坦克都可以用呢場波黎做借鏡（賽後分析-曼聯對賓福特）
蘭sir排出4-2-3-1。龍門迪基亞。防線由左至右係泰利斯-華拉尼-連迪路夫-達洛治。一對防中係麥湯文尼拍費特。般奴費南迪斯移居左翼，馬達居中，伊蘭加踢右翼。前線都係C朗掛帥。
法蘭克排出5-3-2。龍門拉也。防線由左至右係亨利-蘇連遜-贊臣-羅斯利夫-艾查。中場線由左至右係艾歷臣-洛加特-贊尼特。前鋒線都係孖賓東尼拍安保姆。
進攻節奏係贏波關鍵
往常般奴居中主導球隊進攻再加兩邊有快翼時，球隊會倚重般奴既長傳利用兩翼進行個人突破，進攻時既速率、行軍節奏都必然較快，往往都係向前進攻對方既禁區。前季尾至上季有福仔馬仔綠木，都係球隊進攻殺著。好處係有快馬有空位，進攻夠快就得；壞處係個波經常向前，導致易失控球。盤扭突破型球員多，但懂打小組配合既球員少，就難以破密集。今季C朗來投，明顯係呢種進攻模式下，佢踢得有點兒吃力。今場贏波主因係節奏。馬達居中，只得伊蘭加單邊有速度，般奴絕不是千里走單騎型攻中，就要將整體進攻節奏放慢。需要猜多兩板，等大家落晒位，控住個波先再搵空位靠一兩下變速小組殺入禁區。馬達善於控制節奏、俾波走位，再同隊友overload對方兩側。C朗則唔駛同你不停段速來回跑，加上一周一賽，仲有餘力同你防守。般奴想快都冇得快，前面冇快馬俾佢放，今場多左回波俾馬達主導，等埋泰利斯上黎先攻。馬迪穩住中後場，繼續高水準演出。爆破則靠小將伊蘭加。整隊整場都將個波左左右右轉移，球員間互傳多，先令對方集中一側防守，就轉方向攻擊另一側。當你中場可以長時間控球，兩閘就唔怕後上進攻提供側擊。達洛治多次後上出波，可惜出波落點同球速都水準以下，但起碼上到黎有時間望空黎斬。麥湯文尼係進攻上唔係太突出，但係場上做左好多第一層攔截工作去防守對方推進同打反擊，唔太起眼但十分重要。對比番前幾場既傳球次數、傳球成功率同控球率，就見到有明顯分別。今場真係叫主導球賽。
蜜蜂仔限米煮限飯
賓福特就質素所限，只能依靠艾歷臣既傳送製造埋門機會。前線東尼今場狀態一般，最有印象就係跣腳。安保姆踢落幾努力，亦憑自身速度多次進襲曼聯防線，算係前場少有既亮點。球隊既5-3-2陣式配置，令到中場3人疲於奔命，要兼顧兩側，又要小心中路。當曼聯overload兩側，中場同邊衛亦冇壓出去迫，只在低位企好位置以防曼聯打入中路，缺乏壓迫令到曼聯猜波猜得非常流暢。不過曼聯防守都唔係毫無漏洞，係應付兩邊傳中同死球攻勢時都有甩漏，只係前鋒把握力不夠好，而迪基亞又冇恰眼訓情況下，先可力保不失。
係咁易講下比賽過程
屈福特早早失波，令到球隊既部署失左預算；曼聯球員入波後既信心明顯大大提升左不少，加上場中多左技術流球員，提升左整隊既控傳能力。曼聯控球率少有地過到六成，除左因為場中多左跑動多左回波外，賓福特實力有距離亦係重中之重。下半場更因亨利既魯莽輸十二碼，就注定呢場波要大敗一場。華拉尼最後既埋齋就係錦上添花。曼聯總算係今季最後一場主場賽事冇令到球迷失望，算踢番場爭氣波贏番場！
總結
賽後有人話連皇冇得主場告別好慘，可能坦sir黎到會重用佢佢唔駛走呢，世事好難講既！如果講到坦克講求高壓踢法，主打4-3-3，連皇未必唔可以成為重要一員！總結番呢場波，呢場其實可以為坦克用黎做借鏡。假設C朗仍然留隊，今場既進攻節奏絕對係一個好既參考比坦克諗下應該點踢。當然，你話我上任唔會用佢，一定要堅持自己果套，就冇得講。要讚下馬達同馬迪，雖然年老但仍有能力係高水平賽事發揮高水準，多謝兩位既貢獻！餘下仍有兩場作客賽事，希望球員唔好交行貨，用心踢好俾個交代球迷，亦比個交代自己啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
