輸波但見到隊內亮點（賽後分析-曼聯對白禮頓）
坦克排出4-3-3假九陣。龍門迪基亞。防線由左至右係梳爾-馬天尼斯-麥佳亞-達洛治。逗後防中係費特，左右中場中係般奴費南迪斯同麥湯文尼。左右翼係華舒福同辛祖支援偽前鋒艾歷臣。
樸達排出3-4-2-1。龍門山齊士。防線由左至右係韋士達-鄧克-費文。中場線係杜沙特-麥卡里士打-沙斯度-馬治。兩個攻中係哥斯同拉蘭拿支援韋碧克。
踢波好講求磨合程度
樸達既白禮頓雖然冇左古古尼亞同比蘇馬，但踢開體系夾慣夾熟就係同曼聯唔同。沙斯度坐正拍住縮後一格既麥卡里士打冇影響到整隊既中場運作，杜沙特踢晒成條邊亦唔見有太大問題。當然古古尼亞既離開對左路攻守有一定影響，但樸達靠體系，加上適當既人腳調配，得以係上半場就領先曼聯兩球。曼聯踢左咁多場熱身賽都冇試過排假九陣，最接近都只係試過福仔打前鋒而般奴踢左邊。今場只睇陣容本以為係用番呢一著既問題未必係咁大，但一開波就見到福仔係左路而艾歷臣打偽中鋒，就真係令我諗爆頭都諗唔明。嘗試理解此舉，坦克認為福仔係邊線既速度同爆破可令馬治同費文受壓，而踢前鋒就唔係佢所長。冇踢過就係冇踢過，整隊既磨合程度接近零，同白禮頓直頭係冇得比。整隊曼聯都踢唔到熱身賽既模樣。艾歷臣未能係前點牽制對方防線，辛祖病癒缺態，中場麥費組合再次顯示出控制中場乏力，福仔亦冇空間被佢發揮。上半場完全受壓下，被白禮頓領先兩球番更衣室。
失第一球波就入晒麥隊長事就未免睇得太狹窄
三十分鐘，白禮頓中場成功反搶曼聯就隨即轉守為攻。杜沙特左路持球，右閘達洛治被拉出去防守。韋碧克走斜線攻擊兩名中堅中間既身後。當時馬天尼斯、麥佳亞同梳爾企成一直線，但要面對對方四個進攻球員。費特上左中場搶波失敗，再回追到自己三閘線時就停左步，冇去填補番空位，又冇追番後上插入既拉蘭拿。麥隊長失波後就舉手話越位，但從慢鏡睇，整條防線都唔係有心裝。如果係想裝，當杜沙特一俾波果下，應該會幾個人一齊回追再舉手，而唔係事後先舉。呢個失波除左中前場又係太輕易斷纜，費特冇保護到禁區頂都有責任。韋碧克既斜走加上杜沙特靚交，拉蘭拿既加速拉空，哥斯跟進伏兵尾柱，整個反擊流暢有效率，值得一讚！
半場更衣室風筒全開
下半場出黎，曼聯球員既表現有明顯改善。可能白禮頓領先兩球就決定先企穩後場防守，而曼聯係中場控制同創造攻勢有都有唔同，相信坦克式風筒不是流的。53分鐘作出第一次換人，由C朗入替費特踢番前鋒，將艾歷臣改踢逗後防中。此舉對整隊曼聯係攻守轉換同埋從後場組織有改善。艾歷臣個企位，走位幫波既意識，控制節奏都遠遠比麥湯文尼同費特強，亦解釋到點解坦克求購迪莊。當一梳理到中後場既組織，個波就上到前場去攻。一番努力下，靠住對方既烏龍係68分鐘追番一球。
可以換五個人啊 點解唔早D換
因曼聯拎番主導權亦控制到中場，白禮頓攻勢已經冇上半場咁銳利，迪基亞亦唔多需要出動。踢到78分鐘，坦克先再用雲迪碧克換入麥湯文尼。短短10分鐘到，已經見到雲迪碧克既拉扯，first-touch都帶動到曼聯進攻，創造到唔少攻勢。90分鐘，坦克再換入伊蘭加、加拿曹同馬拉斯亞加強攻力。可惜為時而晚，最後以二比一輸左比白禮頓。坦克首場以輸波告終。
總結
坦帥呢場排陣明顯係有問題。半場先失兩球，都未有係下半場立刻作出調整，要踢左8分鐘先換一個前鋒落場，再去到78分鐘先再換一人亦屬敗筆。新賽季可以換五個人既情況下，理應物盡其用。上半場麥湯同費特都踢到患得患失，梳爾係左路亦唔見得有任何建樹。失左兩球，就應該半場換入C朗係前場牽制對方防線再加梳爾去嘗試激活左路。當一追番球，就應該提早時間去換入冇乜貨賣既福仔同麥湯文尼與及缺態既辛祖。加拿曹、雲迪碧克同伊蘭加都同正選球員屬不同類型，唔係話換入黎一定追得和，但唔換就一定冇機會。雖然今場輸波，踢落亦唔係太好，但都有一個亮點。新兵中堅馬天尼斯今場踢得相當不俗，下路防守同佢出色既控球能力，確實大大加強左曼聯防守對方地面推進既能力同後場控球組織力，不過都有幾下俾對方明恰佢身高既傳中。如果防中仍未能補強，推佢踢上一格會係一個解決方法，另一個方法則係推艾歷臣落去踢。
經此一役，小弟相信下場作客賓福特，中場配置會有幾大改動；而前鋒線上亦要睇馬斯亞能否復出。C朗今仗後備出黎，除左有一下反跑突破越位再傳俾福仔外（最後都係越位）貢獻不多，但佢係前場既牽制力一定比艾歷臣好。如果要出艾歷臣，咁我寧願起用C朗，但坦克就要放棄前場既高壓逼搶。今場都係第一場波，但暫時我都認為球隊仍會處於爭奪頭四既位置。下場繼續努力！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
