乜又係你啊，C朗！（賽後分析-曼聯對諾域治）
蘭歷克排出4-3-3陣式。龍門迪基亞。防線由左至右係泰利斯-連迪路夫-麥佳亞-達洛治。逗後防中為普巴，前面一左一右係連加特同般奴費南迪斯。左右翼係辛祖做蘭加支援C朗拿度攻堅。
甸史密夫排出4-2-3-1陣式。龍門係告爾。防線由左至右係基安奴尼斯-賓吉遜-格蘭漢尼-拜林。洛文同麥連踢一對防中。左右中場係拿斯沙同多維。攻中美路支援普基爭取入球。
見到呢個全攻型中場都知會發生咩事
相信係因周中有場火拼利物浦既賽事，而費特同麥湯文尼都受傷，所以蘭sir決定先收起馬迪，改用普巴踢逗後防中。普巴始終唔係踢開防守，係預測人地傳球線路，中場遮線或者選擇第一時間埋波既決定同警覺醒同真正防中有距離。你要彌補呢樣野有兩個方法，一係好似前巴塞踢前場6秒反搶，失控球即逼唔俾對手有時間諗點放波攻擊你身後空間；一係就安排一個加度素係8號位，可惜曼聯係冇呢類人，最似既麥湯都傷埋。最後，蘭sir係呢兩樣野都做唔到（可能佢想做）就令到今場多次被對方踢出有效率既反擊。幸運既係對方只係諾域治，把握力同最後一傳既質素都低既情況下先唔駛輸（但都要失兩球）
進攻呢個組合又有野睇下
防守就預左穿窿，就睇下進攻可唔可以彌補。今場踢逗後中場既普巴再次展現佢既個人能力同閱讀球賽能力同視野。多次長傳轉邊同俾向前既穿透力傳送令到連皇同般奴都唔駛墮太深要波。連皇亦係左路同辛祖同伊蘭加有唔少既提速突進既小組滲入，呢樣野就算係般奴身上都少見。左路泰利斯既側擊亦幫到辛祖唔少，不過今場傳中就質素就差少少，唔係太貼門就係唔到位，但都起碼提供到邊路側擊。伊蘭加則好自然移入中路同C朗踢兩個前鋒，又或者做牆等連皇辛祖可以打入去再set back，又見C朗移後拎波佢就後插入禁區做點，都係數據睇唔到既野。當然對面只係諾域治，但起碼都叫做進攻上多左配合。整體進攻速率節奏都唔係特別快，亦因進攻節奏慢就更要多用改變進攻速度去進攻對方心臟地帶，今場係做得唔錯。
上半場形勢佔優，領先合理曼聯半場有58%控球，12射5中，數據上領先非常合理。一開波已經係圍住黎踢，但2分半鐘人地一下轉守為攻就差少少先失波。好彩迪基亞封位快，撲走普基既單刀埋門。7分鐘，伊蘭加一次前場單人逼搶，逼到賓吉遜犯左腦筋上既錯誤，係禁區內搶到波後傳俾C朗輕鬆射入。左閘回傳俾中堅，中堅係冇理由第一控控番去左手面，令到伊蘭加可以即刻拍。到人地拍埋黎，仲扣番入中間就係死罪。你可以即刻用背隻「得」住個位或者清去邊線就已經解決問題。32分鐘，C朗接應泰利斯右路角球，跳起力壓賓吉遜頂入，純屬個人騰空搶點能力既表現，梅開二度。補時階段，諾域治少有既陣地推進，基安奴尼斯俾到入楔禁區既普基，佢係左路傳中到尾柱俾多維輕鬆頂入，追成二比一。呢個失波係成隊都有責任。由普基現身去左路接應洛文係中場既傳送。5名諾域治球員企係曼聯既防線同中場線中間，但曼聯既中場球員只有伊蘭加有加速追番去左路，般奴係冇加速去左路協防，加埋普巴冇警覺醒要先填補左路是為第一錯。
基安奴尼斯後上，金絲雀前場形成6打6，左路3打3。普基俾完波走位，伊蘭加掛住望波冇跟人係第二錯。
達洛治係冇人數優勢下埋去搶波被基安妞尼斯扣過係第三錯。到普基沉底出波，諾域治有成三個球員係禁區內；而曼聯只得兩個，就任普基點俾都入啦。半場，完！
一個組織又入
