-5-1陣式。龍門碧福特。防線由左至右係米哥倫哥-賀基治-米高堅尼-高文。中場線由左至右係李察利臣-伊禾比-德夫-阿倫-哥頓。單箭頭係卡法路雲。
蘭歷克排出4-2-3-1陣式。龍門迪基亞。防線由左至右係泰利斯-麥佳亞-連迪路夫-雲比沙加。馬迪同費特出任一對防中。左右翼起用華舒福同辛祖。攻擊中場般奴費南迪斯支援C朗拿度。
頭廿分鍾只得兩下埋門 失果球波又係無里頭
愛華頓放棄前場逼搶，係中場開始佈防。進攻都冇乜組織可言，除左靠兩翼打反擊自己爆破上，就係靠卡法路雲嘗試係前面停波，但卡法路雲明顯狀態有待提升，係高空爭奪上都輸比曼聯一對中堅。呢隊愛華頓係真係似降班隊。我諗唔明蘭sir個如意算盤係乜，對住護級球隊仲要搶分爭前四，竟然抽起普巴用費特，結果又出事。出埋福仔打左翼亦係一大敗筆。福仔除左有兩下射門叫做似樣少少之外，上腳甩、盤扭失，係進攻幫手組織或者輸送彈藥下毫無作用，更令到轉踢右邊既辛祖踢得患得患失。曼聯頭廿分鐘除左福仔既一下頭鎚同一下禁區外既射門有威脅外，係冇任何黃金機會可以創造到出黎。27分鐘，費特係中間交波俾被圍困既馬迪，佢一轉身就被逼甩就輸反擊，右路哥頓一腳斜線交俾李察利臣爆。佢係邊線傳俾入楔既伊禾比，馬迪勉強篤走個波，個波碌左比禁區外既哥頓，佢右腳一射省中麥隊改變方向入網。愛華頓之前都冇攻門下，第一腳中龍就入波。馬迪當時已經有兩三名藍衫係附近，其他前場球員企既位置又唔見得可以令馬迪向前傳再去進攻。重點係冇人逼費特架大佬，你有時間等隊友重新走位，現個靚身先俾波。結果無啦啦又輸反擊就先失一球。失波後曼聯都係圍住黎攻，但兩翼廢左中路又頻頻斷纜。36分鐘，蘭sir用普巴換入受傷既費特，雖然控制中場力度會好左，但實際作用不大。C朗冇乜波踢仲多左走出黎要波，又變左禁區入面冇人。半場統計曼聯縱有65%控球，但只得3射2中，有兩腳仲要係未失波前既攻門，可以見到失波後既曼聯係完全冇力去進攻。
蘭sir換換換，林伯就愈縮愈後
雙方係半場都冇任何換人調動，蘭sir嘗試改踢4-4-2菱形中場，推前福仔拍住C朗。攻中般奴，右翼辛祖，左中場中普巴防中馬迪，清空左側俾晒泰利斯踢。左路側擊係有改善，多左傳中去搵C朗，但米高堅尼同賀基治都唔太怕你呢一著。加上右路雲比沙加進攻極差，只得辛祖難以製造具威脅既傳中。曼聯又變得單邊作戰。林伯係戰術上就將防線再移至禁區頂，中場線先到去三閘線壓縮中路空間。到64分鐘，蘭sir決定再換，用馬達同伊蘭加換入馬迪同福仔。兩個換人都係正確，對面縮到咁後，用普巴一個逗住就可以，出馬達可以加強前場組織力同多左人會無球走動拉空位。福仔積極性係好左，但表現僅屬一般。蘭sir再將陣式變成433，左右翼係辛祖伊蘭加。普巴一個逗住馬達同般奴。林伯則係71分鐘用格雷入替卡法路雲，將李察利臣打最前，格雷踢左面，專心三隻快馬打突擊。防線再縮入禁區內，中場線係條娥楣月線防守。面對如此鐵桶，曼聯繼續圍攻對手，所以都多左外圍遠射，可惜質素一般。全場曼聯有68%控球率，但只得12射4中，最後以一比零敗走葛迪遜公園。
總結
一字記之曰：廢。呢場波或者係蘭sir帶隊以黎最差既一場波。兩翼進攻失靈，中路見唔到組織，見唔到走位。每個球員都上腳撚下個波。進攻速度緩慢，又冇轉邊。練波究竟練左乜？如果有睇尾場既朋友，就知咩叫鬥心（維拉）曼聯係完全冇。仲以為傳有新領隊上場球員會爭表現，結果係仲衰過上一場。就算阿仙奴點自爆，自己贏唔到波都冇用。不過咁既表現俾你入到歐聯都只會淪為笑柄。熱刺尾場禁爆平安鐘下贏4球，多打阿仙奴一場領先3分，但仲領先10個得失球差，相信干爹會係讓四大賽中落敗。曼聯則落後第四既熱刺6分，數字下仍有機會，但真係數字黎，唔好阻住人為英格蘭爭光吧啦。唔好ff太多，拎到第五都可以還神！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