樸達排出3-4-2-1。龍門山齊士。防線由左至右係韋士達-鄧克-費文。中場線係杜沙特-麥卡里士打-沙斯度-馬治。兩個攻中係哥斯同拉蘭拿支援韋碧克。
踢波好講求磨合程度
樸達既白禮頓雖然冇左古古尼亞同比蘇馬，但踢開體系夾慣夾熟就係同曼聯唔同。沙斯度坐正拍住縮後一格既麥卡里士打冇影響到整隊既中場運作，杜沙特踢晒成條邊亦唔見有太大問題。當然古古尼亞既離開對左路攻守有一定影響，但樸達靠體系，加上適當既人腳調配，得以係上半場就領先曼聯兩球。曼聯踢左咁多場熱身賽都冇試過排假九陣，最接近都只係試過福仔打前鋒而般奴踢左邊。今場只睇陣容本以為係用番呢一著既問題未必係咁大，但一開波就見到福仔係左路而艾歷臣打偽中鋒，就真係令我諗爆頭都諗唔明。嘗試理解此舉，坦克認為福仔係邊線既速度同爆破可令馬治同費文受壓，而踢前鋒就唔係佢所長。冇踢過就係冇踢過，整隊既磨合程度接近零，同白禮頓直頭係冇得比。整隊曼聯都踢唔到熱身賽既模樣。艾歷臣未能係前點牽制對方防線，辛祖病癒缺態，中場麥費組合再次顯示出控制中場乏力，福仔亦冇空間被佢發揮。上半場完全受壓下，被白禮頓領先兩球番更衣室。
失第一球波就入晒麥隊長事就未免睇得太狹窄
三十分鐘，白禮頓中場成功反搶曼聯就隨即轉守為攻。杜沙特左路持球，右閘達洛治被拉出去防守。韋碧克走斜線攻擊兩名中堅中間既身後。當時馬天尼斯、麥佳亞同梳爾企成一直線，但要面對對方四個進攻球員。費特上左中場搶波失敗，再回追到自己三閘線時就停左步，冇去填補番空位，又冇追番後上插入既拉蘭拿。麥隊長失波後就舉手話越位，但從慢鏡睇，整條防線都唔係有心裝。如果係想裝，當杜沙特一俾波果下，應該會幾個人一齊回追再舉手，而唔係事後先舉。呢個失波除左中前場又係太輕易斷纜，費特冇保護到禁區頂都有責任。韋碧克既斜走加上杜沙特靚交，拉蘭拿既加速拉空，哥斯跟進伏兵尾柱，整個反擊流暢有效率，值得一讚！
半場更衣室風筒全開
下半場出黎，曼聯球員既表現有明顯改善。可能白禮頓領先兩球就決定先企穩後場防守，而曼聯係中場控制同創造攻勢有都有唔同，相信坦克式風筒不是流的。53分鐘作出第一次換人，由C朗入替費特踢番前鋒，將艾歷臣改踢逗後防中。此舉對整隊曼聯係攻守轉換同埋從後場組織有改善。艾歷臣個企位，走位幫波既意識，控制節奏都遠遠比麥湯文尼同費特強，亦解釋到點解坦克求購迪莊。當一梳理到中後場既組織，個波就上到前場去攻。一番努力下，靠住對方既烏龍係68分鐘追番一球。
可以換五個人啊 點解唔早D換
因曼聯拎番主導權亦控制到中場，白禮頓攻勢已經冇上半場咁銳利，迪基亞亦唔多需要出動。踢到78分鐘，坦克先再用雲迪碧克換入麥湯文尼。短短10分鐘到，已經見到雲迪碧克既拉扯，first-touch都帶動到曼聯進攻，創造到唔少攻勢。90分鐘，坦克再換入伊蘭加、加拿曹同馬拉斯亞加強攻力。可惜為時而晚，最後以二比一輸左比白禮頓。坦克首場以輸波告終。
總結
坦帥呢場排陣明顯係有問題。半場先失兩球，都未有係下半場立刻作出調整，要踢左8分鐘先換一個前鋒落場，再去到78分鐘先再換一人亦屬敗筆。新賽季可以換五個人既情況下，理應物盡其用。上半場麥湯同費特都踢到患得患失，梳爾係左路亦唔見得有任何建樹。失左兩球，就應該半場換入C朗係前場牽制對方防線再加梳爾去嘗試激活左路。當一追番球，就應該提早時間去換入冇乜貨賣既福仔同麥湯文尼與及缺態既辛祖。加拿曹、雲迪碧克同伊蘭加都同正選球員屬不同類型，唔係話換入黎一定追得和，但唔換就一定冇機會。雖然今場輸波，踢落亦唔係太好，但都有一個亮點。新兵中堅馬天尼斯今場踢得相當不俗，下路防守同佢出色既控球能力，確實大大加強左曼聯防守對方地面推進既能力同後場控球組織力，不過都有幾下俾對方明恰佢身高既傳中。如果防中仍未能補強，推佢踢上一格會係一個解決方法，另一個方法則係推艾歷臣落去踢。
經此一役，小弟相信下場作客賓福特，中場配置會有幾大改動；而前鋒線上亦要睇馬斯亞能否復出。C朗今仗後備出黎，除左有一下反跑突破越位再傳俾福仔外（最後都係越位）貢獻不多，但佢係前場既牽制力一定比艾歷臣好。如果要出艾歷臣，咁我寧願起用C朗，但坦克就要放棄前場既高壓逼搶。今場都係第一場波，但暫時我都認為球隊仍會處於爭奪頭四既位置。下場繼續努力！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/