半場出黎雙方都冇調動。52分鐘，諾域治後場組織到前場，多維既靚斜線造就普基再次單刀，係右路窄位射番近柱撞內柱彈入。又要多謝曼聯既防守出現大問題，中場除左普巴俾米路拉走令中路冇人，連皇同般奴都冇對持球者作出任何壓迫。多維移入中路接應麥連既傳送。泰利斯則上左去助攻未番到位，令多維可以望空俾落個空位。普基最後終於射得入。
蘭sir再次換人，甸史密夫仲想贏埋你
戰情都係同上半場咁上下，但追成平手既諾域治成隊既氣勢仲凌厲。63分鐘，蘭sir用馬迪入替連皇，改打4-2-3-1嘗試解放般奴，但今場佢既表現不像你預期，整場貢獻都有限。踢到74分鐘，蘭sir同甸史密夫一齊換。曼聯用華舒福同馬達入替普巴同泰利斯，又改變陣式到4-3-3，將伊蘭加改踢右閘，達洛治踢左閘，馬達同般奴則踢兩個10號位，福仔踢右翼盡地一煲。甸史密夫則用柏捷達同基摩亞入替麥連同多維，位換位但柏捷達既個人突破力強過多維，諾域治仲想贏埋你。曼聯換完人既效果其實未如理想，尤其係福仔多次交就失扭就甩。馬達就勤力有餘，但要創造機會埋門就比較少。兩分鐘後，C朗再次救國，處理右路一個離門接近27、8碼既罰球，右腳一抽，個波好勁加上有少少飄，告爾拍到都入，令曼聯再度領先。諾域治再係82分鐘換入芬路加強攻力。可惜質素有限，加上曼聯既雙馬老將經驗好，係後段拖慢進攻節奏，以保持控球行先，令諾域治都難以打反擊或者再可以拎波組織。曼聯險勝一球。
總結
呢場贏得相當驚險，對住包尾既諾域治都要失兩球。起用連皇係個進攻章法上係多左一種模式，係陣地進攻上會有幫助。般奴一踢433就繼續沉寂。我都多次講此子進攻需要自由度，踢433限制佢活動範圍會影響發揮。盛傳阿積士領隊坦哈格下屆黎教曼聯，又睇下般奴可唔可以適應佢4-3-3體系。同日熱刺同阿仙奴都輸波，令到讓四大賽再度緊湊，曼聯仍有機會拎到下屆歐聯資格。周中對利物浦都好大機會輸。睇下班球員用咩心態去踢先係最重要！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
甸史密夫排出4-2-3-1陣式。龍門係告爾。防線由左至右係基安奴尼斯-賓吉遜-格蘭漢尼-拜林。洛文同麥連踢一對防中。左右中場係拿斯沙同多維。攻中美路支援普基爭取入球。
見到呢個全攻型中場都知會發生咩事
相信係因周中有場火拼利物浦既賽事，而費特同麥湯文尼都受傷，所以蘭sir決定先收起馬迪，改用普巴踢逗後防中。普巴始終唔係踢開防守，係預測人地傳球線路，中場遮線或者選擇第一時間埋波既決定同警覺醒同真正防中有距離。你要彌補呢樣野有兩個方法，一係好似前巴塞踢前場6秒反搶，失控球即逼唔俾對手有時間諗點放波攻擊你身後空間；一係就安排一個加度素係8號位，可惜曼聯係冇呢類人，最似既麥湯都傷埋。最後，蘭sir係呢兩樣野都做唔到（可能佢想做）就令到今場多次被對方踢出有效率既反擊。幸運既係對方只係諾域治，把握力同最後一傳既質素都低既情況下先唔駛輸（但都要失兩球）
進攻呢個組合又有野睇下
防守就預左穿窿，就睇下進攻可唔可以彌補。今場踢逗後中場既普巴再次展現佢既個人能力同閱讀球賽能力同視野。多次長傳轉邊同俾向前既穿透力傳送令到連皇同般奴都唔駛墮太深要波。連皇亦係左路同辛祖同伊蘭加有唔少既提速突進既小組滲入，呢樣野就算係般奴身上都少見。左路泰利斯既側擊亦幫到辛祖唔少，不過今場傳中就質素就差少少，唔係太貼門就係唔到位，但都起碼提供到邊路側擊。伊蘭加則好自然移入中路同C朗踢兩個前鋒，又或者做牆等連皇辛祖可以打入去再set back，又見C朗移後拎波佢就後插入禁區做點，都係數據睇唔到既野。當然對面只係諾域治，但起碼都叫做進攻上多左配合。整體進攻速率節奏都唔係特別快，亦因進攻節奏慢就更要多用改變進攻速度去進攻對方心臟地帶，今場係做得唔錯。