蘭歷克排出4-2-3-1陣式。龍門迪基亞。防線由左至右係泰利斯-麥佳亞-連迪路夫-雲比沙加。馬迪同費特出任一對防中。左右翼起用華舒福同辛祖。攻擊中場般奴費南迪斯支援C朗拿度。
頭廿分鍾只得兩下埋門 失果球波又係無里頭
愛華頓放棄前場逼搶，係中場開始佈防。進攻都冇乜組織可言，除左靠兩翼打反擊自己爆破上，就係靠卡法路雲嘗試係前面停波，但卡法路雲明顯狀態有待提升，係高空爭奪上都輸比曼聯一對中堅。呢隊愛華頓係真係似降班隊。我諗唔明蘭sir個如意算盤係乜，對住護級球隊仲要搶分爭前四，竟然抽起普巴用費特，結果又出事。出埋福仔打左翼亦係一大敗筆。福仔除左有兩下射門叫做似樣少少之外，上腳甩、盤扭失，係進攻幫手組織或者輸送彈藥下毫無作用，更令到轉踢右邊既辛祖踢得患得患失。曼聯頭廿分鐘除左福仔既一下頭鎚同一下禁區外既射門有威脅外，係冇任何黃金機會可以創造到出黎。27分鐘，費特係中間交波俾被圍困既馬迪，佢一轉身就被逼甩就輸反擊，右路哥頓一腳斜線交俾李察利臣爆。佢係邊線傳俾入楔既伊禾比，馬迪勉強篤走個波，個波碌左比禁區外既哥頓，佢右腳一射省中麥隊改變方向入網。愛華頓之前都冇攻門下，第一腳中龍就入波。馬迪當時已經有兩三名藍衫係附近，其他前場球員企既位置又唔見得可以令馬迪向前傳再去進攻。重點係冇人逼費特架大佬，你有時間等隊友重新走位，現個靚身先俾波。結果無啦啦又輸反擊就先失一球。失波後曼聯都係圍住黎攻，但兩翼廢左中路又頻頻斷纜。36分鐘，蘭sir用普巴換入受傷既費特，雖然控制中場力度會好左，但實際作用不大。C朗冇乜波踢仲多左走出黎要波，又變左禁區入面冇人。半場統計曼聯縱有65%控球，但只得3射2中，有兩腳仲要係未失波前既攻門，可以見到失波後既曼聯係完全冇力去進攻。
蘭sir換換換，林伯就愈縮愈後
雙方係半場都冇任何換人調動，蘭sir嘗試改踢4-4-2菱形中場，推前福仔拍住C朗。攻中般奴，右翼辛祖，左中場中普巴防中馬迪，清空左側俾晒泰利斯踢。左路側擊係有改善，多左傳中去搵C朗，但米高堅尼同賀基治都唔太怕你呢一著。加上右路雲比沙加進攻極差，只得辛祖難以製造具威脅既傳中。曼聯又變得單邊作戰。林伯係戰術上就將防線再移至禁區頂，中場線先到去三閘線壓縮中路空間。到64分鐘，蘭sir決定再換，用馬達同伊蘭加換入馬迪同福仔。兩個換人都係正確，對面縮到咁後，用普巴一個逗住就可以，出馬達可以加強前場組織力同多左人會無球走動拉空位。福仔積極性係好左，但表現僅屬一般。蘭sir再將陣式變成433，左右翼係辛祖伊蘭加。普巴一個逗住馬達同般奴。林伯則係71分鐘用格雷入替卡法路雲，將李察利臣打最前，格雷踢左面，專心三隻快馬打突擊。防線再縮入禁區內，中場線係條娥楣月線防守。面對如此鐵桶，曼聯繼續圍攻對手，所以都多左外圍遠射，可惜質素一般。全場曼聯有68%控球率，但只得12射4中，最後以一比零敗走葛迪遜公園。
總結
一字記之曰：廢。呢場波或者係蘭sir帶隊以黎最差既一場波。兩翼進攻失靈，中路見唔到組織，見唔到走位。每個球員都上腳撚下個波。進攻速度緩慢，又冇轉邊。練波究竟練左乜？如果有睇尾場既朋友，就知咩叫鬥心（維拉）曼聯係完全冇。仲以為傳有新領隊上場球員會爭表現，結果係仲衰過上一場。就算阿仙奴點自爆，自己贏唔到波都冇用。不過咁既表現俾你入到歐聯都只會淪為笑柄。熱刺尾場禁爆平安鐘下贏4球，多打阿仙奴一場領先3分，但仲領先10個得失球差，相信干爹會係讓四大賽中落敗。曼聯則落後第四既熱刺6分，數字下仍有機會，但真係數字黎，唔好阻住人為英格蘭爭光吧啦。唔好ff太多，拎到第五都可以還神！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/