法蘭克排出5-3-2。龍門拉也。防線由左至右係亨利-蘇連遜-贊臣-羅斯利夫-艾查。中場線由左至右係艾歷臣-洛加特-贊尼特。前鋒線都係孖賓東尼拍安保姆。
進攻節奏係贏波關鍵
往常般奴居中主導球隊進攻再加兩邊有快翼時，球隊會倚重般奴既長傳利用兩翼進行個人突破，進攻時既速率、行軍節奏都必然較快，往往都係向前進攻對方既禁區。前季尾至上季有福仔馬仔綠木，都係球隊進攻殺著。好處係有快馬有空位，進攻夠快就得；壞處係個波經常向前，導致易失控球。盤扭突破型球員多，但懂打小組配合既球員少，就難以破密集。今季C朗來投，明顯係呢種進攻模式下，佢踢得有點兒吃力。今場贏波主因係節奏。馬達居中，只得伊蘭加單邊有速度，般奴絕不是千里走單騎型攻中，就要將整體進攻節奏放慢。需要猜多兩板，等大家落晒位，控住個波先再搵空位靠一兩下變速小組殺入禁區。馬達善於控制節奏、俾波走位，再同隊友overload對方兩側。C朗則唔駛同你不停段速來回跑，加上一周一賽，仲有餘力同你防守。般奴想快都冇得快，前面冇快馬俾佢放，今場多左回波俾馬達主導，等埋泰利斯上黎先攻。馬迪穩住中後場，繼續高水準演出。爆破則靠小將伊蘭加。整隊整場都將個波左左右右轉移，球員間互傳多，先令對方集中一側防守，就轉方向攻擊另一側。當你中場可以長時間控球，兩閘就唔怕後上進攻提供側擊。達洛治多次後上出波，可惜出波落點同球速都水準以下，但起碼上到黎有時間望空黎斬。麥湯文尼係進攻上唔係太突出，但係場上做左好多第一層攔截工作去防守對方推進同打反擊，唔太起眼但十分重要。對比番前幾場既傳球次數、傳球成功率同控球率，就見到有明顯分別。今場真係叫主導球賽。
蜜蜂仔限米煮限飯
賓福特就質素所限，只能依靠艾歷臣既傳送製造埋門機會。前線東尼今場狀態一般，最有印象就係跣腳。安保姆踢落幾努力，亦憑自身速度多次進襲曼聯防線，算係前場少有既亮點。球隊既5-3-2陣式配置，令到中場3人疲於奔命，要兼顧兩側，又要小心中路。當曼聯overload兩側，中場同邊衛亦冇壓出去迫，只在低位企好位置以防曼聯打入中路，缺乏壓迫令到曼聯猜波猜得非常流暢。不過曼聯防守都唔係毫無漏洞，係應付兩邊傳中同死球攻勢時都有甩漏，只係前鋒把握力不夠好，而迪基亞又冇恰眼訓情況下，先可力保不失。
係咁易講下比賽過程
屈福特早早失波，令到球隊既部署失左預算；曼聯球員入波後既信心明顯大大提升左不少，加上場中多左技術流球員，提升左整隊既控傳能力。曼聯控球率少有地過到六成，除左因為場中多左跑動多左回波外，賓福特實力有距離亦係重中之重。下半場更因亨利既魯莽輸十二碼，就注定呢場波要大敗一場。華拉尼最後既埋齋就係錦上添花。曼聯總算係今季最後一場主場賽事冇令到球迷失望，算踢番場爭氣波贏番場！
總結
賽後有人話連皇冇得主場告別好慘，可能坦sir黎到會重用佢佢唔駛走呢，世事好難講既！如果講到坦克講求高壓踢法，主打4-3-3，連皇未必唔可以成為重要一員！總結番呢場波，呢場其實可以為坦克用黎做借鏡。假設C朗仍然留隊，今場既進攻節奏絕對係一個好既參考比坦克諗下應該點踢。當然，你話我上任唔會用佢，一定要堅持自己果套，就冇得講。要讚下馬達同馬迪，雖然年老但仍有能力係高水平賽事發揮高水準，多謝兩位既貢獻！餘下仍有兩場作客賽事，希望球員唔好交行貨，用心踢好俾個交代球迷，亦比個交代自己啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/