上半場形勢佔優，領先合理曼聯半場有58%控球，12射5中，數據上領先非常合理。一開波已經係圍住黎踢，但2分半鐘人地一下轉守為攻就差少少先失波。好彩迪基亞封位快，撲走普基既單刀埋門。7分鐘，伊蘭加一次前場單人逼搶，逼到賓吉遜犯左腦筋上既錯誤，係禁區內搶到波後傳俾C朗輕鬆射入。左閘回傳俾中堅，中堅係冇理由第一控控番去左手面，令到伊蘭加可以即刻拍。到人地拍埋黎，仲扣番入中間就係死罪。你可以即刻用背隻「得」住個位或者清去邊線就已經解決問題。32分鐘，C朗接應泰利斯右路角球，跳起力壓賓吉遜頂入，純屬個人騰空搶點能力既表現，梅開二度。補時階段，諾域治少有既陣地推進，基安奴尼斯俾到入楔禁區既普基，佢係左路傳中到尾柱俾多維輕鬆頂入，追成二比一。呢個失波係成隊都有責任。由普基現身去左路接應洛文係中場既傳送。5名諾域治球員企係曼聯既防線同中場線中間，但曼聯既中場球員只有伊蘭加有加速追番去左路，般奴係冇加速去左路協防，加埋普巴冇警覺醒要先填補左路是為第一錯。
基安奴尼斯後上，金絲雀前場形成6打6，左路3打3。普基俾完波走位，伊蘭加掛住望波冇跟人係第二錯。
達洛治係冇人數優勢下埋去搶波被基安妞尼斯扣過係第三錯。到普基沉底出波，諾域治有成三個球員係禁區內；而曼聯只得兩個，就任普基點俾都入啦。半場，完！
一個組織又入
半場出黎雙方都冇調動。52分鐘，諾域治後場組織到前場，多維既靚斜線造就普基再次單刀，係右路窄位射番近柱撞內柱彈入。又要多謝曼聯既防守出現大問題，中場除左普巴俾米路拉走令中路冇人，連皇同般奴都冇對持球者作出任何壓迫。多維移入中路接應麥連既傳送。泰利斯則上左去助攻未番到位，令多維可以望空俾落個空位。普基最後終於射得入。
蘭sir再次換人，甸史密夫仲想贏埋你
戰情都係同上半場咁上下，但追成平手既諾域治成隊既氣勢仲凌厲。63分鐘，蘭sir用馬迪入替連皇，改打4-2-3-1嘗試解放般奴，但今場佢既表現不像你預期，整場貢獻都有限。踢到74分鐘，蘭sir同甸史密夫一齊換。曼聯用華舒福同馬達入替普巴同泰利斯，又改變陣式到4-3-3，將伊蘭加改踢右閘，達洛治踢左閘，馬達同般奴則踢兩個10號位，福仔踢右翼盡地一煲。甸史密夫則用柏捷達同基摩亞入替麥連同多維，位換位但柏捷達既個人突破力強過多維，諾域治仲想贏埋你。曼聯換完人既效果其實未如理想，尤其係福仔多次交就失扭就甩。馬達就勤力有餘，但要創造機會埋門就比較少。兩分鐘後，C朗再次救國，處理右路一個離門接近27、8碼既罰球，右腳一抽，個波好勁加上有少少飄，告爾拍到都入，令曼聯再度領先。諾域治再係82分鐘換入芬路加強攻力。可惜質素有限，加上曼聯既雙馬老將經驗好，係後段拖慢進攻節奏，以保持控球行先，令諾域治都難以打反擊或者再可以拎波組織。曼聯險勝一球。
總結
呢場贏得相當驚險，對住包尾既諾域治都要失兩球。起用連皇係個進攻章法上係多左一種模式，係陣地進攻上會有幫助。般奴一踢433就繼續沉寂。我都多次講此子進攻需要自由度，踢433限制佢活動範圍會影響發揮。盛傳阿積士領隊坦哈格下屆黎教曼聯，又睇下般奴可唔可以適應佢4-3-3體系。同日熱刺同阿仙奴都輸波，令到讓四大賽再度緊湊，曼聯仍有機會拎到下屆歐聯資格。周中對利物浦都好大機會輸。睇下班球員用咩心態去踢先係最重要！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/